14/03/2024
Aletheia-Truth Revealed ⏹️ Umuco w'Ukuri
Kuwa 12 Ntwarante 2024
Prophet Evrard SINAGAYE
Abaroma 8:27;
arikw Isesa imitima irazi ivyo Mpwemu yiyumvira, k*k' ukw Imana igomba ari ko Mpwemu asengera abera.
KAMERE KA MPWEMU YERA
a. Ubugombe
Benshi n'abiyumvira yuko Mpwemu Yera ari nk'inkintu, umuriro, canke umuyaga uhuhuta mu kibanza kanaka. N'umuntu wa gatatu mu Butatu bweranda atari muto ku Mwana canke kuri Data.
Nta bintu vyigeze bigira ubushobozi bwo kugira ubugombe. Arafise ubugombe avuga biciye mu vyanditswe, Akorera ubugombe bw'Imana mu mitima yacu.
Isirayeli yasavye umwami kandi icipfuzo cabo carishuwe bifatiye kuvyo bipfuza kandi bagomba. Ubugombe bw'Imana bwar'ubwo kubaha Dawidi, ubugombe bwacu burashobora kwishurwa, ariko inzira irushirije niyo kwemera ubugombe bwa Mpwemu Yera.
Kurongōrwa na Mpwemu bisigura kurongōrwa n'ubushobozi bw'ubugombe bw'Imana. Kure ya bino n'inzira y'umubiri ijana ku rupfu. Ubugombe bw' Imana ntibushobora gukorwa ata bufasha bwa Mpwemu Yera.
Ivy'Imana yipfuza bikura ubushobozi bwo gush*tswa muri Mpwemu Yera. N'ubugombe bw'Imana ntibwogira ico bumaze ata gihande ca Mpwemu Yera.
Imana yipfuza ko abantu bose bakizwa, Mpwemu Yera n'umukozi wo kubish*tsa. Ikivyawe na Mpwemu n'impwemu (Yohana 3: 5).
Gush*tsa ubugombe bwiwe buronse ikibanza co kuvugirwako muri twebwe, ntidushobora kuvuga ko turongōrwa nawe. Iyo Mpwemu Yera atuyagisha, avuga ivyihutirwa gusa.
KUZIRIKANA:
Gush*tsa ubugombe bwiwe buronse ikibanza co kuvugirakwo muri twebwe, ntidushobora kuvuga ko turongōrwa nawe. Iyo Mpwemu Yera atuyagisha, avuga ivyihutirwa gusa.
IMIRONGO YO KUNOGANZA:
Yohana 17:3; 1 Timoteyo 2:3; Yohana 6:39-40
ISENGESHO: Mpwemu Yera ndongōra. Atari n'umuriro ariko n'ukubaho kwawe muri jewe, ndashize ubuzima bwanje musi y'ubugombe bwawe. Ico wipfuza gukora cose, gikore muri jewe. Mw'Izina rya Yesu. Amen !!!
