13/08/2026
အသင်းတော်ကို ကျဆင်းစေတဲ့အချက်များ ✍️✍️✍️
✝️ အသင်းတော်ကို ကျဆင်းစေတဲ့အဓိကအချက်က လူအင်အားနည်းတာ၊ ငွေအင်အားနည်းတာမဟုတ်ဘူး၊ ရှေ့ဦးမေတ္တာလျော့တာက စတာပါ။
⚙️ အလုပ်တွေ၊ အစီအစဉ်တွေ၊ ဓမ္မစောင့်ထိန်းမှုတွေဘယ်လောက်ကောင်းကောင်း ယေရှုကို ချစ်တဲ့ စိတ်မရှိတော့ရင် တာဝန်အရ အမှုတော်ဆောင်တာ ဖြစ်သွားတယ်။ ပြဿနာက အဲဒီက စပြိုလဲမှုကို ဖြစ်စေတာပါ။ ဗျာ ၂း၄။
✝️ အသင်းတော်ကို ကျဆင်းစေတဲ့အဓိကအချက်က လူတိုင်းနဲ့ မိဿဟာယ ဖွဲ့လို့မဟုတ်ဘူး၊ သမ္မာတရားကို အလျှော့ပေးပြီး မိစ္ဆာဒိဠိတွေကို လက်ခံလို့ အားနည်းကျဆင်းစေတာပါ။
⚙️ လူတွေကြိုက်အောင် တရားကို ပြုပြင်ဟောတာ၊ အပြစ်ကို အပြစ်လို့ မပြောရဲတော့ဘူး၊ ဘုရားက ချစ်တယ်လေ ဘာလုပ်လုပ်ရတယ် ဆိုပြီး ကျေးဇူးတော်ကို အခွင့်ကောင်းယူတာတွေ လုပ်တယ်၊ နောက်ဆုံးတော့ အသင်းတော်မှာ သမ္မာတရားပျောက်ပြီး အသင်းတော်ဟာ လူမှုအသင်းအဖွဲ့ ပုံစံအဖြစ် ပြောင်းသွားပြီး ကျဆင်းခြင်းကို ဖြစ်စေတာပါ။ ဗျာ ၂း၁၅၊ ၂တိ ၄း၃-၄။
✝️ အသင်းတော်ကို ကျဆင်းစေတဲ့အဓိကအချက်က မကောင်းတဲ့ ပတ်ဝန်းကျင်ကြောင့်မဟုတ်ဘူး၊ လောကနဲ့ ရောနောလို့ပါ။
⚙️ လောကရဲ့ တန်ဖိုး - ငွေကြေး၊ ဂုဏ်၊ လူအထင်ကြီးမှုကို အသင်းတော်ထဲ သွင်းမိရင် ဝိညာဉ်ရေးမျက်စိကွယ်သွား တတ် တယ်။ အပြင်မှာကြည့်ရင် အောင်မြင်တယ်လို့ ထင်ရပေမဲ့၊ အထဲမှာ ဘုရားပျေက်ပြီး အခွံသက်သက်ဖြစ်ပြီး ကျဆင်းခြင်းကို ဖြစ်စေတာပါ။ ယာ ၄း၄၊ ဗျာ ၃း၁၇။
✝️ အသင်းတော်ကို ကျဆင်းစေတဲ့အဓိကအချက်က ခေါင်းဆောင်နည်းလို့ မဟုတ်ဘူး၊ ခေါင်းဆောင်တွေ အကျင့်ပျက်လို့ ပါ။
⚙️ အသင်းတော်ရဲ့ခေါင်းဆောင်ဖြစ်ပြီး ငွေမက်တယ်၊ အာဏာကို အလွဲသုံးစားလုပ်တယ်၊ ခံယူချက် မမှန်တော့ တည်ငြိမ်မှု ပျေက်မယ်၊ နောက်ဆုံးတော့ ခေါင်းဆောင်ပြိုတော့ အသင်းတော်တစ်ခုလုံး ကျဆင်းခြင်းကို ဖြစ်စေတာပါ။ ယေဇကျေလ ၃၄း၂-၄၊ ၁ပေ ၅း၂-၃။
✝️ အသင်းတော်ကို ကျဆင်းစေတဲ့အဓိကအချက်က လုပ်ဆောင်မှု မပြင်းထန်တော့လို့ မဟုတ်ဘူး၊ စိတ်အားထက်တန်မှု ရှိနေပေမဲ့ သန့်ရှင်းသော ဝိညာဉ်တော်ရဲ့ အရှိန်ကို ငြိမ်းစေလို့ပါ။
⚙️ အစည်းအဝေတွေ ဘယ်လောက်လုပ်လုပ် ဝိညာဉ်တော်ရဲ့ ဦးဆောင်မှုကို လက်မခံတော့ရင် အသင်းတော်ဟာ လူ့ညဏ်၊ လူ့စနစ်နဲ့ ပဲ ပြည့်သွားပြီး နောက်ဆုံး ယေရှုကို ဗဟိုပြုခြင်း လွဲသွားကာ ကျဆင်းမှုကို ဖြစ်စေတာပါ။ ၁သက် ၅း၁၉၊ ဗျာ ၂း၅။
#အသင်းတော်ကိုကျဆင်းစေတဲ့အချက်များ
