10/03/2026
INYIFATO N’INGESO BIBEREYE UMUKRISTO
🔴Ntushobora kubaho mu kwinezereza wewe ubwawe ng’ushimishe Kristo Yesu.
Yesu yagupfiriye nawe ubeho kubera we. Niwaba uriko urabaho ku bwa Kristo, ubuzima bwawe buzoba butandukanye.
Mu bukristo tubayeho kubera Yesu kandi tubayeho muri we. Uko urushiriza kubaho mw’ijambo ryiwe niko urushiriza kumunezereza.
🔴Mu bukristo tubayeho mu buryo butandukanye n’abapagani, kandi tubibera maso kubw'Imana Umuvyeyi wacu.
🔴Irari (ukwifuza ibibi) ni icipfuzo kitagira aho kigarukira c'ikintu kibujijwe. Kwama wifuza gukora icaha uvyiyambure.
🔴Uko urushiriza kwiga ijambo niko urushiriza guhinduka.
🔴Wiyambike ino kamere nshasha. Kamere nshasha iri imbere. Wemere kuganzwa n’ubuzima bwo mu mutima. Ubukristo buri imbere kandi bureka ubuzima buri imbere buboneka hanze. Mwambare ubukristo nyene mufise imbere.
🔴Mureke kubeshana. Ntubeshe. Wirinde. Ntibikenewe kubesha. Ntubeshweho n’ububeshi, ntiwemere kurya ar’uko ubeshe.
🔴Imigani 6:16
Bino bintu bitandatu Imana yanka, mbere bino bintu indwi ni ibizira kuri we, amaso y’ubwibone, ururimi rubesha, ukuboko gusesa amaraso y’inzirakarengane, umutima ugira ivyiyumviro bibi, ibirenge vyihuta, gushingira intahe ikinyoma avuga ibinyoma, n’uwubiba amahane mu bavukanyi.
📖Ivyahishuriwe Yohana 21:8.
🔴Ibinyoma ubikorera iki, ivyo binyoma bifise intumbero iyihe?, wikure muri ako kavuyo.
🔴Imana nta muntu ishiramwo canke ngo imwuzuze ishavu, kuki uha ivyicaro ishavu? Wewe ushavuye uri mu kaga kuruta abo ushavuriye.
🔴Ishavu (uburakare) rishobora gusenyura ubuzima bwawe, wanke ishavu mu buzima bwawe.
🔴Niwaba ushavuye ntucumure mu kwonsa inzigo yawe.
Iyo ushavuye uha shetani ikirenge gikomeye.
🔴Nta n'umwe ukwiye kwemerera kwica umunezero wawe.
Uko vyogenda kwose, wigarure kandi wanke gushavura.
Ni kuki woshima guha ikirenge gikomeye satani. Iyo ushavuye uburiko ugaburira inzigo yawe.
🔴Mureke kwiba, abakristo ntibiba. Abakirisu bamwebamwe bariko barakora igikorwa c’ubuhemu. Nta n’umwe yiba ngo atere imbere. Ntibizogushikana mu mugisha.
🔴Ntukoreshe imvugo mbi. Ntidukoresha imvugo mbi.
🔴Reka kuba umuntu mubi, heba umutima mubi n'ishavu.
🔴Ugutongana, gutukana, amajambo akaze, no kwanka abandi ntibikwiye kugira ikibanza mu buzima bwanyu.
🔴Bamwe b**a amajambo mabi yo gukoresha mu gutukana. Yesu yakoresheje amajambo akiza abantu, ntimukoreshe amajambo atuma abantu batakaza agaciro kabo.
🔴Mu butumwa bwiza tumenyesha abantu ko ari abantu beza, wimenyereze kugira ngo amajambo meza akuvemwo.
🔴Woshobora gute kwanka umuntu, umuntu yaremwe nkawe? Mu mpwemu yawe ntushobora kwanka umuntu.
🔴Raba ikintu kidasanzwe ku muntu wese kandi mugirire ubuntu. Ntube uwubona amakosa gusa, urabe n’ivyiza biva mu bantu.
