Paroisse Rohero EMUBU

24/05/2026

"Mbega uko uvuga ko uri niko uri?"

Ico nico kibazo Umuvugabutumwa Réverien HAKIZIMANA yabajije abanyeshengero bari bakoraniye muri Paroisse Rohero #,mu bubwiriza bwa Bujumbura hari mu miga ya kabiri yabaye kur'uyu w'Imana igenekenezo rya 24,Rusama,2026.

Yifashishije amajambo aboneka muri Matayo 23:1-7 aho abo banyabwenge b'ivyanditswe ndetse n'abafarisayo bigisha neza ivyagezwe ariko ingiro yabo ikanyurana n'ivyo bavuga ndetse na Yohana 1:19-27, uwo muvugabutumwa ahanura abizera bose kwama na ntaryo bagerageza guhuza imvugo n'ingiro.

Yabandanije ahamagarira abari aho kwemera uko bameze no kutagerageza kugomba kwerekana ko ari abagororotsi mu maso y'abantu ariko vy'ukuri atariko bameze muri bo kugirango birinde ntibahave bamera nk'abanyabwenge b'ivyanditswe ndetse n'abafarisayo kuko ivyo bavuga kandi bigisha atari vyo bakora.

Yashishikaye ahanura abizera bose kwama na ntaryo bagerageza gushira mu ngiro Ijambo ry'Imana hambavu yo kurimenya kuko ari vyo bitunganye mu nyonga z'Uhoraho.

Yasozereye ahamagarira abari aho kurondera kwitandukanya n'ikibi cose maze bakemerera Umwami Yesu Kristo ngo aganze ubugingo bwabo kugirango bikunde bashobore kubaho ubuzima bw'ukuri buzira akanenge, aho imvugo yabo ijana n'ingiro.

24/05/2026

Ce dimanche matin, 24 mai 2026, les fidèles de l’EMUBU, paroisse Rohero, se sont réunis pour le service multilingue. La prédication était tirée de Luc 15:11-16, sous le thème : « Les conséquences néfastes mais aussi positives de la désobéissance à Dieu ».

Le prédicateur du jour, Esdras NDAGIJIMANA, a mis en lumière les conséquences de l’obéissance ainsi que celles de la désobéissance à Dieu, en se basant sur l’histoire du fils prodigue.

Dès le début de son message, le prédicateur a exhorté les fidèles à demeurer continuellement dans la présence de Dieu afin de vivre dans la paix.

Il a expliqué ensuite que lorsque l’homme se détache de Dieu, son Père céleste, il devient spirituellement perdu, sans direction ni véritable destinée. Il a comparé cela au jeune fils prodigue qui, après avoir quitté la maison de son père, fut durement frappé par la famine et la misère, comme le rapporte Luc 15:14.

Le prédicateur a également encouragé chacun à marcher dans l’obéissance envers Dieu, soulignant que la désobéissance peut entraîner de graves conséquences sur les plans spirituel, social, moral et même physique. Il a rappelé que celui qui résiste à la volonté de Dieu risque de devenir esclave du péché et des œuvres du diable.

Poursuivant son enseignement, il a montré qu’après la chute de l’homme, l’introspection, la repentance et le retour vers Dieu produisent des conséquences positives. En effet, lorsque le fils prodigue est revenu à lui-même et a décidé de retourner chez son père, celui-ci l’a accueilli avec amour, compassion et pardon. Cela révèle le cœur miséricordieux de Dieu envers tous ceux qui reviennent sincèrement à Lui, selon Luc 15:20.

Pour conclure, le prédicateur a exhorté toute l’assemblée à revenir à Jésus-Christ et à demeurer dans Sa présence, car c’est en Lui que l’homme trouve la paix véritable, la restauration et la vie abondante.

17/05/2026

Kuri uyu musi w'Imana w'igenekerezo rya 17/05/2026, Musenyeri Emmanuel SINZOHAGERA asanzwe arongoye Ishengero Méthodiste Unie mu karere k'Uburundi n'Urwanda yagendeye Ishengero rya Méthodiste Unie, yifadikanije n'abakirisu ba Paroisse Rohero yo muri iryo shengero, hari mu miga yatanguye isaha zitatu z'igitondo.

Mw'ijambo ryiwe, yatanguye ashima Imana aho igejeje gukora mw'ishengero, agahamagarira abanyeshengero kwiyumva no gukora neza igikorwa c'Imana.

Yongeye Kandi aributsa ishengero ibikorwa vyimirije kuba mu kwezi kw'indwi harimwo:
Inama y'umwaka
Igikorane c'igihugu.

Yongeye kandi aramenyesha ko umwaka w'ishengero ugiye gutangura uzoba ari umwaka wo gututurirwa kugira ngo Ishengero rya Méthodiste Unie rirushirize kwama inyuma y'aho ryari rimaze igihe riri mu mwaka wo gukayangana, hari mu mwaka w'ishengero uriko urasozerwa.

Nayo Ku rufatiro ruvuga ngo:
GUSUZUMWA N'IMANA, mw'ijambo ry'Imana yasangije iryo shengero, yasomye muri Yakobo1:2-3,12.

Yavuze ko Imana isuzuma ibikorwa vyacu Kandi ikaduha amanota kuko izi imitima y'abantu bose. Arongera ati:" Imana ntishobora kukugira umwizigirwa muri vyinshi mu gihe no muri bike udashobora kuba umwizigirwa".

Yabandanije ati :"Tumaze igihe turi mu mwaka wo gukayangana Kandi Ishengero ryarakoze. Rero iyo umaze gukayangana haba hasigaye ko ushishikara kwama navyo bigasaba gututurirwa ari na co gituma uyu mwaka tugiye kwinjiramwo ari uwo gututurirwa kugirango turushirize kwama.

Yongeye avuga ko mu buzima twama duca mu gipimo c'Imana. Rero turakwiye kumenya ko ivyo turimwo vyose tuba turiko turapimwa n'Imana.

Ng'ibi ibintu bitandatu Musenyeri SINZOHAGERA yerekanye Imana ikoresha mu gupima umuntu:

1. Kugusaba ikiguzi kinini;
2. Kugucisha mu nzira igoye;
3. Kuguha akaryo ko guhitamwo;
4. kugutuma igikorwa kigoye;
5. Gutevya amasezerano;
6. Kutureka tukageragezwa.

Ikijanye no kuducisha mu nzira igoye, yavuze ko
dusanga ari kimwe mu bintu Imana ikunda gukoresha mu gupima Umuntu.

Arangiza avuga ati :"Imana iradukunda kandi idufitiye Imigambi myiza. Ariko turakwiye kumenya iducisha iyo ishaka mu kudushikana mw'ivyo vyiza. Ubugombe bwayo si ukugenda dutumbereye hari na ho tuzunguruka".

14/05/2026

KWITEGURIRA UKUGARUKA KWA YESU

Urwo ni rwo rufatiro Révérand Pasteur Audace Niyoyankuze yisunze mu majambo y'Imana yasangije ishengero rya mu miga yatanguye isaha zitatu zo mu gatondo ko kuri uyu wa Kane, igenekerezo rya14 Rusama 2026, aho iryo shengero ryari ryakoranye rihimbaza iduzwa mw'ijuru rya Yesu Kristo.

Yatanguye yibutsa abari bakoraniye aho ibihe vyaranze Pasika, aho yaciye abibutsa ko iduzwa rya Yesu mw'ijuru(Ascension) ari umusi mukuru uza inyuma y'imisi mike Yesu amaze kuzuka utugaragariza ingene inyuma y'aho yahavuye agasezera abigishwa biwe akaduzwa mw'ijuru hanyuma akarungika Mpwemu Yera.

Yisunze amajambo ari mu Vyakozwe n'Intumwa 1:3-11, Ivyah1:1-8; 12:7-11,
atwibutsa ko iyo tumaze kwumva ko Yesu yadugijwe mw'ijuru dusigara turorereye kugaruka kwiwe nk'uko yabisezeranye. Ikibazo kihari umuvugabutumwa abaza ishengero n'iki:
"Mbega uriteguriye kuzomwakira? Urahahamiye kuzobona ukugaruka kwiwe?"

Umuvugabutumwa abandanya avuga ko Yesu igihe yaduga mw'ijuru yasigaranye ishengero ryiwe igikorwa nyamukuru co kubandanya ryagura ubwami bw'Imana mu kuvuga ubutumwa bwiza ku baremwe bose mu kurindira ko azogaruka kurijana aho yagiye kuritegurira.
‎
‎
‎Abandanya ahamagarira abari aho kuba maso cane kuko umwansi ariwe satani yarakororewe mw'isi ngo arwanye ishengero aribuze kwitegurira ukuza kwa Yesu, aho aca abahamagarira gushikama mu kurimbura Ijambo ry'Imana ijoro n'umurango nk'uko biboneka muri Zaburi 119:11 hamwe ndetse no gusenga ubudasiba.
‎
‎Umuvugabutumwa asozera ahamagarira abari aho kwama biyeza kugirango Yesu Kristo niyaza aze asange batagira agasembwa canke amarabaga.
‎
Mwomenya ko mu rukurikirane rw'inkino z'umupira w'amaguru mw'ihiganwa ryiswe IVYUZUYE FOOTBALL 2026, inyuma y'umutaga w'uyu wa kane ku kibuga ca CECNGA haciye haba urukino rw'umupira w'amaguru rwahuje umugwi United FC wa paroisse Rohero Méthodiste unie hamwe na Église Methodiste Libre Gikungu aho United FC watahukanye intsinzi y'igitsindo kimwe ku busa. Ivyo vyabaye inyuma y'aho uwo mugwi United FC wari watsinze kuri ETS Kamenge umugwi wa SABAOTH ibitsindo bine kuri kimwe, hari kuwa gatandatu igenekerezo rya 9 rusama inyuma y'umutaga. Kuwa gatandatu igenekerezo rya 16 rusama naho United FC uzohura na GOD'S GLORY CHURCH KIGOBE igihe c'isaha umunani (14:00) kuri ETS KAMENGE.

‎ .
‎

10/05/2026

WIZIGIRE IMANA YONYENE NAYO ABANTU BARAHINDUKA

Ako ni akagohe Diyakoni Samuel MANIRAMBONA yavuniye abari bitavye ikoraniro ryo mu rurimi rw'ikirundi, hari muri , kuri uyu wa 10 rusama 2026 igihe yabasangiza amajambo y'Imana.

Yishimikije amajambo yo muri Zaburi 59:1-10 ndetse n'umurongo wa 16 , Diyakoni MANIRAMBONA Yavuze ko Dawidi atari yorohewe kuko yariko ahigwa n'umwami ariko yizigira Imana kuko yari azi ko uhoraho ari umutabazi, yama afise uko abigenza, atazobura kumutabara.

Ati:" Mu gihe c'ibibazo, mu gihe c'akarenganyo, ntitureke kwizigira Imana Kuko niyo mutabazi wacu kuko niyo yatabaye Dawidi".

Yongeye avuga ko mw'isengesho rya Dawidi harimwo kuvugisha ukuri, ubwoba yari afise abubwira Imana nk'uko tubibona Kuva ku murongo 1 kugeza 5.

Yavuze kandi ko Dawidi n'ubwo yabona ko ubwiwe buheze yagumye yizigiye Imana, maze Samuel aca asaba abari ng'aho nabo kudakura ivyizigiro vyabo ku Mana mu bibazo vyose baba bariko bacamwo.

Yaciye asaba abitavye ikoraniro gushira amanga mu bibazo vyose baba barimwo, bakareka kwizigira ibindi bintu vyose ariko bakizigira Imana gusa.

Yishimikije amajambo agaragaza akarenganyo kariko kaba Kuri Dawidi, yasozereye ahumuriza abari mw'ikoraniro avuga ko mu ntambara nyinshi abantu b'Imana bahura nazo Kandi ataribo bazikwegeyemwo ko bategerezwa kuzigwana bizigiye Imana kuko bageze mu bibazo kanaka canke mu bihe vy'akarenganyo, Uhoraho azobatabara nk'uko yabikoreye Dawidi maze akamukura mu maboko ya Sauli.

10/05/2026

This Sunday morning, May 10, 2026, the faithful of EMUBU, Rohero Parish, gathered for a multilingual service. The Scripture reading was taken from Matthew 16:24–25, under the theme: “The Two Costs of Following Christ.” The message was delivered by Diomède Ntimpirangeza.

He began the sermon by reminding the congregation that true discipleship is rooted in sacrifice. He emphasized that Jesus invites all people, without distinction, to follow Him, declaring: “If anyone desires to come after Me, let him deny himself, take up his cross, and follow Me.” This call is universal, yet it carries divine requirements for those who choose to respond.

The preacher taught that the first cost of following Christ is self-denial. This means surrendering one’s own will, desires, and ambitions to the lordship of Jesus Christ.

The second cost is taking up one’s cross. This reflects a life of obedience, perseverance, and faithfulness, even in the midst of suffering. Such a walk requires a transformed life—a new birth in Christ—where believers no longer conform to the patterns of this world but are renewed in their minds, as written in Romans 12:2.

In conclusion, he exhorted the congregation to fully surrender to Christ and to live no longer for themselves, but for Him. He urged everyone to embrace self-denial and remain steadfast in following the Lord, affirming that without such commitment, it is impossible to truly walk in the path of Christ.

09/05/2026

Kaze,kaze ,kaze dushigikire iki gikorwa c'Imana kidasanzwe kizoba k'umusi w'Imana igenekerezo rya 17 Rusama 2026 aho zina munyeshengero wese asabwa kugira ico akoze k'ubwo guha icubahiro Imana.

09/05/2026

03/05/2026

Kuri uyu w'Imana igenekerezo rya 03 rusama 2026, muri Paruwase Rohero , abanyeshengero bakoraniye hamwe mu miga yatanguye isaha zitatu z'agatondo.

Ku rufatiro ISHENGERO NO GUTUNGANA, umuvugabutumwa w'umusi Itangumugisha Arsène yisunze amajambo ari mu Vyahishuriwe Yohana 7:9-17, 13:3b ndetse n'Itanguriro 5:25-27, 6:5-8, yigishije ko iyo uje mu ngoro y'Imana ugasenga ata buryarya ibintu birahinduka. Iyo bitabaye bityo haba hari agahaze.

Avuga ko ata kintu na kimwe Imana ivuga kidafise insiguro.
Yohana yabonye abantu benshi bo mu moko atandukanye bafise amashami y'ibigazi, abona n'abamarayika n'intebe,....
Iryo ryari ishengero kandi yerekana ko ishengero mw'isi rigizwe n'avantu bose bo mu moko yose, mu mahanga yose mu miryango yose,...

Yerekana ko iryo shengero mw'isi riri mu ngorane nyinshi, aca abaza ati :"Mbega ni hehe dukwiye kurabira akarorero ko kunesha?".
Ntiturabire kubo vyananiye, ahubwo turabire akarorero ku babishoboye.

Yabandanije avuga ko iyo winjiye mw'ishengero uca utangura guhura n'ibigeragezo.
Rero biratugora kwigobotora Iyo tutaravye tukigana akarorero keza ariko Yesu Kristo we yaduhaye uburenganzira bwo kuja mu bwami bw'Imana. Aho niho tuzonesha.

Yongeye kandi asaba abariko barageragezwa n'abari mu magorwa kwihangana bagashishishikara kumesura imyambaro yabo mu maraso ya Yesu Kristo na vyo bikabasaba kubanza gufata ingingo bakavuga bati "turacafuye Kandi turizeye ko wewe Kristo uri Umukunzi wacu".

Hari umunezero ku bazoshika mu bwami bw'Imana kuko hazoba umunezero w'akataraboneka.

Yasozereye abaza utubazo tugira duti :"Mbega nawe uriko uragendana n'Imana? Woba utunganye imbere yayo?"

Mwomenya ko iryo koraniro ryaranzwe kandi no kwakira abash*tsi, kwerekana abaheruka gushinga urwabo ndetse n'abagiye kurushinga.

Burundi
DISTRICT
PARISH

03/05/2026

Kuri Kuri uyu wa 2 Rusama, harabaye umwiherero w'abubatse basanzwe basengera muri EMUBU,
aya ni amwe mu masanamu yaranze ico gikorwa.



.
United Methodist Church, UMC-Burundi
Lahayi-royi choir Rohero
District de Bujumbura EMUBU News
Zamar Team Rohero

26/04/2026

: ‏ Mbega Imana uyiha ikibanza kingana gute kugira ngo ushobore gushika kw' isezerano?
‎
Ico ni ikibazo cabajijwe na Diacre yigishije ijambo ry'Imana mu miga agira kabiri yo mu rurimi rw'ikirundi yatanguye igihe c'isaha zitatu n'imitota mirongo ine n'itanu z'igitondo, hari kuri uyu wa 26 ndamukiza 2026.
‎
‎Yisunze amajambo y'Imana ari mu gitabo ca Yesaya 49:14 yagize ati: "Mbega umuntu wese ari mu kibazo yokwiganyira ko Imana yamuhevye"?
‎Yishimikije ico kibazo nyene yamenyesheje ko igihe Abisirayeli bari mu buja Imana itabahevye yagumanye nabo gushika ku co yabasezeraniye.
‎
Yongeye avuga ‎ko uko biba bimeze kwose mu buzima, ico Imana yasezeranye ntigishobora guhinduka Ku buzima bw'umuntu, ariko ngo ikibazo kiri ku kuntu umuntu aba ariko aritwara mu vyo akora kugira ngo ashobore gushika kw' isezerano.

Ngo mu kurindira rero ko ico Imana yasezeranye gishika, biradusaba Kumenya ico ivuga kuko ngo umwana wese arashobora kumenya ijwi ry'umuvyeyi wiwe. "None tweho turiko twigira iki ku kuntu Imana ivuga"? Niko yongeye kubaza.
‎
Diacre Muhimpundu yasozereye abaza ati :"Mbega mu kurindira ko isezerano rishika uba uri hehe? Suzuma urabe aho uri kugira ngo ushobore guhagararira isezerano kuko isezerano ry'Imana ntiriteba, ico yasezeranye yo itegerezwa kugish*tsa".

‏