RCZ Budiriro

24/05/2026

15/05/2026

15 May 2026

Muprofita Joere 2:28-29

Ndichadurura Mweya Wangu Pamusoro Penyama Yose

Mabasa 2:39 inotsanangudza pamusoro paMweya Mutsvene ichiti: Nokuti chipikirwa ndechenyu navana venyu, navose vari kure, vanozodanwa naShe Mwari wedu.

Nokuda kokuti Mwari havasi mutsauri wavanhu (Mabasa 10:34), shoko ranhasi rinotionesa kuti Mwari vakazvigadzirira kudurura Mweya wavo kumunhu wose sezvatinoona pandima 28 panoti: Ndichadurura zvoMweya wangu pamusoro penyama yose. Mushure mokunge Mwari vadurura Mweya wavo pamusoro penyama yose, ndima iyi inotionesa zvipo zvinopiwa naMweya Mutsvene ichiti vanakomana venyu navanasikana venyu vachaprofita, vatana venyu vacharota hope, majaya enyu nemhandara vachaona zviratidzo. Mwari vanozotaura pandima 29 vachiti ndichadururavo Mweya wangu pamusoro pavaranda napamusoro pavashandiri.

Zvisineyi nechinzvimbo chako, zera rako kana mavambo ovupenyu bwako, pazuva ranhasi enda pamberi paMwari uchitsvaka nyasha dzePentosta uchiimba hymn 75: Musandidarika Mweya Mugondisvinudza….

Wenyu muranda waIshe Jesu Kristu
Rev S Magwati
RCZ Budiriro Congegation

14/05/2026

14 May 2026

Muprofita Isaya 40:28-31

Tsvaka Mwari Vakuwedzere Simba

Muimbi we123 anoti: Tipei simba renyu, tigova vanyai veEvhangeri yenyu…. Zvose zvaunoita uchiitira Mwari zvinoda simba rinobva kwavari ndosaka vaFiripi 4:13 ichiti: Ndingaita zvose naiye unondipa simba.

Ndima 28 pashoko redu ranhasi inotionesa kuti Mwari wedu haaziyi, haaneti uye njere dzake hadzingazikanwi. Ndima 29 inotaura zvinoitwa naMwari ichiti: Vanoziya anovapa simba, anoshaiwa simba unomuwedzera simba rake. VaGaratia 5:7 inopa mubvunzo kwauri ichiti: Wakanga uchimhanya zvakanaka, ndiyaniko wakakudzivisa kuti urege kuterera zvokwadi?

Ndima 30 inotionesa kuti vanotarisirwa kuva nesimba, vakomana namajaya, vanogona kuziya nokuwira pasi, asi vanomirira Jehova vachapiwa simba idzva, vachabhururuka namapapiro samakondo, vachamhanya vasinganeti vachafamba vasingaziyi.

Patiri kutanga minamato yePentecost pazuva ranhasi, dzoka pamberi paMwari uchitsvaka simba ravo kuti uve mukristu ane simba munaShe nomusimba rake guru (VaEfeso 6:10).

Wenyu muranda waIshe Jesu Kristu
Rev S Magwati
RCZ Budiriro Congegation

13/05/2026

13 May 2026

Ruka 11:45-51

Usararama Muchivi Chedzinza
Mateo 3:1-8 inotionesa Johane Mubhabhatidzi achiparidza shoko raMwri vanhu vachiuya kwaari vachirevurura zvivi zvavo nokubhabhatidzwa. Ndima 45 pashoko redu ranhasi inotionesa mumwe wavadudziri vomurairo mushure mokunzwa zvaitaurwa naJesu akati: Mudzidzisi kana muchitaura izvozvo munotituka nesuvo! Vamwe vachitendeuka nokuda kweshoko raMwari, iwe chiyi chauri kuita mushure mokunzwa shoko raMwari?

Ndima 46 inotionesa dambudziko guru rinogona kuwaikwa pakereke, dambudziko rokuudza vamwe zvokuita asi iwe usingazviiti. Mukristu unofanira kuva munhu unoudza vamwe kuti ivayi vateveri vangu seni ndiri muteveri waKristu (1 VaKorinte 11:1). Mwari vanotaura paExodo 20: 5 vachiti: …ndinorova vana nokuda kwezvivi zvamadzibaba avo… Ndima 47 pashoko redu ranhasi inotionesa imwe nzira yaunogona nayo kupinda muchituko kana kurobwa nokuda kwezvivi zvakaitwa navasisipo. Jesu vanotaura pandima 47-48 vachiti: Mune nhamo imi nokuti munovaka marinda avaprofita vakavurawa namadzibaba enyu. Naizvozvo muri zvapupu kana muchitenderana namabasa amadzibaba enyu nokuti ivo vakavauraya nemi munovaka marinda avo.

Mwari vanoda kuti umire pazvokwadi nguva dzose.

Wenyu muranda waIshe Jesu Kristu
Rev S Magwati
RCZ Budiriro Congegation

10/05/2026

09/05/2026

9 May 2026

Ruka 11:29-32

Kufa Nokumuka KwaKristu Ndicho Chiratidzo Chikuru Chaunofanira Kutenda

Mushure mokunzwa mukurumbira wamambo Soromoni, mambokadzi weShebha akasimuka akaenda kundoona uye kunzwa zvaitaura mambo Soromoni (1 Madzimambo 10:1-13). Mushure mokuona nokunzwa zvose zvaitaura Soromoni ndima 5 inopera ichiti akapera mweya. Panguva Jona aparidzira vanhu veNinivhi (Jona 3:4-10) vanhu veNinivhi vakasimuka vakachema pamberi paMwari.

Nokuda kokuti Mwari vakashandisa Soromoni panguva iyi, ndima 31 pashoko redu ranhasi inotionesa Jesu vachirumbidza zvakaitwa namambokadzi weShebha achienda kundoona kubata kwaMwari kwaiva muna Soromoni. Nokuda kokuparidza kwakaita Jona vanhu veNinivhi vakatendeuka, ndima 32 inotionesa Jesu vachirumbidza kutendeuka kwakaita vanhu ava. Mwari vanogonavo here kukurumbidza pamusoro pezvaunoita panguva yaunonzwa nezvesimba ravo kana Shoko ravo?

Pazviratidzo zvose zvaungashuva muupenyu, Kufa nokumuka kwaKristu ngachive icho chiratidzo chikuru chaunotsvaka muvupenyu bwako nokuti Jesu vanoti ndini kumuka novupenyu, unotenda kwandiri kunyangwe akafa, uchararama (Johane 11:25).

Wenyu muranda waIshe Jesu Kristu
Rev S Magwati
RCZ Budiriro Congegation

08/05/2026

8 May 2026

Ruka 11:27-28

Rarama Zvinoita Kuti Rudzi Rwenyu Rurumbidzwe

Zvirevo 22:1 inotaura kuti zita rakanaka rinofanira kusanangurwa kupfuura fuma zhinji, uye kudikanwa kupfuura sirivha nendarama.

Mushure mokuona zvakanaka zvayiitwa naJesu, ndima 27 inoti: Mumwe mukadzi pakati pavanhu vazhinji akadanidzira akati kwaari: Rakaropafadzwa dumbu rakakutakurai, namazamu amakayamwa. Chiyi chinotaurwa pamusoro porudzi rwenyu kana vanhu vachiona kuita kwako? Jesu anogamuchira kuti zvakanaka zvandiri kuita zviri kuita kuti vanhu varumbidze vabereki vangu ndokubva ati: Hon’o rakaropafadzwa dumbu rakanditakura, asi zvikuru vakaropafadzwa vanonzwa shoko raMwari, vachirichengeta.

Jesu vari kuti kwauri: Chiedza chako ngachivhenekere pamberi pavanhu kuti vavone mabasa ako akanaka, vakudze Baba vako vari kudenga (Mateo 5:16).

Wenyu muranda waIshe Jesu Kristu
Rev S Magwati
RCZ Budiriro Congregation

07/05/2026

7 May 2026

Ruka 11:24-26
Usararama Mumoyo Mako Musina Jesu

Jesu vanotaura paZvakazarurwa 3:20 vachiti: Tarirai ndimire pamukova ndichigogodza, kana munhu akanzwa inzwi rangu, akazarura mukova ndichapinda kwaari, ndicharayira naye, naiye ucharayira neni.

Pose paunoverenga shoko raMwari kana kuterera mharidzo, ndiMwari vanenge vachigogodza pamoyo pako. Kutaura kwaJesu kuvupenyu bwako ndiko kunodzinga mweya wetsvina sezvatiri kuona pandima 24 panoti: Mweya wetsvina kana wabuda kumunhu unopota nenzvimbo dzakawona uchitsvaka zororo kana ukashaiwa unoti: Ndichadzokera kumba kwangu kwandabuda.

Nokuda kokuti Jesu anenge asimo mumoyo mako, ndima 26 inotionesa kuti mweya wakaipa unoenda kunokoka imwe mweya minomwe yakaipa kukunda uyu wokutanga. Ipapo kuipa komunhu uyo kuchapfuura zvaanga ari pakutanga.
Kana Jesu vachinge vagogodza muvupenyu bwako vatendere vapinde nokuti muvengi wedu Dhiabhorosi unofamba-famba seshumba inorira, ichitsvaka waingaparadza (1 Petro 5:8).

Wenyu muranda waIshe Jesu Kristu
Rev S Magwati
RCZ Budiriro Congegation

04/05/2026

SUNDAY 03 MAY 2026, RCZ BUDIRIRO CONGREGATION SUNGANO YEVAKOMANA SERVICE
THEME: NENYASHA TAKAPONESWA

Sermon Title: The Danger of “Away-ness” – Returning to the Father’s House
By Rev. Magwati

Scripture Readings: Ephesians 2:8 | Luke 15:11–32 | Genesis 26:12–16

⸻

1. The Gift of Grace (Ephesians 2:8)

Our journey begins with a fundamental truth: Grace.
“For by grace are ye saved through faith; and that not of yourselves: it is the gift of God.”

Nothing we have—not our health, our wealth, or our salvation—is by our own power. It is a gift. Yet often, when we receive the gift, we forget the Giver. We begin to mistake the blessing for our own brilliance… and that is where the drift begins.

⸻

2. The Trap of “Pseudo-Freedom” (Luke 15:11–14)

In our Boys Fellowship, we asked:
“Chii chiri kukubvisa pana Baba?” (What is taking you away from the Father?)

The younger son wanted his “portion.” He desired independence. Many today, once they gain a job, promotion, or success, feel they have outgrown God’s “house rules.”

* The Abuse of Success: Living large without purpose, misusing what has been given.
* The Spiritual Drift: What feels like freedom often leads to famine.

Warning: Kubva pana Mwari kurasikirwa nehupenyu.
(Leaving God is losing life.)

The drift is subtle—until you and God become strangers. Ironically, the very blessings from God can become the reason we no longer have time for Him.

⸻

3. The Isaac Example: Success Without Departure (Genesis 26:12–14)

In contrast, Isaac prospered greatly—yet remained grounded.

* He stayed connected to God.
* He remained faithful to his family.
* He did not allow success or envy to change his heart.

Lesson:
Pfuma yakanaka asi inoparadza mhuri.
(Wealth is good, but it can destroy a family if it is not anchored in God.)

⸻

4. The Heart of the Father & Our Response

When the younger son “came to himself,” he realized even servants at home lived better than his so-called freedom.

* Repentance: He humbled himself and returned.
* The Father’s Love: Before he finished speaking, the Father ran to him.

God is ready to restore you—today.

To the “Elder Brothers”:
Let us not respond with bitterness when others return. Let us celebrate restoration. Let us welcome them fully.

⸻

Closing Thought

Whether you are the younger son who wandered…
Or the elder son who stayed but grew bitter…

Come back to the heart of the Father.
Manage your success in a way that draws you closer to Jehovah—not further away.

Amen.

Shared from the Boys Fellowship Conference Reflections.