Mahamevnawa Buddhist Meditation Centre - Melbourne West

31/05/2026

අප භාග්‍යවතුන් වහන්සේගේ උතුම් තෙමගුල සදැහැ සිතින් සැමරීමෙන් අප රැස් කල සියලු පුණ්‍ය ධර්මයෝ පින් කැමැති සියල්ලෝම සතුටින් අනුමෝදන් වෙත්වා... 🙏

25/05/2026

14/05/2026

පින්වත් ඔබ සියළු දෙනාටම මෙත් සිතින් ආරාධනා 🙏

03/05/2026

මහමෙව්නාව මෙල්බර්න් වෙස්ට් අසපුවේ අභිනව බෝධීන් වහන්සේ රෝපණය කිරීමේ පුණ්‍ය මහෝත්සවයේ සොදුරු දසුන්.

පෑ පෙළහරකි අප මුනිදුන්
පිරූ පාරමී බලේ...
දහමින් උපන් රැකවරණෙකි
සෙවනට මුනි බුදු වන එදිනේ...
උපමා කුමට අරුමෙකි මෙය
සම්බුදු අප මුනි රජුගේ...
පහල වුනා... බෝ සමිදුන්...
මුනි සෙවනට... වජිරසුනේ...

පහල වුනා... බෝ සමිදුන්...
පාරමිතා... බල තෙදිනේ...

ලොව දුක් නිවන ඉදු නිල් දෑස
මහ කරුණාවෙන් තෙමුන...
වෙනතක නොබල නුඹ දෙස බලන
සතියක් කුත ගුණ පිදුව...
නිහඩව දරන නුඹෙ ඒ සතුට
තවමත් සෙවනෙදි දැනෙන...

පහල වුනා... බෝ සමිදුන්...
පාරමිතා... බල තෙදිනේ...

ලොව සම නොවන අසමව දරන
ගුණ සදහම් කද ගලන...
අප මුනි දකින ලෙසකින් නෙතක
සැදැහැති සැප ලොව බෙදන...
මර යුද දිනු බව බුදු බව ලද බව
සාක්ෂියක් ලොව දරනා...

පහල වුනා... බෝ සමිදුන්...
පාරමිතා... බල තෙදිනේ...

පෑ පෙළහරකි අප මුනිදුන්
පිරූ පාරමී බලේ...
දහමින් උපන් රැකවරණෙකි
සෙවනට මුනි බුදු වන එදිනේ...
උපමා කුමට අරුමෙකි මෙය
සම්බුදු අප මුනි රජුගේ...
පහල වුනා... බෝ සමිදුන්...
මුනි සෙවනට... වජිරසුනේ...

12/04/2026

28/03/2026

නමෝ බුද්ධාය !

ඕස්ට්‍රේලියාවේ මෙල්බන් නුවර Mount Evelyn මහමෙව්නාව භාවනා අසපු සොඳුරු භූමියේ ඉදි වූ ශ්‍රී සුද්ධෝදන මහා සෑ රජාණන් වහන්සේ ගෞතම බුදු සසුනට පූජා කිරීමේ පුණ්‍ය මහෝත්සවය,
2026 අප්‍රේල් මස 04 සහ 05 (සෙනසුරාදා සහ ඉරිදා) යන දිනයන්හි දී Mount Evelyn මහමෙව්නාව භාවනා අසපුවේ දී සවස 5.00 සිට පැවැත්වේ.

ගෞතම බුදුරජාණන් වහන්සේගේ උතුම් සර්වඥ ධාතූන් වහන්සේ සහ කොණ්ඩඤ්ඤ මහරහතන් වහන්සේ, අනුරුද්ධ මහරහතන් වහන්සේ, නන්ද මහරහතන් වහන්සේ, සුද්ධෝදන මහරහතන් වහන්සේ, බක්කුල මහරහතන් වහන්සේ, අංගුලිමාල මහරහතන් වහන්සේ, මන්තානි පුත්ත පුණ්ණ මහරහතන් වහන්සේ, පිලින්දිවච්ච මහරහතන් වහන්සේ යන උතුම් රහතන් වහන්සේලාගේ උතුම් ධාතූන් වහන්සේලා විරාජමානව වැඩ සිටින ශ්‍රී සුද්ධෝදන මහා සෑ රජාණන් වහන්සේ බුදු සසුනට පූජා කිරීමේ උතුම් පුණ්‍ය මහෝත්සවයට, අපගේ මාතෘ භූමියේ සිට පූජනීය ආනමඩුවේ සුමේධ ස්වාමීන් වහන්සේ, වැලිමඩ ශ්‍රද්ධා සීල ස්වාමීන් වහන්සේ, කඩවත විජිත වංශ ස්වාමීන් වහන්සේ, අංකුඹුරේ අමිත දීප ස්වාමීන් වහන්සේ, මැල්සිරිපුර සාරදේව ස්වාමීන් වහන්සේ ඇතුළු ඕස්ට්‍රේලියාව සහ නවසිලන්තයේ අසපුවල වැඩ සිටින මහා සංඝරත්නයද වැඩම කරන බව සතුටින් දන්වා සිටින්නෙමු.

ගෞතම බුදු සසුන තුළ දුර්ලභ පින්ඵල නෙලා ගන්නට සතුටු සිතින් Mount Evelyn මහමෙව්නාව භාවනා අසපුවට ඔබත් පැමිණෙන්න.
(පැමිණෙන සියලු දෙනා වෙනුවෙන් ප්‍රණීත දන්සැල් පැවැත්වේ.)

සියලු දෙනාටම ශ්‍රී සුද්ධෝදන මහා සෑ රජුන්ගේ පිහිට ආරක්ෂාව සැලසේවා...!

Mahamevnawa Buddhist Monastery, 71,Monbulk Road,
Mount Evelyn.

T.P. 0439 667 450

තෙරුවන් සරණයි...!