22/07/2026
ਇੰਨੀਸਫੇਲ ਦੀ ਤੇ ਸਮੂਹ ਨਾਨਕ ਨਾਮ ਲੇਵਾ ਸਾਧ ਸੰਗਤ ਨੂੰ ਅਪੀਲ
ਸਾਧ ਸੰਗਤ ਜੀ ਜਿਵੇਂ ਕਿ ਆਪ ਸਭ ਨੂੰ ਪਤਾ ਹੈ ਕਿ ਗੁਰਦੁਆਰਾ ਸਾਹਿਬ ਇੰਨੀਸਫੇਲ ਵਿਖੇ ਪ੍ਰਧਾਨ ਗੁਰਜਿੰਦਰ ਸਿੰਘ ਸੰਧੂ ਤੇ ਕੁਝ ਕਮੇਟੀ ਮੈਂਬਰਾਂ ਵਲੋਂ ਨਗਾਰੇ ਉੱਪਰ ਪਾਬੰਦੀ ਲਗਾਈ 🚫 ਗਈ ਹੈ ਅਤੇ ਕਿਸ ਟੇਢੇ ਢੰਗ ਨਾਲ ਬੱਚਿਆਂ ਨੂੰ ਕੀਰਤਨ ਕਰਨ ਤੋਂ ਰੋਕਿਆ ਜਾਂਦਾ ਹੈ
ਇਹਨਾਂ ਸਭ ਗੱਲਾਂ ਤੋਂ ਆਪ ਸਭ ਜਾਣੂ ਹੋ
ਪਿਛਲੇ ਦਿਨੀ ( 19/07/2026) ਐਤਵਾਰ ਵਾਲੇ ਸਮਾਗਮ ਵਿੱਚ ਸੰਗਤ ਨੂੰ ਆਸ ਸੀ ਕਿ “ਪ੍ਰਧਾਨ ਗੁਰਜਿੰਦਰ ਸਿੰਘ ਸੰਧੂ ਦੇ ਵੱਲੋਂ ਲਿਆ ਗਿਆ ਗੁਰਮਤਿ ਤੇ ਸਿੱਖ ਭਾਵਨਾਵਾਂ ਨੂੰ ਠੇਸ ਪਹੁੰਚਾਉਣ ਵਾਲਾ ਮਤਾ ਇਹਨਾਂ ਵੱਲੋਂ ਰੱਦ ਕੀਤਾ ਜਾਵੇਗਾ”
ਪਰ ਅਫ਼ਸੋਸ ‼️ ਇਸ ਤਰ੍ਹਾਂ ਨਹੀਂ ਹੋਇਆ
ਸਗੋਂ ਗੁਰੂ ਸਾਹਿਬ ਦੀ ਸਟੇਜ ਤੋਂ ਸੰਗਤ ਉੱਪਰ ਪੁਲਿਸ ਕਾਰਵਾਈ ਕਰਨ ਦੀਆਂ ਧਮਕੀਆਂ ਹੀ ਸੁਨਣ ਨੂੰ ਮਿਲਦੀਆਂ ਰਹੀਆਂ ਜਿਸ ਗੁਰੂ ਸਾਹਿਬ ਦਾ ਉਪਦੇਸ਼ ਹੈ ਕਿ “ਭੈ ਕਾਹੂ ਕਉ ਦੇਤ ਨਹਿ ਨਹਿ ਭੈ ਮਾਨਤ ਆਨ” ਅਫ਼ਸੋਸ, ਆਪਣੇ ਕੀਤੇ ਤੇ ਪਸ਼ਚਾਤਾਪ ਕਰਨ ਦੀ ਥਾਂ ਉਲਟਾ ਭਾਈ ਪ੍ਰਭਜੋਤ ਸਿੰਘ ਨੂੰ ਹੀ ਸਟੇਜ ਤੋ ਮਾਫੀ ਮੰਗਣ ਲਈ ਕਹਿ ਦਿੱਤਾ ਤੇ ਸੰਗਤ ਵਿੱਚ ਭੈ ਹੀ ਫੈਲਾਉਣ ਦੀ ਕੋਸ਼ਿਸ਼ ਕੀਤੀ ਗਈ।
ਸੰਗਤ ਦੀ ਮੰਗ ਕੀ ਸੀ?
ਕਿ ਨਗਾਰਾ ਕਿਉਂ ਚੋਰੀ ਕਰਵਾਇਆ ਗਿਆ, ਨਗਾਰਾ ਵਜਾਉਣ ਤੇ ਪਾਬੰਦੀ ਕਿਉਂ ਲਾਈ ਗਈ ਅਤੇ ਭਾਈ ਪ੍ਰਭਜੋਤ ਸਿੰਘ ਤੇ ਪਾਬੰਦੀ ਕਿਉਂ ਲਾਈ ਗਈ।
ਪ੍ਰਧਾਨ ਦਾ ਜਵਾਬ “ਮੇਰੀ ਮਨ ਮਰਜ਼ੀ”
ਸਾਧ ਸੰਗਤ ਜੀ ਇਹ ਗੁਰੂ- ਘਰ ਹੈ ਇੱਥੇ ਮਨ ਦੀ ਮਰਜ਼ੀ ਨਾਲ ਨਹੀ, ਗੁਰੂ ਦੀ ਮਤਿ ਨਾਲ ਫੈਸਲੇ ਹੁੰਦੇ ਹਨ, ਤੁਸੀਂ ਸਭ ਨੇ ਦੇਖਿਆ ਹੈ ਕਿਸ ਤਰ੍ਹਾਂ ਪ੍ਰਧਾਨ ਦੇ ਇੱਕ ਗਲਤ ਫੈਸਲੇ ਨੇ ਸਭ ਨੂੰ ਭਰਾ ਮਾਰੂ ਜੰਗ ਦੇ ਕੰਢੇ ਤੇ ਲਿਆ ਖੜਾ ਕੀਤਾ ਹੈ, ਜਿਹੜੇ ਵੀ ਲੋਕ ਇਹਨਾਂ ਸਾਰੀਆ ਗਲਤੀਆਂ ਦੇ ਬਾਵਜੂਦ ਵੀ ਪ੍ਰਧਾਨ ਦਾ ਸਾਥ ਦੇ ਰਹੇ ਹਨ, ਕਿਰਪਾ ਕਰਕੇ ਬੇਨਤੀ ਹੈ ਕਿ ਇੱਕ ਵਾਰ ਜ਼ਰੂਰ ਗੁਰੂ ਦੇ ਸਨਮੁੱਖ ਹੋ ਕਿ ਸੋਚਿਓ ਕਿ “ਇਹ ਸਭ ਕੁਝ ਠੀਕ ਹੋ ਰਿਹਾ ਹੈ?”
ਜੇਕਰ ਗਲਤ ਹੋ ਰਿਹਾ ਹੈ ਤਾਂ ਪ੍ਰਧਾਨ ਦਾ ਸਾਥ ਦੇਣ ਦੀ ਬਜਾਏ ਗੁਰੂ ਸਾਹਿਬ ਲਈ, ਮਰਿਆਦਾ ਲਈ, ਬੱਚਿਆਂ ਲਈ ਹਾਅ ਦਾ ਨਾਅਰਾ ਜ਼ਰੂਰ ਮਾਰੀਏ
ਗੁਰੂ ਘਰ ਦੀ ਮਰਿਆਦਾ, ਗੁਰੂ ਦੇ ਨਿਸ਼ਾਨ, ਸਿੱਖ ਸਿਧਾਂਤਾਂ ਅਤੇ ਸਿੱਖ ਭਾਵਨਾਵਾਂ ਨਾਲੋਂ ਇੱਕ ਬੰਦੇ ਦਾ ਹੰਕਾਰ ਵੱਡਾ ਨਹੀਂ ਹੋ ਸਕਦਾ, ਜਿਹਨਾ ਨੇ ਗੁਰੂ ਨਾਲ ਮੱਥਾ ਲਾਇਆ ਉਹਨਾਂ ਦਾ ਹਮੇਸ਼ਾ ਵਾਹਿਗੁਰੂ ਨੇ ਹੰਕਾਰ ਤੋੜਿਆ ਹੈ
ਪ੍ਰਧਾਨ ਸਾਹਿਬ ਤੁਹਾਨੂੰ ਬੇਨਤੀ ਹੈ ਕਿ ਤੁਸੀਂ ਬਹੁਤ ਪਾਪ ਕਰ ਚੁੱਕੇ ਹੋ ਹੁਣ ਹੋਰ ਨਾ ਕਰੋ ❌
ਭਾਈ ਪ੍ਰਭਜੋਤ ਸਿੰਘ ਦਾ ਪਰਿਵਾਰ ਜਿਸ ਦਾ ਇਸ ਇਲਾਕੇ ਵਿੱਚ ਕਿਸੇ ਨਾਲ ਵੀ ਕੋਈ ਵੈਰ ਵਿਰੋਧ ਨਹੀਂ ਸੀ, ਹਰੇਕ ਐਤਵਾਰ ਗੁਰਦੁਆਰਾ ਸਾਹਿਬ ਆਉਣਾ, ਇਹਨਾਂ ਦੇ ਬੱਚਿਆਂ ਵੱਲੋਂ ਗੁਰਬਾਣੀ ਕੀਰਤਨ ਦੀ ਸੇਵਾ ਕਰਨਾ, ਸਾਰੀ ਸੰਗਤ ਜਾਣਦੀ ਹੈ ਕਿ ਬੱਚੇ ਕਿੰਨਾ ਸੁੰਦਰ ਕੀਰਤਨ ਕਰਦੇ ਸਨ, ਸੰਗਤਾਂ ਵੱਲੋਂ ਇਸ ਪਰਿਵਾਰ ਨੂੰ ਬਹੁਤ ਪਿਆਰ ਮਿਲਿਆ ਹੈ ਪਰ ਪ੍ਰਧਾਨ ਸਾਹਿਬ ਤੁਸੀਂ ਇਕ ਪਰਿਵਾਰ ਨੂੰ ਗੁਰੂ ਨਾਲ ਜੁੜਣ ਦੀ ਸ਼ਾਬਾਸ਼ ਉਹਨਾਂ ਉੱਪਰ ਪਾਬੰਦੀ ਲਾ ਕੇ ਦਿੱਤੀ, ਜੋ ਕਿ ਇੱਕ ਪਾਪ ਹੈ, ਤੁਹਾਡੇ ਕਾਰਨ ਬੱਚੇ ਕੀਰਤਨ ਨਹੀਂ ਕਰ ਪਾ ਰਹੇ
ਦੂਜੀ ਗੱਲ
ਨਿਸ਼ਕਾਮ ਸੇਵਾ ਕਰ ਰਹੇ ਭਾਈ ਸਾਹਿਬ ਦੀ, ਜਿਹਨਾਂ ਨੇ ਬੱਚਿਆਂ ਨੂੰ ਨਗਾਰਾ ਵਜਾਉਣਾ ਸਿਖਾਇਆ ਤੇ ਹਰ ਹਫ਼ਤੇ ਨਗਾਰਾ ਵਜਾਉਣ ਦੀ ਬੱਚਿਆਂ ਨੂੰ ਤਾਕੀਦ ਕੀਤੀ
ਹੁਣ ਜਦੋਂ ਬੱਚਿਆਂ ਨੂੰ ਪ੍ਰਧਾਨ ਗੁਰਜਿੰਦਰ ਸਿੰਘ ਸੰਧੂ ਵੱਲੋਂ ਨਗਾਰਾ ਵਜਾਉਣ ਤੋਂ ਰੋਕਿਆ ਗਿਆ, ਨਗਾਰਾ ਚੁੱਕਿਆ ਗਿਆ, ਪਾਬੰਦੀਆਂ ਲੱਗੀਆਂ ਤਾਂ ਭਾਈ ਸਾਹਿਬ ਨੇ ਮੌਨ ਧਾਰ ਲਿਆ,
ਜਦੋਂ ਇਸੇ ਸਬੰਧ ਵਿੱਚ ਬੱਚੇ ਦੇ ਪਿਤਾ ਭਾਈ ਪ੍ਰਭਜੋਤ ਸਿੰਘ ਵੱਲੋਂ ਭਾਈ ਸਾਹਿਬ ਨੂੰ ਯਾਦ ਕਰਵਾਇਆ ਗਿਆ ਕਿ ਤੁਸੀਂ ਮੇਰੇ ਬੱਚੇ ਨੂੰ ਨਗਾਰਾ ਵਜਾਉਣਾ ਸਿਖਾ ਕੇ ਹੁਣ ਚੁੱਪ ਕਰ ਗਏ ਹੋ ਤੁਹਾਨੂੰ ਕੁਝ ਕਰਨਾ ਚਾਹੀਦਾ ਹੈ,” ਕਮੇਟੀ ਸਾਹਮਣੇ ਸੱਚ ਬੋਲਣ ਲੱਗਿਆ ਤੁਹਾਨੂੰ ਡਰ ਲੱਗਦਾ ਹੈ
ਸਾਧ ਸੰਗਤ ਜੀ! ਗੁਰੂ-ਘਰ ਦੀ ਮਰਿਆਦਾ ਵਿੱਚ ਜੇਕਰ ਕੋਈ ਵਿਅਕਤੀ (ਚਾਹੇ ਉਹ ਕਮੇਟੀ ਮੈਂਬਰ, ਪ੍ਰਧਾਨ ਜਾਂ ਕੋਈ ਵੀ ਆਮ - ਖਾਸ ਹੋਵੇ ) ਕੁਤਾਹੀ ਕਰਦਾ ਹੈ ਤਾਂ ਉਸ ਦਾ ਵਿਰੋਧ ਕਰਨਾ, ਉਸ ਬਾਰੇ ਜਾਣੂ ਕਰਵਾਉਣਾ ਭਾਈ ਸਾਹਿਬ ਦਾ ਫਰਜ਼ ਤੇ ਜ਼ਿੰਮੇਵਾਰੀ ਹੈ
ਜਦੋਂ ਇਹ ਸਭ ਕੁਤਾਹੀਆਂ ਹੋ ਰਹੀਆਂ ਸਨ ਤਾਂ ਭਾਈ ਸਾਹਿਬ ਦਾ ਹਿਰਦਾ ਨਹੀਂ ਵਲੂੰਧਰਿਆ ਗਿਆ, ਪਰ ਹੁਣ ਜਦੋਂ ਉਹਨਾਂ ਨੂੰ ਇਸ ਜ਼ਿੰਮੇਵਾਰੀ ਤੋਂ ਟਾਲਾ ਵੱਟਣ ਦਾ ਕਾਰਨ ਪੁੱਛਿਆ ਗਿਆ ਤਾਂ ਉਹਨਾਂ ਨੂੰ ਗੁੱਸਾ ਆ ਗਿਆ ਤੇ ਪੁਲਿਸ ਕਾਰਵਾਈ ਕਰਨ ਦੀਆਂ ਧਮਕੀਆਂ ਅਤੇ ਮਾਫੀ ਮੰਗਣ ਲਈ ਗੁਰਦੁਆਰਾ ਸਾਹਿਬ ਦੀ ਸਟੇਜ ਤੋਂ ਕਿਹਾ ਗਿਆ, ਜੋ ਕਿ ਨਿੰਦਣ ਯੋਗ ਕਾਰਵਾਈ ਹੈ।
ਸੰਗਤ ਜੀ ਆਪ ਸਭ ਨੇ ਸਭ ਕੁਝ ਸੁਣਿਆ ਹੈ ਐਤਵਾਰ ਦੇ ਸਾਰੇ ਦੀਵਾਨ ਵਿੱਚ “ਨਗਾਰੇ” ਦੇ ਸਬੰਧ ਵਿੱਚ ਇੱਕ ਸ਼ਬਦ ਵੀ ਭਾਈ ਸਾਹਿਬ ਦੇ ਮੂੰਹੋਂ ਨਹੀਂ ਨਿਕਲਿਆ, ਇਹ ਬਹੁਤ ਅਫ਼ਸੋਸ ਦੀ ਗੱਲ ਹੈ
ਸਾਧ ਸੰਗਤ ਜੀ ਹੁਣ ਤੁਸੀਂ ਦੱਸੋ “ਭਾਈ ਸਾਹਿਬ ਨੂੰ ਉਹਨਾਂ ਦੇ ਫਰਜ਼ ਤੋਂ ਜਾਣੂ ਕਰਵਾਉਣਾ ਗੁਨਾਹ ਹੋ ਗਿਆ?”
ਉਹਨਾਂ ਬੱਚਿਆਂ ਬਾਰੇ ਇਹਨਾਂ ਵਿੱਚੋਂ ਕਿਸੇ ਨੇ ਸੋਚਿਆ ਕਿ ਉਹਨਾਂ ਤੇ ਕੀ ਬੀਤ ਰਹੀ ਹੈ,ਉਸ ਪਰਿਵਾਰ ਬਾਰੇ। ਨਹੀਂ ਕਦੇ ਵੀ ਨਹੀਂ ਸੋਚਿਆ ਗਿਆ
ਸੋ ਸਾਧ ਸੰਗਤ ਜੀ ਆਪ ਨੂੰ ਬੇਨਤੀ ਹੈ ਕਿ ਇਸ ਜ਼ੁਲਮ ਖਿਲਾਫ਼ ਆਵਾਜ਼ ਬੁਲੰਦ ਕਰੋ 🙏
ਗੁਰੂ ਸਭ ਨੂੰ ਸੁਮੱਤ ਬਖਸ਼ੇ, ਸਭਨਾਂ ਦਾ ਭਲਾ ਕਰੇSydney Morcha@
