Agape Zomi Christian Church, Brisbane

14/06/2026

Tuni Music tumte leh la makaite in zong nuamsa mahmah uh hi!

14/06/2026

Tuni Naupangte in zong Pasian phatna nuamsa mahmah uh hi!

14/06/2026

Tuni T**a thupha tawh biakpiakna nuam mahmah ei! To God be the glory.

14/06/2026

Tuni Praise & Worship zong nuam mahmah ei!

14/06/2026

13/06/2026

You R Warmly Welcome
⛪️ AZCC
🎺🎶 Nu. Manleuh
📖✝️ Rev. David Tluang
⏰ 1pm-3pm.

11/06/2026

Tuni nisim Lai Siangtho simna maban a neilo I omkhak leh Sawltak alian 22 na sung hiding cih aki phawksak hi hang.

1,Paul in, “Pate le sanggamte aw, tu in ka kihutna thu hong gen ding ka hih manin hong ngaihsak un,” a ci hi.

2 bAmaute in Hebrew paua tawh a gen a zak uh ciangin a gamdai semsem uh hi.

3 cTua ciangin amah in, “Cilicia gam Tarsus khua a piang Judah mi taktak ka hi hi. Ahi zongin, Gamaliel pattahna tawh hih khuapi ah a khangkhia ka hi hi. Amah in i p**e i pate thukham tawh kituak in limtakin hong sinsak a, tuni a note khempeuh mah bangin Pasian thu ka hahkat mahmah hi.

Paul In A Kikhelna Genkik
Saw 9:1-19; 26:9-18
4 “Hih Lampid thu a um numei pasalte manin thong sungah ka khia a, tua Lampi thu suksiat ding ka hanciam hi. 5 eSiampi Ukpa le makaite khempeuh in a theih ding mah bangin amaute kiang panin laikhak khat Damascus a om sanggamte muh dingin ka pua a, amaute Jerusalem ah a kibawlsiat theih nadingin kolbulh in a kai dingin ka kuan hi.

6 “Tu in Damascus khuapi ka tunkuan uh, sunkim pawlin a tangpha mahmah khuavak khat vantung panin ka kimah thakhatin a hong tang hi. 7 Tua ciangin lei ah ka puksuk a, ‘Saul aw, Saul aw, banghang in kei hong bawlsia na hi hiam?’ hong ci awging khat ka za hi.
8 f“Tua ciangin, ‘T**a aw, nang kua na hi hiam?’ ka ci hi.
“Amah in, ‘Nong bawlsiat Nazareth mi Zeisu ka hi hi,’ a hong ci hi. 9 Ka tonpih ka lawmte in tua khuavak a muh uh ciangin a lau uh hi. Ahi zongin kei hong kihopihna awging a tel thei kei uh hi.

10 “Tua ciangin keimah in, ‘T**a aw, bang hih ding ka hi hiam?’ ka ci hi.
“T**a in, ‘Tho inla, Damascus khuapi sungah lut in. Nangma sep dinga ka gelsa teng tualai ah kong hilh ding hi,’ a hong ci hi.

11 Tua khuavak khauhlua a, khuamu thei lo ka hih manin ka lawmte in hong bankaih uh a, Damascus khuapi ka tung hi.
12 “Tualai ah thukham tawh kituak in Pasian a bia, Ananias kici mi khat om a, tua khua a teeng Judah mi khempeuh in a zahtak mahmah khat uh ahi hi.

13 Amah ka kiangah hong pai in ka gei ah hong ding a, ‘Sanggampa Saul aw, khua mu ta in,’ a hong cih ciangin tua hun lian mahin amah ka mu thei pah hi.

14 gTua ciangin amah in, ‘Pasian deihna a thei ding, Mi dikpa a mu ding le ama thu genna aw a za dingin i p**e i pate Pasian in nang hong teel zo hi. 15 Na muh khitsa le na zak khitsa thute mi khempeuh tungah na gen ding a, ama aa dingin teci na pang ding hi.

16 hTu in zong bang ngak na hi hiam? Tho inla kituiphum in. T**a minin thungen inla, na mawhnate silsiang in,’ a hong ci hi.

17 “Tua khit ciangin Jerusalem khuapi ah ciahkikin biakinnpi huang sungah thungen a ka om laitakin mang ka mu hi. 18 Tua ka mangmuhna sungah T**a ka mu a, amah in, ‘Kinawh inla Jerusalem khuapi pan paikhia mengmeng in; banghang hiam cihleh keima thu teci na panna amaute in hong sang lo ding uh hi,’ a hong ci hi.

19 i“Tua ciangin keimah in, ‘T**a aw, kikhopna inn sungah lutin nang hong um mite satin thongah ka khia hi cih thu amaute in a hong thei uh hi. 20 Nangma thu hanga thahna a thuak Stephen sisan a luansak laitakun ama sih nading thukim in amaute kiangah ka ding a, amah a that mite puan zong ka kepsak hi,’ ka ci hi.

21 “Tua ciangin amah in, ‘Hih mun pan paikhia in. Gamlapi a om Gentilete kiangah kong sawl ding hi,’ a hong ci hi,” ci in a gen hi.

Rome Gam Mi Paul
22 Amaute in Paul thugen hih ciangciang a ngai uh hi. Tua khit ciangin a aw uh sangsak in, “Hih bang mipa leitung panin hemkhia un a nungta dingin kilawm lo hi!” ci in a kiko uh hi.

23 A kiko kawmun a puante uh suahkhia in vantung lamah leivui a thehto uh hi. 24 Galkapte in galkap len ah Paul a paipih nadingun galkap mangpa in thu a pia hi; banghang in mi honpi in amah langpan in hi bangin kiko uh hi ding hiam cih a theih nadingin amah sata thu a sit nadingun a sawl hi.

25 Amaute in savun khau tawh amah a hen laitakun Paul in ama kianga a ding galkap 100 ukpa kiangah, “Rome gam mi khat mawh hi ci a, thukhenna om nai lopi a sat ding pen thukhenna ngeina tawh a kituak mah ahi hiam?” a ci hi.

26 Galkap 100 ukpa in hih thu a zak ciangin galkap mangpa kiangah pai in, “Hihpa Rome gam mi ahi hi na hihsawm thu kidawm in,” a ci hi.

27 Tua ciangin Paul kiangah galkap mangpa pai in, “Nang, Rome gam mi na hi hiam hong gen in,” a ci hi.
Paul in, “Ka hi hi,” a ci hi.
28 Tua ciangin galkap mangpa in, “Ken Rome gam mi ka suah nadingin sum tampi ka pia hi,” a ci hi.
Paul in, “Kei ka suahpih ahi hi,” a ci hi.

29 Tua ciangin thu a sit sawm mite ama kiang panin a kihemkhia pah uh hi. Galkap mangpa in Paul na hen kha khinzo ahih manin Rome gam mi ahihlam a theih ciangin a lau hi.

Thukhente Mai Ah
30 jBanghang in Judah mite in Paul mawhmat uh hiam cih thu galkap mangpa in thei nuam ahih manin a zingciang in Paul a kihennate a phelsak hi. Siampi liante le thukhente khempeuh kikhawmsak a, Paul zong paipihin amaute mai ah a koih nadingun thu a pia hi.

10/06/2026

Tuni nisim Lai Siangtho simna maban a neilo I omkhak leh Sawltak alian 21 na sung hiding cih aki phawksak hi hang.

21: Jerusalem khua ah Paul a Zinna

1. Tua mite tawh ka kikhen khit uh ciangin teembaw tuangin Cos khua tangtakin ka tung uh a, a zingsang ciangin Rhodes tuikulh ah ka tung uh hi; tua khua panin Patara tuikulh ka tung leuleu uh hi.

2. Phoenicia gamah a pai ding teembaw khat ka muh uh ciangin tua teembaw tuangin ka pai uh hi.

3. Cyprus tuikulh ka galmuh uh a, tua pen veilam ah koihin Syria gam galkahin Tyre khua ah ka kinga uh hi, bang hang hiam cih leh tua lai-ah teembaw van suah khiat ding a om hi.

4. Tua lai-ah nungzuite ka muh uh ciangin ni sagih sung amaute’ kiangah ka taam uh hi. Amaute in Jerusalem khua ah Paul a paisuak lohna dingin Kha Siangtho’ theihsakna tawh a kho uh hi.

5. Tua lai-ah ka taam ni zah ding uh a cin khit ciangin ka dingkhiakik uh a, amaute khempeuh in, a zi a tate uh tawh khua nawl ah kote hong kha uh hi. Tuipi gei ka tun uh ciangin, khukdinin thu ka ngen uh hi.

6. Tua khit ciangin khat le khat mangpha kikhakin, teembaw tung ka kahto uh a, amaute ahih uh leh inn ah a ciahkik ta uh hi.

7. Kote in Tyre khua pan tuipi tung khualzinna ka man khit uh ciangin Ptolemais khua ka tung uh hi. Tua ciangin thuzuite tawh holimin amaute’ kiangah ni khat ka taam uh hi.

8. A zing ciang pai leuleu-in Caesarea khua ka tung uh hi. Kote in lungdamna thuhilhsia sagihte’ lakah khat ahi Philip’ inn ah ka tung uh hi.

9. Amah in kamsang thu a gen thei ta nungak li a nei hi.

10. Tua lai-ah ni tampi taamin ka om laitakun Judea gam panin Agabus kici kamsang khat hong paisuk hi.

11. Tua pa kote’ kiangah hong pai-a, Paul’ kawnggak la-in, ama khut le a khete kihenin, “Kha Siangtho in, ‘Jerusalem khua ah hih kawnggak neipa, Jew mite in hih bangin hen ding uh a, Gentile mite’ khut sungah pia ding uh hi,’ ci hi,” a ci hi.

12. Kote in hih thu ka zak uh ciangin kote le tua lai-a om mite in Jerusalem khua ah Paul a pai lohna dingin ka thum uh hi.

13. Tua ciangin Paul in, “Bang hangin note kapin, ka lungtang hong tamkhamsak na hi uh hiam? Bang hang hiam cih leh kei hong kimanin thong hong kikhiat bek tham loin T**a Jesu’ min hangin Jerusalem khua ah sih ding nangawn a kigingkholsa ka hi hi,” a ci hi.

14. Ka khohna uh hong man’ nop loh ciangin kote in, “T**a’ deihna bangin piangta hen,” ci-in ka kho nawn kei uh hi.

15. Hih nite khit ciangin ka kithawi uh a, Jerusalem khua ah ka paito uh hi.

16. Caesarea khua panin nungzui pawl khat in zong kote hong zui uh hi. Ka zin tunna ding uh Mnason’ inn ah hong kha uh hi. Amah Cyprus mi hi a, nungzui masate’ lakah khat hi-in, amah tawh ka taamkhawm uh hi.

Paul, Jerusalem a om James’ kiangah Hawh
17. Jerusalem khua ah ka tun uh ciangin sanggamte in lungdamna tawh hong muakin hong tungsak uh hi.

18. A zing ciangin Paul le ko teng James’ kiangah ka hawh uh a, tua lai-ah upate khempeuh a om hi.

19. Tua mite a hopih khit ciangin Paul in Gentile mite’ lakah ama nasepna tungtawn a Pasian’ nasepna khempeuh khat khit khat a gen hi.

20. Amaute in tua thu a zak uh ciangin Pasian a phat uh hi. Tua khit ciangin amaute in Paul’ kiangah, “En in, sanggam aw, Jew mite’ lakah thuzui tul tampi a om hangin amaute khempeuh in Thukham hahkat takin a zuite ahi uh hi.

21. Gentile mite’ lakah a teeng Jew mite khempeuh in amaute’ tate vunatsak lo tham loin ngeina tang loin Moses’ thu nusia dingin na hilh hi, ci-in amaute a kizasak zo uh hi.

22. Tua ahih manin bang cih ding ihi hiam? Amaute in hih lai-ah nong tun za khin taktak ding uh hi.

23. Tua ahih manin kong gen bangun hih in. Kote’ kiangah a kiciam khinsa mi li ka nei uh hi.

24. Tua mite paipih inla, amaute a ngeina om bangin a kisiansuahna uh ah va kisiangsak un, amaute’ sam a metna ding uh sum a s*k ding hi. Hih bangin mi khempeuh in nangma thu a kigennate a man lohna thei ding uh a, nangmah mah thukham thu manga a nungta na hihna a thei ding uh hi.

25. Ahi zongin thuzui Gentile mite ahih uh leh kote’ thukhensatna lai amaute ka khak zo uh a, amaute in milim biakna sa le ante, sisan, gawlmeek ganhingte’ sa le nungak-tangval kimawhna a tan dingun ka gelh zo uh hi,” a ci uh hi.

26. Tua khit ciangin Paul in tua mi lite paipih a, a zing ciangin amah mah kisiansuahna nei-in, amaute tawh biakinnpi sungah lut a, a kisiansuah hun ding a ni zah leh amaute khat ciat in biakpiakna a bawl ding hunte a theisak hi.

Biakinnpi sungah Paul Kiman
27. Tua ni sagih a cin’ dektak ciangin Asia gam pana Jew mite in biakinnpi ah Paul a muh uh ciangin, mihonpite tawsawnin a man uh hi.

28. Tua mite in, “Israel mite aw, hong huh un! Hih pa in i minam ahi zongin, i thukham ahi zongin, hih mun ahi zongin, a kituak loin bawl a, mun khempeuh ah mi vekpi’ kiangah thu a hilh hi. Tua tham loin Greek mite biakinnpi sungah lutsakin, hih mun siangtho a ninsak hi,” ci-in a kiko uh hi.

29. Bang hang hiam cih leh, tu-ma a sawt nai lo hunlai-in khuapi sungah Ephesus khua mi, Trophimus le Paul a kithuah mu uh ahih manin, Paul in tua mipa biakinnpi sungah lutpih khin ding hi, ci-in a ngaihsun uh hi.

30. Tua khit ciangin khuapi sung khempeuh liinglawng a, mun khempeuh panin mi hong tai-in hong kikhawm uh hi. Paul manin biakinnpi panin kaikhia uh a, kongpite thakhatin a khak pah uh hi.

31. Amaute in Paul thah a sawm laitakun, Jerusalem khuazang hehin so uh hi, cih Rome galkap za khat a ukpa’ kiangah thu a tung hi.

32. Amah in galkapte le galkap mangte thakhatin sam pah a, tua mite’ kiangah a taisuk uh hi. Amaute in galkap mangpa le galkapte a muh uh ciangin, Paul a sat nawn kei uh hi.

33. Tua ciangin galkap mangpa hong paikhia a, Paul a mat khit ciangin s*kkhau nih tawh hen dingin thu a pia hi. Tua khit ciangin, “Hih mi kua mi ahi hiam? Bang khialhna nei ahi hiam?” ci-in a d**g hi.

34. Mihonpi’ lakah pawlkhat in thu khat gen a, adang pawlkhat in thu dang khat mah genin a kiko uh hi. Galkap mangpa in mite’ buaina hangin thutak a teltakpi-in thei zo lo ahih manin galkap inn sungah Paul paipih dingin thu a pia hi.

35. Kahlei ah Paul a tun’ ciangin mihonpite heh mahmahin ngongtat uh ahih manin, galkapte in Paul domin a pua uh hi.

36. Mihonpite in a nung uh zui-in, “Amah thatmang un,” ci-in a kiko uh hi.

Paul amah le amah Kidal
37. Galkapte in galkap inn sungah Paul a lutpih kuan uh ciangin amah in galkap mangpa’ kiangah, “Kam khat hong gensak in,” a ci hi. Tua ciangin amah in, “Greek pau na thei hiam?

38. Nangmah in, a beisa hunlai-in k*mpi langpang ding hanthawnin, mi tul li gampa lakah a paipih Egypt mipa hilo na hi hiam?” ci-in a d**g hi.

39. Paul in, “Cilicia gama a minthang Tarsus khua a suak, Jew mi ka hi hi. Hih mite’ kiangah thu ka gen theihna dingin thu hong pia in, cih kong thum hi,” a ci hi.

40. Galkap mangpa in thu a piak ciangin Paul in kahlei tungah dingin mihonpite’ lamah a khut a van hi. Mihonpite khempeuh a daih khit uh ciangin, Paul in Hebrew kam tawh amaute’ tungah thu a gen inah:

09/06/2026

Tuni nisim Lai Siangtho simna maban a neilo I omkhak leh Sawltak alian 20 na sung hiding cih aki phawksak hi hang.

20:Macedonia gam le Greece gamah Paul khualzin

1. Tua thu buai a ven khit ciangin Paul in nungzuite sam a, amaute a hanthot khit ciangin, amaute mang pha khak a, Macedonia gamah a pai hi.

2. Tua gamah zin kawikawi-a thuzuite a hanthot khit ciangin Greek gam a tung hi.

3. Amah tua lai-ah kha thum sung a taam hi. Amah teembaw tawh Syria gamah pai dingin a kisak laitakin Jew mite in amah thah a sawmsimna thu za ahih manin Macedonia gam tawn-a ciahkik dingin a khensat hi.

4. Beroea khua mi Pyrrhus’ tapa Sopater, Thessalonica khua mi Aristarchus, Secundus, Derbe khua mi Gaius le Timothy, Asia gam panin Tychicus le Trophimus-te in Paul a zui uh hi.

5. Hih mite na ma pai uh a, Troas khua ah kote hong ngak uh hi.

6. Ahi zongin silngo sawh loh Khomun Pawi ni khit ciangin kote in Philippi khua pan teembaw tuangin ka pai uh a, ni nga khit ciangin Troas khua ah ka lawmte uh pha-in tua lai-ah ni sagih sung ka taam uh hi.

Troas khua ah Paul’ Mangpha khak Hawhna
7. Ni sagih sung panin ni masa pen ni-in khomun balneen dingin ka kikhawm uh hi. A zingsang ciangin Paul paisawm ahih manin amaute tawh holimin zan kim d**gin thu a hilh hi.

8. Inn dawl tungnung ka kikhopna uh ah meivak tampi a kivak hi.

9. Paul in sawtveipi thu gengen ahih manin Eutychus kici tangvalno khat kongvang neu ah tu-a, a ihmut suak mahmahin a lusu hi. Tua ahih manin tua tangvalno ihmu a, inn dawl thum tung pan kiasukin amaute in a phottoh uh ciangin amah a na si khin hi.

10. Paul a nuai ah k*msuk a, ama tungah boksukin a kawi khit ciangin, “Lunghimawh kei un. Amah nungta hi!” a ci hi.

11. Tua ciangin inn dawl tung nungah kahto kik a, khomun balneenin a ne hi. Khuavak d**gin thu a gen khit ciangin amah a zinkhia hi.

12. Amaute in a nungta-in tua tangvalno hong paipih uh a, nakpi-in lungnopna a ngah uh hi.

Troas khua pan Miletus khua ah Teembaw tawh a Zinna
13. Kote in Paul tawh ka kituahna ding uh Assos khua ah teembaw tuangin ka ma pai uh hi. Bang hang hiam cih leh, amah in tua khua ah leilam zui-in pai ding a geel hi.

14. Assos khua ah ka kituah uh ciangin teembaw ah amah ka tuansak khit uh ciangin Mitylene khua ah ka paisuak uh hi.

15. A zing ciangin tua lai panin ka paikhia leuleu uh a, Chios tuikulh ka tung uh hi. A thai ciangin Samos tuikulh ka kantan uh a, a zing ciangin Miletus khua ka tung uh hi.

16. Bang hang hiam cih leh, ahih theih leh Paul in Pentecost ni lap nuam ahih manin Asia gam sung ah a hun beisak loin, Ephesus khua khengsuak a, teembaw tung tuangin a manlangin Jerusalem khua tun ding a khensat khin hi.

Paul in Ephesus khua Upate’ tungah Thugen
17. Miletus khua panin Paul in Ephesus khua ah mi paisakin pawlpi upate a samsak hi.

18. Amaute hong tun’ uh ciangin Paul in amaute’ kiangah: “Asia gam ka tun’ ni-a kipan tuni d**gin note’ lakah bang hong ci nuntak cih note in nong thei uh hi.

19. Keimah in Jew mite’ hong thah sawmna hangin gimna lianpi thuakin kiniamkhiatna tawh khitui luangin T**a’ na ka sem hi.

20. Note’ aading thuman thutak khat beek siit loin mipi’ mai-ah thu tangkona ahi zongin, inn khat pan inn khat ah ahi zongin pai-in thu kong hilh hi.

21. Keimah in Jew mite le Greek mite khempeuh kis*kkikin Pasian’ kiangah hong ciahkikna ding uh le i T**a Jesu a up theihna dingun tangko-in teci ka pang hi.

22. Tu-in Kha Siangtho’ hong sawlna mangin Jerusalem khua ah ka pai dinga, tua lai panin ka tungah bang thu hong piang ding cih ka thei kei hi.

23. Ahi zongin bawlsiatna le thong kiatnate in kei hong ngakna thu pen Kha Siangtho in khua khempeuh ah kei teci hong pangin hong theihsak tawntungna ka thei hi.

24. Ahi zongin Pasian’ hehpihna lungdamna thu hilhna dingin T**a Jesu in ka sep dinga hong piak nasep ka zawh theihna ding hi peuh leh ka nuntakna pammaih ka sa kei hi.

25. Tu-in pai kawikawi-a k*mpi gam thu ka tangkona note’ lakah kuamah in ka maitang nong mu kik nawn kei ding uh hi, cih ka thei hi.

26. Tua ahih manin note’ lakah kuama sisan’ aadingin leiibat ka nei kei hi, ci-in note’ tungah siangtakin kong pulak hi.

27. Bang hang hiam cih leh, keimah in Pasian’ ngimna buppi note’ tungah siit nei loin a vekpi-in kong tangko khin hi.

28. Tua ahih manin nomau mahmah na kikem unla, tuuhon buppi limtakin na kem un. A Tapa’sisan tawh a leisa Pasian’ Pawlpi a vak dingin Kha Siangtho in note hong koih hi.

29. Ka paikhiat khit ciangin note’ lakah ngia hang sante hong lut dinga tuute a hehpih loh ding lamtak ka thei hi.

30. Note’ sung mahmah panin zong mi pawlkhat zuauthu genin nungzuite pen amaute’ nungah a zui dingin a zolkhia ding uh hi.

31. Tua ahih manin keimah in k*m thum sung tawntung sun le zan ci loin note khempeuh khitui tawh kong thuhilhnate phawk gige unla, na kikem un!

32. Tu-in Pasian’ khut sung le ama hehpihna thu’ sungah note kong ap hi. Ama hehpihna in note hong khangtosakin mi siangthote’ lakah note a gamh hong luahsak ding hi.

33. Mi khatpeuh’ neihsa, ngun ahi a, kham ahi a, nikten puansilh ahi zongin ka deihgawh kei hi.

34. Hih ka khutte in kei le ka lawmte’ kitangsapnate hong pia hi, cih note in na thei uh hi.

35. Note in keimah bangin na nasepna uh ah, a zawngkhal mite na huh ding uh a, ‘Ngahna sangin piakkhiatna ah lungdamna lianzaw hi,’ ci-in T**a Jesu’ thute na ngaihsut dingun na khempeuh ah note’ etteh dingin kong lak zo hi,” ci-in a gen hi.

36. Paul in tua thu teng a gen khit ciangin amaute khempeuh tawh khukdinin thu a ngenkhawm uh hi.

37. Amaute khempeuh nakpi-in kap uh a, Paul ngawngkawi-in a nam uh hi.

38. Ama maitang mukik ngei nawn lo ding, a cihna kammal hangin amaute a dah mahmah uh hi. Tua ciangin amaute in amah teembaw ah a kha uh hi.