15/06/2026
Недела 14ти Јуни 2026 година ☦️
Во Втората Недела после Педестница беше отслужена Света Божествена Златоустова Литургија во нашиот храм „света Великомаченичка Недела". Со светата Литургијата чинодејствуваше Отец Стојанчо Јанев и хорот при црквата.
Денеска е втората Недела после Педесетница, во Денешното евангелие се зборува како нашиот Спасител ги повикал на апостолска служба двајцата браќа Петар и Андреј и синовите на Заведеј,Јаков и Јован.
„И,одејќи покрај Галилејското мора ги виде двајцата браќа,Симона наречен Петар,и брат му Андреј како фрлаат мрежа во морето бидејќи беа рибари.И им рече, „појдете по мене и Јас ќе ве направам ловци на луѓе.“И ете,тие веднаш ги оставија мрежите и тргнаа по Него.“
„Потоа одејќи натаму виде други двајца браќа Јакова и брат му Јован во кораб кој ги крпеа своите мрежи и ги повика. И тие веднаш го оставија коработ и татка си и тргнаа по Него. Колку прост, краток и јасен повик : „Појдете по мене!“ Каква решителност оставија се и тргнаа по Него.
Со што ги уловил тие чисти,прости души?Што им ветил? Со што толку ги придобил та веднаш,без размислување, без двоумење ги оставле своите домови,своите ближни,своите имоти и тргнале по новиот Учител? Дали Христос им ветилвна своите следбеници власт? Не. Он јасно им рекол, поголемиот меѓу вас да биде како најмалиот, и тој што е старешина да биде како слуга (Лк.22,26).
И денес се потребни апостоли повеќе од било кога. Многу луѓе, браќа,сестри ближни и подалечни,живеат во омраза се уништуваат меѓусебно како ѕверови.А повеќето луѓе во светот живеат потполно неодговорно за својата душа,ја заборавиле,ја напуштиле зашто мислат дека животот е само тоа: да јадат, да спијат, да работат и пак да спијат.Душата спие во длабок сон.Потребни се апостоли, потребни се смели,предани гласници кои не ги жалат својот глас и не ја штедат својата сила.Тие треба да викаат силно, зашто сонот е длабок, темнината цврсто ги опфатила и малите и големите.Потребна е преданост на Божјото дело.
Амин.
