05/08/2026
w' ry' rw'
Kuri uyu wa kabiri 04/8/2026 mw'isengero rya Paroisse Makamba niho hatangwa inyigisho zibiri zigenewe urwaruka rwitavye ihwaniro. Inyigisho ya mbere yatanzwe n'Umwungere wa Diocèse ya Ngozi , ( Twibukanye ko iyo nyigisho yari ijambo ngenderwako ryaranze igisabisho c'imisi icenda ca Neuvaine ya Pentecôte 2026 caberete mu ma Paroisses yose agize Diocèse ya Ngozi) Inyigisho ya kabiri yatanzwe n'Umwungere wa Diocèse ya Rutana . Inyuma y'izo nyigisho urwaruka rwarabajije ibibazo bijanye baraheza barahabwa inyishu zitomoye. Inyuma y'inyigisho hakurikiye imisa yasomwe n'Umwungere wa Diocèse ya Muyinga ari nawe arongoye Inama y'abepiskopi Gatorika b'i Burundi arikumwe n'abandi Bungere b'ama Diocèses ya Bubanza, Bururi, Gitega, Ngozi, Ruyigi na Rutana kumwe n'abasaserdoti batari bake harimwo abaherekeje urwaruka rukomoka mu ma Diocèses atandukanye. Inyuma y'Imisa abitavye ihwaniro barasangiye akavunamusase hanyuma isaha icenda (15h00)gushika isaha icumi n'imwe (17h00)hakurikira ugushengerera Yezu mu Karisiya n'Isakaramentu ry'ikigongwe Ku bavyipfuza. Urwaruka rubona kwerekeza mu miryango yabakiriye. Ihwaniro rirabandanya kuri uyu wa gatatu. Tukabandanya tubashikiriza uko biriko biragenda. Murashobora kandi Ku ikurikirana ikibiriraho kuri Radio Mariya Burundi.
