23/05/2026
THLAWSUAH SIAR UHSI
“ mipawl, Pathian thangṭhat in lungawi in au uh. Amah hmin sunloihnak hla sa uh. Sunglawi zetin a hnenah cawimawinak pe uh. Pathian hnenah, “Na thil tuahmi pawl hi mangbangza an si, Na huham a nasa tukih na ral pawl hman ṭihnak in na hmaiah an bok. Leilung mi hmuahhmuah in na hmaiah kuun in an lo biak; Na thangṭhatnak hla an sak. Na hmin cawimawinak hla an sa,” tiah ti uh. Pathian ih tuahmi hi ra zohhnik uh! Minung lakih a tuahmi mangbangza hi! Tifinriat cu leilung ro ah a canter; Kan pu kan pa pawl in tivapi cu an ke in an tan; Cutiih a tuah ruangah a parah kan lung a awi. A cahnak in a uk kumkhua ih Miphun kip a mit in a zoh ringring. Ziangvek ral hman amah dodal in tho hlah hai seh. Miphun hmuahhmuah pawl, kan Pathian thangṭhat uh. Nan thangṭhatnak cu thang ṭheh seh. Amah in in nundamter zo ih In bahter sianglo a si. Maw Pathian, in hniksak zo; Ngun cu somei ih an hniksak bangin, Kannih khal in hniksak zo a si. Thang an kammi sungah in tlakter ih, Kan zaang parah thilrit ngaingai na suang. Kan ral pawl ih palcih mi ah in tuah ih, Meisa le tilian lakin kan feh. Asinain atu cu himnak hmun ah in thlenpi zo. Na inn ah mei-ur thawinak pawl ka rak keng ding; Ka lo kam ciami cu ka lo pe ding. Harsatnak ka ton laiih ka thukammi cu ka kimter ding. Biakṭheng parih ur dingah tuu ka lo pe ding; Mecang urnak rimthaw khal a um ding; Cawcang le mecang pawl thawinak ah ka pe ding; A meikhu cu vanah a kai ding. Pathian a upattu pawl, ra uhla ngai uh; Ka hrangih a thil tuahmi pawl ka lo sim hai ding. A hnenah bomnak dil in ka au. Hla in ka thangṭhat. Ka sualnak hi zianghman poisa loin um ningla, Bawipa in ka thlacamnak a ngai lo ding. Asinain Pathian in i thei zo; Ka thlacamnak a ngai zo a si. Ka thlacamnak a hnong lo ih A hmunmi a duhdawtnak khal ka hnen ihsin a lakkir lo ruangah Pathian cu ka thangṭhat a si.”
SAAM HLABU 66:1-20 FCL
COUNT YOUR BLESSING
“Shout for joy to God, all the earth! Sing the glory of his name; make his praise glorious. Say to God, “How awesome are your deeds! So great is your power that your enemies cringe before you. All the earth bows down to you; they sing praise to you, they sing the praises of your name.” Come and see what God has done, his awesome deeds for mankind! He turned the sea into dry land, they passed through the waters on foot— come, let us rejoice in him. He rules forever by his power, his eyes watch the nations— let not the rebellious rise up against him. Praise our God, all peoples, let the sound of his praise be heard; he has preserved our lives and kept our feet from slipping. For you, God, tested us; you refined us like silver. You brought us into prison and laid burdens on our backs. You let people ride over our heads; we went through fire and water, but you brought us to a place of abundance. I will come to your temple with burnt offerings and fulfill my vows to you— vows my lips promised and my mouth spoke when I was in trouble. I will sacrifice fat animals to you and an offering of rams; I will offer bulls and goats. Come and hear, all you who fear God; let me tell you what he has done for me. I cried out to him with my mouth; his praise was on my tongue. If I had cherished sin in my heart, the Lord would not have listened; but God has surely listened and has heard my prayer. Praise be to God, who has not rejected my prayer or withheld his love from me!”
Psalms 66:1-20 NIV
