24/12/2025
MOLAETSA WA KERESEMOSE
Baeteledipele ba kereke ya Eloyi le baphuthegi ba ba rategileng, ke a le dumedisa mo leineng la Morena wa rona Jesu Keresete. Amen!
Bagaetsho re tsile mo bokhutlong jwa ngwaga, paka e ka yone re ipelelang matsalo a Morena Jesu Keresete. Are yeng go ipela le ba malapa a rona, re abelane dimpho le lorato, mme re gakologelwe gape gore Keresemose ga se fela nako ya go ipela, mme ele nako ya nchafatso ya lorato la Modimo mo bathong ba one. Ke paka ya boitumelo e re gakololang gore tsholofelo mo Moreneng e feta diemo tsotlhe.
1 JOHANE 5:11, “Mme tshupo ke yone e, gore Modimo o re neile botshelo jo bo sa khutleng, mme botshelo joo bo mo go Morwa one”. Mme ka jalo mo go tse tsotlhe tse re kopaneng le tsone, re le kereke kgotsa ka b**gwefela jwa rona, e ke yone nako ya go leba kwa morago re gakologelwe fa ele ruri Keresete ele ene seikokotlelo sa rona.
MATHAIO 6:33, “Mme batlang pele bogosi jwa gagwe le tshiamo ya gagwe, mme dilo tsotlhe tse lo tlaa di okelediwa”. Ka jaalo a re tshwareleleng mo tumelong, re tukise lesedi la lorato le tsholofelo. Re tie mo thapelong go rapelela malapa a rona, kereke ya rona, gammogo le lefatshe. Re rapele kgatlhanong le dintwa, dikotsi tsa tsela, kgotsa bosula bope fela mme re rapelele kagiso le thokgano mo malatsing a. ke paka ya go ikhutsa le go leba se o se jwadileng gammogo le thobo ya ngwaga ele tsela ya go ipaakanyetsa paka e tlang
Baratwa mo Moreneng, are gakologelwen gape tirelo ya Kgaolo Ya Ngwaga, e ka yone re tla b**g re leboga mmogo mautlwelobotlhoko a Morena, re bo re neela ngwaga oo tlang mo go ene. Ba ba tsayang maeto, are ipabaleleng, re nne kelotlhoko mo tseleng, re bo re obamele matshwao a tsela.
Segofalang MaEloyi, le nne le malatsi a mantle a Keresemose le ngwaga o mosha!...
HIS HOLINESS ARCHBISHOP DR SEKAI JAKOBA
