75th Matu Evangel Diamond Jubilee

18/12/2025

. "ℍ𝕞𝕚𝕥 𝔻𝕒𝕞 ℕ𝕦𝕣𝕙𝕣𝕒𝕞 𝔸𝕝 ℝ𝕙𝕒𝕖𝕞" . . Nurhram Al Rhaem (Sui Te Nu) hih Matu pilnam dueng mue lah Matupi myo Kho kaep Kho vai ka om rhoek Zutung, Miram lah vih kang a ming u thlang khat lah om. Matupi myo thung yatkuat takuem ah mincang Ai khong tom ah Hmai Im a pom lah Krih olthangthel ka pang puei kung Nu, Evangelist thlang khat lah om.
17 December 2025 Christmas tom ca vaeng ah diklai rhaina lang kah yoeya rhringna Van sui khopuei ah kip khoem coeng tilah duek olthang kawng kayaak vaeng ah a ni kah kawng ka ming duel toica thut ham kopoek d**g khak om.
“Krih kah rhringna kai kah rhringna” (Kala 2:20) Paul lah tuhin karhring nah hi k**a voel moe nih Krih tang nih tih. “Krih kah thoke nah Kai kah thoke nah” (Phi 4:13) Tha om tharhana kapaek kung rhang del hno rhoepsaep sai thai lah om. Nurhram lah Bible ca d**g ka om kha nih hnil takuem a pang puei angel khatsut lah bang lah a ngai yaak kah moe nih, Nurhram la tah a duek rhril toe a pang puei.
Maturam ah Hlimsang apai vaeng ah Nuta naw lah imthungkhaw kah bit bit pat a Toeng lah Toem ol a cai kung kipum hamlah Ava ca cael mue lah an cae d**gah imthungkhaw yuva, paca cako parhing rhaek rhaek an kipaek.
Nurhram Al rhaem tah mincang ai khong tho lah Ava ca hamlah bu al awt a thong lah Evangelist tlang aa ham lah kipthla, Bu cak Tue ah Im aphat lah Ava ca cako parhing hmai ah mincang bu kivael u tilah a thui uk. Kha d**gah Nurhram Al rhaem hih, (Pro 31:10-29). A ka fim a kathoem uep om lah ka om Nu thel koek lah om tilah ming thai lah om.
Malaysia ka om vaeng ah vai khat tah long ahmai lah Bukit bin tang a sut om tilah kayak lah katlap u hatah Sungkai wang taeng ah thla an cam lah kahmu uk, kadawt ha tah Kota Raya lang kah Janlan Imbi MCF pum im ka tlap tih, Vuel mincang 8am vaeng ka lo coeng lah, KLCC Im sang lai kha ka thanuet lah ka lo hatah KLCC kaphat lang kah kangai voeng hma lah hin yoe kaphat tilah a thui, khan aphat vaeng ah Yarpi pum sawk phoei 2pm lo coeng, Kota Raya - Jalan Imbi kho del minute 25-30 tluk long cae kha hnil khat puet a lo tiham om.
Matu cako taeng Pathian olthangthel thui ham bangkoel tluk lae thilko kopoek a paek ti kha kha vaeng ah Matu rhoek ca a ngel khat Sut lah yaak ming uk kha lah a hnue na uh.
Ma rhoek ca naw moe om ta, Taxi del kadoe nih thlang phone a set sak saw kati na dae “Bawipa del kalo ta vaw” koel dawk a thui.
Nurhram Al rhaem tluk lah Maturam ah Nu thel om pueng ham poek aa? Malaysia ka om vaeng a thui tah Diklai kili kahil seal tah Israel kho ah kaduek nih koel athui Thailand, Malaysia, USA aphat kha Diklai kili khocuk khotlak a hil bangtoek la nih a om coeng.
Nu rhapca oe, na cae tak naca rhoek del Matu Pilnam rhoek lah ka thladam ne. 𝚁 𝚎 𝚜 𝚝 𝚒 𝚗 𝙷 𝚎 𝚊 𝚟 𝚎 𝚗

13/12/2025

14/11/2025

Saya Tui Dim (Brief Biography)
(Saya Tui Dim- Hnuk Sul a kawng Toi)
Ngalaeng Kho Uktaem kung (cayae) ကျေးရွာ အုပ်ချုပ်ရေး စာရေး၊

Note: Saya Tui Dim kah kawng toi ca ka tael ham ka ngai d**gah a ca rhoek del cako parhing naw kadawt lah katael lah om, kai lah ka ming duel toica lah ka tael mai sadae a ka ming imthungkhaw kah cako parhing del bit bit hui naw lang atah kai lah katael na lak ah apap ngai lah a ming nih tilah kapoek. A soeng kha naw haw katael mai atah na yaakming thoem thai u hamlah parhraelna kabi uh.

Imthungkhaw (Family household)
Saya Tui Dim (Kham Sang pa) hih ap pa U Sang Nim del apnu Daw Ding Mai lah 05 March 1950 k*m ah a cul lah, 16 Nov 2018 k*m atah diklai kah rhainah kothae ram lang kah Vand**g pa Im ah kiha lah om coeng.
Saya Tui Dim lah ayu (Daw Ni Aw) Pha Naeng nu a lo lah hnuk k*m (15 Feb 2024) vaeng diklai rhainah lang kah Van pa im ah duengyan kiha la om coeng. A ca rhoek 7, Takpa 5, Nuta 2 tah a cul.

Ca cangna (Education)
Saya Tui Dim hih, saengim kai lah 1973 k*m ah tanghra (B) del a Aung lah 04 Feb 1973 k*m lang kah Ngalaeng Kho Khoboei, Uktaem kung bel kah cathut kung (cayae) an bit lah 31 March 2010 k*m ah tah (pension) a Lo lah bit kiha lah om. Ngalaeng Kho ram Uktaem kung rhakpuei bit bit (ကျေးရွာအုပ်ချုပ်ရေး စာရေး) hih k*m (37) toe kiha mue lah thahluenah del a bit thlang khat lah om.

Bit bit Nah(Occupation)
A so ah katael coeng takoep lah 1973 tanghra a Aung phoei ah Puei kho boei bit (အုပ်ချုပ်ရေး စာရေး) administrative clerk - bit phoei a bit lah om.
1982-83 k*m rhuet rhat ka camaw vaeng vih loseh, Rhaikit som pum im ah Sunday school bible ol, bible carhuem yalcil kawng vih i cang puei lah om, a k*m a thel baw lah ka ming rhaet voel khah. Kai hamlah luhma pacuek Sunday school Saya hih Saya Tui Dim (Kham Sang pa) del Sayama hih Pa Luki kah Ngalnu Tuipal lah om. Saya Tui Dim hih kai hamlah luhma pacuek saya (Mentor- လက်ဦးဆရာ) lah vih a om d**gah a ni kah a kawng toi ca katael lah om.
1993 k*m rhuet vaeng ah saeng im Saya a rhoe kha d**gah ka bom kung (volunteer) lah Saeng saya (ကျောင်းဆရာ) an bit thlang lah an om bal. 1996 k*m toe vih loseh U Cang lung (Lian Thoi pa) hmai ah camaw naw ca kaptuk rhoi tilah a thui. Rhakpuei kah bit bit (Cayae) bit hih lakha a yol tuk d**g ah a yuca cawm hamlah a ca rhoe kha d**gah Lo tawl del bukpuei khut nah bit bit toek an bit lah om bal. yuca bukpuei ham Lo a pho bal ta koep lah rhakpuei bit vih toeng an bit thlang lah om. Rhakpuei bit dueng mue lah Pum im vih Saengim vih loseh a ma kah yawmna del palnam kah yawm a poek lah bit a bit.
2003 k*m Kolram lang kah Malaysia ah work visa del cae ham kipthla lah ka cae tom ah Makho anu taeng ah yaw ka caet. Khavaeng ah Kholong kho ah ka om a capa Paw Cing hamlah na hmu loek mai atah ol ka uel dae eh at lah Ai buem tah a baem lah a nu im a leng. Thlaem khat puet Ngalaeng Kho Rhapuei bit bit kawng ka thui rhoi. Kai cad**g caloe naw ham ko ah Ai puem tah mai a baem rhaw kha tuduel kahmit moe nih.
Yet nu a thui thungah olpuei koek lah ka Khoem tah; Rhakpuei bit tha ka rhel ngai thlang hi meeting vaengah hna a hnawk poepa tih, Rhapuei taka tho ham khik a hnaih na thlang lah taka kawng cayin saekboe vaeng ah hna maeng a hnawk tih, ama tah a thayung khik a hnaih na lawm tah thlang khat sut tah na bit kha na tho kha at lah hna mat a hnawk tih, koel a thui. Tuduel ah koep thlang naw vawk i om uk pueng vai nih tilah kapoek.
Thahlue del Makho ram hamlah bit kan bit dae avi ca lang vih a thel lah i thui moe nih tilah a thui, a yaw lah (volunteer) saengim camaw naw ca ka cang puei bal lawm tah apnu pa naw lah ka uem lai a ti bal moe nih tih, Makho Ngalaeng rhoek hih mangkhik mangkhak, sangik sangak, thathae yakpak thlang hih Puei kho Boei thung ah maeng om lah bit bit tha naa lai tilah a thui, khadae ram lung nah miphun palnam kah yawn kapoek d**gah koep koep kan bit tilah a thui. 2016 k*m Australia lang kah Makho anu taeng koep kacae vaeng vih loseh koep kihmu rhoi pueng.

Khobaw rhaplang (Characteristics)
Saya Tui Dim (Kham Sang Pa) hih thlang rhring mik hmu atah, a Kodaw, a thil sawl, bet tak aa ngai thlang lah om, “Sakhi a kaa ti hatah Pha Naeng kho apsae taeng Mae laeng a thak vaeng ah, a yu taeng ah kai lang a kaa koel thui mai boeh ne koel a uel tilah a thui uk, a rhrong aa a tak aa thlang kah thui ol kayaak. Koep kapoek vaeng ah bet tak aa ngai thlang tilah kiptueng.
A thil sawl d**gah Kho boei bit k*m (37) toe an bit, lakha vih apap moe nih imthungkhaw hamlah cak rhoe moe nih dae k*m khayet thung an bit kha kapoek vaengah a thil sawl lah palnam hamlah kho kapoek thlang lah om tilah kahmu.
Kho thung ah meeting a om vaeng a ko lo kha nah a om ngawl tah mawt kung (President) a ti nah mue lah kai cathut kung (Cayae) dueng I doek u tilah a thui, Kho thungah a kodaw thilsawl thlang naw hih thlang lah a hnaep ngai tikha a ni taeng kiptueng.
Saya Tui Dim kah bit bit nah 1973 k*m lang kah 2010 k*m toe bit bit term thung ah Rhak Puei kho boei kabit thlang kitho kivael nah moe om, khadae a ni tah thlang kah thuithet ap ue lah k*m (37) toe Ngalaeng Kho rhakpuei bit an bit kapoek vaeng ah koep thlang hih Kho thung ah om pueng ham poek aa tilah kapoek.
Rhalkap rhoek hamlah Kuli phaw ham thlang katlap vaeng ah thlang cael ham lah ka tak aa lah k**a lah yoe kaphaw naw vih om tih, Rhak puei bit a om bal vaeng ah thlang lah a ma tah tha a rhel koel a poek nih kat lah k**a lah lahma lahma lah kabit koel a thui, koep naw kapoek vaeng ah mawt kung thel pai hmuel ah ka om thlang khat la kahmu. A bit bit hui naw del Makho Ngalaeng Kho thung kah palnam rhoek lah kang na ming uk vai ni tilah kapoek.
A ma tah om voel khadae Saya Tui Dim kah khobaw rhap lang, Ngalaeng palnam rhoek hamlah thilsawl del rhakpuei bit an bit nah kawng hih tuhin rhoeng thaw rhoek lang ah ming val seh ti kangai d**gah a toica katael lah om, ca te kung nangmi philtom soah callah ka omngai.
Ngaling Thang
(AUS- Perth)

03/11/2025

25/05/2025

Kol Rhalkat lah Ukna Aana a rhawt phoei ah Makho ram a yong tak u lah k*m 4 phoei Khoram koep bal ham lah a om coeng d**gah Tui a tlai u im lo a khoem u.

15/05/2025