غوره مطالب Excellent content

03/09/2022

د دوزخ څخه د لیرې کېدلو اسانه لار :

رسول الله ﷺ فرمایلي دي: څوک چې یو مسلمان ورور په نس موړ کړي او تنده یې ماته کړي، چې موړ شي او اوبه شي، نو الله ﷻ به هغه بنده د دوزخ د اور څخه (7) خندقه لیري کړي، چې دیوه خندق اندازه د (500) کالو د تګ لار ده.

د حدیث مبارک اصل متن او منبع :
قال رسول الله ﷺ من أطعم أخاه خبزا حتی یشبعه وسقاه ماء حتی یرویه: بعده الله عن النار سبع، خنادق، بعد ما بین الخندقین: مسیرة خمسمائة سنه صححه الإمام الذهبي في
التلخیص، و رواه الحاکم في المستدرك. 7172.

17/07/2022

یو یهودي د مسلمانانو له یو کلي څخه تېرېده دا اراده يې وکړه چې باید ددې کلي مسلمانانو ته د اسلام په هکله شکونه او شبهات ورپیدا کړم . مخکې له دې چې کلي ته ورسېږي یو شپون يې پیدا کړ چې پسونه يې څرول یهودي له ځان سره وویل : لمړی يې له دا (ناپوه شپون ) څخه راپیل کړه او د اسلام په دين کې يې شکمن کړه.

یهودي شپون ته ځان یو لاروی مسلمان وښود تر کښېناستلو وروسته يې ورته وویل : ایا تا زموږ مسلمانان نه دي لېدلي چې د قران کریم دیرش سپارې په څومره تکلیف او زحمت سره یادوي؟ په داسې حال کې چې په قران کریم کې ډېر داسې ایاتونه سته چې یو له بل سره ورته دي (تکراري دي) ، نو ولې تکراري ایاتونه نه ځينې لرې کوو؟ ځکه په دې کې خو کومه ګټه هم نسته صرف د کلام "ایات" تکرار دی .

وروسته یهودي خپله خبره برابره کړه او د مکر (چل) په خندا سره یې وخندل او زیاته يې کړه: له دې وروسته چې د قران کریم یو شمېر برخې حذف کړل شي موږ ته به د قران کریم حفظ او ګردان اسانه شي.

د ټولو خبرو په جریان کښې چوپان غلی ناست او د یهودي خبرو ته یې غوږ نيولی ؤ کله چې د یهودي خبرې خلاصې شوې ، شپون وویل : ستا خبرې ښې او قناعت ورکوونکې دي.

خو زما سره یوه پوښتنه ده : ایا ستا په وجود کې داسې ورته شیان نسته ؟ چې هيڅ ګټه هم پکښې نسته مثلاً :دوه لاسونه ، دوې پښې ، دوه غوږونه او دوې سترګې دي ؟؟!

نو ته ولې دا اضافه ورته شیان له خپل وجود څخه نه حذفوې ددې لپاره چې وزن دې لږ شي ، هغه خوراک چې ته يې خورې ددې پر ځای چې ستا دبدن مشابه غړو ته ورسېږي د بدن نورو برخو ته به ورسېږي او وجود ته به دي ګټه وکړي ، کله چې ته د خپل وجود دغه مشابه توکي له منځه یوسې نو په راحت به شې سره ددې چې ستا په وجود کې ددې شیانو تکرار کومه ګټه هم نه لري.

کله چې یهودي د شپون خبرې واوریدلی د یهودي د مخ رنګ تور واوښت ولاړ سو او خپل د سفر سامان يې واخیستل پر کومه لار چې راغلی و بېرته هغې لارې ته وګرځېد، د افسوس او ناهیلۍ اسوېلي يې وایستل او له ځان سره يې وویل:
د یو شپون (چې پسونه یې څرول ) ځواب او فکر زه چپ کړم پس د دوی د علماء ځواب به څه ډول وي؟؟!

01/06/2022

ــ دمسواک: 20 :ګټې ــ

1-په مسواک سره خوله پاکيږي.
2- الله تعالى راضي کيږي.
3- مخ ورسره ځلانده کيږي.
4- په مسواک سره فصاحت زياتيږي.
5- غاښونه پاکوي.
6- په خوله کي خوشبويي پيداکوي.
7- رطوبت ختموي.
8- ستونى د بلغم څخه پاکوي.
9- ورۍ کلکوي.
10- دروح اخيستل اسانه کوي.
11- خوراک ژر هضموي.
12- دشيطان مخ توروي.
13- په رزق کي براکت راولي.
14- د غاښونو خيرى او درد ليرې کوي.
15- معده قوي کوي.
16- عقـل تـيزوي.
17- زړه پاکـوي.
18- مخ نوراني کـوي.
19- زړه او دماغ ته قوت ورکـــوي.
20- د عامو ناروغيو لپـاره د خلاصون سبـب دى.

01/06/2022

يو چا خالد ابن ولید ته ویل: فلانکي تاته ښکنځل وکړل، هغه ورته ویل: خپله عملنامه چې په هرڅه ډکوي خوښه یې ده.

يو چا وهب بن منبه ته ویل: فلانکی تاته ښکنځل وکړل، هغه ویل:
شیطان تر تا غوره قاصد پیدا نکړ؟

یوه عالم ته چاویل فلانکی تاته ښکنځل وکړل!
عالم ویل: زه هغه سړي په غشي وویشتم خو غشی ماته و نه رسید، تا ولې غشی راخیستی او ما پري خوږوي؟

إمام شافعی رح ته یوچا ویل فلانکي بد او رد درته ویل!
إمام وویل: که ته ریښتیا وایی نو چغل یې او که دروغ وایې فاسق یې.

29/05/2022

د هلکانو محبت، د شیطان جال!

سلف الصالحينو ويلي دي: کله چې يو انسان د الله تعالی د رحمت له نظر څخه غائب شي؛ نو د هلکانو په محبت کې یې ګرفتار کړي.
(ذم اللواط للآجري صـ ۸۸۸)

په یو بل روایت کې راغلي؛
د سړي لپاره مناسبه نه ده چې د أمرد (بې ږیرې هلک) سره تنها کښېني، ځکه د دۀ شخصيت او عزت ته داسې زيان رسوي، لکه څنګه چې زنا د چا شخصيت ته زيان او تاوان رسوي.
(ذم اللواط للآجري ۸۸۵)

په یو بل روایت کې راغلي:
امام احمد بن حنبل "رح" ته حسن بن البزار "رح" راغی او د دۀ سره يو هلک وو چې ډېر ښايسته وو، نو امام احمد بن حنبل رحمه الله ورته وويل: ای ابا علي! په لارو کوڅو کې دغه هلک مه درسره ګرځوه!
حسن بن البزار ورته وويل: (دا څه بېګانه نه دی بلکې) دا مې د خور زوی دی.
امام ورته وويل: که د خور زوی دې هم وي، بیا یې هم مه ګرځوه، ځکه ستا په اړه خلک بیا غلط ګمان کوي، نو خلک هم مه ګناهګاره کوه!
(ذم الهوی صـ ۱۱۲)

(د ښایسته او بې ږیرې هلک سره روغبړ کول هم تاواني دي!)
ابن سواک وايي: مونږ د ابی نصر بشر بن الحارث سره ناست وو چې یوه ډېره ښایسته انجلۍ راغله او د یو ځای پوښتنه یې وکړه چې، فلانې ځای چېرته دی؟ بشر بن الحارث هغې ته ځای ور وښود، بیا يو ډېر ښایسته هلک راغی چې د هماغه ځای پوښتنه یې وکړه، د کوم ځای پوښتنه چې انجلۍ کړې وه. خو بشر بن الحارث هلک ته بېخي پورته نه ورکتل او نه یې ځای ور وښود، هلک بیا ځل خپله پوښتنه تکرار کړه، خو بشر بن الحارث هماغسې چوپ پاتې وو او ښکته یې کتل.

ابن سماک وايي: هلک ته موږ ځای ور وښود، کله چې هلک لاړ؛ نو موږ بشر بن الحارث ته وویل: انجلۍ ته دې ځای ور وښود او هلک ته نه، دا ولې؟!

بشر بن الحارث وویل: ما د سفیان الثوري رحمه الله څخه اورېدلي دي چې ویل یې د انجلۍ سره یو شیطان وي او د هلک سره دوه شیطانان وي؛ نو زه په خپل نفس له شیطانانو څخه و وېرېدم چې هسې نه په فتنه کې مې واقع کړي.
(ذم اللواط صـ ۸۸۷)

29/05/2022

21/04/2022

د رمضان مبارکې میاشتې د مغفرت لسیزې پای!
الله تعالی دې زموږ او د ټولو مسلمانانو لوې او واړه ګتاهونه معاف، او مغفرت نصیب کړي!
آمیــــــن

18/04/2022

څاڅکي د آسمانه، ولې نه اوورې!

18/04/2022

رسول اللهﷺ فرمایلي دي: څوک چې یو مؤمن د دنیا له درد، غم او مشکل څـخه وژغـوري، الله به د آخرت په ورځ هغه له دردونـو څـخه وژغـوري.

17/04/2022

کبيره(لوى) ګناهونه:
په الله تعالى او پيغمبر صلى الله عليه وسلم پسې دروغ ويل :
الله تعالى فرمايي: [سُوۡرَةُ الزُّمَر : 60]
وَيَوْمَ الْقِيٰمَةِ تَرَى الَّذِينَ كَذَبُوا عَلَى اللَّهِ وُجُوهُهُم مُّسْوَدَّةٌ ۚ أَلَيْسَ فِى جَهَنَّمَ مَثْوًى لِّلْمُتَكَبِّرِينَ
ژباړه:نن چي كومو كسانو پر الله درواغ ټرلي دي، د قيامت په ورځ به ته هغوى ووينې چي مخونه به يې توروي. ايا په دوږخ كي د لويي كوونكو كافرانو لپاره كافي ځاى نه شته؟
حسن رحمة الله عليه وايي: دا هغه خلک دي چې وايي (که مو خوښه وي کوو يي او خوښه مو نه شي نه يي کوو) ابن الجوزي په خپل تفسير کې ويلى دي په دې اړه د عالمانو د يوې ډلې رايه دا ده:(چې په الله تعالى او پيغمبر صلى الله عليه وسلم پسې دروغ ويونکي کافران او د دين څخه وتلي دي او د شک څخه پرته د الله تعالى او پيغمبر صلى الله عليه وسلم پسې دروغ ويل حرام دي او د حرامو حلال ګڼل کفر دى .
رسول الله صلى الله عليه وسلم :((من كذب علي متعمداً فليتبوأ مقعده من النار)) (رواه ابو داود).
ژباړه: څوک چې زما پسې په قصداً دروغ ووايي په دوزخ کې ده ځان ته د اور ځاى جوړ کړ.

پنځلسمه لويه ګناه:د جنګ څخه تېښته :
که چيري د کفارو شمېر د مسلمانانو د دوه برابره څخه ډېر نه وي مګر د جنګي چل او يا له بلې ډلې سره د يو ځاى کېدلو لپاره څوک شاه واوړي بيا پروا نه لري ، الله تعالى فرمايلي دي : [سُوۡرَةُ الاٴنفَال : 16]
وَمَن يُوَلِّهِمْ يَوْمَئِذٍ دُبُرَهُۥٓ إِلَّا مُتَحَرِّفًا لِّقِتَالٍ أَوْ مُتَحَيِّزًا إِلٰى فِئَةٍ فَقَدْ بَآءَ بِغَضَبٍ مِّنَ اللَّهِ وَمَأْوٰىهُ جَهَنَّمُ ۖ وَبِئْسَ الْمَصِيرُ
ژباړه:څوک چي د جنګي تاكتيك یا له كوم بل پوځ سره د يو ځاى كېدو پرته (د کفارو سره د جنګ په حالت کي) شا واړوي، نو هغه به د خداى په غضب اخته شي، د هغه استوګنځی به دوږخ وي؛ او هغه د ورګرځېدو ډېر ناكاره ځاى دى.

13/04/2022

د لمانځه احکام..!!!

د لمانځه 14 فرائض، 7 واجب، 14 سنت، 10 مکروه او 14 ماتونکي.

د لمانځه فرائض :
په لمانځه کې فرائض ۱۴ دي اته د لمانځه نه بهر دي چې شرطونه ورته وایي او شپږ په لمانځه کې دننه دي چې رکنونه بلل کیږي.

د لمانځه شرطونه :
(۱)اودس کول یا تیمم وهل (د عذر په وخت)
(۲)د جامو پاکوالی
(۳)د لمانځه د ځای پاکوالی
(۴)د بدن پاکوالی
(۵)د عورة پټول د سړي عورت د نامه نه لاندې تر زنګنو پورې او ښځه ټول عورت دی مګر مخ ،لاسونه تر مړوندونو او پښې تر ګیټو پورې عورت ندی.
(۶)قبلې ته مخ اړول
(۷) نیت کول
(۸) وختونه پیژندل

د لمانځه ( رکنونه ) :
(۱)تکبیر افتتاح
(۲)قیام (ولاړه )
(۳)قرآت
(۴)رکوع
(۵)سجده
(۶)آخره قعده وروستۍ ناسته

یادونه : که د پورته څخه یو هم پاتې شي لمونځ نه صحیح کیږي.

د لمانځه واجبات : د لمانځه ټول واجبات ٧ اووه دي :
(۱) دالحمدلله لوستل
(۲)لومړۍ قعده
(۳)په وروستۍ قعده کی تشهد لوستل
(۴)امام لپاره په جهر لمانځه کې په جهر لوستل
(۵)دخفیه (په پټه )لوستلو په ځای کې په پټه لوستل
(۶)وترو کې دعاء قنوت لوستل
(۷)د رکنونو برابرول

که د پورته څخه کوم شی په سهوه پاتې شي سجده سهوه لازميږي.

د لمانځه سنت : د لمانځه سنت ١٤ څوارلس دي!
(۱)د تکبیر تحریمه سره لاسونه د غوږنو پورې اچتول
(۲)نامه لاندې ښي لاس په چپ لاس ایښودل
(۳)سبحان ویل
(۴)اعوذ بالله ویل
(۵)بسم الله ویل
(۶)آمین ویل
(۷)سمع الله لمن حمده ویل
(۸)ربنا لک الحمد ویل
(۹)د رکوع تسبیحات
(۱۰)د سجدی تسبیحات ویل
(۱۱)اوله قعده کې تشهد ویل
(۱۲)اخرو رکعتونو کې الحمدلله ویل
(۱۳)د تکبیر افتتاح نه غیر نور تکبیرونه ویل
(۱۴)سلام ګرځول

دلمانځه مکروهات : په لسوشیانو لمونځ مکروه کیږي!
(۱)بې عذره پلتۍ وهل
(۲)په لاس د آیتونو شمیرل
(۳)څنګلې خورول په سجده کې
(۴)په سترګو ښي او چپ طرفته کتل
(۵)بی عذره سترګې پټول
(۶)د سجدې ځای نه ګیټۍ لرې کول په هغه صورت کې چې تکلیف نه جوړوي
(۷) ستوماني ویستل
(۸)خوله وازه کول
(۹)په جامه لوبې کول
(۱۰)د صف نه روسته یوازې ودریدل

دلمانځه ماتونکي : دلمانځه ماتونکي ۱۴ دي!
(۱)بی عذره غاړه تازه کول
(۲)پرنجی کونکی ( تريچونکي ) ته یرحمک الله ویل
(۳)د خپل امام نه غیر بل چاته فتح ورکول
(۴)لااله الاالله ویل که مقصد یې چاته جواب ورکول وي
(۵)عورت لوڅیدل (۶)د مصیبت د وجې جړا کول
(۷)د سلام جواب په ژبه یاپه لاس ورکول
(۸)د فوتی لماځه یادیدل
(۹)ډیر عمل کول په لاس وی که په بل څه
(۱۰)قصداً خبرې کول
(۱۱)خوراک یاڅښاک
(۱۲)اه او اوه ویل
(۱۳)خندل
(۱۴)بې هوشي.