05/07/2021
"Ndakanga ndisinenguwo, mukandipfekedza; ndakanga ndichirwara, mukandifambira; ndakanga ndiri mutorongo mukauya kwandiri", Mat 25: 36
Rudo rwaMwari runoshamisa. Nerimwe zuva Mwari anotendera Satan kuti ataure naye kunyange wakanga wapanduka zvake(Job 1: 6-8). Zvichiburitsa pachena kuti nekuda kwerudo urwu Mwari anogona kutoshandisawo mbavha kana mhondi kuti iroteswe pamusoro pehupenyu hwako asi zvinoda maziso emweya kuti uzvinzwisise kuti sei Mwari achidaro. Ndosaka nyangwe nemukereke zvichiitika kuti vamwe vanhu vemweya mashoko avanopiwa makuru kwazvo kunyange vachiita mabasa erima kunze uko. Ingori bedzi nyaya yekuti Mwari rudo hazvirevi kuti vachona vaanoshandisa vachiita zvakaipa vangabva vatoti ndava Mwari zvaanotombotaura nesu anesu pakutadza kwedu kwete. Mwari rudo ,naizvozvo Satan kunyange ataura hake naMwari tinozonzwa bhuku yaZvakazarurwa yoti pakupedzisira Satan achakandwa mugomba remoto.
Nekuda kwerudo rwaMwari urwu, ndipo Jesu paanofananidzira kuti makandiona ndiri mutorongo mukandishanyira. Mutorongo munopinda mbavha, mhondi, nevamwe vanenge vapara mhosva. Rudo urwu runoshamisa kuti munhu kana aba anenge atadzira Mwari ,asi Mwari varikuti kutomushanyira ikoko zvisinei nekuti anditadzira watoratidza kuti unondida. Kureva kuti rudo rwaMwari harutarise kuti munhu akaita sei kana achingoda kupiwa rudo akafanira nekudaro. Uye rudo urwu rwakaita sekuti Mwari nguva yavanenge vasingafari nemunhu avatadzira, iwewe wakanomukanganisa Mwari vanotsamwira iwewe.
Tiri ipapo, makazvitarisisa munoona kuti pangonzi wakandishanyira ndiri mutorongo pasina kunzi munhu wacho anga akanditadzira here kana kwete. Kureva kuti tinongoshanyira vose. Uru rudo ndirwo rwatinofanira kuva naro kuti tionekwe zvechokwadi kuti tiri vana vaMwari.
rwaShe Jesu rukuru
