Xhamia Abdyl Frashëri

07/06/2026

Sot ekipi i xhamisë sonë mori pjesë në turneun e organizuar nga Xhamia Afrim Zhitia në Gänserndorf.

Me një angazhim, disiplinë dhe lojë të shkëlqyer, ekipi ynë arriti të fitojë vendin e dytë në këtë turne.

Falënderojmë organizatorët për mikpritjen dhe organizimin e këtij aktiviteti të bukur.

27/05/2026

Xhamia “Abdyl Frashëri” ju uron festën e bekuar të Kurban Bajramit!
Allahu ua pranoftë të gjitha ibadetet, lutjet dhe sakrificat tuaja, duke sjellë paqe, shëndet dhe begati në familjet tuaja.

Një urim i veçantë për haxhilerët tanë Zoti ua pastë pranuar Haxhin dhe ua shpërbleftë me të mira në këtë dhe botën tjetër.

Gëzuar Kurban Bajramin!

26/05/2026

Përkujtimi, vlera e dhikrit dhe duasë në Ditën e Arafatit dhe Kurban Bajramit
Ligjëratë nga Hafiz Avni Bekiri

24/05/2026

Të nderuar antarë,

Ju njoftojmë se Namazi i Sabahut do të falet në ora 04:30, ndërsa Namazi i Kurban Bajramit do të falet në ora 05:50 në Xhaminë Abdyl Frashëri.

Ju lutemi të keni kujdes gjatë parkimit të veturave në rrugën Weingartengasse.

Ju lutem parkoni vetëm nga ana e djathtë(Gjelbërt) , në drejtim të xhamisë (nga ana ku ndodhet xhamia), ndërsa anën e majtë(Kuqe) ta lëmë të lirë.

Po ashtu, te Weingartengasse, te dalja e Feuerwehr-it (zjarrfikësve), ju lutemi të lini hapësirë prej së paku 1 metër.

Ju lutemi të kemi kujdes edhe te hyrjet e fqinjëve dhe të mos ua pengojmë kalimin.

Faleminderit për mirëkuptimin dhe bashkëpunimin tuaj!

22/05/2026

Të nderuar anëtarë,

Ju njoftojmë se grumbullimi i mjeteve për prerjen e kurbanëve do të bëhet deri një ditë para Bajramit. Pagesën mund ta kryeni në xhaminë tonë.

Për çdo pyetje apo informatë shtesë, mund të kontaktoni Kryesinë.

Me respekt,
Kryesia

16/05/2026

🌙 Xhamia Abdyl Frashëri organizon tubimin e kurbanave për këtë vit.

💰 Çmimi i kurbanit: 210€

📍 Kurbanat destinohen për Medreset e trojeve Shqiptare, ndërsa ju mund ta zgjidhni vendin ku dëshironi.

🤲 Pagesën mund ta bëni në Xhamin Abdyl Frashëri.

“All-llahu e pranoftë nga të gjithë dhuruesit!” 🤍

01/05/2026

23/04/2026

NJOFTIM PËR TË PAME

Njoftojmë miqtë, shokët dhe dashamirët se babai Ismet Jaija dhe vëllezërit Serxhan Jaija dhe Ndriçim Jaija hapin të pamën për vëllain e tyre të ndjerë, Halil Jaija.

Allahu e mëshiroftë! Familjes, të afërmve dhe të gjithë dashamirëve, Zoti ua shtoftë durimin.

Njoftojmë gjithashtu se e pamja për gratë do të mbahet në ambientet e xhamisë.

Dita: E diel
Data: 26.04.2026
Ora: 09:00 – 16:00

Adresa:
Xhamia “Abdyl Frashëri”
Wilhelmsburgerstr. 11
3151 Ochsenburg

10/04/2026

📖 Mësimi i leximit të Kuranit për gjininë femërore

Njoftojmë se nga nesër fillon mësimi i leximit të Kuranit në Xhaminë “Abdyl Frashëri”.

🗓 E shtunë, 11 Prill 2026
🕒 Ora 14:00
📍 Xhamia “Abdyl Frashëri”

Mësimi do të mbahet nga teologia Rejhan Emini.

Ftohen të gjitha motrat që dëshirojnë të mësojnë leximin e Kuranit që të marrin pjesë.

10/04/2026

Të nderuar anëtarë,

Me dhimbje të thellë ju njoftojmë se dje ka ndërruar jetë djali i Ismet Jaijës nga fshati Orizare, Halil Jaija, vëllai i Serxhanit dhe Ndriçimit.

Lusim Zotin që në këtë ditë të xhuma t’ia falë xhenetin dhe familjes t’i japë sabër.

Varrimi do të bëhet nesër në fshatin Orizare.

Inna lillahi wa inna ilejhi raxhiun.