Granville Fijian SDA Church

10/04/2026

Happy Preparation Day Church Families & Friends.
Mark 11:24 " Therefore I tell you, whatever you ask in prayer, believe that you have received it, and it will be yours."
Please see below the Prayer Breakfast Details for the Adventist Men.
🙏🙏🙏

13/03/2026

Divine Service 10/01/2026

12/03/2026

Closing Sabbath 10/01/2026

18/02/2026

15/02/2026

There is power, power, wonder-working power in the precious blood of the Lamb.” 🙏✨

14/02/2026

The longer I serve Him, the sweeter He grows.”
“O taste and see that the Lord is good.” — Psalm 34:8

15/01/2026

SEREKA!

SIGA 10 — Vakatovotovo Taki Na Yalo Vinaka

Cakacaka 4: 32- 37

Gauna Taudua kei na Kalou

Masu

Vakadikeva na Vosa
Wilika Cakacaka 4:32. Na cava na nomu vakasama me baleti ira na lewe ni lotu ena vola ni cakacaka?

Vakanananu mai vei Ellen White:
Na ka veivakurabui taki e yacovi iratou na lewe ni vakabauta ena siga koya sa I sau ni kena sovaraki na yalo tabu ni kalou. Na veisau e yaco ena vuku ni tukutuku vinaka e yavutaki ena vuku ni kena “duavata na yalodra kei na lomadra.” Sa dua kece ga na ka era sa gadreva oqo e vakavuna na toso ni cakacaka ni Kalou- na rawati ni cakacaka eratou kacivi kina, sa sega ni tiki ni nodratou bula na veiqati se kocokoco. Nodra lomani ira era vakabauta vata, kei na veika sa cakava na loloma ena nodra bula, e uasivita cake sara na nodra lomana na I lavo kei na I yau ena vuravura oqo. Nodra cakacaka e tusanaka ni tu ena ligadra na podra bula na tamata, bulibuli uasivi ni kalou ka uasivi cake mai na I yau kei vuravura. (The Acts of the Apostles,pp. 70,71).

Usutu ni Masu (Prayer focus)
Kerea vua na Kalou me solia vei iko na yalo savu kei na gagadre dina ni duavata kei ira na lewe ni lotu kei ira na tamata.

Matavuvale / iTokani

Cakacaka ni Veisemati (Connect Activity)
Toso vata kece mai ka veitauriliga me tou bulia e dua na circle. Veitarataravi vei na tamata yadua me matana taka e dua na iloloma (gift) e solia e dua vei iko.

Masu me baleta na Yalo Tabu
Masulaka me vakalougatataka na nona vosa na Kalou.

Vakadikeva ena Vosa
Wilika na Cakacaka 4:32,33. E rau veiwekani vaka cava na Yalo savu kei na kaukauwa levu ni Yalo Tabu?

Vakanananu mai vei Ellen White:
E nodra gauna na apositolo na rarama ni nona tucake tale o Jisu, ia ko ira na lewe vuqa era sa vakabauta,era sa lomavataka yalo vata:a sa sega e dua e kaya me nona duadua ga na ka sa tu vua;a ra sa taukena vata na nonai yau yadua. Ni sa seg ani dua vei ira sa dravudravua;ko ira kecega sa taukena na vanuase na veivale,era sa volitaka,a ra sa kauta nai voli ni ka era sa volitaka. A sa levu na nodra kaukauwa nai apositolo,ni ra sa tukuna sa tucake tale mai na mate na Turaga ko Jisu. A sa vinakati vakalevu ko ira kecega.
E sega ni dua tale na dina e laurai tale I lomalagi kei vuravura, me kaukauwa cake ena cakacaka ni loloma vei ira era gadreva dina noda veivuke. Oqo na dina e tu vei karisito Jisu. Ira kece era tusanaka na yaca I Jisu me vaka tovotovotaka na bula ni loloma, ena qai rawa ni da vakaukauwataki ena kaukauwa vata ni kosipeli me vaka nodra gauna na apositolo.
(Thoughts from the Mount of Blessings, p.137)

Usutu ni Masu
Masu vata me kerea na Yalo Tabu me vakarautaki ira yadua ena nomudou ilawalawa me ra sota kei Jisu ni sa lesu mai.

Lewe ni Lotu

Vakarokoroko ena Masu
LIULIU: Dabe vata kei na nomudou ilawalawa lalai. Ena sureti nomudou ilawalawa na ilawalawa ni masu me masu vata ena Vosa ni Kalou. Ni oti e vica na miniti ni masu, dou na rogoca na ilawalawa ni masu ni sa tekivu me sere e dua na tikina ni sere. Ni dou rogoca, dou lako tani mai na masu ki na sere.

Vakacaucautaki Jisu ena Nona Lesu Mai!
1. (IKUMUKUMU LALAI) Wilika Vakatakila 22:7, 12, 13, 20. Digitaka e dua na yalayala ka vakacaucautaki Jisu ena ka e tukuna me baleti Koya.
2. (KECE) Laga e dua na sere me baleta na lesu tale mai nei Jisu.

Veivutuni:
1. (IKUMUKUMU LALAI) Wilika Vakatakila 22:10, 11. Masu me kerea na Kalou me kacivi keda kece ki na veivutuni ni se tiko na gauna.
2. (KECE) Laga e dua na sere ni veivutuni.

Kerea na Yalo Tabu:
1. (IKUMUKUMU LALAI) Wilika Vakatakila 22:17. Kerea me ciqomi na Yalo Tabu me vakabula na noda karamaca vakayalo. Masu me kune na noda marau, vakacegu kei na loloma ena Yalo Tabu.
2. (KECE) Laga e dua na sere me baleta na Yalo Tabu.

Tukuni Yalo
(IKUMUKUMU LALAI)
Ena nomu ikumukumu lalai, bulia e dua na ikumukumu le rua se le tolu. Dou taro ka sauma:
“Na cava e vukei iko kina na Kalou mo cakava ena bolebole 24 na auwa (24 hour Challenge) ena noa?”
(Bolebole 24 na auwa mai nanoa: Vola na va na ka bibi duadua ena nomu bula ena gauna oqo—mo dina ena vanua e tiko kina na lomamu kei na ka o vakanamata kina. Masu ka wilika Jemesa 1:5–8. Kerea na Kalou na cava e vinakata me nomu va na ka bibi duadua. Vola ka biuta ena vanua o na raica kina ena veisiga. Ena veivuke ni Kalou, cakava e dua na ikalawa ni vakabauta mo bula kina me vaka na Nona veika bibi. Wilika Cakacaka 1:9–11 me vakarautaki iko kina ni mataka.)

Cakacaka ni Veisemati (Connect Activity)
LIULIU: Tu vakavolivolita kei na nomudou ilawalawa lalai. Kerea me ra veisautaka na tamata yadua e dua na ka e dredre me waraki ena bula. Me ra vakasamataka na lewenilawalawa na ka era vakaraitaka tiko.

Vakarokoroko ena Vosa
(IKUMUKUMU LALAI)
1. Wilika 1 Cesalonaika 4:16–18. Na cava ena cakava na lesu tale mai nei Jisu me siga vinaka duadua e vuravura?
2. Wilika Maciu 25:1–13. Na cava eda rawa ni vulica mai na vosa vakatautauvata oqo me baleta na vakarautaki ni lesu totolo mai nei Jisu?

Vakanananu mai vei Ellen White:
Ni sa lako cake oti na iVakabula, e ratou vakila ni se tikoga kei iratou nai serau vakalou, ka sinai ena loloma kei na rarama. E dua na serau e vakilai vaka tamata yadua. Ko Jisu, na iVakabula, ko koya a lako vata, veitalanoa, ka masu vata kei iratou, ka tukuna vei iratou na nuinui kei na veivakacegui ni yalodratou, ka se tiko ena gusuna na itukutuku ni vakacegu, sa kau tani mai vei iratou ki lomalagi. Ni sa ciqomi Koya na qiqi(chariot) ni agilosi, sa rogo vei iratou na Nona vosa, “Raica, Au tiko vata kei kemudou ena veisiga kecega, ka yacova na ivakataotioti.” Maciu 28:20. Sa lako cake ki lomalagi ena yago vakatamata. Eratou kila ni sa tiko Koya e matadra na Kalou, ni se nodra iTokani kei na iVakabula; ni sega ni veisau na Nona yalololoma; ni na dau veitokani tikoga kei na tamata era sotava na rarawa. Eratou kila ni sa vakacabora tiko vua na Kalou na yaga ni Nona dra, ka vakaraitaka na ligana kei na yavana sa mavoa me ivakananumi ni isau e a sauma me baleti ira na Nona vakabulai. Na vakasama oqo e vakaukauwataki iratou me vosota na veivakalolomataki ena vukuna. Sa kaukauwa cake na nodratou duavata kei Koya ena gauna oqo, mai na gauna e a tiko vata kina kei iratou. Na rarama, loloma, kei na kaukauwa ni Karisito e tiko ena lomadratou sa cila yani vei ira na tamata, me ra kidacala kina. (The Acts of the Apostles, t. 65)

Usutu ni Masu
Masuta na kaukauwa ni Yalo Tabu me vakatawana na lomada yadua sara kei na marau e tiko vei Jisu me rawa ni tosoi tiko kina na cakacaka ni Kalou ki vuravura.

Soqosoqo Lotu

Veikidavaki

So- Kalou ena Masu
LIULIU: Dabe vaka kumukumu lalai. Veisureti me da masulaka vata na vosa ni kalou. Oti e 5 na miniti ni masu,laga na I matai ni qaqa ni sere. Oti oya sa na cegu na masu ka lagavata na sere.
Tukuna/wasea
1. (KUMUKUMU LALAI) wiliki na Same78:4. Wasea vei nomui kumukumu lalai na ka veivakurabuitaki sa cakava na kalou ena loma ni 10 na bogi ni masumasu.
2. (Kece) lagati dua na sere ni vakavinavinaka ena vuku ni veivakalougatataki.

Veivutunui
1. (KUMUKUMU LALAI) wiliki na Same 78:5-7,11. Vakatusa ena masu na noda dau guilecava na kalou ena vuku ni ka e vakayacora vei keda. Kerea na nona veiciqomi.
2. (KECE) lagati dua na sere ni veivosoti kei na veivakabulai.

Kerea
1. (KUMUKUMU LALAI) wiliki na same 78:23,24. Masulaka na kalou me solia vei keda na yalo I Tamada na kalou. Vukei keimami me keimami dau soli ka me vaka nona dau solia na kalou vei keda ena ka eda gadreva.
2. (KECE) lagati dua na sere ni vakacacabo se na sere ni duavata.

Veibolei
(KUMUKUMU LALAI) Wase vaka rua se tolu ena loma ga ni nomudou kumukumu lalai. Taroga qai sauma: Na cava e veivakarautaki kina na kalou ena siga na noa kei na 24 na auwa?’’
24 na auwa ena noa kerea vua na kalou me vakaraitaka vei iko e dua na tamata e dau guilecavi tu ena loma ni nomu i tikotiko. Tarogi koya na cava e gadreva mai vei iko kei na kalou. Lako lai sikovi koya sebera na lotu ni mataka. Wilika na Cakacaka 4:32-37 vavarau ena siga ni mataka.

Vuli
LIULIU: tarogi ira na lewe ni small group, cava eso na ka dau rawarawa mo solia tani?’’ waraka me ra sauma. Tarava,cava e dua na ka e dau dredre mo dau solia tani?’’

Wiliki Vosa ni Kalou
(KUMUKUMU LALAI) Wilika na Same 4:32-37. cava eso na ka e vakauqeti ira na lewe ni lotu me ra dau soli ka ena vola ni Cakacaka? Vakacava keda muria na noda I tikotiko/Matavuvale kei na I soqosoqo lot unai walewale ni yalo ni veiwasei ka da dau wilika tiko?

Vakanananu mai vei Ellen White:
Ena laurai Vinaka ena gauna e sa veiliutaki kina na Yalo Tabu. Ira e vakatawani tu na nodra bula ena loloma vei karisito, era na vakadadamuri Jisu koya a mai dravudravua ena vukuda, ena vuku ni nona dravuadravua me da vutuniyau kina. Na I lavo,gauna kei na I solisoli e nona I solisoli na kalou,era ka talei ni kena vakatetei na cakacaka ni kosipeli. Ia oya ena lotu taumada; ena lotu nikau e sa laurai na kaukauwa ni Yalo Tabu esa vakamalumalutaka na vei gagadre ena vuravura oqo, ka ra sa tu vakarau me ra sorovaka na veika ni nodra bula ena vukudra na tamata me ra rogoca na kosipeli,na dina koya e vakadinadinataki ena kunei na kena revurevu vei ira era rogoca. (The Acts of the Apostles, p.71)

Usutu ni Masu
LIULIU: Ena nomuni kumukumu lalai,kerea vua na kalou me vakasinaita vei iko na nona loloma vei ira era yali tu ena nona lotu na kalou. Masulaka me veisautaka na kalou na yalo ni nanumi iko ga ki na yalo dau veinanumi, yalo e sorovaki me rawa ni qaravi na cakacaka ni kana tarai yani na vei yalo ni tamata yadua sara ni sebera nona lesu mai o Jisu.

Veibolei
LIULIU: Kevaka e dua ena bogi nikua e vakila ni veisureti ena lomana na Yalo Tabu ni kalou, me sorovaka na ka kece, ena kena vakatetei na kosipeli I Jisu Karisito? Duavata kei au, tomani au ena sorovaki ni gauna,taledi,na I yau, kei na bula me vakaraitaki Jisu.

Bolebole 24 na Auwa
LIULIU: Kerea vua na kalou e dua na I solisoli o rawa ni o solia vua, taledi beka,se I lavo ena vukea na kena vakatetei na kosipeli ena gauna oqo. Ni tarogi iko na Kalou se I solisoli cava oqo,solia ena yalo marautaki,sorovaki, me vakarokorokotaki ga kina o Jisu duadua ga!

LIULIU: Masu vata me kerea na Kalou me solia vei keda na gumatua ni vakasama me vakarautaki keda mo sota kei Jisu ena matanitu ni Nona lesu tale mai.

Veisureti
LIULIU: Ko Jisu sa vakarautaka tiko e dua na vanua mo tiko vata kina kei Koya me tawamudu. O cei eke ena bogi oqo e gadreva na Yalo Tabu me vukei koya me vakarautaki me baleta na lesu totolo mai nei Jisu? Yalovinaka, lako mai ka duavata kei au ena masu.

Bolebole ni 24 na Auwa
Taroga na Kalou, “Na cava mo cakava ena noqu veiwekani kei Jisu me rawa ni’u vakarautaki me sota kei Koya vakatamata ni sa lesu mai?” Dolava na lomamu ki na ka kece e vinakata na Kalou me cakava vei iko. Kevaka e uqeti iko me cakava e dua na ka, cakava na ikalawa oya ena nomu veiwekani kei Koya. Wilika Cakacaka 1:12–14 me vakarautaki iko kina ni mataka.

14/01/2026

SEREKA!

SIGA-9 — Raici ka Qaravi ko ira era sa Guilecavi

Cakacaka 3:1–10

Gauna Vata kei na Kalou

Masu

Vakadikeva na Vosa ni Kalou

Wilika na Maciu 25:31–46. O cei era uqeti keda kina o Jisu me da qarava? Na gaunisala cava e tara vakamatautaka o Jisu ena nona qaravi ira kina na tamata oqo era guilecavi?

Vakanananu mai vei Ellen White:
“Na cakacaka ni loloma kece e caka vei ira ena yaca I Jisu, e ciqomi mai vua me vaka ga ni caka tiko vua , ni sa raica na nona gagadre kei na nona raica na nodra rarawa na tamata, ka sa solia ki na na I tavi levu ena I soqosoqo lotu, na cakacaka levu ni veiqaravi vei Jisu ena noda vukei ira ka vakalougatataki ira na dravudravua kei ira era sotava na rarawa. Vu ni veivakalougatataki ni Turaga vei ira kece ka na vakalougatataki ira talega na Kalou ka solia na vakacegu. (Counsels on Stewardship, p. 164)

Veika me masulaki

Masulaka me solia vei keda na mata me raica rawa kina na tamata era gadreva na veivuke me vakataki
o Jisu vakataki Koya—ka me da qaravi ira me vaka ga eda qaravi Jisu.

Vuvale / iTokani

Cakacaka ni Veivakaduavatataki

Sureti ira yadua ena nomuni vuvale se iTokani me tukuna e dua na tamata ena nodra koro se vanua e gadreva e dua na ka. Na cava na vuna eda sega ni rawa ni raica vata kece ga edua na tamata e gadreva na veivuke?

Masu ena Yalo Tabu

Vakadikeva na Vosa

Wilika na Cakacaka 3:1–4. Sa dau lako ki na vale ni soro akawasoma o Pita kei Joni. Ia e sega ni cavuti ni rau a tu vakadua ena veigauna sa oti me rau taroga e dua e gadreva na veivuke. Na cava e vakavuna me rau RAICA kina e dua e gadreva na veivuke ena gauna oqo?(Raica na Cakacaka 2:4, tikina taumada.)

Nanuma mai vei Ellen White:

“Na sala ga I Karisito ena rawati dina kina na gaunisala meda yacovi ira yani na vei tamata. E veimaliwai na iVakabula kei ira na tamata me vaka e dua e kila nodra gagadre . E vakaraitaka na Nona yalololoma vei ira, veiqaravi ki na nodra gagadre, ka rawata na nodra me ra vakabauta. Oti sa qai kaya vei ira, ‘Muri Au.’”

(The Ministry of Healing, p. 143)

Veika me masulaki

Masulaka me solia vei keda na yalo I Jisu vei ira na tamata era guilecavi ka gadreva na veivuke.

Soqosoqo lotu

Veikidavaki

Masu

I tavi ni Dauniveiqaravi:

Dabe vata kei na nomuni ilawalawa lalai. Ena sureti kemuni na timi ni masu me masulaka na Vosa ni Kalou ena nomuni ilawalawa. Ni oti e vica na miniti ni masu, oni na rogoca na timi ni masu ni tekivu me lagata e dua na qaqa ni sere. Ni oni rogoca oqo, yalovinaka veisau mai na masu ki na sere ka laga vata.

Vakavinavinaka:

(ILAWALAWA LALAI) Wilika na Maciu 9:35. Vakavinavinakataka na Kalou ena vuku ni veiqaravi I Jisu
kei ira na tamata, sega wale ga ni porokaramu.
(KECEKECE) Lagata e dua na sere ni vakavinavinaka.
Veivutuni:

(ILAWALAWA LALAI) Wilika na Maciu 9:36. Vakatusa na noda sega ni lomani ira na tamata. Kerea na
Kalou me bokoca na noda cala ni noda sega ni rawata na alololoma I Jisu vei ira na tamata era gadreva na veivuke.

(KECEKECE) Lagata e dua na sere ni veivutuni.

KEREKERE

(ILAWALAWA LALAI) Wilika na Maciu 9:37, 38. Kerea na Kalou me vakauti keda ka biuti keda ki na
Nona were ni tatamusuki me da qaravi ira na tamata era gadreva na veivuke.

(ILAWALAWA LALAI) Lagata e dua na sere ni Yalo Tabu.

Vakadinadinataka

(ILAWALAWA LALAI) Toso vata lewe rua se tolu ena nomuni ilawalawa lalai. Taroga ka sauma:

“Na cava e vukei iko kina na Kalou mo cakava ena 24 na auwa ena nomu I bolebole ena siga e Nanoa?

Bolebole ni 24 na Ya’ua-

Kerea na Kalou me vakaraitaka vei iko e dua na ka E vinakata mo cakava me sotava kina e dua na gagadre ni dua ena nomu vuvale. Veisorovaki mo cakava na cakacaka ni loloma oya ni bera na sota ni mataka. Wilika na Cakacaka 3:1–10 me vakarautaki iko kina ena Bogi ni mataka.)

Cakacaka ni Veivakaduavatataki

Dauniveiqaravi: Lewe ya rua se tolu. Tukuna vua na nomu itokani e dua na gauna e vakaraitaka kina e dua na vulagi na yalololoma vei iko ena gauna o gadreva kina na veivuke. E vakacava na kena tarai na nomu bula ena gauna oya? Masu vata me vakalougatataka na Yalo Tabu na Vosa ni Kalou

So Kalou ena nona vosa

(ILAWALAWA LALAI) Wilika na Cakacaka 3:1–10. Na yavu cava e rau vukea kina na tamata lokiloki o Pita kei Joni ka yaco me rau qaravi koya?

Nanuma mai vei Ellen White:
“E gadrevi meda toro voleka yani vei ira na tamata ena cakacaka ni veiqaravi. Kevaka e vakalailaitaki na gauna ni vunau wale ga, ka vakalevutaki na gauna ni veiqaravi vakatamata yadua, ena laurai e levu cake na vuata. Mera vakacegui na dravudravua, me qaravi na tauvimate, me vakacegui ira era rarawa kei ira era rarawa ena mate, me vakavulici na tawa kila, me vakasalataki ira era sega ni dau kila vinaka. Meda tagi vata kei ira era tagi, ka reki vata kei ira era reki. Ni vakamuria na kaukauwa ni veivakayaloqaqataki, na kaukauwa ni masu, kei na kaukauwa ni loloma ni Kalou, na cakacaka oqo ena sega, ena sega sara ga ni sega ni vua.” (The Ministry of Healing, pp. 143, 144)

Veika me masulaki
Dauniveiqaravi: Ena nomuni ilawalawa lalai, masulaka me raica rawa na tamata me vaka e raici ira o Jisu. Masulaka me yavalati na lomada ena yalololoma ni da raica na tamata era sega ni sotavi na nodra gagadre.

Veisureti (Appeal)
O cei eke nikua e gadreva na yalo I Jisu me baleti ira na tamata ka ra guilecavi ena nomuni vanua?

Lako mai, tomani au ena masu me da kerea na yalololoma I Jisu vei ira era gadreva na veivuke nikua.

Bolebole ni 24 na Ya’ua Kerea na Kalou me vakaraitaka vei iko e dua na tamata guilecavi ena nomuni vanua. Kerea vua na Kalou na ka e gadreva vei iko kei vei Jisu Karisito na tamata oya. Lako ka veiqaravi vua na tamata oya ena yaca I Jisu ni bera na sota ni mataka. Wilika na Cakacaka 4:32–37 me vakarautaki iko kina ena bogi ni mataka.

Welcome to UNLEASHED! We believe Jesus is coming soon. That’s why this year’s 10 Days of Prayer theme is all about inviting the Holy Spirit to transform our lives and our world. Join us as we seek God for 10 days of Spirit-led revival.

13/01/2026

SEREKA!
SIGA 8 — Lomani ira na Veivuvale Vakabauta me vakataki Jisu

Cakacaka 2:41-47

Nomu gauna kei na Kalou

Masu

Vakarautaki mai vei na General Conference Ministerial Association
Daily Readings by Pr. Don MacLafferty

WWW.TENDAYSOFPRAYER.ORG

Vakadikevi ka Vulici na vosa ni Kalou
Wilika na Cakacaka 2:41. E rawa vakacava ni vakatovolea na loloma ni lewe ni lotu taumada na levu ni tamata era vakabauti koya na Kalou ka tubu tiko ena veisiga?

Vakasala mai vei Ellen White:
Ni vakaraitaki na loloma ni Karisito ena vosa kei na cakacaka ni tamata vakabauta, ena cila na rarama vei ira era tiko ena butobuto; ni gauna era vosa ka vakacerecereya na vakavinavinaka vua na Kalou, ena dodo yani na ligadra ena loloma me vukei ira era yali tiko. E volai ni ena siga ni Penitiko, ni sobu mai kina na Yalo Tabu vei ira na tisaipeli, e sega ni dua e kaya ni nona ga na ka e taukena. Na ka kece era taukena era vakayagataki me vakatetei kina na cakacaka levu ni veivakavoui. E udolu era veisau ena dua ga na siga. Ni na cakacaka talega na yalotabu vata ga oqo vei ira na tamata vakabauta ena gauna oqo, ka ra vakasuka vua na Kalou na ka sa nona ena yalololoma vata ga, ena vakayacori e dua na cakacaka levu ka rabailevu.
(Manuscript 95, 1907, par. 17)

Nai matai ni agilosi ena Vakatakila 14, e kacivaka na gauna ni veilewai ni Kalou ka kacivi ira na tamata mera rerevaki koya ka vakarokorokotaki koya, e nakiti me tawasei ira na tamata era kaya ni ra tamata ni Kalou mai na veivakacacani ni vuravura, ka vakayadrati ira me ra raica na nodra ituvaki dina ni vakavuravura ka ra sa sese. Ena itukutuku oqo, sa tala mai kina na Kalou e dua na ivakasala vei ira na lotu, ka kevaka a ciqomi, ke sa vakadodonutaka na leqa e ka tawasei ira ira mai vuana Kalou. Kevaka era a ciqoma na itukutuku mai lomalagi, ra vakamalumalumutaka na yalodra vua na Turaga ka vakarautaki ira ena yalo dina me ra tiko ga ena nona I serau na Kalou, ena lumuti ira nona Yalotabu ka tiko kei ira na kaukauwa ni Kalou. Ena qai yaco ki veikeda na lewe ni lotu na ituvaki ni duavata, vakabauta kei na loloma me vaka ena gauna ni apositolo, ni ra a “ yalovata ka duavata ka lomavata,” ka “vosataka ena doudou kina ni tukuna na vosa ni Kalou,” ka “vakuria tiko na Turaga ena veisiga vei ira era sa vakabulai.”
Cakacaka 4:32, 31; 2:47
(The Great Controversy, p. 379)

Usutu ni Masu
Kerea vua na Kalou me vakasinaita na lomamu ena loloma mo qaravi ira na tamata sa kaciva tiko mai kina na Kalou ena gauna vakaparofisai e muri oqo.

Matavuvale / ITokani

Vakavakacakacaka
Vakasamatakana mada e dua na ka e cakava e dua ena nomu matavuvale se itokani ka vakaraitaka vakaidina ni lomani iiko. Wasea se dramataka ka raica kevaka era rawa ni vakasamataka se cava o a cakava vua.

Masu ena Yalo Tabu

Vakadikevi na Vosa ni Kalou
Wilika na Cakacaka 2:42–44. E veisautaka vakacava na Yalo Tabu na nodra lomani ira vakai ira na lotu taumada?

Vakasala mai vei Ellen White:
Era dodonu vei ira na tamata vakabauta me ra maroroya tikoga na loloma e vakasinaiti ira kina na Apositolo na Yalo Tabu. Era dodonu me ra lako tiko ena talairawarawa ena ivunau vou: “Mo dou veilomani: me vaka kau sa lomani kemudou, mo dou veilomani talega vakakina.” Joni 13:34. Era sa vakaduavatataki vakalevu vei Karisito me rawa kina vei ira mera vakayacora na nona gagadre na Karisito.Me vakalevutaki na kaukauwa ni Dauveivakabulai ka rawa ni vakadonui ira ena nona yalododonu na Karisito.
(Testimonies for the Church, vol. 8, p. 241)

Uto ni Masu
Masu me vukei ira yadua ena nomu matavuvale se itokani na Yalo Tabu, me ra lomani ira vakai ira ena vosa kei na cakacaka.

Veikidavaki

Qaravi koya na Kalou ena Masu
LIULIU: Wasea ka dabe vata kei na nomuni ilawalawa lalai. Ena kacivi kemuni nai Dauniveiqaravi mo ni masu ka wilika na vosa ni Kalou. Ni oti e vica na miniti ni masu, dou na rogoca na sere ni sa na lagati tiko. Ni yaco oqori, veisautaka na masu ki na sere ka da lagavata mai.

Vakavinavinaka:
• (KUMUKUMU LALAI) Wilika na 1 Joni 4:9, 10. Vakavinavinaka vua na Kalou ni sa vakaraitaka na nona loloma ena nona tala mai ko Jisu me rawa nida bula ena vukuna.
• (KECE) Lagati e dua na sere ni vakavinavinaka.

Vakatusa:
• (KUMUKUMU LAILAI) Wilika 1 Joni 4:11. Vakatusa nida sega ni lomani ira vakai keda me vaka na nona kaci na Kalou.
• (KECE) Lagati e dua na sere ni vakatutusa.

Kerekere:
• (KUMUKUMU LAILAI) Wilika 1 Joni 4:19. Kerea vua na Kalou me vukei iko mo lomani ira na lewe ni nomu lotu ena kaukauwa ni Yalo Tabu.
• (KECE) Lagati e dua na sere me baleta na Yalo Tabu.

Vakadinadina
(Mo dou veilomani: me vaka kau sa lomani kemudou, mo dou veilomani talega vakakina)

Kumukumu Lailai
1. Wasei kemuni enai ilawalawa ni le rua se le tolu.
2. Taroga ka sauma: “Na cava e vukei iko kina na Kalou mo cakava ena 24 na Aua sa oti oqo?”

Bolebole ni 24 na Ya’ua
Kerea vua na Kalou me vakaraitaka vei iko na sala vinaka duadua mo vakayaloqaqataki ira na gone ena nomu matavuvale se itokani. Ni bera na soqoni ni mataka, cakava sara na ka e vakaraitaka vei iko na Kalou. Wilika Cakacaka 2:41–47 me vakarautaki kina na mataka.)

Cakacaka ni duavata
(LIULIU): Wasea kemuni ena ilawalawa lalai ni le rua se le tolu. Tukuna vua na nomu itokani e dua na gauna bibi e cakava kina e dua na lewe ni lotu e dua na ka ni veinanumi se veivuke.

So- Kalou ena wiliki ni nona Vosa
(KUMUKUU LAILAI): Wilika Cakacaka 2:41–45. Ena sala cava era a lomani ira vakai ira kina na lotu ena gauna taumada ena yalo ni veisorovaki?

Vakasala mai vei Ellen White:
Ni oti na sobu mai ni YaloTabu, era lako yani na tisaipeli me kacivaka na Karisito sa tucake tale, ka dua ga na nodra gagadre: na vakabulai ni yalo. Era marautaka na kamikamica ni tikovakasoqoni vata kei ira na Vakabulai. Era yalomalua, dauveinanumi, sega ni nanumi ira ga, ka ra tu vakarau me ra sorovaki ira ena vuku ni dina. Ena nodra veimaliwai ena veisiga, era vakaraitaka na loloma e vakarota vei ira ko Karisito. Ena vosa kei na cakacaka sega ni kocokoco, era saga me vakaukauwataki talega na loloma oqo ena lomadra na tani.
(The Acts of the Apostles, p. 547)

Usutu ni Masu
LIULIU: Masu vata kei na nomuni ilawalawa me vakadikeva na Yalo Tabu na noda itovo ni sega ni kauwaitaki ira eso ena noda matavuvale ni lotu era gadreva na veivuke.

Veisureti (Appeal)
O cei eke nikua e sa vinakata me kerea vua na Yalo Tabu me dolava na lomana me lomani ira na nona matavuvale me vaka e sega ni bau cakava rawa eliu? Kevaka oqo na nomu vakatulewa kei na gagadre , lako mai ka mai duavata kei au ena masu.

Bolebole ni 24 na Ya’ua
Kerea vua na Kalou me vakaraitaka vei iko e dua na ka e vinakata mo cakava me sotava kina na gagadre ni dua ena nomu matavuvale. Sorovaka na gauna kei na kaukauwa mo cakava na cakacaka ni loloma oqori ni bera na soqoni ni mataka. Wilika na Cakacaka 3:1–10 me vakarautaki kina na mataka.

12/01/2026

SEREKA!
SIGA 7 — Vakatisaipelitaki ira na i Solisoli kei na Veitabatamata Kecega me ra Tukuni Jisu
Cakacaka 2:17,18
Gauna Taudua kei Koya na Kalou
Masu
Dikeva na Vosa
Me wiliki: Joeli 2: 28-29. Na cava e parofisaitaki ena tikina oqo me baleta na kena sovaraki na Yalo Tabu?

Veivakararamataki mai vei Ellen White:
Na nona I tuvatuva na Kalou me baleti ira na luveda era tubu cake ena loma ni noda matavuvale e rabailevu, titobu ka cecere me vaka e rawa ni da vakanananu kina. Mai na dua na I tekitekivu malumalumu, o ira era yalodina ki vua na Kalou ena veitabagauna sa oti era kacivi mai vua na Kalou me ra nona I vakadinadina ena veivanua cecere kei vuravura. Vuqa vei ira na I tabagone nikua, me vakataki Taniela ena loma ni nona matavuvale lailai oya mai Jutia, e vulica na vosa kei na cakacaka ni Kalou, ka taura deivaka na I vakavuvuli ni veiqaravi yalodina, era na duri doudou ena matadra na vu ni lawa, turaga ni lewa kei na veituraga me ra nona I vakadinadina na Tui ni vei tui. Lewe vuqa era na kacivi ki na cakacaka ni veivakalotutaki. Na vuravura nikua sa gagadre me rogoca na kosipeli ni gone turaga o Jisu….. Sa rogo tiko mai na nodra tagi o ira era vesuki tu ena I valavala ca me ra vakakilakataki ena nona loloma na Kalou…..Na bolebole sa noda o I keda eda sa ciqoma oti na I tukutuku vinaka ka vaka talega kina o ira na luveda era sa mai vakararamataki ena I tukutuku vinaka oqo me da sotava na tagi ni kere bula mai vei ira na lewe I vuravura. Ki na veivuvale yadua, na veikoronivuli, I tubutubu, qasenivuli kei ira na I solisoli eda a sa vakararamataki oti ena I tukutuku vinaka, ena gauna dredre oqo, e voqa tiko mai vei keda na taro vata ka a tarogi ki vei Esiteri ena dela ni gauna dredre e ra a sotava na Isireli, ‘Ia ko cei e kila, de ko sa yaco beka mo ranadi ena vuku ni gauna oqo?’ (The Adventist Home, drauniveva 484).

Usutu ni Masu
Masuta na Kalou me vukea na nomu bula mo I vakayaco ni parofisai oqo ena Joeli 2:28-29.
Matavuvale/Veitokani
Cakacaka ni Veisemati (Connect Activity)
Ena loma ni nomu matavuvale se na matailawalawa vaka I tokani voleka, vakataroga se cava e dua na taledi se kilaka e tiko vua e dua ka ko gagadre me vakavulica ki vei iko. Ni da veisolisolitaka na taledi kei na kilaka e tu vei keda ki vua e dua tale, e vaka sara talega kina na noda na rawa ni wasea na noda vakabauta, yaloqaqa kei na yalo ni kaulotu ki vei ira na noda lewe ni matavuvale se matailawalawa vaka I tokani voleka.

Masu me baleta na Yalo Tabu
Masu vata me baleta na Yalo Tabu. Kerea me nomu na vosa ni yalayala ena Luke 11:13.
Vakadikeva na Vosa ni Kalou (Explore the Word)
Me wiliki: Cakacaka 2:17, 18 kei na Malakai 4:5, 6. E veivuke vakacava na I tukutuku ena I vola nei Malakai me vakarautaka na bula yadudua kei na veivuvale me ra tiki ni parofisai ni vakataotioti ni gauna ena I vola ni Cakacaka 2:17,18.

Vakanananu mai vei Ellen White:
O ira na I tubutubu, e rui bibi me ra kila ni ra nona dauniveiqaravi na Kalou me vakataki Eparama, ena kena vakavulici na loma ni Kalou ki vei ira na I solisoli. E dodonu me ra dauvakasaqaqara vakagumatua ena vosa ni Kalou me rawa ni ra kila na loma ni Kalou ka vakatavulica ki vei ira na lewe ni matavuvale. E vakaraitaka na parofita o Maika ‘Ia ka cava tale sa taroga maivei iko ko Jiova, mo caka dodonu ga, ka mo vinaakata na yalololoma, ka mo yalomalumalumu talega ni drau lako vata kaya na nomu Kalou?’ (Maika 6:8). Me rawa ki vei ira na I tubutubu me ra veivakatavulici, taumada ena dodonu me ra vakavulici ka vakasokumuna na veirarama talei e so mai vua na Kalou me rawa ni ra vakavulica ki vei ira na nodra I solisoli ena vosa kei na I vakarau.
Ena rarama e solia ki vei au na Kalou, ko I rau na I tubutubu e rau I talatala ni Kalou ena loma ni matavuvale, e rau vuniwai ni bula ka qasenivuli talega ena nodra semati na I solisoli ki vei rau ka vaka kina ki vua na Kalou, ka ra tuberi me ra vakarusa na veivalavala ni bula ena vakataotaka na cakacaka ni Kalou ki na nodra bula, ka vakavulici me ra maroroya vakavinaka na nodra bula. (The Adventist Home, drauniveva 184)
Usutu ni Masu
Kerea na Kalou me vakatawana na nomu bula ena loloma e vuabale ka vakavoutaka tale na nomudrau veiwekani vinaka kei na dua na lewe ni matavuvale, na veiwekani ka a mai vakaleqai ena dua na gauna sa oti.
Lewe ni lotu
So-Kalou ena Masu
Dabe ena nomu I kumukumu lalai. Veimasulaki ena rarama ni vosa ni Kalou e sa qai wiliki oti. Ni oti e vica na miniti, eratou sa na lagata e dua na sere na timi ni masumasu (prayer team) ka me da na qai dua vata kei iratou ena sere ni sa oti na noda masumasu.
Vakamolimoli
1. KUMUKUMU LALAI. Me wiliki na Joeli 2:1. Vakacaucautaka na Kalou ena vuku ni nona na lesu vakarua tale mai ko Jisu me vaka e vakaraitaka tiko na tikina oqo ‘ni sa lako mai na siga I Jiova, ka ni sa voleka mai’. Ko Jisu ena lesu tale mai.
2. KECE. Me lagati e dua na sere ni vakacaucau.
Veivutuni
1. KUMUKUMU LALAI. Me wiliki na Joeli 2:12, 13. Tagica na Kalou me vakalesuya na yalomu ki vua.
2. KECE. Me lagati e dua na sere ni veivutuni kei na veivosoti.
Vakatakekere
1. KUMUKUMU LALAI. Me wiliki na Joeli 2:15-17. Kerea na Kalou me tala mai na nona Yalo Tabu me vakasokumuni ira mai na lewe ni veivanua ki vei Jisu Karisito ni se vo na gauna.
2. KECE. Me lagati e dua na sere me baleta na Yalo Tabu.
Tukuni Yalo
KUMUKUMU LALAI
Ena I kumukumu ni lewe rua se lewe tolu, veitarogi ka veiwaseitaka na gaunisala cava e veivuke kina na Kalou ki vei iko ena vuku ni bolebole ni siga e na noa (yesterday’s 24 hour challenge).
Bolebole ni siga e na noa. Kerea na Kalou me solia ki vei iko na yaloqaqa I Karisito mo wasea ki vei ira na tani na veika e sa cakava tiko na Kalou ki na nomu bula.
Masu. Kerea na Kalou me liutaki iko na nona Yalo Tabu ki vua e dodonu me rogoca na nomu I talanoa ena vuku ni veika sa cakava tiko na Kalou ki na nomu bula
Wasei Jisu ki vua na wekamu oqori.
Vakavakarau ki na siga ni mataka. Wilika na Cakacaka 2:17, 18, 4:24-31
Veiqaravi Ni Veisemati
Ena I kumukumu ni lewe rua se lewe tolu, wasea na kena I talanoa e dua e a tuberi iko ka vakavulici iko mo vakabauti Jisu, muri Jisu ka wasei Jisu ena nomu a se gone se cauravou/goneyalewa kina. E na rawa vakacava ni da veituberi ka veivakatavulici vakakina ki vua tale e dua?

So-Kalou Ena Vosa.
KUMUKUMU LALAI
1. Me wiliki na Cakacaka 2:17, 18. Gauna cava ena vakavotukanataki kina na parofisai oqo? Na cava era na cakava na veitabatamata eso ni ra sa na vakasinaiti ena Yalo Tabu?
2. Me wiliki. Vakarua 6:4-7. E veivuke vakacava na nona I tuvatuva na Kalou ena tikina oqo, ena nodra vakarautaki na I solisoli kei na tabagone me ra qarava na nodra I tavi ena parofisai ni vakataotioti ni gauna ena Cakacaka 2:17, 18.
Tukutuku Mai Na Yalo ni Parofisai
Ena nona vuku na Kalou, e vakarautaka kina na matavuvale me dua na koronivuli uasivi. Na matavuvale na vanua e na tekivutaki taumada kina na nona tuberi e dua na I solisoli. Oqo na I matai ni nona koronivuli. Eke, ena nodrau veivakasalataki na I tubutubu, ena vulica kina na I solisoli na veilesoni eso me na tuberi koya yani kin a veiyabaki ni nona bula, na vakarokoroko, talairawarawa, veidokai kei na bula vakaivakarau. Na veituberi mai vale ena vakatautaki kina na I tinitini vinaka se ca. Dina ga ena so na gauna, na veituberi mai vale ena tau malua ka berabera ni laurai na vuana vei ira na I solisoli, ia kevaka e vakadeitaki tiko na nodra tuberi ena sala e dodnu, ena vakadeitaki ira na luveda ena dina kei na yalododonu ena veisiga mai muri. Ia kevaka era sega ni tuberi ena sala e dodonu, o Setani ena vakayacora na I tavi ni veivakavulici me vaka na nona lewa. Oqo na bibi ni koronivuli ena matavuvale. Raica na matavuvale me vaka e dua na koronivuli ni veituberi era vakarautaki kina na luveda ena vuku ni nodra I tavi ena matavuvale, I tikotiko kei na I soqosoqolotu. (The Adventist Home, drauniveva 182).

Usutu Ni Masumasu
Masu vata vaka I kumukumu lalai.
1. Tubutubu me susugi ira ka tuberi ira na I solisoli kei na tabagone ena loma ni matavuvale me ra vakararavi vei Jisu, muri Jisu ka wasei Jisu.
2. Tabagone kei ira na qase cake me ra duavata ena kena wasei na I tukutuku kei Jisu ki na nodra I tikotiko kei na veiyasai vuravura.

Veisureti
Veisureti ki vei ira e sa tarai na nodra bula me ra vakayagataka na nodra kaukauwa kei na nodra gauna ena nodra susugi ka tuberi na I tabagone me ra vakabauti Jisu, muri Jisu ka wasei Jisu ena kaukauwa ni Yalo Tabu. Me ra lako mai e liu me da mai masu vata.

Bolebole Ni 24 Na Ya’ua Mai Oqo.
Kerea na Kalou me vakadeitaka ka veivakayaloqaqataki ena gaunisala ni vakabauta era lako curuma na noda I solisoli, lewe ni matavuvale se I tokani voleka.
Ni se bera na sota ni mataka, tovolea mo vakayacora na ka e vakauqeti iko kina na Kalou ena nodra qaravi na noda I solisoli.
Me wiliki na Cakacaka 2:41-47 ena vuku ni vakavakarau ki na siga ni mataka.