Mosoj Chaski Ministries

19/12/2017

We will be closing this page in a few days... please look for us at Radio Mosoj Chaski.

24/10/2017

IMAPIS YACHAKUNPUNI
Ñawiriy: Salmo 51:1-19

Uj mamaqa iskay juch'uy qhari wawakunayoj kasqa. Chantá uj kuti chay mamaqa sandiata qhatumanta rantispa, wasinman apasqa. Chantá ujtawan qhatuman kutinan kasqa, chaypachataj mamankoqa chay iskay lloqallitunkunata nisqa: Wawasníy, ujtawan risaj qhatuman. Kay sandiataqa ama mikhunkichejrajchu; q'ayalla tataykichej chayamojtin, tukuyninchej mikhusun, nispa. Chayta niytawantaj, llojsisqa chay mamaqa. Tumpamantawantaj, chay ujnin lloqallitoqa nisqa: Kay sandiataqa munayman llamiriyta. Manachu uj chhikanta q'allurikusunman? nispa. Chay ujpis munallasqataj, jinataj uj chhikanta q'alluspa, llamirisqanku. May misk'i kasqanraykutajrí, ujtawan q'allullasqankutaj; jinamanta jinaqa tukuynin sandiata tukurparisqanku. Mamanku ama yachananpaj, sandíaj mujunta jawapi p'ampaykamusqanku. Chantá mamanku chayamojtin, paykuna llullakuspa willasqanku: B***o mikhurparisqa, nispa. Uj iskay semanamantarí uj p'unchay chay mamaqa rikusqa chay sandía mujusqa p'uturamusqankuta. Chayta rikuytawan, wawankunata wajyaspa, chayta rikuchisqa, rikuchiytawantaj ujtakama seq'osqa: Chayqa mana kasuwasqaykichejmanta, nispa. Chaymantataj ujtawanpis seq'ollasqataj: Kaytaj llullakuwasqaykichejmanta, nispa. Arí, cheqamanta jallp'a urapi ruwasqapis yachakunpuni. Diosrí ima juchanchejtapis rikunpuni.

Ima ruwasqanchejtapis mashkha unaytapis atisunman
pakayta; Diostajrí tukuy ima ruwasqanchejta rikuwanchej.

16/10/2017

CH'UWA SONQO KAYTA RUNAKUNAMAN REJSICHINA
Ñawiriy: 2 Corintios 7:2-7

Uj kutipi Jesucristopi creej uj qhariwarmeqa uj llajtaman risqanku, chaypi tiyakojkunaman willanankupaj Jesucristomanta. Chantá chay qhariwarmej kawsayninta qhawaspa, chay runakuna mayta t'ukusqanku. Nisqanku: Jaqay qhariwarmeqa Jesucristorayku qhatiykachasqa kanku, chejnisqa kanku ima. Chay jina llakiypi kaspapis, paykunaqa Diosta jatunchashanku: Pachi wiñay kawsayta qowasqaykumanta, nispa. Chay qhariwarmi jina ñak'ariypi kashaspa, Diosta jatunchasqankoqa mayta t'ukuchisqa chay runakunata. Kunan t'ukurina imaynatachus apóstol Pablopis Diospaj llank'arqa, chayllamantataj. Pay ñak'ariypi kashajtin, Dios payta yanaparqa hermanokunaman yachachinanpaj ch'uwa sonqowan, uyarejkuna creeyninkupi kallpachasqa kanankupaj. Apóstol Pablo may jinata ñak'arerqa Diospaj llank'ashaspa: Llakiykunawan, wañuchinapaj qhatiykachasqa kaywan, nanaywan chantá imaymana mana allin kajwan ima. Chaywanpis payqa Diosta jatunchallarqapuni. Apóstol Pablota ñak'ariypi Tata Diosta jatunchajta rikorqanku chay hermanokunaqa, jinataj maytapuni kallpachakorqanku, tukuy llakiykunata atipanankupaj kawsayninkupi Diospi creesqankurayku. Qanrí, hermanóy, imatataj ruwanki llakiypi kashaspa? Diospa contrantachu rimanki? Chayrí Diosta jatunchankichu Paypa makinpi kashasqaykita yachaspa.

Llakiykunapi kashaspa, ama Diospaj phiñakuspa Paymanta karunchakuychu, manachayqa astawan qayllaykuy.

11/10/2017

TUKUY KAWSASQANCHEJTA QHAWANA
Ñawiriy: Salmo 103:1-14

Uj kutipi pastorqa hermanokunata tapurisqa: Imaynatataj kunan p'unchaykama kawsakunkichej, hermanosníy? nispa. Chay hermanokunataj willasqanku wakin kutipi llakiy kawsayta kawsasqankuta. Diospa jatun yanapayninwan kusisqa kawsasqankutaqa qonqapusqanku; llakiy kajllata willasqanku pastormanqa. Chantá chay pastorqa chay hermanokunata nisqa: Sapa p'unchaychu jina llakiypi kawsankichej, hermanos? nispa. Hermanokunataj t'ukuriytawan, kutichisqanku: Mana, wakin kutillapi llakisqaqa kawsayku, wakin kutipitaj may kusisqa kawsayku Diospa yanapayninwan, nispa. Kawsayninchejpeqa ashkha kutita qonqapunchej mana yupay atinata Diospa yanapayninta jap'isqanchejta. Chay hermanokunaqa qonqapusqanku Diospa yanapayninta jap'isqankuta, llakiypi kasqankumanta paykunaqa yuyarikusqanku. Wakin kutipi llakiykunapi kawsasqanchejta yuyananchejtaqa walej kanman Diospa jatun yanapayninta sapa p'unchay jap'isqanchejta yuyananchej mana qonqaspa. May jina llakiy kawsaypi kashajtinchejpis, Tata Diosqa yanapawanchejpuni atipananchejpaj chay llakiykunata. Salmosta qhelqaj rey David nerqa: Salvawajninchej Diosqa bendecisqa kachun; sapa p'unchay llasa apayninchejta apaysishawanchej, nispa. Sichus Tata Diosta sapa p'unchay jatunchasun chayqa, llakiypi kawsasqanchej p'unchaykunataqa qonqapusun.

Diospa yanapayninta jap'isqaykita yupay,
amataj kawsayniykipi llakiykusqaykitaqa.

03/10/2017

MUNANMANCHU DIOS NOQANEJTA PAYPAJ LLANK'AYTA?
Ñawiriy: 1 Corintios 1:26-31

Tata Diospaj llank'anaqa mana may yachayniyoj runakunallapajchu kashan, astawanqa pikunachus pisipaj qhawasqa kaspapis, Diospaj llank'anapaj sonqoyoj kanku, chaykunapajpis kashallantaj. Runa kayninchejpi Tata Diosta nisunman: Noqaqa ni imapis kanichu, mana imatapis ruwayta yachanichu, ashkha kutipi pantaykuni; chaywanpis cheqamantachu noqanejta Qanpaj llank'awaj, Diosníy? nispa. Chay tapuyman kuticheyqa Diosmanta Qhelqasqapi kashan. Moisesqa atiyniyoj runakunawan parlayta manchachikorqa; iskayrayaj runa karqa. Chaywanpis Diospa yanapayninwan t'ukuna imakunata ruwarqa. Tata Diosqa michejkunata, challwirikunata, chajrata tarpoj runakunata ima ajllakorqa Paypaj llank'anankupaj chantá nisqanta qhelqanankupaj ima. Jinallataj k'ulluta llajllaj runa, mana kasu ruwana sipas ima Diospa Churintapis uywarqanku. Kunanpis Diosqa chay jina runakunanejta llank'ashallantaj. Mana ñawiriyta yachaj uj campo warmeqa evangeliota atin willarayta, wakinkunataj creenku. Mana institutopi estudiayta atej uj hermanoqa Jesucristoj ujnin iglesianta michiyta atin, chay iglesiataj wiñan. Ashkha tapukunchej: Atiymanchu Diospaj imatapis ruwayta? nispa. Tata Diostaj kutichiwanchej: Noqaqa ajllakuni wampupaj qhawasqa kajta yachayniyojkunata p'enqachinanpaj, nispa. Diosqa pisipaj qhawasqa runakunatapuni ajllakun Paypaj llank'ananchejpaj.

Yachayniyoj runakunaj qhesachasqan runakuna atinchej
t'ukuna ruwaykunata ruwayta Diospa yanapayninwan.

19/09/2017

DIOSPA MANKA RUWANAN T'URU KANCHEJ
Ñawiriy: Jeremías 18:1-10

Profeta Jeremiasqa Diosmanta yachakorqa ashkhata manka llut'a runaj wasinpi. Pay rikusqa chay manka llut'a runata t'urumanta k'achitu mankata ruwashajta, chantá ruwashajtin, chay mosoj mankaqa ñat'uykukusqa. Chay manka llut'aqa watejmanta t'uruman tukuchisqa, chay mankata ruwasharqa chaytaqa, chantá waj jina mankata ruwasqa munayninman jina, Jeremías qhawashajtin. Chayman rijch'asqata Diosqa kawsayninchejta cheqanchan mana walej ruwaykunamanta. Sapa kuti Diosqa munayninman jina cheqanchashan kawsayninchejtaqa. Mana walej ruwayninchejmanta k'amiwanchej, yachachillawanchejtaj allin ruwaykunata ruwayta. Chantapis chay manka llut'a runaqa mana manchachikuspa makinwan q'allperqa chay t'urutaqa. Kikillantataj Tata Diosqa atiyninwan kawsayninchejta munayninman jina apaykachan, allin kawsayniyoj kananchejkama. Chantá Diosqa rikorqa uj Salvajta necesitasqanchejta juchanchejmanta kacharichinawanchejpaj, chaypajtaj kachamorqa Churinta juchanchejrayku cruzpi chakatasqa wañunamnpaj. Jesucristota Salvawajninchejpaj rejsikapusqanchejmantapacha mosoj kawsayniyoj kanchej, chay mosoj kawsayninchejtataj Tata Dios cheqanyachin munasqanman jina, Jesucristoj rijch'ayninman. Dios kashan manka llut'ajkunaj yachachejnenqa.

Kawsayniykita jayway Diosman, Paytaj kawsasqaykimanta aswan walejta kawsachisonqa.

05/09/2017

The staff is recording a dramatized version of the book of Acts these days. I´m sure they would appreciate your prayers.

20/08/2017

06/06/2017

Please pray with us that we will be able to find a source of economical, reliable radios that receive our frequency. The solar powered Galcom radios are difficult to get into the country and the price of customs and shipping puts the price up too high for most Quechuas to afford.

03/05/2017

A 4 person team from Mosoj Chaski took a 10-day, 2000 km. trip to 10 different places. They sold many books and Bibles, and spoke in different churches, promoting the ministry of the radio. We thank God for His watch care over the team as they traveled.

29/03/2017

We are preparing to celebrate the 18th anniversary of Radio Mosoj Chaski on the 8th of April. It will be a full day of activities with many people visiting our facilities to hear special speakers, share a meal, and be a part of our live broadcast.

02/02/2017

We have started airing a new program on Sunday mornings called ¨Diopsa Kamachiyninpi Kawsanachej¨, which roughly translated means, ¨Let´s live in God´s Kingdom¨. It´s a chronological study through the Bible. You can listen in via the ¨Listen Live¨ button on our web page... www.mosojchaski.org