https://www.facebook.com/110351568305472/

Le Aomamala i Ausetalia Christian Church., 99, Morayfield (2026)

10/03/2025

Our Daily Verse

Encourage one another (1 Thessalonians 5) - o le faamoemoe lea o le Faaolataga na saunia e lo tatou Alii mo le Au Kerisiano uma, ia nofo uta i ai i tatou i Manuia o le tagata Faatuatua Faamaoni pe a mae'a atu le soifuaga i le lalolagi nei. O lā Paulo, e toe Afio mai Iesu e avatu i tatou i Lona Malo e Faavavau. O le mafuaaga lea o le faatāua ai e Paulo o lo tatou fefaamafanafana'ai o le Au Kerisiano uma. O tatou o Fanau a le Malamalama. A'o feagai ai taitai o Samoa ma lana Palemene ma vevesi ona o le tulafono, e ao iā te i tatou le Au Faatuatua Faamaoni a Keriso, ona tatou Tatalo ma faanōnō manū i Le Atua auā Lona fiemū ia i luga o nai o tatou taitai. A vevesi o tatou taitai, o le faatamala lenā o tatou Taitai o le Lotu. Tatou mulimuli iā Paulo le Taitai Lotu lelei. E faufautua auā Manuia o le Ekalesia i nuu ese. Dear Jesus, please help me to be a “fellowshiper”—whom encourages others in love and togetherness 🌾

09/03/2025

Our Daily Verse

Spend time with Christ (Luka 10:38-42) - tele o taimi tatou te pisi vale ai i mea o lenei olaga. O feau ma pisinisi ma atinae a le tagata lava ia. Ua avea nā ma mea e galo ai se taimi paganoa tatou te talanoa ai ma Iesu. E o'o lava i se auai i le lotu i le A*o Sa ua leai lava. Ua a'oa'o mai e le tatou Tusi Faitau, le tāua ona faavanoaina o lo tatou taimi e mafuta ai ma Iesu e ala i le Tatalo. Ua manino i lenei tala le faatauvaaina ai e Iesu o Mareta ma le pupū o lona loto i tapenaga o taumafa, o se mea e mafai lava ona faia mulimuli ane. Ae sa tatau ia te ia ona faamuamua Iesu. Le Atua liutino tagata ua ulufale ma Faamanuiaga o Taumafa Faaleagaga i lo la aiga. Peitai sa na'o Maria na mauaina, e lē toe faagaloina. “My dear Martha, you are worried and upset over all these details! There is only one thing worth being concerned about. Mary has discovered it, and it will not be taken away from her.” (v41-42) 🍂

08/03/2025

Our Daily Verse

Jesus's calms the Storm (Luka 8:22-25) - e lē na o le afā na fesouaina ai le sami lea sa faato'aina e Iesu Keriso a'o tofa ai o Ia i le va'a; a'o le afā o le fefefe vavale ma le leai o se Faatuatua o Ōna so'o ia te Ia, o le afā pito sili lenā na faanoanoa ai lo tatou Alii. Ua mou malie ese atu Afereti ma ona matagi malolosi i Kuiniselani nei, a'o timuga ma le lolo vai e ono faaitiitia i se taimi. Ua a'oa'o mai e Luka i lo tatou Ola Faaleagaga, le tāua o lo tatou Ola Faatuatua ma le faalagolago i le Agaga Paia pe a o'o i a*o faapenei e luitauina ai i tatou i Natura o le Foafoaga a Le Atua. E eseese lava auala e asiasi mai ai Le Atua i Lana Kerisiano Faamaoni. Ia manatua, e lē o taimi uma foi tatou te fafagu ai i Le Alii e laveaiina i tatou. Amata mea lou Faatuatua! Tago muamua oe e fai sau galuega. Ae lē o taimi uma tatou te matananana ai i Le Alii. [Luke 8:25 Then HE asked them, "Where is your FAITH?” The disciples were terrified and amazed"] 🍃

07/03/2025

Our Daily Verse

Good Foundations (Mataio 7:24-27) - e faapefea ona tatou talia gofieina le Fetalai mai o le Tusi Paia ia lelei ma mausalī le faavae o le Kerisiano, pe afai ua faaleagaina uma e Afereti o fale ma meatotino uma i lona ma'ema'eā. O luitau ia e fesaga'i pea ma le tagata soifua i le lalolagi nei. E lē malū ai pea le sami. E lē laofie ai pea se a*o. E lē tu faamauga ai pea se tagata. E i ai taimi e faatauvaaina ai i tatou e Le Atua, e toe lūlūina o tatou faavae faaletagata, pe mata o mautū i luga o le papa poo le oneone o le matafaga. A fetaia'i loa la tatou ma afā ma matagi malolosi, faaleaga uma ai ma meatotino, o i nā tonu lava ua tatau ona ofu ai loa lou Ofutau Faaleagaga lea e pesepese mai ai si Aposetolo o Paulo. Faamausalī lou Faavae Papa e pei ona i ai le tatou Tusi Faitau. Tula'i nei loa o oe o le Kerisiano Faamaoni, o tatou o Fitafita o le Talalelei, vaai lelei le saogalemu o lou aiga ma ou tuāoi. "Anyone who listens to my teaching and follows it is wise, like a person who builds a house on solid rock" (v24) 🍀

06/03/2025

Our Daily Verse

Dead without breath (Iakopo 2:21-26) - o loo a'oa'o mai i Tusitusiga a Iakopo le eseese ai o le Kerisiano e na o le Faatuatua, ma le Kerisiano e Faatuatua ma Galue. E pei o le tino ua oti ina ua faamutaina le ola, e faapena foi le Kerisiano ua mate le Faatuatua ona o le lē galue. O lona uiga, e ma'uma'u le taimi e avea ai i tatou ma Kerisiano, ae tatou te lē faatino le faiva o le Kerisiano Faamaoni e ofo alofa atu, ma fesoa*oani atu i ē moomia le fesoa*oani. E pei o Aperaamo, na ta'uta'ua lona Faatuatua Faamaoni, i lana galuega na faia ai le Finagalo o Le Atua na te osi atu ai Isaako lona atalii e fai ma taulaga (Kenese 22). E pei foi o Raava, na iloga lona Faatuatua i Le Atua o Isaraelu e ala i lana galuega lavea'i na faasaoina ai fitafita a Iosua na lalafi i lona fale (Iosua 6:17). Afai tatou te faatuatua iā Iesu Keriso ma Lana Talalelei ae aunoa ona faaalia i galuega lelei tatou te faia mo isi i taimi e luitauina ai i tatou i faafitauli o le lalolagi, o le a la lenā ituaiga Kerisiano? Just as the body is dead without breath, so also faith is dead without good works (v26) 🙏

04/03/2025

Our Daily Verse

Light through a Cyclone (Ioane 12:44-50) - e o'o loa i a*o loulouā faapenei, pe mamao pe latalata le nofoaga e galue ai, tusa lava pe agiagi malie mai le afā, amata ona fatifati aluga mai o ā'au, ua fa'auli mai foi le vateatea ma pogisa, e taumafai lava le Kerisiano Faamaoni e fesootai atu lona agaga i le musumusuga a le Agaga Paia, e iloa atu ai le Malamalama e taunuu manuia ai i le aiga ma le fanau o faatalitali mai. O le Malamalama lava lea o Keriso e ati atu i āo taavivili o afā ma matagi malolosi e ono tuta'ia ai le faigamalaga. A'o le Malamalama foi e faaavanoa mai e Le Atua, ona o le naunau i mafutaga mafana. E ui na savalia e Iesu Keriso o le afā o taaviliga faafefefefe a satani i le satauro, a'o taaviliga ia o le pogisa na atoatoa ai Taeao o le Talalelei. Ina ua taunuu le Faaolataga, ua iloa atu ai e le Kerisiano Faamaoni, le Malamalama Sili tatou te se'ei ai i le matalasi o le Parataiso. I have come as a LIGHT to shine in this dark world, so that all who put their trust in ME will no longer remain in the dark (v46) 🌀

03/03/2025

Our Daily Verse

Prayer Servant (Tanielu 9) - ina ua tū lata i toe a*o e faagataina ai le Tafeaga a Isaraelu i Papelonia, le 70 tausaga o le Toasā o Le Atua e pei ona molimauina e Ieremia 25, o le periota foi lea na soifua ai Tanielu i totonu o Papelonia. E ui na nofo pologa Isaraelu i Papelonia, ae sa lotolotoi ai lava le Alofa Tunoa o Le Atua i Ōna tagata e ala i Lana Auauna o Tanielu. Le tama sa ta'uta'ua ona tala o ia o le Fai-Miti, e le'i ila i le aasa o le ogaumu, na nonofo faatasi foi ma leona. O Vavega Ofoofogia ia a Le Atua na faaali atu ai i Lona nuu agasala, o Ia o Le Atua e pulea Lana Foafoaga. And a reminder that there's HOPE for freedom if they repent and return to God. E lē na o Vavega ia na siitia ai e Le Atua Tanielu. Peitai o Tanielu, o le Fitafita Tatalo foi o ia. O le Mataupu e 9 o loo faamatalaina ai lana Tatalo ina ia laveaiina ma puipui lona nuu, a'o le'i aga atu i toe a*o e foi ai i Ierusalema. Fai i tatou ma Fitafita Tatalo a Le Atua. Tatou te faanōnō manū aua le nofo lelei o le lalolagi. Equipped me Lord to become Your Prayer Servant 🙏

02/03/2025

Our Daily Verse

O le nuanua (Kenese 9:8-11) - e mulimuli mai le Feagaiga Osi a Le Atua ma Isaraelu e pei ona i ai o Papa Ma'a o Tulafono sa tuuina atu iā Mose e faailoga ai lo latou taunuu manuia ese mai i Aikupito. Ae ua leva ona tumau i le lalolagi le Feagaiga a Le Atua ma Noa e ala i le nuanua e fai ma faailoga iā Noa ma lana fanau, e lē toe faaumatia e Le Atua le lalolagi i se Lolo tele. E o'o mai lava i o tatou a*o, o loo tatou vaaia ai pea Le Atua e ala i le nuanua o Lana Feagaiga sa osia ma Lana Auauna Faamaoni. E taunuu ifo i le taimi o Ieremia 31:31-34, ua tusia e Le Atua o Lana Feagaiga Fou i loto ma le fatu o Ōna tagata sa Faatuatua Faamaoni ia te Ia. Ua a'oa'o mai e le Talalelei, le Alofa Mutimutivale o Le Atua e siomia ai i tatou e le nuanua o Lona Faamaoni. O lanu eseese o le nuanua e faaali mai ai le felanulanua'i o le Matagofie o Le Atua. O se Faamanatu i lo tatou ola, ina ia tatou fai mea fiafia ma faamalieina i tatou i Lana Foafoaga Matagofie, a'o le'i o'o mai le taimi tatou te tuua ai lalo nei, ae faaāuau atu la tatou Malaga i Lona Malo i le Parataiso. You created the rainbows to reveal and to confirm to us of Your promise of Eternal Love ❤️

28/02/2025

Our Daily Verse

May The Lord shine on you (Numera 6:22-27) - na sola ese le fafine e mulimuli i se tasi taulealea ae tia'i ai le tamaloa ma nai tamaiti i le fale. Sola ese foi le tamaloa i galuega faavaitaimi ae tia'i le fafine ma si fanau i Samoa. Sola ese foi se tasi o a'u uō i Kalaesetete ae tia'i le fafine ma si afafine i Aukilani. Ae fai mai le tinā ina ua mā toe fealoa'i, oute fusifusi lava i si a'u tama i ne'i manatu i lona tamā ma a'oa'o i ai Upu a Le Atua i le Tusi a Numera, "Ia faamalamalamaina e Le Alii Ōna Fofoga i luga ia te oe, ma alofa atu ia te oe" (f25). Fai mai e to'afilemu ai lava si ana tama teine. O Faamanuiaga ia a Le Atua na tulei atu iā Arona e ala mai i Lana Auauna o Mose, ina ia faamafanafana ai le nuu o Isaraelu a'o faatasina ai i latou i le toafa i laufanua o Sinai. O a faafitauli ma faanoanoaga o mafatia ai oe i lenei a*o, ia manatua le Faamanuiaga lea a Le Atua. O Lana Tautoga foi lea mo i tatou Lana Au Kerisiano Faamaoni, e iai o Ia ma i tatou i so'o se toafa e faatasina ai i tatou e le tiapolo. Thank You, Father, for seeing me, knowing me, and loving me 🌻

27/02/2025

Our Daily Verse

Give without expecting anything back (Mataio 5:38-48) - o se tasi lea o vaega o le Lauga a Iesu i luga o le mauga. O loo faamatalaina ai e Iesu Lona Alofa lē faatuāoia i tagata uma. Poo le mativa poo le mau'oa, mai lava i tumutumu mauga, se ia pā'ia auvae mauga. O le Alofa lē faatuāoia lea o Iesu e mafai ai e le Kerisiano Faamaoni ona tufa atu lona atamai, o lana faautautaga, o lona tofiga ma lona sosia e aunoa ma se manatu e toe tauia o ia. O le tufa ma le foa'i a le Kerisiano Faamaoni e alofa moni i ona tagata, o lona aiga, ekalesia ma lona atunuu. E lē manao i se taui. Auā ua silafia lona taui o loo i le lagi lea. O se ta'ita'i manuia ma iloga foi lenā i se aiga e o'o lava i se atunuu. Ae a mata pe'ape'a loa ma faatumutumu lima la tā foa'i, o le fua lava na e lulū i le lalolagi nei, o fua foi na e te selesele i le A*o Faamasino i le Lagi. Don’t be misled—you cannot mock the justice of God. You will always harvest what you plant (Gal 6:7) 🏵

26/02/2025

Our Daily Verse

Rest in the Love of God (Kenese 29:28-35) - ua iloa foi e le fafine o Lea ua alofaina e Iakopo o Rasela nai lo o ia, ona tīgā ai lea o ia. Ua silafia foi e Le Atua ua lē alofaina Lea, ona faagaufanauina ai lea o ia, a o Rasela ua pā ia (f31). Ua a'oa'o mai e lenei tala faanoanoa le tāua o lo tatou mapu atu i le Alofa o Le Atua i taimi e lē alofaina ai i tatou e tagata, pe inosia ma vaai faatauvaaina i tatou. A tatou mapu i le Alofa o Le Atua, ona faia lea e Le Atua o mea silisili i lo tatou ola e pei ona Ia faia iā Lea. E faapefea ona tatou mapu i le Alofa o Le Atua? E faia i le loto ua tumu i le Onosa'i ma le Lototele mai Le Agaga Paia, ma le agaga ua moni ma faamaoni le Faatuatua i Le Atua. “The Lord heard that I was unloved and has given me another son.” (v33) 🌸

24/02/2025

Our Daily Verse

The Godly and the wicked (Faataoto 24:15-18) - o se faalaei'au foi lea a Tusitusiga a le Poto auā le tatou savaliga Faa-le-faatuatua ina ia tatou tausisi i le amiotonu a Le Atua. Pe tatou te taia i faafitauli o lenei olaga, pe atu fitu ona tatou paū ona o mailei a satani, e toe faatutū ma laveaiina i tatou e le Mana o Le Agaga Paia ona o la tatou AMIOTONU. Ae afai tatou te tausuai ma ulagia i latou o ē ua faatamala ona o le amio leaga, e lē o se amiotonu la lenā a Le Atua. E lē mafai ma lē tatau e se tagata ua amiotonu iā Iesu Keriso, ona faifai ma inoino i lē ua sasi ona o satani. A'o le tā galuega e fai ona o i taua o Kerisiano Faamaoni, o le fesoa*oani ma alofa i ai. Don’t rejoice when your enemies fall; don’t be happy when they stumble. For the Lord will be displeased with you and will turn his anger away from them (v 17-18) ❤️‍🩹

Le Aomamala i Ausetalia Christian Church.

10/03/2025

09/03/2025

08/03/2025

07/03/2025

06/03/2025

04/03/2025

03/03/2025

02/03/2025

28/02/2025

27/02/2025

26/02/2025

24/02/2025

Address

Website

Alerts

Contact The Place Of Worship

Shortcuts

Share

Category