Radio Maria Burundi

03/05/2026

IJAMBO RY'UMUKAMA

🗓️ indwi ya 5 ya Pasika, ku wa mbere

📖 IGISOMWA CA MBERE

📜 Ivyo dusoma mu gitabu c’Ibikorwa vy’Abatumwa (14, 5-18)

Muri irya misi, abanyamahanga n’Abayuda barongowe n’abatware bagomba kugirira nabi Pawulo na Baranaba n’ukubatera amabuye. Abatumwa babibonye gutyo, bahungira mu bisagara vya Likawoniya, i Listra, i Derbe no hafi yaho. Haba ari ho bigishiriza Inkuru nziza. I Listra hariho umuntu yamugaye amaguru agacika nk’ibiti, yari yavutse ari ikimuga, ntiyari bwigere atambuka nk’abandi na rimwe. Yari yicaye yumviriza ingene Pawulo yigisha; Pawulo amwitegereje kandi abonye ko afise ukwemera kwomukiza, aca ashira ijwi hejuru amubwira ati: «Va hasi, uhagarare!» Buno nyene, ca kimuga kiva hasi kirahagarara, gitangura n’ugutambuka. Abanyalikawoniya babonye ivyo Pawulo ahejeje kugira, baca bashira ijwi hejuru mu rurimi rwabo bati: «Imana zitumanukiyemwo zishushanije n’abantu.» Baranaba bamwita Zewusi Pawulo na we bakamwita Hermesi, kuko ari we yigisha cane. Umuherezankuka yashinzwe Zewusi wo kw’irembo ry’igisagara, ahazana ibimasa bisharijwe ngo abitangeko inkuka. Kandi ivyo bari babigiye inama n’ishengero. Pawulo na Baranaba ngo baze kuvyumva, batabura ivyambarwa vyabo, hanyuma baca biruka imbere ya rya shengero, baribwira bati: «Emwe mwa bantu, mugira iki ngaho? Na twebwe turi abantu nkamwe, abatumwe kubigisha guheba vya bigereranyo vyose bitagira akamaro kugira ngo muhindukirire Imana nzima, yo yaremye ijuru n’isi, ibiyaga n’ibirimwo vyose. No kuva kera, yararetse ibihugu vyose ngo bikurikire inzira zavyo. Ariko nticayibujije kwimenyesha ku vyiza yakora, ikabaha imvura n’ibihe bimera, canke ikabaronsa ivyokurya n’ibindi bibatera akanyamuneza.» Barahaboneye amakuba, kugira ngo babuze iryo shengero gushikana izo mbagwa.

```Iryo ni Ijambo ry’Umukama.```

📖 IZABURI 113 B (115) 1-2, 3-4, 15-16

📜 Icit. Ntubigirire twebwe, Mukama! Yamara ninahaza izina ryawe! Canke: Aleluya.

Ntubigirire twebwe, Mukama, ntubigirire twebwe, yamara ninahaza izina ryawe kubera urukundo rwawe n’ukuri kwawe. Ni kuki abanyamahanga botwiyaga umugani ngo: «Mbega Imana yabo iri hehe?»

Imana yacu yo mw’ijuru ikora ivyo ishaka vyose. Ibintazi vyabo vyacuzwe mu nzahabu n’ifeza gusa, ni ivyahinguwe n’abantu.

Muragahezagirwe n’Umukama, We yaremye ijuru n’isi. Ijuru ni iry’Umukama, ariko isi yo yayigabiye abana b’abantu.

📖 INKURU NZIZA

🎼 Aleluya

📑 Ko mwazukanye na Kristu, rondere i vyiza vy’ijuru, aho Kristu avyagiye iburyo bw’Imana.

🎼 Aleluya

📖 Ivyo dusoma mu Nkuru nziza ya Yezu Kristu nk’uko yashikirijwe na Yohani (14, 21-26)

Muri irya misi, Yezu yabwiye abigishwa biwe ati: «Uwakira amabwirizwa yanje akayazigama, ni we ankunda; na we uwunkunda azokundwa na Data, nanje nyene nzomukunda nongere ndamwimenyeshe.» Yuda — atari Isikariyoti — amubwira ati: «Mukama, bite, ko ari twebwe uza kwimenyesha atari isi?» Yezu aramwishura ati: «Uwunkunda azozigama ijambo ryanje, na Data azomukunda, duheze tuze iwe tumugire ingoro yacu. Uwutankunda ntazigama amajambo yanje; bisubiye, iryo mwumva mvuga si iryanje, ni iryo Data yantumye. Ivyo ndabibabwiye tukiri kumwe. Ariko wa Mutabazi, Mutima mweranda Data azorungika kw’izina ryanje, ni we azobigisha vyose yongere abibutse ivyo nababwiye vyose.»

```Iryi ni Ijambo ry’Umukama.```

03/05/2026

IJAMBO RY'IMANA RYO KU WA MBERE, INDWI YA 4 YA PASIKA MU NSIGURO YA Patiri BIREHA Desire
𝗜𝗷𝗮𝗺𝗯𝗼 𝗿𝘆'𝗜𝗺𝗮𝗻𝗮
Radio Maria Burundi

03/05/2026

UBUHINGA BWA NONE MUGUHANAHANA AMAKURU NO KUBUNGABUNGA IBIDUKIKIJE N'INKINGI ZIBIRI Z'AMAHORO

03/05/2026

Ubuhinga bwa none bwo guhanahana amakuru bufashanya gute mukubunganunga amahoro n'ibidukikije?
Kurikirana ikiganiro inzira 'amahoro

https://www.youtube.com/live/7p4rALoV4Lw?si=bKWTecfRno4sHGUH

UBUHINGA BWA NONE MUGUHANAHANA AMAKURU NO KUBUNGABUNGA IBIDUKIKIJE N'INKINGI ZIBIRI Z'AMAHORO

03/05/2026

1 like. "Umusi w Umukama wa 5 wa Pasika wo mu mwaka A"

02/05/2026

IJAMBO RY'UMUKAMA

🗓️ umusi w’Umukama wa 5 wa Pasika (A)

```Umusi w’Umukama w’ubutumwa muri Ekleziya.```

📖 IGISOMWA CA MBERE

📜 Ivyo dusoma mu gitabu c’Ibikorwa vy’Abatumwa 6, 1-7

📑 (Batoye abantu indwi buzuye Mutima Mweranda)

1 Muri irya misi, abigishwa bariko baragwira, Abayuda baturuka mu Bugereki bidodombera Abahebereyi kavukire kuko, mu bikorwa vya misi yose, abapfakazi babo batitwararikwa. 2 Bamwe Icumi na babiri bākura abigishwa bose bababwira bati: «Ntibibereye yuko duheba Ijambo ry’Imana ngo twishinge ivyo kugaburira abantu. 3 None rero benewacu, nimwitorere muri mwebwe abagabo indwi bavugwa neza, buzuye Mutima Mweranda n’ubwenge, tuzobagenere ico gikorwa, 4 nayo twebwe twihebere ivy’ugusenga n’ugushikiriza Ijambo ry’Imana». 5 Iryo jambo rirahimbara ishengero ryose ryari aho. Baca batora rero Sitefano umuntu yuzuye ukwemera na Mutima Mweranda, Filipo, Porokori, Nikanori, Timoni, Parimenasi na Nikola w’i Antiyokiya yaheruka kwinjira mw’idini ry’Abayuda. 6 Babashira imbere y’abatumwa, bamaze gusenga, babagaranzurirako ibiganza. 7 Ijambo ry’Imana rero rirasagamba, igitigiri c’abigishwa kirongerekana cane i Yeruzalemu, ishengero rinini ry’abaherezankuka barayobokera ukwemera.

```Iryo ni Ijambo ry’Umukama.```

📖 IZABURI 33 1-2, 4-5, 18-19

📜 _Icit. Tweho nta kindi twishimira atari Izina ry’Umukama Imana yacu._

1 Tere impundu Umukama, mwa ntungane mwe, abagororotsi barakwiye kumushimagiza. 2 Kengurukire Umukama mu kuvuza ikembe, mumuririmbire mu kuvuza inanga y’imirya icumi. *_Icit._*

4 Nkako Ijambo ry’Umukama riragororotse, ibikorwa vyiwe vyose biri mu kuri. 5 Akunda ubutungane n’ingingo, isi yuzuye ubuntu bw’Umukama. *_Icit._*

18 Ehe, ijisho ry’Umukama rihora ku bamwubaha, kuri abo bizigiye ubuntu bwiwe, 19 kugira ngo arokore ubuzima bwabo abakize urupfu, kandi ababesheho mu gihe c’amapfa. *_Icit._*

📖 IGISOMWA CA KABIRI

📜 Ivyo dusoma mw’ikete rya mbere ry’umutumwa Petero 2, 4-9

📑 (Namwe muri umuryango witorewe n’Imana, mufise ubuherezankuka cami)

Ncuti zanje, 4 nimumwegere, we rya buye rizima ryashibuwe n’abantu ariko ryashimwe rikagira igiciro mu maso y’Imana, 5 namwe rero nimumere nk’amabuye mazima, mube amabuye y’iyo nyubakwa ya Mutima, muronke ubuherezankuka bweranda, kugira ngo muhereze imbagwa muri Mutima, zishimisha Imana, ku bwa Yezu Kristu. 6 Nanone Ivyanditse bivuga biti: «Nzoshira muri Siyoni ibuye ry’iremezo ryashimwe kandi ry’agaciro, uwuzoryishimira ntazoteterwa». 7 Mwebwe rero abemera, iteka ni rwanyu. Ariko ku batemera bo, iryo buye ryatawe n’abubatsi, ni ryo ryabaye ishimikiro ry’imfuruka, 8 riba ibuye ribatsitaza n’urutare banyererako. Batsitara kuko batemera ijambo, kandi noneho ni co bari bagenewe. 9 Mweho muri umuryango witorewe n’Imana, mufise ubuherezankuka cami, muri igihugu ceranda, mukaba n’icibare c’Imana kugira ngo mumenyeshe ibitangaza vy’uwabakuye mu mwijima, akabashira mu muco w’akatabonetse.

```Iryo ni Ijambo ry’Umukama.```

📖 INKURU NZIZA

🎼 Aleluya, Aleluya

📑 Umukama yavuze ati: «Jewe ndi inzira, ukuri n’ubuzima, nta wuja kwa Data atanciyeko». (Yohani 14, 6)

🎼 Aleluya

📖 Ivyo dusoma mu Nkuru Nziza ya Yezu Kristu nk’uko yashikirijwe na Yohani 14, 1-12

📑 (Jewe ndi inzira, ukuri n’ubuzima)

Mu gihe yari mu kuva kuri iyi si ngo asubire kwa Se wiwe, Yezu yabwiye abigishwa biwe ati: 1 «Ntimusimbwe n’umutima! Nimwemere Imana na jewe munyemere! 2 Mu ngoro ya Data, hari ibibanza vyinshi. Iyo bitaba ivyo, mba ndababwiye ko ngiye kubategurira ikibanza? 3 Ninamara kugenda nkabategurira ikibanza, nzoheza ngaruke, ndabajane hafi yanje, kugira ngo ah ondi habe ari ho muba namwe. 4 Kandi aho nja, murazi inzira irorayo». 5 Toma amubwira ati: «Mukama, ntituzi iyo uja, inzira irorayo twoyimenya dute»? 6 Yezu aramwishura ati: «Jewe ndi inzira, ukuri n’ubuzima. Nta wuja kwa Data atanciyeko. 7 Ko mwamenye, muzomenya na Data. Ubu bwa none muramuzi kandi mwaramubonye». 8 Filipo amubwira ati: «Mukama, twereke Data, bizoba bibaye». 9 Yezu aramwishura ati: «Aho twabaniye, nturamenya ga Filipo? Uwumbonye aba abonye Data. Ushobora kuvuga ute uti: “Twereke Data”? 10 Mbega ntiwemera ko ndi muri Data na we Data akaba muri jewe? Amajambo ndababwira sindayavuga ndayitumye, ni Data aba muri jewe yigirira ibikorwa vyiwe. 11 Ni ukuri nimunyemere! Jewe ndi muri Data, na we Data akaba muri jewe. Cenke, mutemeye ivyo mvuga, mupfume muvyemera ku bw’ibi bikorwa nyene. 12 Ni ukuri, ni ukuri ndabibabwiye, uwunyemera azokora na we nyene ibikorwa nkora; ndetse azokora n’ibiruta, kuko ngiye kwa Data».

```Iryo ni Ijambo ry’Umukama.```

02/05/2026

IJAMBO RY'IMANA RYO KU DOMINIKA YA GATANU YA PASIKA MU NSIGURO YA Patiri NTAKARUTIMANA Leonidas
𝗜𝗷𝗮𝗺𝗯𝗼 𝗿𝘆'𝗜𝗺𝗮𝗻𝗮
Radio Maria Burundi

01/05/2026

IJAMBO RY'UMUKAMA

🗓️ Indwi ya 4 ya Pasika, ku wa gatandatu

📖 IGISOMWA CA MBERE

📜 Iyo dusoma mu gitabu c’Ibikorwa vy’Abatumwa (13, 44-52)

Kw’isabato ikurikira, igisagara nka cose kirakorana ngo cumve ijambo ry’Imana. Abayuda ngo babone ico gihugu cose, bavyura ishari, batuka Imana, bahinyuza Pawulo mu vyo yavuga vyose. Pawulo na Baranaba barashira amakenga, bababwira bati: «Ni mwebwe mwabwirizwa kubwirwa ubwa mbere ijambo ry’Imana, none ko muryanse, mukaba ari mwebwe nyene mwigaye mubonye ko mudakwiriye ubuzima budahera, hinge twigire mu bapagani. Kuko ari ko Umukama yadutegereje ati: Nagutoye ngo ube umuco w’intara kandi ujane ubukiriro hose gushika ku mpera z’isi.» Abapagani bumvise ayo majambo baranezerwa, baninahaza ijambo ry’Umukama, n’abo bose bari bagenewe ubuhirwe budahera baca baremera. Na ryo ijambo ry’Imana rikwira igihugu cose. Ariko, abagore n’abapfasoni bakunda Imana n’abakuru b’igisagara, bohejwe n’Abayuda, bagirira nabi Pawulo na Baranaba, barabirukana babakura mu ntara yabo. Pawulo na Baranaba na bo babikunkumurirako inkungugu yari ku birenge vyabo, bigira muri Ikoniya. Abigishwa na bo bari buzuye akanyamuneza na Mutima Mweranda.

📖 IZABURI 97 (98) 1, 2-3a, 3b-4

📜 Icit. Isi yose yariboneye wa Mukiza Imana yaduhaye. Canke: Aleluya.

Vyinire Umukama akavyino gashasha, kuko yakoze ibitangaza; urukiza turukesha We, ruva mu kuryo kwiwe kweranda.

Umukama yaramenyesheje intara z’amahanga yuko ari we akiza kandi yuko ari we ntungane; yaributse ingene yakunze n’ingene atazohemukira umuryango w’Israyeli.

Ba kavantara bose bariboneye ingene Imana yacu ikiza. Wa si iyo uva ukagera, komera amashi Umukama, samiriza akanyamuneza.

📖 INKURU NZIZA

🎼 Aleluya

📑 Ni ivy’ukuri turavyiyiziye: Kristu yarazutse. Mwami, Nyeninganji, tuzigame mu rukundo rwawe.

🎼 Aleluya

📖 Ivyo dusoma mu Nkuru nziza ya Yezu Kristu nk’uko yashikirijwe na Yohani (14, 7-14)

Muri irya misi, Yezu yabwiye abigishwa biwe ati: «Ko mwamenye, muzomenya na Data. Ubu bwa none, muramuzi kandi mwaramubonye.» Filipo amubwira ati: «Mukama, twereke Data, bizoba bibaye!» Yezu aramwishura ati: «Aho twabaniye, nturamenya ga Filipo we? Uwumbonye aba abonye Data. Ushobora kuvuga ute, uti: “Twereke Data?” Mbega, ntiwemera ko ndi muri Data na we Data akaba muri jewe? Amajambo mbabwira sindayavuga ndayibwiye: ni Data aba ari muri jewe yirangurira ibikorwa vyiwe. Ni ukuri nyemere! Jewe ndi muri Data, na we Data akaba muri jewe; canke, nimupfume muvyemera ku bw’ibi bikorwa nyene. Ni ukuri ni ukuri ndabibabwiye: uwunyemera azokora na we nyene ibikorwa nkora; ndetse azokora n’ibiruta, kuko ngiye kwa Data; nkaba nzogira ivyo muzosaba kw’izina ryanje vyose, kugira ngo Data aninahazwe muri Mwana. Nimwagira ico musaba kw’izina ryanje nzogikora.»

01/05/2026

IJAMBO RY'IMANA RYO KU WA GATANDATU, INDWI YA 4 YA PASIKA MU NSIGURO YA Patiri NDUWIMANA Olivier
𝗜𝗷𝗮𝗺𝗯𝗼 𝗿𝘆'𝗜𝗺𝗮𝗻𝗮
Radio Maria Burundi

01/05/2026

IJAMBO RY'UMUKAMA

🗓️ *_indwi ya 4 ya Pasika, ku wa gatandatu

📖 IGISOMWA CA MBERE

📜 Ivyo dusoma mu gitabu c’Ibikorwa vy’Abatumwa (13, 44-52)

Kw’isabato ikurikira, igisagara nka cose kirakorana ngo cumve ijambo ry’Imana. Abayuda ngo babone ico gihugu cose, bavyura ishari, batuka Imana, bahinyuza Pawulo mu vyo yavuga vyose. Pawulo na Baranaba barashira amakenga, bababwira bati: «Ni mwebwe mwabwirizwa kubwirwa ubwa mbere ijambo ry’Imana, none ko muryanse, mukaba ari mwebwe nyene mwigaye mubonye ko mudakwiriye ubuzima budahera, hinge twigire mu bapagani.

Kuko ari ko Umukama yadutegereje ati: Nagutoye ngo ube umuco w’intara kandi ujane ubukiriro hose gushika ku mpera z’isi.» Abapagani bumvise ayo majambo baranezerwa, baninahaza ijambo ry’Umukama, n’abo bose bari bagenewe ubuhirwe budahera baca baremera. Na ryo ijambo ry’Imana rikwira igihugu cose. Ariko, abagore n’abapfasoni bakunda Imana n’abakuru b’igisagara, bohejwe n’Abayuda, bagirira nabi Pawulo na Baranaba, barabirukana babakura mu ntara yabo. Pawulo na Baranaba na bo babikunkumurirako inkungugu yari ku birenge vyabo, bigira muri Ikoniya. Abigishwa na bo bari buzuye akanyamuneza na Mutima Mweranda.

📖 IZABURI 97 (98) 1, 2-3a, 3b-4

📜 _Icit. Isi yose yariboneye wa Mukiza Imana yaduhaye. Canke: Aleluya.

Vyinire Umukama akavyino gashasha, kuko yakoze ibitangaza; urukiza turukesha We, ruva mu kuryo kwiwe kweranda.

Umukama yaramenyesheje intara z’amahanga yuko ari we akiza kandi yuko ari we ntungane; yaributse ingene yakunze n’ingene atazohemukira umuryango w’Israyeli.

Ba kavantara bose bariboneye ingene Imana yacu ikiza. Wa si iyo uva ukagera, komera amashi Umukama, samiriza akanyamuneza.

📖 INKURU NZIZA

🎼 Aleluya

📑 Ni ivy’ukuri turavyiyiziye: Kristu yarazutse. Mwami, Nyeninganji, tuzigame mu rukundo rwawe.

🎼 Aleluya

📖 _Ivyo dusoma mu Nkuru nziza ya Yezu Kristu nk’uko yashikirijwe na Yohani (14, 7-14)_

*Muri irya misi, Yezu yabwiye abigishwa biwe ati: «Ko mwamenye, muzomenya na Data. Ubu bwa none, muramuzi kandi mwaramubonye.» Filipo amubwira ati: «Mukama, twereke Data, bizoba bibaye!» Yezu aramwishura ati: «Aho twabaniye, nturamenya ga Filipo we? Uwumbonye aba abonye Data. Ushobora kuvuga ute, uti: “Twereke Data?” Mbega, ntiwemera ko ndi muri Data na we Data akaba muri jewe? Amajambo mbabwira sindayavuga ndayibwiye: ni Data aba ari muri jewe yirangurira ibikorwa vyiwe.

Ni ukuri nyemere! Jewe ndi muri Data, na we Data akaba muri jewe; canke, nimupfume muvyemera ku bw’ibi bikorwa nyene. Ni ukuri ni ukuri ndabibabwiye: uwunyemera azokora na we nyene ibikorwa nkora; ndetse azokora n’ibiruta, kuko ngiye kwa Data; nkaba nzogira ivyo muzosaba kw’izina ryanje vyose, kugira ngo Data aninahazwe muri Mwana. Nimwagira ico musaba kw’izina ryanje nzogikora.»

01/05/2026

2 likes. "ISABUKURU YA RADIO MARIA YAGENZE GUTE MU RUYIGI? NGUKU UKO MARIATHON 2026 IGIYE KUBANDANYA"

01/05/2026

ISABUKURU YA RADIO MARIA YAGENZE GUTE MU RUYIGI? NGUKU UKO MARIATHON 2026 IGIYE KUBANDANYA

Kurikirana ikiganiro cose aho Patiri Desire Bireha atuyagira uko urubanza rw'isabukuru y'imyaka 22 iheze rwagenze muri Diyoseze Ruyigi nuko 2026 igiye kugenda

2 likes. "ISABUKURU YA RADIO MARIA YAGENZE GUTE MU RUYIGI? NGUKU UKO MARIATHON 2026 IGIYE KUBANDANYA"