NYF SIARI

13/01/2025

تیرہ رجب حضرت علی علیہ السلام کی یوم ولادت تمام مسلمانوں کو بہت بہت مبارک ہو۔ یہ دن اسلامی تاریخ کا ایک اہم اور بابرکت دن ہے، جس میں حضرت علی علیہ السلام کی ولادت ہوئی، جو نہ صرف امیرالمؤمنین بلکہ تمام انسانیت کے لیے ایک عظیم رہنما اور عدل کے علمبردار تھے۔ حضرت علی علیہ السلام کی زندگی ہمیں حق و انصاف کے راستے پر چلنے کی رہنمائی فراہم کرتی ہے۔ آپ کی قربانیاں، علم و حکمت، اور آپ کا کردار مسلمانوں کے لیے ہمیشہ ایک مشعلِ راہ رہے گا۔

حضرت علی علیہ السلام کی ولادت کا یہ دن ہمیں اپنی زندگیوں میں ان کے اصولوں کو اپنانے، عدل و انصاف کے قیام اور ایک بہتر معاشرتی نظام کے لیے کام کرنے کی ترغیب دیتا ہے۔ آپ کی شخصیت اور آپ کی تعلیمات ہمارے لیے ایک عظیم سرمایہ ہیں، جو ہمیں دنیا و آخرت میں کامیاب بنانے کے لیے رہنمائی فراہم کرتی ہیں۔

اللہ تعالیٰ ہمیں حضرت علی علیہ السلام کی سیرت سے سیکھنے اور ان کے نقشِ قدم پر چلنے کی توفیق دے، آمین۔

11/10/2024

تزکیۂ نفس کیسے کیا جائے اور شہوت سے
خواہشاتِ نفس کی دو صورتیں ہو سکتی ہیں، ایک خواہش لذت و شہوت اور دوسری خواہش جاہ و مرتبہ و حکومت. نفس انسانی کی ظاہر ترین صفت شہوت ہے . جو کہ تمام انسانی اعضاء پرمحیط ہے اور اس کی پرورش انسانی حواس سے ہوتی ہے . اورخود نفس کو خواہشات کے پیچھے چلانا اس کو بڑھاتا ہے . اوراسے طاقت دیتا ہے. اللہ قرآن میں فرماتا ہے کہ مفہوم " جو خدا کے حضور خوف کے عالم میں کھڑا ہوا اور جس نے نفس کو خواہشات کے تابع نہ کیا ، اس کا مقام بہشت ہے . (النازعات) خواہشات نفسانی انسانی خمیر کی ترکیب میں شامل ہیں، حدیث پاک کا مفہوم ہے کہ " ہوا خواہشِ نفس اور شہوت، انسانی خمیر میں گوندھی گئی ہیں . ان کو یک دم ختم کرنا ناممکن ہے ، البتہ اس کو قابو کیا جاسکتا ہے . اور اسی قابو کرنے میں ہی انسان کو بلند مرتبہ حاصل ہوتا ہے ، اور جو اس کی پیروی اختیار کرتا ہے وہ راہ حق سے بھٹک کر رہ جاتا ہے .
شہوت کا علاج دو طرح سے ممکن ہے ، ایک مجاہده و ریاضت سے ، دوسرا بے قرار رکھنے والا خوف یا سچی محبت ہے . مجاہدے و ریاضت سے خواہشاتِ نفسانی کو قابو کیا جاسکتا ہے . مجاہدے و ریاضت کے حوالے سے حدیث پاک کا مفہوم ہے کہ جسے شہوت تنگ کرتی ہو اسے چاہیے نکاح کرے اور اگر نکاح کی طاقت نہ رکھتا ہو تو روزے رکھے. اب دو طریقے تو یہ ہوگئے کہ بندہ جس طرح بھی ممکن ہو وہ نکاح کے اسباب بنا کر نکاح کی طرف متوجہ ہو، اگر کسی کوشش سے بھی یہ ممکن نہ ہو تو پھر روزے رکھنا شروع کردے . بھوک شہوت کی آگ کو کم کردیتی ہے ، صوفیاء کہ ہاں یہ محبوب طریقہ رہا ہے . بھوک کے بہت سے فیوضات و برکات ہیں. اس کہ وجہ سے شہوت کا زور بھی ٹوٹتا ہے اور قلب کو روحانیت کی لذت بھی نصیب ہوتی ہے . مجاہدے سے شہوت کو دور کرنے کے حوالے باقی جو طریقہ ہے وہ اپنے اعضاء و حواس کی حفاظت ہے . جیسے آنکھ، کان، جسم، زبان، دل وغیرہ جتنے بھی ہیں ان کی حفاظت کرے ، کیونکہ شہوت کی ابتداء انھی سے ہوتی ہے . آنکھ کا برا نظارا دیکھنا ، کان کا برا کلام سننا ، جسم کا چھونا ، اور دل کا برا خیال سوچنا یہ شہوت کو بڑھاتا ہے . اگر اسباب شہوت کو اسی مقام پہ روک دیا جائے پھر انسان اس سے بچ سکتا ہے . اسی طریقے سے ہمہ وقت خود پر نظر رکھنا ، اپنے ہر ایک عمل سوچ، فکر، خیال کو پرکھنا اور جو بھی شہوت کی طرف لے جانے والا ہو اسے روک دینا ہے . یہ سب مسلسل کوشش اور محنت یعنی مجاہدے اور ریاضت میں شامل ہے .
اب دوسرا طریقہ جو خوف و محبت کا ہے . اگر انسان کے اندر ایسا خوف پیدا ہوجائے جو اس کے سارے وجود میں پھیل جائے تو اس خوف کی بناء پر اس کے سارے حواس شہوت سے بچ سکتے ہیں. خوف کی وجہ سے نفسانی خواہشات کا زور ٹوٹ جاتا ہے ، انسان خوف کے باعث کوئی ایسا عمل اختیار نہیں کرتا جو رضائے حق کے خلاف ہو. پھر سچی محبت اگر دل میں بس جائے ، اللہ اور اللہ والوں کی سچی محبت انسان کو باقی ہر قسم کی خواہشات سے نجات دلا دیتی ہیں، محبت کا یہ کمال ہوتا ہے کہ ہمت اور ارادے پر رفتہ رفتہ اثر انداز ہو کر دل کی تسکین کا باعث بن جاتی ہے . محبت آہستہ آہستہ تمام انسانی اعضاء اور حواس پر حکمرانی قائم کر لیتی ہے . اور ان کو ہر قسم کی خباثت سے پاک کر دیتی ہے . یہ سب سے آسان ہے .پر اس میں انسانی اختیار ناقص ہے . خوف اور محبت یہ رب
تعالی کی طرف سے عطا ہے ، یہ انھی کو حاصل ہوتا ہے جو طالب ہوتے ہیں، جو تڑپ کر مانگتے ہیں. جو حق تعالی کی محبت کو مقدم رکھتے ہیں، حق تعالی ان کو مقدم کر دیتا ہے . اس میں دعا اور طلب بہت ضروری ہے .
اس موضوع پر بہت کچھ کہا جاسکتا ہے مگر بخوف طوالت اتناکافی ہے .
یاد رہے یہ مسلسل محنت سے ہی ممکن ہے . جو لگا رہے گا وہی کامیاب ہوتا ہے .
اللہ ہم سب کے لیے آسانی فرمائے . آمین

15/06/2024

یوم عرفہ 💝

اگر کسی نے قیامت کے منظر کو دیکھنا ہے تو عرفات کے اس منظر کو دیکھ لیں ایک ہی لباس ایک ہی آواز ایک ہی منظر ایک ہی دعا "اے پیارے رب ہم حاضر ہیں ہم حاضر ہیں"
آنکھیں اشک بار کانپتے ہاتھوں کے ساتھ رب کی جنت کے طلب گار اور جہنم سے آزادی کے پروانے اکٹھے کرنے والے سب جمع ہیں سبحان اللّٰه سب کی حاضری کو قبول فرما مومنین مومنات مسلمین مسلمات کی بخشش و مغفرت فرما تمام بیماروں کو شفائے کاملہ عطا فرما آمین

اللّٰہ کریم ہمیں بھی آئندہ ان خوش نصیبوں میں شامل فرمالیں آمین یارب العالمین 🌸

07/02/2024

شب معراج مبارک

پاک ہے وہ ذات جس نے اپنے بندے کو راتوں رات مسجد حرام سے مسجد اقصی تک کی سیر کرائی، جس کے گرد ہم نے برکت دے رکھی ہے اہے تا کہ اسے ہم اپنی نشانیاں دیکھا ئیں ۔ بے شک وہ خوب سننے والا خوب دیکھنے والا ہے۔ (القرآن)

02/02/2024

May Allah accept your Umrah and bless you with His mercy and forgiveness. Umrah Mubarak!
Group Siari

01/02/2024

زیارت مقدس مقامات سے واپسی پر شیخ طریقت محترم بوا کاچو ، عظیم صوفی بزرگ بوا اعلیٰ سمیت تمام خوش نصیبوں کو این وائی ایف سیاری چھوربٹ کی طرف سے مبارک باد پیش کرتے ہیں ۔۔۔

27/01/2024

عرب حکام نے حجر اسود کی قریب ترین تصویر بنالی۔ تصویر میں حجر اسود کا 49 ہزار میگاپکسل تک کلوزاپ دکھایا گیا ہے۔ تاریخ میں پہلی مرتبہ حجر اسود کی اتنی باریک اور شفاف تصویر بنائی گئی ہے۔ ہم تک جو تصاویر پہنچی ہیں وہ کمپریس ہو کر ہی پہنچی ہیں لیکن 49 ہزار میگا پکسل کی تصاویر نہ جانے کتنے جی بی کی ہو گی. اصل رنگ میں اس میں نظر آئیں گے

واضح رہے کہ حجر اسود جنت کا پتھر اور یہ پتھر سیاہ ہے جس کے آٹھ ٹکرے ہو چکے ہیں. صرف سیاہ حصہ ہی حجر اسود ہے
ایک زمانے میں اسے لوٹ کر لوگ مصر لے گئے تھے یوں سالم حصہ سلامت نہیں رہا اب چاندی کے خ*ل میں یہ ٹکڑوں میں لگایا گیا ہے.

24/01/2024

کتاب: دعوات شریف
سجدے - سجدہ سہو
اگر فرض نماز کی واجبات میں سے کوئی بھولے سے چھوٹ جائے یا زیادہ ہوجائے اور بعد میں یا دآجائے تو فوراً دو سجدے متواتر بجالائے۔واضح رہے واجب نماز کے سجدۂ سہو واجب ہوتی ہے سنت نماز کی سجدۂ سہو سنت ہوتی ہے۔ نیز فرض نمازوں میںسجدۂ سہو سلام پھیرنے سے پہلے بجا لایا جائے سلام پھیرنے کے بعد سجدۂ سہو بجالائے تو بھی جائز ہے ۔اور سنت نمازوں میں سلام پھیرنے کے بعد سجدۂ سہو بجالائے۔
سجدۂ سہو اگر فرض نماز کی ہوتو نیت یوں کرے ۔
اَسْجُدُسَجْدَتَیِ السَّھْوِلِوُجُوْبِھَا قُرْبَۃً اِلَی اللّٰہِ ۔
ترجمہ: میں قرب الٰہی کی خاطر واجب ہونے کی بنا پر سجدۂ سہو کے دو سجدے بجالاتا/لاتی ہوں۔
سجدۂ سہو اگر سنت نمازکی ہوتو نیت یوں کرے۔
اَسْجُدُسَجْدَتَیِ السَّھْوِ لِنُدْبِھَا قُرْبَۃً اِلَی اللّٰہِ ۔
ترجمہ !میں قرب الٰہی کی خاطر سنت ہونے کی بنا پر سجدۂ سہو کے دو سجدے بجا لاتا/لاتی ہوں۔
اگر سلام پھیرنے سے پہلے سجدۂ سہو کرے تو درج ذیل امو ر کا خیال رکھیں۔
۱:تشہد واجبی کے بعد تکبیر پڑھتے ہوئے سجدے میں جانا۔
۲:دوسجدے متواتر بجالانا۔
۳:سجدے میں تسبیح سُبْحَانَ رَبِّیَ الْاَعْلٰی وَبِحَمْدِہِ پڑھنا۔
۴:سجدے میں طمانیہ کرنا۔
۵:سلام پھیرنا۔
اگر سلام پھیرنے کے بعد سجدے بجالائے تو اس وقت اور مزید تین امور کا خاص خیال رکھیں۔
۱:نیت کرنا
۲:تکبیرۃ الحرام پڑھتے ہوئے دونوں ہاتھوںکو اٹھا نا ۔
۳:تشہد کے واجبی کلمات کا پڑھنا ۔

21/01/2024

17/01/2024

کتاب: دعوات شریف
نفل نمازیں - نماز لیلۃ الرغائب
ماہ رجب کی پہلی جمعرات اور جمعہ کی درمیانی رات کو نماز مغرب اور عشاء کے درمیان بارہ رکعت چھ سلام کے ساتھ پڑھیں ہر ایک رکعت میں سورۂ فاتحہ کے بعد سورۂ قدر تین مرتبہ اور سورۂ اخلاص بارہ مرتبہ پڑھیں۔
نیت یہ ہے۔
اُصَلِّیْ صَلوٰۃَ لَیْلَۃِ الرَّغَائِبِ رَکْعَتَیْنِ قُرْبَۃً اِلَی اللّٰہِ ۔
ترجمہ: میں قرب الٰہی کی خاطر دو رکعت نماز شب رغائب پڑھتا/پڑھتی ہوں۔
ضروری وضاحت
مذکورہ بالاطریقے کے ساتھ نماز تمام کرنے کے بعد حالت قعود میں اطمینان کے ساتھ بیٹھ کر ستر مرتبہ یوں درود پڑھیں۔
اَللّٰھُمَّ صَلِّ عَلٰی مُحَمَّدِ نِ النَّبِیِّ الْاُمِیِّ وَ آلِہٖ وَسَلِّمْ
ترجمہ: پروردگار! اپنے نبی امی حضرت محمد مصطفیٰ صلی اللہ علیہ وآلہ وسلم اور ان کی آل پر رحمت اور سلامتی نازل فرما۔
پھر سجدے میں جاکر ستر مرتبہ یوں تسبیح پڑھیں۔
سُبُّوْحٌ قُدُّوْسٌ رَّبُّنَا وَ رَبُّ الْمَلٰئِکَۃِ وَالرُّوْحِ
ترجمہ: ہمارا رب فرشتوں اور جبریل کا رب پاک وپاکیزہ ہے۔
پھر سجدے سے سر اٹھا کر حالت قعود میں ستر بار یوں دعائے مغفرت پڑھیں۔

رَبِّ اغْفِرْ وَارْحَمْ وَ تَجَاوَزْ عَمَّا تَعْلَمُ اِنَّکَ اَنْتَ الْاَعَزُّ الْاَکْرَمُo

ترجمہ:’’ اے میرے رب مجھے مغفرت فرما مجھ پر رحم کر اور تیرے علم میں موجود میرے گناہوں سے در گزر فرما بے شک تو سب سے زیادہ غلبے والااور کرم والاہے۔ ‘‘
اس کے بعد دوبارہ سجدے میں جا کر مذکورہ بالاسجدہ والی تسبیح پھر ستر مرتبہ پڑھیں۔