https://www.facebook.com/247551545106722/

Be like Jesus Christ, Dubai (2026)

15/10/2026

✝️🛐 We must learn to bring our prayer requests before God sincerely and earnestly, while also learning to wait for Him with hope.

If God says, “Wait,” I will wait.
If He says, “I will give it later,” I will remain patient.
If He says, “Yes,” I will accept it.
And if He says, “No,” I will still trust in His will.

Maybe yes, maybe no, maybe wait—

But until I receive a clear answer from God, I will continue praying and trusting Him.

Not simply asking Him to fulfill my own desires, but praying, “Lord, whatever Your will may be, until Your answer comes, I will not lose hope or give up. I will continue praying without becoming discouraged.”

Because prayer is not merely about asking for an answer; it is about continuing to trust God even before the answer comes.

❤️💞❤️

13/10/2026

Jयर्मिया 17:7 NNRV
“तर त्‍यो मानिस धन्‍यको हो, जसले परमप्रभुमा भरोसा राख्‍तछ, जसको आशा परमप्रभु हुनुहुन्‍छ।

https://bible.com/bible/1483/jer.17.7.NNRVeremiah 17:7

Read today's verse in the Bible App! https://app.bible.com/votd-2026-10-13-facebook-graphic

06/10/2026

एज्राले जस्तै, हामीले पनि परमेश्वरको वचनलाई केवल पढ्ने मात्र होइन, गहिरो रूपमा अध्ययन गर्ने, आफ्नो जीवनमा पालन गर्ने, र अरूलाई सत्यतापूर्वक सिकाउने मन बनाउनुपर्छ।

परमेश्वरको वचनको अध्ययनले ज्ञान दिन्छ, पालनले जीवन परिवर्तन गर्छ, र सिकाउनुले अरूलाई पनि सत्यको मार्गमा डोर्‍याउँछ।

पहिले वचन सिकौं, त्यसलाई जीवनमा लागू गरौं, अनि प्रेम र सत्यतासाथ अरूलाई पनि बाँडौं। -एज्रा 7:10

゚viralシ

05/10/2026

#परमेश्वरकोवचन #बाइबलअध्ययन ゚

13/09/2026

भजनसंग्रह किन पढ्ने?

भजनसंग्रह केवल १५० वटा गीत वा प्रार्थनाहरूको संग्रह मात्र होइन। यो विभिन्न समय, परिस्थिति र जीवनका अनुभवहरूबाट परमेश्वरलाई खोज्ने मानिसहरूको विश्वास, प्रार्थना, दुःख, पश्चात्ताप, धन्यवाद, स्तुति र आराधनाको यात्रा हो।

भजनसंग्रहमा दाऊदका भजनहरू धेरै छन्, तर उहाँ मात्र भजनकार हुनुहुन्न। आसाफ, कोरहका सन्तानहरू, सुलेमान, मोशा, एतान र अन्य भजनकारहरू पनि यस पुस्तकमा आफ्नो आवाज लिएर उपस्थित छन्। कसैले दुःखको बीचमा परमेश्वरलाई पुकारेका छन्, कसैले आफ्नो पाप स्वीकार गर्दै पश्चात्ताप गरेका छन्, कसैले शत्रु र कठिन परिस्थितिका बीचमा परमेश्वरमाथि भरोसा गरेका छन्, अनि कसैले परमेश्वरका आश्चर्यका कामहरू सम्झँदै उहाँको महिमा र स्तुति गरेका छन्।

यसैले भजनसंग्रह पढ्दा हामी केवल भजनकारहरूको जीवन पढिरहेका हुँदैनौँ; मानिसले जीवनका हरेक परिस्थितिमा परमेश्वरसँग कसरी बोल्न सक्छ भन्ने कुरा सिकिरहेका हुन्छौँ।

सानोभन्दा सानो कुरा पनि परमेश्वरसामु राख्न सकिन्छ। आँसु, डर, पीडा, कमजोरी, प्रश्न, पश्चात्ताप, आनन्द, धन्यवाद र विजय—सबै कुरा उहाँसामु ल्याउन सकिन्छ। साथै, आफ्ना परिस्थितिभन्दा माथि उठेर परमेश्वरको धार्मिकता, विश्वासयोग्यता, दया, शक्ति, पवित्रता, महिमा र उहाँले गर्नुभएका आश्चर्यका कामहरू सम्झन पनि भजनसंग्रहले सिकाउँछ।

त्यसैले मैले भजनसंग्रह १ देखि १५० सम्म पढ्दै र बुझ्दै जाने क्रममा तपाईंहरूलाई पनि एउटा आग्रह गर्न चाहन्छु—

भजनसंग्रह पढ्नुहोस्।
मनन गर्नुहोस्।
प्रार्थनामा प्रयोग गर्नुहोस्।
र त्यसमा प्रकट भएको परमेश्वरलाई अझ गहिरो रूपमा चिन्नुहोस्।

सायद भजनसंग्रहका कुनै शब्दमा तपाईंले आज आफ्नै जीवनको अवस्था भेट्नुहुनेछ। र त्यही शब्दमार्फत तपाईंको हृदय फेरि परमेश्वरतर्फ फर्किनेछ।

✝️

#भजनसंग्रह #बाइबलअध्ययन #परमेश्वरकोवचन #प्रार्थना #आराधना #विश्वास #स्तुति #परमेश्वरकोमहिमा #दाऊद

15/08/2026

पृष्ठभूमि (सन्दर्भ) लुका १५:१-२
यो दृष्टान्त दुई किसिमका मानिसहरूलाई सम्बोधन गर्छ:
पहिलो समूह: कर उठाउने र पापीहरू
दोस्रो समूह: फरिसी र शास्त्रीहरू — जो येशूले पापीहरूलाई स्वागत गरेको र सँगै खाएको देखेर रिसाएका थिए

लुका १५:११-३२ — हराएकाहरुका निम्ति परमेश्वरको अनुग्रह "बुबा, मैले पाप गरेको छु"

यो दृष्टान्तमा दुई हराएका छोराहरू छन् — तर मुख्य पात्र बुवा हुनुहुन्छ
🧒 भाग १ — विद्रोहमा हराएको कान्छो छोरा ( कर उठाउनेहरु र पापीहरु )
साँचो पश्चात्तापका तीन चरण:
१. मन परिवर्तन
"जब त्यसको चेत खुल्यो" — आफ्नो गल्ती बुझ्यो
२. इच्छा परिवर्तन
"म बाबुकहाँ जाने छु र भन्ने छु — मैले पाप गरेँ"
३. कार्य परिवर्तन
"तब ऊ उठेर आफ्ना बाबुकहाँ गयो"
पश्चात्ताप = मनको परिवर्तन → इच्छाको परिवर्तन → कार्यको परिवर्तन

🫂बुवाको प्रतिक्रिया (पद २०-२४)
बुवाले कान्छो छोरालाई टाढा छँदा देख्नुभयो र दगुर्नुभयो, अँगाल्नुभयो चुम्बन गर्नुभयो र छोराको पुरै कुरा नसुन्दै
सबैभन्दा असल वस्त्र, औँठी, जुत्ता
— पूर्ण पुनर्स्थापना
आनन्दको भोज मनाइयो

👨 भाग २ — धर्ममा हराएको जेठो छोरा
(फरिसी र शास्त्री हरु )

हराएको अवस्था
एउटा नियम उल्लङ्घन गरेर हराएको (कान्छो)
अर्को नियम पालना गरेर हराएको (जेठो)
🫂 बुवाको प्रतिक्रिया (पद ३१-३२)
बुवा बाहिर निस्केर जेठोलाई पनि मनाउन गयो

भाग ३ — मुख्य पात्र: बुवा (परमेश्वरको चित्र)
बुवाको रूपमा परमेश्वरले यी चार काम गर्नुहुन्छ:
✅ विद्रेहीहरूलाई खोज्नुहुन्छ
✅ स्वधार्मिककहाँ पनि पुग्नुहुन्छ
✅ पश्चात्तापमा रमाउनुहुन्छ
✅ दुवैसँग सम्बन्ध विस्तार गर्नुहुन्छ

सुसमाचारिय महत्त्वपूर्ण प्रश्नहरू
१. कसरी पिताले बिनाशर्त क्षमा गर्न सक्नुहुन्छ?
२. त्यो खर्च गरिएको सम्पत्तिको बदला कसले चुकाउँछ?
उत्तर: दृष्टान्तले सिधै भनेको छैन — तर सुसमाचारले देखाउँछ:
येशू ख्रीष्टले त्यो मूल्य चुकाउनुभयो 🩸
व्यक्तिगत प्रयोग: तपाईं कुन छोराको भागमा हुनुहुन्छ?(कान्छो छोरा / जेठो छोरा)

के परमेश्वरबाट भाग्दैहुनुहुन्छ?
नैतिक, धार्मिक तर आनन्दरहित?
अन्तैं सन्तुष्टि खोज्दैहुनुहुन्छ?

समय छ, फर्कनुहोस्
क्षमाको लागि पश्चाताप गर्नुहोस्
अनुग्रह रहुन्जेल स्वागत छ, तिरस्कार होइन

18/07/2026

संसारले बाइबलभन्दा पहिले कसलाई पढ्छ?

“तिमीहरू ख्रीष्टका पत्र हौ, जसलाई सबै मानिसहरूले जान्दछन् र पढ्दछन्…” —
२ कोरिन्थी ३:२–३

संसारका सबै मानिसहरूले बाइबल पढ्दैनन्, तर उनीहरूले हाम्रो जीवनलाई भने ध्यानपूर्वक नियालिरहेका हुन्छन्।

हामीले नदेखून् वा नपढून् भनेर चाहे पनि, मानिसहरूले हाम्रो बोली, चालचलन, व्यवहार र कामहरूलाई हेरिरहेका हुन्छन्।
त्यसैले, ख्रीष्टका अनुयायीहरूको जीवनले उहाँको प्रेम, क्षमा, पवित्रता, नम्रता र सत्यतालाई प्रकट गर्नुपर्छ।

यदि कसैले कहिल्यै बाइबल नपढे पनि,
के उसले हाम्रो जीवनबाट ख्रीष्टलाई चिन्न सक्छ?

किनकि हामी संसारका लागि ख्रीष्टका जीवित पत्रहरू हौँ।

येशूले भन्नुभयो,

“त्यसरी नै मानिसहरूका सामु तिमीहरूको ज्योति चम्कोस्, ताकि तिनीहरूले तिमीहरूका असल कामहरू देखून् र स्वर्गमा हुनुहुने तिमीहरूका पिताको महिमा गरून्।” — मत्ती ५:१६

हाम्रो जीवनको उद्देश्य मानिसहरूको प्रशंसा पाउनु होइन, तर मानिसहरूले हामीभित्र कार्य गर्नुहुने परमेश्वरलाई देखून् र उहाँको महिमा गरून् भन्ने हो।
त्यसैले, हाम्रो हरेक शब्द, व्यवहार र कामले ख्रीष्टलाई संसारसामु प्रकट गरोस्, किनकि धेरै मानिसहरूले बाइबलभन्दा पहिले हाम्रो जीवन पढिरहेका छन्। ✝️

#ख्रीष्टकापत्र #२कोरिन्थी३ #मत्ती५१६ #येशूख्रीष्ट #बाइबल #परमेश्वरकोमहिमा #ख्रीष्टियनजीवन #विश्वास #सुसमाचार #परमेश्वरकोप्रेम #ख्रीष्टियन #जीवितपत्र #सत्य #नम्रता #पवित्रता #असलकाम #ज्योतिचम्काओ #वचन #नेपालीख्रीष्टियन ✝️

13/07/2026

यो पोस्टमा मैले 'न्याय नगर' भनेर भन्नु चाहिएको होइन, यसको मतलब हो कि पहिले आफ्नै जीवन जाँच गर,
प्रेम र सत्यका साथ अरूलाई सच्याऊ। अन्तिम निर्णय परमेश्वरको हो। तपाईंलाई के लाग्छ?

कमेन्टमा भन्नुहोस्।

#बाइबल #न्याय #मत्ती7 #प्रेम

11/07/2026

मण्डली जीवनः चर्च शिष्टाचार

मण्डलीमा जाने क्रममा यी टिप्सहरू मैले अनुभव गरेको छु।

कसैले कहिल्यै आवश्यक नभएर त्यो नछुटाउनु राम्रो हो।

भित्र छिटो आउनु, परिवारसँग आउनु र अगाडि स्थान लिनु महत्त्वपूर्ण हुन्छ।

चर्च साधारण सभा होइन, त्यसैले श्रद्धाका साथ आउनु पर्छ। नयाँ आउनेहरूलाई सहयोग गर्न, गीत सभामा सहभागी हुन र प्रार्थनाको अवसर नछोड्न मन लाग्छ।

अनि, खुशी भै दिएर भेटी चढाउने र अर्को सँग मिलन गर्न पनि ध्यान दिनु पर्दछ।

तपाईं आफ्नै अनुभव साझा गर्न सक्नुहुन्छ।

05/07/2026

तपाईंको परिचय के हो?

आज संसारले परिचयलाई नाम, पद, धन, शिक्षा, जात, राष्ट्र, सफलता वा लोकप्रियताले मापन गर्छ।

तर बाइबलले फरक दृष्टिकोण दिन्छ।

योनाले भने, "म हिब्रू हुँ, र स्वर्ग र पृथ्वीका सृष्टिकर्ता परमप्रभुको आराधना गर्ने मानिस हुँ।" (योना १:९)

यर्मिया ९:२३–२४ ले पनि भन्छ—बुद्धि, शक्ति वा धनमा होइन, परमेश्वरलाई चिन्नु र बुझ्नुमा गर्व गर।

त्यसैले,
मेरो परिचय मेरो पेशा होइन।
मेरो परिचय मेरो सम्पत्ति होइन।
मेरो परिचय मेरो उपलब्धि पनि होइन।

मेरो परिचय यो हो—म स्वर्ग र पृथ्वीका सृष्टिकर्ता परमप्रभुलाई चिन्ने र उहाँको आराधना गर्ने व्यक्ति हुँ।

यही परिचय कहिल्यै नष्ट हुँदैन।

#परमेश्वर #येशूख्रीष्ट #बाइबल #विश्वास #आराधना #साँचोपरिचय #ख्रीष्टमापरिचय #सुसमाचार

Be like Jesus Christ

15/10/2026

13/10/2026

06/10/2026

05/10/2026

13/09/2026

15/08/2026

18/07/2026

13/07/2026

11/07/2026

05/07/2026

Address

Telephone

Website

Alerts

Contact The Place Of Worship

Shortcuts

Share

Listing takedown request