29/05/2026
Hierdie vers herinner ons daaraan dat God nie net belangstel daarin dat ons “Christene” genoem word nie, maar dat ons lewe vrug moet dra. Vrug beteken ‘n lewe wat wys dat Jesus in ons leef, liefde, gehoorsaamheid, geduld, geloof en ‘n hart vir mense.
Soms gaan ons deur moeilike seisoene waar God dinge in ons lewe “wegsnoei”. Dit kan ongemaklik wees, maar soos ‘n wingerdboer ‘n plant snoei om sterker en meer vrugbaar te word, werk God ook in ons harte om ons nader aan Hom te bring.
Moenie moed verloor wanneer God jou vorm en verander nie. Die snoei is nie om jou te breek nie, maar om jou sterker te maak en meer vrug in jou lewe voort te bring.