Eglise Methodiste Libre Paroisse Carama-Gahahe

Eglise Methodiste Libre Paroisse Carama-Gahahe "Une communauté ⛪️de foi accueillante🫂, centrée sur l'amour 💕de Dieu✨️et le service du prochain💫."

🔥, 24/05/2026Muzohabwa ubushobozi Mpwemu Yera ni yabazako; Ivyakozwe n’Intumwa 1:8Ijambo ry’ Imana ryashikirijwe na Pas...
26/05/2026

🔥, 24/05/2026

Muzohabwa ubushobozi Mpwemu Yera ni yabazako; Ivyakozwe n’Intumwa 1:8

Ijambo ry’ Imana ryashikirijwe na Past NYANDWI Leonidas ryari rishingiye ku nsiguro y’ ukuza kwa Mpwemu Yera ku batumwa ku musi wa Pentecote. Yerekanye ko uno musi duhimbaza isezerano ry’ Imana ryash*tse, aho abigishwa bahawe ubushobozi bwa Mpwemu Yera kugira bakore igikorwa c’ Imana ata bwoba.

Yasiguye ko ubwami bw’ Imana bugizwe n’ Umwami, territoire n’ ibwirizwa shingiro, kandi ko bugendera mu mitima y’ ababwakiriye. Yesu Kristo ni we Mwami w’ ubwo bwami kandi ni we atanga ubushobozi biciye kuri Mpwemu Yera.

Umusiguzi yibukije ko umuntu yuzuye Mpwemu Yera ashobora gutsinda ubwoba no gukora ibikorwa vyiza vy’ Imana, ariko uwutamufise arangwa n’ intege nke mu buzima bwo gusenga no mu rugendo rw’ ukwizera.

Ishengero rero ryahamagariwe gusaba Imana kurwuzuza Mpwemu Yera kugira ngo ribe ishengero rikomeye, rikora ivyiza kandi rigendera mu bugombe bw’ Imana.

🔥, 24/05/2026Muzohabwa ubushobozi Mpwemu Yera ni yabazako; Ivyakozwe n’Intumwa 1:8
26/05/2026

🔥, 24/05/2026

Muzohabwa ubushobozi Mpwemu Yera ni yabazako; Ivyakozwe n’Intumwa 1:8

26/05/2026

Kurikirana Ikiganiro MPEMBURA, mutegurirwa n' Ishengero Méthodiste Libre Paroisse Carama-Gahahe
................................................

Kuri Radio Voix d'Espoir-Ijwi Riremesha : MHz 94.3 & 107.8

Date : Mardi, le 26/05/2026

Séance: 11h00 - 11h30

Thème:
Gusenga Ni Inkingi Ihambaye y' Iterambere ry' Ishengero

Référence:
Yakobo 5:16; 1 Timoteyo 2:1-4

Invité :
SINDAYIGAYA Eric

M.N:
* Mushobora kwandika ubutumwa bugufi no gutelefona mukabaza canke mukunganira muciye kuri 62 22 55 96
* Mushobora kugira ico mushikirije mu kiganiro muciye ku rubuga rwa Facebook rw' ishengero Eglise Méthodiste Libre Paroisse Carama-Gahahe

🫵🔥
22/05/2026

🫵🔥

🔥🔥🔥🔥‼️Ku w' Imana wa 17 Rusama, 2026“Ni koko Uhoraho yadukoreye ibikomeye, natwe turanezerewe.” Zaburi 126:2-3Ijambo...
19/05/2026


🔥🔥🔥🔥‼️

Ku w' Imana wa 17 Rusama, 2026
“Ni koko Uhoraho yadukoreye ibikomeye, natwe turanezerewe.” Zaburi 126:2-3

Ijambo ry’ Imana ryashikirijwe n’ Umukozi w’ Imana IGIRANEZA Théogène ryari rishingiye muri Zaburi 126:2-3, ku civugo “Ni koko Uhoraho yadukoreye ibikomeye, natwe turanezerewe.”

Muri iri jambo, yibukije ishengero ko Imana yabakoreye ibikomeye vyinshi kuva kera gushika ubu. Yerekanye ko uko abantu basa uno musi atari ko bahoze, kuko ubuntu bw’ Imana bwahinduye ubuzima bwacu. Uko twari mu myaka ya kera, si ko tukimeze ubu, kuko Imana yagumye ikora ibikorwa vy’ ibitangaza mu buzima bwacu bwa misi yose.

Yashimangiye ko Imana yagiye irigaragaza biciye mu ndirimbo zitandukanye za Light Choir, zirangwa n’ ubutumwa bwuzuye urukundo rw’ Imana, ugukomeza imitima no kwigisha abantu kwizigira Uhoraho. Mu buzima bwacu, mu miryango yacu no mu vyo dutunze, Imana yagumye itugirira neza no kutwereka imbabazi zayo.

Umusiguzi yakomeje ahamagarira abakristo kutibagira ivyiza Imana yabakoreye, ahubwo ko bakwiye kuguma bayitazira no kuyisenga, bibuka ibikorwa vyayo vyinshi. Yibibukije ko Imana ari yo yazigamye abantu bayo, ikabagaburira, ikabambika ndetse ikabaha ivyo bakeneye mu buzima bwa misi yose.

Yarangije uwo mwanya atumirira abakristo gufata akanya ko gusenga no gushimira Imana ku bikorwa vyiza yabakoreye, no ku neza yayo idahera. Yabaremesheje gushima Imana no kuyiha icubahiro imbere y’ abantu bose, kugira ngo izina ryayo rigume rininahazwa.


🔥🔥🔥🔥‼️Ku w' Imana wa 17 Rusama, 2026“Ni koko Uhoraho yadukoreye ibikomeye, natwe turanezerewe.” Zaburi 126:2-3
19/05/2026


🔥🔥🔥🔥‼️

Ku w' Imana wa 17 Rusama, 2026
“Ni koko Uhoraho yadukoreye ibikomeye, natwe turanezerewe.” Zaburi 126:2-3


🔥"Ku w' Imana wa 17 Rusama, 2026_"Kuba Umukristo Ni Kuba Ufise Mpwemu Yera", *Yohana 20:19-22Muri iki gihe turi mu ndwi ...
17/05/2026

🔥"Ku w' Imana wa 17 Rusama, 2026
_"Kuba Umukristo Ni Kuba Ufise Mpwemu Yera", *Yohana 20:19-22

Muri iki gihe turi mu ndwi ya Pentekote, umukozi w' Imana Rév. Etienne MURISHI, yashikirije ijambo rifise umutwe ugira uti _"Kuba Umukristo Ni Kuba Ufise Mpwemu Yera"_, aho yishimikije amajambo aboneka muri _Yohana 20:19-22_.

Yesu Kristo yahaye intumwa ziwe ubushobozi buzobashoboza gukora neza no gush*tsa ivyo yabatumye; ubwo bushobozi bwari Mpwemu Yera w' Imana.
Ntushobora kwitwa umukristo udafise Mpwemu Yera ngo arongore intambuko zawe zose.

Zirikana ibi:

1. Nta gikorwa na kimwe dushobora kwishoboza tudafise Mpwemu Yera.
Ibikorwa vyose dukorera Imana si twebwe tuvyishoboza, tubishobozwa na Mpwemu Yera; ni we atuma bikunda kubw' icubahiro c' Imana.

2. Igitandukanya umukristo n' uwutari umukristo ni Mpwemu Yera.
Umukristo agomba kuba arimwo Mpwemu Yera w' Imana, amurongora mu vyo akora vyose, akaganza n' inyifato yiwe yose n' ubuzima bwiwe bwose.

3. Mpwemu Yera ni we aduhingura.
Iyo dukijijwe, tukavuka ubwa kabiri, Mpwemu Yera yinjira mu buzima bwacu, akaduhingura, akatworosha, tukaba abantu bahindutse rwose, tutakimeze nka kera.

None rero, twibuka ko tutakiri ab' isi, kuko twahawe Mpwemu Yera w' Imana ngo aturongore, bigatuma tubaho ubuzima butandukanye n' ubw' ab' isi.
Mbega urafise Mpwemu Yera? Mbega ubuzima bwawe burongorwa na Mpwemu Yera?
Senga Imana kugira ikomeze kukwuzuza ubushobozi bwa Mpwemu Yera, nawe urushirize gushingira intahe Kristo aho uri hose.


, ku wa 14 Rusama, 2026🔥_"Kwihanganira Umusalaba"Mariko 8:34, Matayo 27:32-46Ijambo ryashikirijwe kuri uno musi w' Iman...
14/05/2026

, ku wa 14 Rusama, 2026🔥
_"Kwihanganira Umusalaba"
Mariko 8:34, Matayo 27:32-46

Ijambo ryashikirijwe kuri uno musi w' Imana, hamwe n' umukozi w' Imana Pasteur Léonidas NYANDWI, ryari rifise icivugo kigira kiti _"Kwihanganira Umusalaba"_, aho yishimikije amajambo yo muri Mariko 8:34 na Matayo 27:32-46.

Kubw' iryo jambo zirikana ibi:

1. Kuba Ku musalaba.
Ukuba Ku musalaba kwa Yesu, kuraboneka igihe yabambwa ku musalaba, agahabwa ishusho nk' inkozi y' ikibi, arashinyagurirwa, mu gihe yari yarakoreye abantu ivyiza vyose bishoboka. Yarahemukiwe n' abari hafi yiwe, yaciriwe urubanza rw' akarenganyo imbere y' isinzi ry' abantu.
Ivyo ni bimwe mu bigaragaza ubuzima bw' umusabala Yesu yabayemwo. Yageze aho avuga ati "Mana, ni iki kikumpebesheje?"

Ivyo bihe bigoye ni bwo buzima bw' umusabala. Umukristo na we arabicamwo, akababazwa, akankwa, agahemukirwa, akarenganywa, mbere hakagera n'aho yibaza ati mbega Imana yarantaye! Ubwo ni ubuzima bwo ku musalaba.
Ni yo Mpamvu Yesu yavuze ati, umuntu ni yagomba kunkurikira, ni yikorere umusalaba wiwe ankurikire.

Iyo turi ku musalaba w' ibigeragezo, tukabona umenga Imana iracecetse, ariko Imana iba itubona, iduhozako ijisho ryayo naho biri uko.

2. Kwihanganira umusalaba.
Yesu Kristo azogaruka kujana abihanganiye ubuzima bw' umusalaba, bakawikorera, bakamukurikira.
Dugomba kwihanganira umusalaba w' ibigeragezo vyose, mu nzira bizananamwo zose.
Uko biri kwose, muri ubwo buzima bw' umusalama, turasabwa gukunda abansi bacu, guhezagira abatuvuma, kugirira neza abaduhama, no gusengera abadutoteza.

None rero, senga Imana iguhe izindi nkomezi zo kwikorera umusalaba wawe no kuwihanganira, gush*tsa aho Yesu Kristo azogarukira, akatujana kuruhukana na we ibihe vyose.


🔥🔥🔥🔥🔥🔥🔥🔥🔥🔥🔥🔥🔥🔥🔥🔥 w' Imana wa 10 Rusama, 2026"Hunga Uburake bw' Imana", Yesaya 5:1-7Ijambo ryashikirijwe kuri uno musi w...
13/05/2026

🔥🔥🔥🔥🔥🔥🔥🔥🔥🔥🔥🔥🔥🔥🔥🔥
w' Imana wa 10 Rusama, 2026
"Hunga Uburake bw' Imana", Yesaya 5:1-7

Ijambo ryashikirijwe kuri uno musi w' Imana, hamwe n' umukozi w' Imana Rév. Boniface NDAYIRAGIJE, ryari rifise icivugo kigira kiti _"Ico Ugomba Kuba Ugihabwa n' Ugukomera mu Kigeragezo"_, aho yishimikije amajambo aboneka mw _Itanguriro 39:7-9_.

Yesaya yavugishijwe ayo majambo ku gihugu c' ubuyuda mu ntumbero yo gukebura abantu ku vyaha vyabo, guhamagarira abantu kwihana, no kubatangariza imigambi y' Imana ku gihugu cabo no ku mahanga yose.

Igihugu c' Ubuyuda carangwa n ubusuma n akarenganyo, abantu bari kure y Imana cane, kandi hari iterabwoba rikomeye ry' ubwami bw' i Ashuri.

Ibice bikuru-bikuru biri muri ayo majambo:

1. Urukundo n' umwitwarariko vy' umuririmyi.
Umurimyi, mu rukundo yakunda uruzabibu rwiwe, yari yarakoreye ivyiza vyose bishoboka kugira ngo rumererwe neza, na rwo ruheze rwame ivyamwa vyiza. Ariko inyuma y' utwo twigoro twose, biranka, uruzabibu rwama ibijabija.
Uko ni ko Imana yagukunze, ikagukorera ivyo ukeneye vyose, ubeho neza mu mpande zose, kugira ngo nawe uyihambaze, ariko ubu iriko irakuraba, ikabura ikintu na kimwe ciza ikubonako coyinezereza.
Suzuma neza ivyamwa uriko urama mu buzima bwawe, urabe ko bihwanye n' ivyo Imana yari ikwitezeko.

2. Imana ibaza urubanza n' abantu bayo.
Imana mu bugororotsi bwayo, mu maso y' ivyabona vyinshi, igaragaza ugutsindwa kw' umukristo wese atariko arifata uko bibereye kandi ata co atari yarakorewe n' Imana kugira ngo abe umukristo mwiza.

3. Igihano uruzabibu ruzoronka.
Imana ivuga ishimitse ibijanye n' ibihano umukristo wese yanse kwumva, atifashe uko bibereye, atamye ivyamwa vyiza, nk' uko Imana yari ibimwitezeko, ko amaherezo yiwe azoba mabi cane, akababazwa cane.

4. Uruzabibu ico ari co, n' umurimyi ico ari co.
Umurimyi agereranywa n' Imana, uruzabibu na rwo ni abantu bayo, bakorewe ivyiza vyose, bakabwirwa ubutumwa bwiza, bagahabwa imigisha yose, ariko bikanka ko bagira ingeso nziza.

Mbega uno musi Imana iriko irakuraba, irakubonako ivyamwa vyiza, ingeso nziza, ubutungane, urukundo n' ibindi bikorwa vyiza?
Nimba atari ko biri, fata ingingo uhinduke, wemere Mpwemu Yera w' Imana akurongore, ngo wame imbuto nziza zikwiranye n' ukwihana.


w' Imana wa 10 Rusama, 2026🔥"Hunga Uburake bw' Imana", *Yesaya 5:1-7
13/05/2026

w' Imana wa 10 Rusama, 2026🔥
"Hunga Uburake bw' Imana", *Yesaya 5:1-7

Address

Bujumbura

Website

Alerts

Be the first to know and let us send you an email when Eglise Methodiste Libre Paroisse Carama-Gahahe posts news and promotions. Your email address will not be used for any other purpose, and you can unsubscribe at any time.

Shortcuts

Share

Category