14/05/2018
അന്താരാഷ്ട്ര മലയാളം ഓണ്ലൈന് ഖുര്ആന് വിജ്ഞാനപരീക്ഷ മൂന്നാമത് എഡിഷന് ഫലം പ്രഖ്യാപിച്ചു. ഒന്നാം റാങ്ക് ആലുവ മാറമ്പള്ളി സ്വദേശിയും പ്ലസ് ടു വിദ്യാര്ത്ഥിനിയുമായ ഹിബ അബുല്ലൈസ് കരസ്ഥമാക്കി. ചാലക്കല് ദാറുസ്സലാം എല്. പി. സ്കൂള് അധ്യാപകനായ വടക്കാനെത്തില് അബുല്ലൈസിന്റെയും സുനൈനയുടെയും മകളാണ് ഹിബ. 2 മിനിറ്റും 52 സെക്കണ്ടും എടുത്ത് മികച്ച സമയത്തോടെയാണ് ഹിബ ഒന്നാം റാങ്ക് കരസ്ഥമാക്കിയത്. ഖത്തറില് നിന്നും പരീക്ഷ എഴുതിയ കോഴിക്കോട് പാറക്കടവ് സ്വദേശി ഇബ്രാഹിം പുല്ലച്ചോലില് 3 മിനിട്ടും 48 സെകന്റും സമയം എടുത്തു രണ്ടാം റാങ്കും കുവൈറ്റില് നിന്നും പരീക്ഷ എഴുതിയ തൃശൂര് കൊടകര സ്വദേശി മുഹമ്മദ് ഷഫീഖ് 3 മിനിട്ടും 54 സെകന്റും എടുത്തു മൂന്നാം സ്ഥാനവും കരസ്ഥമാക്കി. കൈരളിയുടെ ഓണ്ലൈന് ചരിത്രത്തില്സ്ഥാനം പിടിച്ച ഈ നൂതന സംരംഭത്തിന് കേരളത്തിനു അകത്തും പുറത്തുംനിന്ന് വമ്പിച്ച സ്വീകാര്യതയും പ്രോത്സാഹനവുമാണ് ലഭിച്ചതെന്ന് കെ.എന്.എം. ജനറല് സെക്രെട്ടറി പി.പി. ഉണ്ണീന്കുട്ടി മൗലവിയും യു.എ.ഇ. ഇന്ത്യന് ഇസ്ലാഹിസെന്റര് പ്രസിഡണ്ട് എ.പി. അബ്ദുസ്സമദും അറിയിച്ചു. കേരളത്തിലെ എല്ലാ ജില്ലകളില് നിന്നുള്ളവര്ക്ക് പുറമെ മലയാളികള് കൂടുതല് താമസിച്ചു വരുന്ന ഇന്ത്യയിലെ വിവിധ സംസ്ഥാനങ്ങളില് നിന്നും, ജി.സി.സി, യു.എസ്.എ, കാനഡ, യൂറോപ്, ആസ്ത്രേലിയ, ബ്രൂണൈ ദാറുസ്സലാം, മലേഷ്യ, മാലിദീപ് സിംഗപ്പൂര്, തുര്ക്കി തുടങ്ങിയ രാജ്യങ്ങളില് നിന്നുള്ളവര് പരീക്ഷയില് പങ്കെടുക്കുകയുണ്ടായി. കാര്യമായ പരസ്യമോ പ്രചാരണ പരിപാടികളോ നടത്തില്ലെങ്കിലും 8326 പേര് പരീക്ഷക്ക് രജിസ്ടര്ചെയ്തിരുന്നു. 60% മാര്ക്ക് നേടിക്കൊണ്ട് മൊത്തം 2111 പേരാണ് വിജയികളായത്. വിശദമായ റാങ്ക് ലിസ്റ്റ് ഇന്ത്യൻ സമയം 12pm നു പരീക്ഷ വെബ്സൈറ്റിൽ പ്രസിദ്ധീകരിക്കുന്നതായിരിക്കും. ഇൻഷാ അല്ലാഹ്
