የዱራሜ ስታዲየም ዙሪያ /ቃ/ሕ/ቤ/ያን

10/08/2026

"ወደ መጀመሪያ እንመለስ!" — የጤናማ ቤተክርስቲያን መለኪያዎችና የባህሪ መብሰል ጥሪ 📖✨

ዱራሜ - ነሐሴ 3/2018 ዓ.ም

በዱራሜ ስታዲየም ዙሪያ ቃለ ሕይወት ቤተክርስቲያን የዛሬው ማለዳ በዮሐናን ኳየር ድንቅ ዝማሬዎች የታጀበ፣ በቅዱስ ቁርባን የጌታ ፍቅር የታሰበበትና በብርቱ ቃል ማንነት የተመረመረበት ልዩ ዕለት ነበር። ✝️🍷


የዕለቱ መልእክት ይዘው የቀረቡት ረዳት ፕሮፌሰር ዶ/ር ታደሰ ቡናሮ ሲሆኑ በሐዋርያት ሥራ 2 እና 4 ላይ በመመሥረት፤ የዛሬይቱ ቤተክርስቲያን ካላስፈላጊ "ዲሪቶዎች" (ሰው ሠራሽ ልምምዶች) ራሷን አጽድታ ወደ ቀደመው ንጽሕናዋ እንድትመለስ በሚከተሉት ነጥቦች አሳስበዋል፦

✅ ቤተክርስቲያን "አንተና አንቺ" ናችሁ!
ቤተክርስቲያን ሕንጻ ሳትሆን አማኙ ራሱ ነው። እውነተኛ አምልኮ የሚጀምረው ከቤት ቤተክርስቲያን (ከቤተሰብ) መሆኑን በመጥቀስ፤ መሠረታችንም አለታችንም ክርስቶስ ብቻ ሊሆን እንደሚገባ ተመልክቷል።

✅ የጤናማ ቤተክርስቲያን መለኪያዎች፦
1. ፍቅርና አንድነት፦ ክርስቶስን የማያደምቅ ትምህርት ትምህርት አይደለም።
2. በመንፈስ ቅዱስ መመራት፦ በሰው ፍላጎት ሳይሆን በመለኮታዊ መሪነት መጓዝ።
3. ለቃሉ ትጋት፦ እንደ ማርያም በኢየሱስ እግር ሥር የመቀመጥ ጥማት።
4. ክርስቶስ ማዕከልነት፦ የሐዋርያት ትምህርት አንድ ነው፣ እርሱም ኢየሱስ ብቻ!

✅ ዕድገት በባህሪ ይለካል!
"መንፈሳዊ ዕድገት የሚለካው በልሳን ብዛት ሳይሆን በክርስቶስ ባህሪ መብሰል ሲሆን ነው" ያሉት ዶክተሩ፤ "ወንጌል ይዞ ወንጀል መሥራት" እንደማይገባ ገስጸው አማኞች ለእውነት እንዲታዘዙ ጥሪ አቅርበዋል።


እኛ የተባረክነው ለሌላው እንድንተርፍ ነው! ቤተክርስቲያን በአንድነት ጸንታ ለትውልድ ብርሃን እንድትሆን በታላቅ ምልጃና ጸሎት ፕሮግራሙ ተጠናቋል።

አብራችሁን ለነበራችሁ ቅዱሳን ሁሉ ጌታ ይባርካችሁ! ወደ ቀደመው ፍቅራችሁ የምትመለሱበት የተባረከ ሳምንት ይሁንላችሁ። ✝️🕊

👉 የሙሉ ትምህርቱን ቪዲዮ እዚህ ይመልከቱ፦ [https://web.facebook.com/share/v/1AddUtpnKA/]

📍 አድራሻ፦ ዱራሜ ስታዲየም ዙሪያ ቃለ ሕይወት ቤተክርስቲያን

08/08/2026

🔥 በጸሎት እንንቃ! — የነሐሴ እና የጳጉሜ የ35 ቀናት ልዩ የጸሎት ንቅናቄ 🙏✨

ዱራሜ - ነሐሴ 2/2018 ዓ.ም

ዓመቱን በድል ለመሸኘትና አዲሱን ዘመን በበረከት ለመቀበል ያለመው ልዩ የጸሎት መርሐ-ግብር በዱራሜ ስታዲየም ዙሪያ ቃለ ሕይወት ቤተክርስቲያን በታላቅ መንፈሳዊ ንቃት ቀጥሏል። የጸሎት ንቅናቄው እስከ ጳጉሜ 5/2018 ዓ.ም የሚቀጥል ይሆናል።

ለምን እንጸልያለን? 📖
- ከፈተና ለመጠበቅ፦ በሥጋ ድካምና በስንፍና እንዳንሸነፍ (ማቴ. 26:41)።
- ለማለዳ በረከት፦ ጌታን በጥዋት መፈለግ የድል ምስጢር ነው (ምሳ. 8:17)።
- ዝግ በሮችን ለመክፈት፦ በጸሎት የታሰሩት ይፈታሉ፤ ጋሬጣዎች ይወገዳሉ (ሐዋ. 12)።

"አንተ ታካች እስከ መቼ ትተኛለህ?" (ምሳ. 6:9) እንደሚለው ቃል፤ የሥጋን ድካም አሸንፈን፣ ዘወትር ማለዳ ከጠዋቱ 12:00 ሰዓት ጀምሮ በሚደረገው ጸሎት ላይ እንገኝ። ይህ ሰዓት መላ ሕይወትዎንና ዘመንዎን የመለወጥ መለኮታዊ ኃይል አለው!

ኑ! በጋራ እንትጋ፤ ትውልድንና ቤተሰብን በጸሎት እንጠብቅ።

📅 ጊዜ፦ ዘወትር ማለዳ ከጠዋቱ 12:00 ሰዓት ጀምሮ

📍 ቦታ፦ ዱራሜ ስታዲየም ዙሪያ ቃለ ሕይወት ቤተክርስቲያን

📤 መረጃው ለሁሉም እንዲደርስ Share በማድረግ የሰማያዊው ጥሪ ተባባሪ ይሁኑ! ✝️🕊

02/08/2026

የወንጌል ባለአደራ ነህ! — ከንጉሥ ካህንነት እስከ ነፃ አውጪነት! 📖✨

ዱራሜ - ሐምሌ 26/2018 ዓ.ም

በዱራሜ ስታዲየም ዙሪያ ቃለ ሕይወት ቤተክርስቲያን ዛሬ ማለዳ በታላቅ አምልኮ፣ በኪነ-ጥበብ ድግስና በብርቱ የጌታ ቃል ድምቀት ተከናውኗል።

ማለዳው በጽኑ ጸሎት ተከፍቶ፣ በጥምር ኳየር ዝማሬዎችና በሳሌም ድራማና ስነ-ፅሑፍ አስተማሪ ዝግጅቶች ጉባኤው በመንፈሳዊ መነቃቃት ጌታን አምልኳል።

አገልጋይ ፀጋዬ ጴጥሮስ በ1ኛ ጴጥሮስ 2፡9-10 እና በኢሳይያስ 61 ላይ በመመሥረት፣ አማኝ ሁሉ የወንጌል "ባለአደራ" መሆኑን በሚከተሉት ነጥቦች አብራርተዋል፦
✅ ልዩ ማንነት፦ አማኞች በክርስቶስ ደም የተገዙ "የንጉሥ ካህናት" እና "የተመረጠ ትውልድ" ናቸው። ከማይጠፋ ዘር የተወለድን ሰማያዊ ዜጎች በመሆናችን በወንጌል ልንመካ ይገባል።
✅ የወንጌል ግብ፦ ወንጌል የሚሰበከው ድሆችን (በመንፈስ የደኸዩትን) ለመርዳት፣ የታሰሩትን ለመፍታት፣ ዕውሮች እንዲያዩ፣ የተገፉት ነፃ እንዲወጡና የምሕረት ዘመን እንዲታወጅ ነው።
✅ የነፃ አውጪነት ሥልጣን፦ ጌታ እኛን ነፃ አውጥቶ ብቻ አላቆመም፤ "ነፃ አውጪዎች" አድርጎ ሾሞናል። የተሰጠንን ሰማያዊ ሥልጣን አለመጠቀም "ሊወገድ የሚገባ ስንፍና" መሆኑ ተገልጿል።

"ቀን ሳለ የላከኝን ሥራ ላደርግ ይገባል" እንደሚለው፤ የወንጌል ሥራ ጊዜ የማይሰጠው በመሆኑ አማኞች በጊዜውም አለጊዜውም ለወገናቸው ደራሽ እንዲሆኑ ጥሪ ቀርቧል።

የዕለቱ መርሃ-ግብር ለወንጌል አገልግሎት ራሳቸውን ለሰጡ ምእመናን ልዩ የድጋፍ ጸሎት በማድረግ በታላቅ በረከት ተጠናቋል።
አብራችሁን ለነበራችሁ ቅዱሳን ሁሉ ጌታ ይባርካችሁ! የተባረከ ሳምንት ይሁንላችሁ። ✝️🕊
📍 አድራሻ፦ ዱራሜ ስታዲየም ዙሪያ ቃለ ሕይወት ቤተክርስቲያን

02/08/2026

ሐምሌ 26/2018 ዓ/ም የእሁድ ማለዳ አምልኮ ፕሮግራም

02/08/2026

26/07/2026

"እግዚአብሔር ስለ እኔ አይደክምም!" — የማይለወጠው የቃል ኪዳን ታማኝነት 📖✨

ሐምሌ 19/2018 ዓ.ም

በዱራሜ ስታዲየም ዙሪያ ቃለ ሕይወት ቤተክርስቲያን የእሁድ ማለዳ አምልኮ፤ በማለዳ ጸሎት፣ በዘማሪት አበባየሁ የንስሐ ዝማሬዎችና በሕያው የጌታ ቃል በታላቅ በረከት ተከናውኗል።

የዕለቱን ትምህርት ያካፈሉን ወንጌላዊ ደገፈ ገዕኖሮ በዘፍጥረት 12 እና በኢሳይያስ 43 ላይ በመመሥረት፣ እግዚአብሔር ለልጆቹና ለቃል ኪዳኑ ያለውን ታማኝነት በሦስት ዋና ዋና ነጥቦች አብራርተዋል፦

1. የማይደክመው አምላክ፦ አብርሃም ምንም ተስፋ በማይታይበት የእርጅና ዘመንና ጣዖት በሚመለክበት ስፍራ ሳለ ቢጠራም፣ እግዚአብሔር ግን ስለ እርሱ አልደከመም። ያ የተስፋ ቃል ዘመናትን ተሻግሮ ዛሬ ለእኛ በረከት ሆኗል።

2. የታመነ ቃል ኪዳን፦ እግዚአብሔር ለአብርሃም የሰጣቸውን ሰባት ታላላቅ በረከቶች በራሱ ማንነት ተማምኖ እንደፈጸማቸው ሁሉ፤ ዛሬም ለባለ ራእዩ አማኝ "እግዚአብሔር ስለ እኔ አይደክምም!" የሚለው አዋጅ የጽናት መሠረት ነው።

3. አዲስ ነገርና መለየት፦ እግዚአብሔር በሕይወታችን "አዲስ ነገር" እንዲያደርግ (ኢሳ. 43፡18)፣ እኛም እንደ አብርሃም የጌታን ቃል ታዘን ከፊተኛው ልማዳችንና ካልተቀደሰ ማንነታችን ልንለይ ይገባል።

ወንጌላዊው በመዝጊያ መልእክታቸው፤ ሁሉን ቻይ የሆነው አምላክ በምድረ በዳ መንገድን፣ በበረሃም ወንዞችን እንደሚያደርግና ለደካሞች ኃይልን እንደሚጨምር (ኢሳ. 40፡28) በማስታወስ፤ እግዚአብሔር ቃል የሰጣችሁ ወገኖች ዞር ሳትሉ እንድትጸኑ አሳስበዋል። ጌታ ለቃሉ ታማኝ ነውና መምጣቱ አይዘገይም!

አብራችሁን ለነበራችሁ ቅዱሳን ሁሉ ጌታ ይባርካችሁ! የተባረከ ሳምንት ይሁንላችሁ! ✝️🕊

(ይህን አጽናኝ ቃል ለሌሎችም Share በማድረግ ያካፍሉ!) 👇

📍 አድራሻ፦ ዱራሜ ስታዲየም ዙሪያ ቃለ ሕይወት ቤተክርስቲያን

26/07/2026

📢 ታላቅ የምሥራች ለዱራሜ ከተማና አካባቢዋ ነዋሪዎች በሙሉ! 📖✨

"ትምህርታዊ ኮንፍራንስ፦ ከአርብ እስከ እሁድ ሙሉ ቀን!"

በዱራሜ ስታዲየም ዙሪያ ቃለ ሕይወት ቤተክርስቲያን የወጣቶች ኅብረት ያዘጋጀው "ትምህርታዊ ኮንፍራንስ" በተለያዪ ርዕሰ ጉዳዮች ልዪ መንፈሳዊ ሥልጠና ይዞላችሁ መጥቷል። በቃሉ የምንታነጽበትና በዝማሬ የምንታደስበት ይህ ታላቅ ጉባኤ እንዳያመልጥዎ!

🌟 ተጋባዥ አገልጋዮች፦
አገልጋይ ፀጋዬ ጴጥሮስ
አገልጋይ ምንዳዬ ዮሐንስ
ዘማሪት ፍሬህይወት አበባው

📅 ቀን፦ ከሐምሌ 24 - 26 ቀን 2018 ዓ.ም
⏰ ሰዓት፦ ከአርብ እስከ እሁድ (ሙሉ ቀን)
📍 ቦታ፦ ዱራሜ ስታዲየም ዙሪያ ቃለ ሕይወት ቤተክርስቲያን

ይህ ኮንፍራንስ ለሕይወታችሁ ትልቅ አቅጣጫ የሚሰጥ በመሆኑ፤ በእነዚህ ቀናት ሌላ ፕሮግራም እንዳትይዙና ቀኖቹን ለጌታ እንድትሰጡ በታላቅ አክብሮት እናሳስባለን።

ጉባኤው በእግዚአብሔር ክብር እንዲሞላና የብዙዎች ሕይወት እንዲለወጥ በጸሎት አብራችሁን እንድትቆሙ እንጠይቃለን።

"ኑ! አብረን እንማር፤ አብረን እንባረክ!"

📤 መረጃው ለሌሎች እንዲደርስ Share በማድረግ የወንጌል ተባባሪ ይሁኑ።

19/07/2026

"በወንጌል አላፍርም! — ከዱራሜ እስከ ናይጄሪያ የማይለወጠውን ወንጌል የማድረስ ታላቅ አደራ!" 📖✨

ዱራሜ - ሐምሌ 12/2018 ዓ.ም

በዱራሜ ስታዲየም ዙሪያ ቃለ ሕይወት ቤተክርስቲያን ዛሬ ሐምሌ 12 ቀን 2018 ዓ.ም የተካሄደው ሳምንታዊ የአምልኮ መርሃ-ግብር በማለዳ ጸሎት፣ በኤፍታህ ኳየር ዝማሬና በወንጌል ተልዕኮ ንቅናቄ በታላቅ መንፈሳዊ ድምቀት ተከናውኗል።

ዕለቱ በቤተክርስቲያኗ ሥርዓት መሠረት በወር አንድ ጊዜ የሚከናወነው "ወደ ናይጄሪያ እንሂድ!" የተሰኘው የወንጌል ማስፋፊያ መርሃ-ግብር የተከናወነበት ሲሆን፤ መላው ጉባኤ ወንጌልን ለአለም ለማድረስ ያለውን ጽኑ ፍላጎት በኪሱ ያለውን ሀብት ለጌታ ሥራ በደስታ በመስጠትና ጌታን በማምለክ ገልጿል።

የዕለቱን የእግዚአብሔርን ሕያው ቃል ይዘው የቀረቡት መጋቢ አየለ አይዜ ከአርባምንጭ ከተማ ሲቀላ ቃለ ህይወት ቤተክርስቲያን ሲሆኑ፤ በማርቆስ ወንጌል ምዕራፍ 16 ላይ በመመሥረት "በወንጌል አላፍርም" በሚል ርዕስ ጥልቅ ትምህርት ለጉባኤው አጋርተዋል። መጋቢ አየለ አይዜ "እግዚአብሔርን ፈልጉ ይገኝላችሁማል" በማለት፣ ጉባኤው ወንጌልን እስከ ናይጄሪያ ለማድረስ እያሳየ ያለው ቁርጠኝነት ሰማያዊ ዋጋ እንዳለው አብራርተዋል።

መጋቢው ስለ ቅዱስ ወንጌል ታላቅነትና አስፈላጊነት ያነሷቸው 3 ዋና ዋና ነጥቦች፦
1. የዘላለም ድነት ወንጌል፦
ወንጌል ኢየሱስ ክርስቶስ የጨረሰውና ሰውን ከዘላለም ሞት ወደ ዘላለም ሕይወት የሚያሻግር መሆኑ ተገልጿል። መዳን በሥራ ሳይሆን በጸጋ የተገኘ ስለሆነ ማንም እንዳይመካና ይህን ወንጌል ሳያፍር እንዲያገለግል ጥሪ ቀርቧል። "ክርስቶስ ካልተነሣ እንግዲህ ስብከታችን ከንቱ ነው" (1 ቆሮ. 15፡14) እንደሚለው፣ የትንሣኤው ኃይል የወንጌላችን መሠረት መሆኑ ተብራርቷል።
2. የማይለወጥ ወንጌል፦
በዚህ ዓለም ላይ ያሉ ታላላቅ አዋጆች፣ ኃያላንና መንግሥታት ሲደክሙና ሲለወጡ፤ ወንጌል ግን ዛሬም ያው እንደሆነ ተመልክቷል። አማኞች በሮሜ 1፡14-15 ላይ እንደተጠቀሰው ይህን ወንጌል ለሰዎች የመናገር "ዕዳ" እንዳለባቸውና እስከ ጌታ ዳግም ምጽዓት ድረስ በታማኝነት መሥራት እንደሚገባቸው አጽንኦት ተሰጥቶታል።
3. ቅዱስ ወንጌል፦
ጌታ ኢየሱስ ለዘላለም ድነት የሆነውን ይህን ቅዱስ ወንጌል ከፀሐይ መውጫ እስከ መጥለቂያው ድረስ እንዲዳረስ ማዘዙ ተገልጾ፤ "ሳያዩ የሚያምኑ ብፁዓን ናቸው" የሚለው ቃል የዛሬው ዘመን አማኞች መመሪያ ሊሆን እንደሚገባ ተመልክቷል።

የዕለቱ መርሃ-ግብር መላው ምእመን በወንጌል አገልግሎት ላይ ያለውን ታማኝነትና ቁርጠኝነት በማደስ፣ በታላቅ በረከትና በጸሎት ተጠናቋል።

አብራችሁን ለነበራችሁ ቅዱሳን ሁሉ ጌታ ይባርካችሁ! ወንጌልን ሳታፍሩ የምታበሩበት የተባረከ ሳምንት ይሁንላችሁ። ✝️🕊️

📍 አድራሻ፦ ዱራሜ ስታዲየም ዙሪያ ቃለ ሕይወት ቤተክርስቲያን