Nuwe Hart Stigting

10/06/2025

Life in Gaza has become so desperate that some children, who have lost everything, are expressing suicidal ideation, according to Save the Children's Gaza Le...

28/05/2025

GASA: "As Christen en predikant moet ek ook die poging om hierdie geweld met die Bybel te regverdig aanspreek. Só ’n aanwending van die Skrif is nie net verkeerd nie – dit is aanstootlik. Die God van die Bybel is nie ’n God van wraak nie, maar ’n God van liefde, geregtigheid en genade vir alle mense. Die Bybel roep ons op om die lydendes te versorg, teen onreg op te staan, en die menswaardigheid van elke lewe te beskerm."
** Lees Jannie Pelser se volledige brief aan Kerkbode by die skakel hieronder.
https://kerkbode.christians.co.za/2025/05/28/brief-n-skrywe-uit-die-hart-van-n-predikant-oor-die-humanitere-krisis-in-gasa/

27/05/2025

OOR DIE HUMANITÊRE KRISIS IN GAZA DS. JANNIE PELSER

19/02/2024

Maandag

Wat weet die martelare?

HANDELINGE 7:55 (AFR83)
Maar Stefanus, vol van die Heilige Gees, het opgekyk na die hemel en die heerlikheid van God gesien en Jesus wat aan die regterhand van God staan.

My kop los my nie, dit is soos ʼn spinnerak van gedagtes en bedrywighede. Veral vakansie tyd skakel alles in my aan, in plaas van af. Tog is dit nie sinneloos nie. Ek kry antwoorde, of ten minste, rigtingwysers.

Dit is die merkwaardige van ʼn verhouding met die Here. Die Bybel sê dit immers – vra en vir julle sal gegee word, soek en julle sal vind, klop en vir julle sal oopgemaak word.
Dalk nie alles op een slag nie, maar met verdrag.

So worstel ek met die martelare, mense wat ter wille van die Evangelie hul lewens prysgee, letterlik weggee.

Ek luister na ʼn voordrag waar daar melding gemaak word van, so herroep ek dit, veertig Christene wat vanweë hul getuienis naak op ʼn ysmeer aan die elemente blootgestel word. As hulle hul geloofsvertroue prysgee word hul onmiddellik gehelp. Indien nie, is sterf hul voorland.

Een van die Christene martelare gee toe aan die druk. Wie kan hom dit kwalik neem?
Hy word te hulp gesnel. Een van die soldate wat die martelare moet dophou word so aangespreek deur die voorbeeld van die ander nege en dertig, dat hy die een wat toegegee het, se plek inneem. Al veertig sterf.

My hart breek. Hoe kan dit, waarom, waar was die Here, so maal dit in my kop.
Ek raak skoon gespanne omdat ek so met die een identifiseer wat handdoek ingooi.
Ek bid stilweg, “Here, ek wil U nie teleurstel nie, maar ék sal dit nie maak nie”.

Hoe werk dit dan, wonder ek.

Dan hoor ek die Gees se stem. Vra in plaas van die hoekom en waarom vraag, eerder wat hierdie martelare van God beleef het en wat hulle so vasberade gemaak het.
Eweneens martelare deur al die eeue en ja, daar is steeds mense wat die hoogste prys betaal vir hul belydenis dat Jesus die Here is.

Wat het hierdie mense ontdek van God drie enig wat hulle staande gehou het en het ek genoeg daarvan ontdek dat dit my staande sal hou in uitdagende tye?

So dankbaar dat die Here die werk wat Hy in my ( en jou, en ons) begin het, self klaarmaak.
So dankbaar dat oorwinning nie in ons vermoë gesetel is nie, maar in God wat ons dra.
So dankbaar dat martelaars genade kom na martelare. Wat elkeen van ons vandag nodig het is ʼn ander tipe genade.
Genade om geloofwaardig in hierdie lewe op te tree, om die Waarheid nie geweld aan te doen nie, om versoenings gesante te wees, om ons families te beskerm, om Suid Afrika te laat werk.

16/09/2022

Devilsdorp - sê wie?

Vrydag

2 Kron.7:14
As my volk oor wie my Naam uitgeroep berou toon, bid en vra na my wil en draai terug van hulle bose weë af, sal Ek luister uit die hemel en hulle sonde vergewe en hulle land laat herstel.

Op 24 September vanjaar sal na verwagting duisende mense na ʼn gebedsbyeenkoms stroom wat deur die bekende prediker Angus Buchan gelei sal word. Die geleentheid vind digby Krugersdorp plaas.

Krugersdorp ook bekend as Mogale City, maar helaas ook as “devils dorp”. So is dit luidrugtig op groot baniere langs die snelweë van ons land geprofeteer nav ʼn reeks wat op TV uitgesaai is. Die reeks hou verband met ʼn aantal aaklige moorde wat gepleeg is.
Mogale City is ongelukkig dikwels vir die verkeerde dinge in due nuus. Dit was ook hier waat ʼn aantal vroue heel onlangs gewetenloos deur die Zama zamas verkrag is.

Devilsdorp? Sê wie?

Nie solank hier ʼn kerk is nie!
Nie solank daar kinders van die Here is en sy Woord luidrugtig verkondig word nie!
Nie solank as daar tientalle gemeenskapsgeorienteerde inisiatiewe is wat die lewens van swaarkry mense op ʼn daaglikse basis ondersteun nie!
Nie solank as wat daar God op die troon is en sy Engele uitgestuur word om sy plan ten uitvoer te bring nie!

Moord, prostitusie, verwaarlosing, verkragting, selfs die okkulte. Dis nie uniek aan Krugersdorp en sy mense nie. Dit hoe die wêreld lyk.
Maar dit is nie die bose se wêreld nie al het hy arrogant aangebied om die koninkryke van die wêreld aan Jesus te oorhandig tydens sy woestyn ervaring.

Kom bid saam asb., maar kom bid ook vir jou omgewing.
Bid vir Suid Afrika en die nood wat hy belewe.
Bid vir die wêreld wat smaak my koers verloor het.
Maar moet dit nie vir een enkele oomblik bely nie.
Devilsdorp!
Sê wie?

15/09/2022

Hoofsaak moet hoofsaak bly!

2 Kron.7:14
As my volk oor wie my Naam uitgeroep berou toon, bid en vra na my wil en draai terug van hulle bose weë af, sal Ek luister uit die hemel en hulle sonde vergewe en hulle land laat herstel.

Ek hou nie van reguit lyne trek nie. Ons kyk immers soos in ʼn spieël soos in ʼn raaisel. Ons weet ten dele, God weet alles.
Nederigheid is ʼn kenmerk van God se kinders.
Om dus sondermeer ʼn reguit lyn te trek tussen die teks en ons konteks hier aan die Suidpunt van Afrika, is dalk nie die aangewese ding om te doen nie.
Om die teks wel ernstig te neem is uiteraard belangrik.

Die teks het ʼn adres – God se kinders, sy volk, verbondsmense. Die kerk as jy wil, die Christelike geloofsgemeenskap. Daar is ʼn kerkgebou op bykans elke hoek in Suid Afrika, goed, ek oordryf. Kerkgeboue verteenwoordigend van ʼn veelheid van kerklike tradisies is nie dun gesaai nie.

Baie gemeenskappe se hoofstraat is steeds Kerkstraat. Dit is wie ons is, mense wat, eens op ʼn tyd dalk, erns gemaak het met God se Woord. Strate se name het intussen verander en Kerkstraat is lank nie meer die hoofstraat gemeet aan die dinge waarmee Suid Afrikaners doenig is nie.

Die teks sê ons moet die dinge laat staan wat verkeerd is. Dit stel ons nie voor ʼn keuse nie maar stel dit onomwonde.
Jy kan sonde nie verontskuldig nie.
Die Gees van God wat in ons woon oortuig tog van sonde. Jy weet wanneer wat jy doen nie die regte ding is om te doen nie.
Moenie laat ander aan jou voorskryf nie, vra die Here. Hy sal jou in die waarheid lei.

Sommige dinge is ooglopend verkeerd. Die Tien Gebooie help ons daarmee. Watter gebod is nie meer tersaaklik nie sou ek wou vra aan mense wat sê dat dit die ou Testament is en dat ons nie meer onder die wet is nie. Mag so wees maar ek vra weer, watter gebod wil jy los?

Ander dinge lê op persoonlike vlak. Dis nie vir ons om aan mekaar voor te skryf nie. Wie het ons aangestel as beoordelaars van ander se optrede?

Ek herinner my aan die balk en die splinter storie. Jy ken dit.

Een van die dae sal ʼn massa mense opdaag vir ʼn gebedsbyeenkoms digby Krugersdorp.
Oom Angus sal dit lei.
Mag die hoofsaak, hoofsaak wees.
Mag geestelike onderskeiding daadwerklik lei.

26/08/2022

Ons is in die moeilikheid.

Die misdaadstatistieke wat verlede week bekend gemaak is, wys Suid-Afrika is in die moeilikheid. Die aantal mense wat beroof, geïntimideer, verkrag en vermoor word, is verbysterend. Selfs kinders is nie veilig in hierdie land nie. Hulle durf nie buite speel nie uit vrees om aangerand te word, in die kruisvuur te sterf of vermoor te word. Hoe is dit dat ons tot hierdie punt gekom het?

Ons eerste reaksie is dat die SAP die verantwoordelikheid moet dra. Hulle moet ons veilig hou, en hulle faal skandelik daarin.

Dat die owerhede wat aangewys is om na die veiligheid van Suid-Afrikaners om te sien dit nie doeltreffend gedoen het nie, is 'n feit. Tog kan ons nie al die blaam op ander mense afskuif nie. Die spreekwoord lui, vier vingers wys na jouself.

Beskermingsdienste kan nie die bewegings van al die mense in Suid-Afrika heeltyd monitor nie. Ons moet begin omsien na onsself en die mense vir wie ons verantwoordelik is.

Ons moet verseker dat ons tieners op 'n ooreengekome tyd binnenshuis is. Ons moet kyk waar hulle partytjie hou en of daar toesig is of nie.
Ons moet verseker dat ons kinders skool bywoon en dat hul huiswerk gedoen word.
Ons moet oueraande bywoon en verseker dat ons kinders wel leer.
Ons moet ons kinders respek vir gesag leer.
Ons moet kyk wat ons kinders op TV en sosiale media sien.
Ons moet kyk hoe ons in ons huise kommunikeer en hoe ouers hulself as man en vrou gedra.
Vaders moet gedrag teenoor 'n vrou modelleer.
Ons moet demonstreer hoe volwassenes op verantwoordelike wyse alkohol gebruik, ens.

Ons, ons, ons.

Die statistieke sê dat dinge nie reg is in ons huise nie.

Ons moet by die basiskamp begin voordat ons vingers kan wys.

Jannie Pelser
Toekomsvenster

22/08/2022

Ons is in die moeilikheid.

Die misdaadstatistieke wat verlede week bekend gemaak is, wys Suid-Afrika is in die moeilikheid. Die aantal mense wat beroof, geïntimideer, verkrag en vermoor word, is verbysterend. Selfs kinders is nie veilig in hierdie land nie. Hulle durf nie buite speel nie uit vrees om aangerand te word, in die kruisvuur te sterf of vermoor te word. Hoe is dit dat ons tot hierdie punt gekom het?

Ons eerste reaksie is dat die SAP die verantwoordelikheid moet dra. Hulle moet ons veilig hou, en hulle faal skandelik daarin.

Dat die owerhede wat aangewys is om na die veiligheid van Suid-Afrikaners om te sien dit nie doeltreffend gedoen het nie, is 'n feit. Tog kan ons nie al die blaam op ander mense afskuif nie. Die spreekwoord lui, vier vingers wys na jouself.

Beskermingsdienste kan nie die bewegings van al die mense in Suid-Afrika heeltyd monitor nie. Ons moet begin omsien na onsself en die mense vir wie ons verantwoordelik is.

Ons moet verseker dat ons tieners op 'n ooreengekome tyd binnenshuis is. Ons moet kyk waar hulle partytjie hou en of daar toesig is of nie.
Ons moet verseker dat ons kinders skool bywoon en dat hul huiswerk gedoen word.
Ons moet oueraande bywoon en verseker dat ons kinders wel leer.
Ons moet ons kinders respek vir gesag leer.
Vaders moet gedrag teenoor 'n vrou modelleer.
Ons moet kyk wat ons kinders op TV en sosiale media sien.
Ons moet kyk hoe ons in ons huise kommunikeer en hoe ouers hulself as man en vrou gedra.
Ons moet demonstreer hoe volwassenes op verantwoordelike wyse alkohol gebruik, ens.
Ons, ons, ons.

Die statistieke sê dat dinge nie reg is in ons huise nie.

Ons moet by die basiskamp begin voordat ons vingers kan wys.

[email protected]

18/08/2022

Donderdag Aktueel

Suid Afrika-Quo Vadis?
Donderdag aktueel

Daar is twee bydraes op Netwerk 24 wat my aandag trek. Hulle staan nie regtig teenoor mekaar nie maar vorm twee belangrike kante van dieselfde munt.

Somtyds wil ons net van die een narratief kennis neem. Sommige mense kan nie genoeg kry van gesprekke wat vertel hoe sleg dit met Suid Afrika gaan nie, en natuurlik is daar rede om bekommerd te wees. Die ander wil die ontstellende nuus doodskreeu en maan teen alle vorme van negativisme want, Suid Afrika is steeds die land van melk en heuning en die pessimiste is net te blind om dit raak te sien.

Ek d**k ons sal verder kom as ons erken dat die munt twee kante het en oop oë die toekoms tegemoet gaan.

Bernard Beukman is die redakteur van Beeld. Hy skryf onder die opskrif “Ons kan regte Suid Afrika laat (her)leef”.

Hy vind aansluiting by die twee groot wedstryde van die Bokke teen die All Blacks waarvan een in Suid Afrika se guns beslis is.

Hy verwys na die mense wat opdaag om die wedstryd te kyk en vir hul span te skreeu. Suid Afrika se diversiteit word ronduit verteenwoordig. Daar is mense van elke bevolkingsgroep verteenwoordig en ʼn gees van samehorigheid en patriotisme heers.

Nou ja, Suid Afrika het op Ellispark minder goed gevaar maar die sukses en betekenis van die wedstryd word nie net deur die uitslag bepaal nie. Ek haal so ʼn stukkie aan uit Beukman se bydrae.

“Wat in die stadions afgespeel het, was nie kunsmatige spookasem vir 'n uur of wat nie. Die welwillendheid en die hongerte daarna was voelbaar. Selfs die wedersydse bewondering, waarvan die hoogtepunt verwoord is op die een swart seuntjie in Mbombela
se plakkaat: "Boere eats Kiwi’s for pudding."

Die munt het twee kante, om dit te ontken is om volstruispolitiek te beoefen. Die anderkant van die munt word derhalwe grafies beskrywe deur die stigter van OUTA, ʼn organisasie wat die belange van Suid Afrikaners op die hart dra.
Wayne Duvenhage vra inderdaad of Suid Afrika nog 20 maande kan oorleef as die huidige tendens van vrot regering en ʼn gevoel van desperate hopeloosheid nie daadwerklik aangespreek word nie. Die twintig maande verwys uiteraard na die verkiesing wat in 2024 moet plaasvind.

Intussen lê die leierskapsverkiesing van die ANC einde van die jaar voor met kandidate wat hul tande slyp vir die gesogte pos van president en adjunk president van die ANC.

Dit blyk dat mnr. Ramaphosa steeds die oorhand het maar soos iemand opgemerk het in politiek is 5 maande ʼn lang tyd. Net die bykans oornag ontsteltenis oor mnr. Ramaphosa se bedrywighede op sy plaas bewys hoedat ʼn leier se geloofwaardigheid en betekenis oornag skade kan lei. Druk dat mnr. Ramaphosa opsy moet staan totdat daar klarigheid gekom het oor sy wildplaas en wat daar sou gebeure het neem hand oor hand toe. Bykans alle opposisie partye dring daarop aan.
Snaaks hoedat vyande en teenstanders skielik kan verenig as hulle ʼn gemeenskaplike voordeel kan bekom.
Almal hoop dat hierdie skuif politieke punte vir hulle sal beteken. Voor in die koor die luide stem van die EFF.

Mnr. Duvenhage is met reg bekommerd oor hierdie land en vra-

“Gaan ons maar net glimlag en op ons tande kners oor die agteruitgang in dienslewering? Gaan ons dit aanvaar as die norm? Of gaan leiers opstaan vir dit wat reg is”?

OUTA roep met reg alle samelewings verbande waaronder die kerk op om mense bewus te maak van die huidige toedrag van sake en die noodsaak om met mening toe te tree en iets te doen.

“Ons kan eenvoudig nie nog 20 maande wag nie. Ons moet vandag begin met konstruktiewe, betekenisvolle en bewustelike verandering”.

Uiteraard moet alle samelewingsverbande, die kerk en plaaslike gemeente ingesluit ʼn daadwerklike rol hierin speel.
[email protected]

18/08/2022

Suid Afrika-Quo Vadis?
Donderdag aktueel

Daar is twee bydraes op Netwerk 24 wat my aandag trek. Hulle staan nie regtig teenoor mekaar nie maar vorm twee belangrike kante van dieselfde munt.

Somtyds wil ons net van die een narratief kennis neem. Sommige mense kan nie genoeg kry van gesprekke wat vertel hoe sleg dit met Suid Afrika gaan nie, en natuurlik is daar rede om bekommerd te wees. Die ander wil die ontstellende nuus doodskreeu en maan teen alle vorme van negativisme want, Suid Afrika is steeds die land van melk en heuning en die pessimiste is net te blind om dit raak te sien.

Ek d**k ons sal verder kom as ons erken dat die munt twee kante het en oop oë die toekoms tegemoet gaan.

Bernard Beukman is die redakteur van Beeld. Hy skryf onder die opskrif “Ons kan regte Suid Afrika laat (her)leef”.

Hy vind aansluiting by die twee groot wedstryde van die Bokke teen die All Blacks waarvan een in Suid Afrika se guns beslis is.

Hy verwys na die mense wat opdaag om die wedstryd te kyk en vir hul span te skreeu. Suid Afrika se diversiteit word ronduit verteenwoordig. Daar is mense van elke bevolkingsgroep verteenwoordig en ʼn gees van samehorigheid en patriotisme heers.

Nou ja, Suid Afrika het op Ellispark minder goed gevaar maar die sukses en betekenis van die wedstryd word nie net deur die uitslag bepaal nie. Ek haal so ʼn stukkie aan uit Beukman se bydrae.

“Wat in die stadions afgespeel het, was nie kunsmatige spookasem vir 'n uur of wat nie. Die welwillendheid en die hongerte daarna was voelbaar. Selfs die wedersydse bewondering, waarvan die hoogtepunt verwoord is op die een swart seuntjie in Mbombela
se plakkaat: "Boere eats Kiwi’s for pudding."

Die munt het twee kante, om dit te ontken is om volstruispolitiek te beoefen. Die anderkant van die munt word derhalwe grafies beskrywe deur die stigter van OUTA, ʼn organisasie wat die belange van Suid Afrikaners op die hart dra.
Wayne Duvenhage vra inderdaad of Suid Afrika nog 20 maande kan oorleef as die huidige tendens van vrot regering en ʼn gevoel van desperate hopeloosheid nie daadwerklik aangespreek word nie. Die twintig maande verwys uiteraard na die verkiesing wat in 2024 moet plaasvind.

Intussen lê die leierskapsverkiesing van die ANC einde van die jaar voor met kandidate wat hul tande slyp vir die gesogte pos van president en adjunk president van die ANC.

Dit blyk dat mnr. Ramaphosa steeds die oorhand het maar soos iemand opgemerk het in politiek is 5 maande ʼn lang tyd. Net die bykans oornag ontsteltenis oor mnr. Ramaphosa se bedrywighede op sy plaas bewys hoedat ʼn leier se geloofwaardigheid en betekenis oornag skade kan lei. Druk dat mnr. Ramaphosa opsy moet staan totdat daar klarigheid gekom het oor sy wildplaas en wat daar sou gebeure het neem hand oor hand toe. Bykans alle opposisie partye dring daarop aan.
Snaaks hoedat vyande en teenstanders skielik kan verenig as hulle ʼn gemeenskaplike voordeel kan bekom.
Almal hoop dat hierdie skuif politieke punte vir hulle sal beteken. Voor in die koor die luide stem van die EFF.

Mnr. Duvenhage is met reg bekommerd oor hierdie land en vra-

“Gaan ons maar net glimlag en op ons tande kners oor die agteruitgang in dienslewering? Gaan ons dit aanvaar as die norm? Of gaan leiers opstaan vir dit wat reg is”?

OUTA roep met reg alle samelewings verbande waaronder die kerk op om mense bewus te maak van die huidige toedrag van sake en die noodsaak om met mening toe te tree en iets te doen.

“Ons kan eenvoudig nie nog 20 maande wag nie. Ons moet vandag begin met konstruktiewe, betekenisvolle en bewustelike verandering”.

Uiteraard moet alle samelewingsverbande, die kerk en plaaslike gemeente ingesluit ʼn daadwerklike rol hierin speel.
[email protected]

17/08/2022

Woensdag

Jou eerste woorde kan jou dag bepaal.

KOLOSSENSE 4:6 (AFR83)
Wat julle sê, moet altyd vriendelik wees en van goeie smaak getuig; en julle moet weet hoe julle elkeen behoort te antwoord.
Woorde is kragtig, selfs al bedoel ʼn mens nie om dit intensioneel te gebruik nie. Woorde skep ʼn omgewing waarbinne jy positiewe of negatiewe ervarings ontsluit.

Woorde het nie net betekenis en impak op die een wat dit gebruik nie, maar ook op ander wat dit hoor. Om die waarheid te sê woorde kan selfs ʼn impak hê op mense wat dit self nie gehoor het nie.
Ek herinner my aan my eerste woorde soggens wanneer ek wakker word en hoe uitdagend dit is om die dag met positiewe geloofsuitsprake gevul met verwagting te begin.
Ek wonder stellig of jy ook soggens nog voor die dag behoorlik aangebreek het en die eerste paragrawe van die dag se gebeure geskryf is, van die volgende opmerkings maak -

• “Ag ek wens ek hoef nie vandag te gaan werk nie
• Ek het ʼn hewige hoofpyn en voel nie lekker nie
• Hierdie lyf is so seer, dit voel nie soos myne nie
• Ek het nie ʼn oog toegemaak nie
• Die aakligste drome vannag gedroom
• Ek is gestress en my maag is op ʼn knop getrek
• Ek is nie lus nie”

Op die oog af onskuldige praatjies makery maar oorweeg vir ʼn enkele oomblikke watter impak dit op jou dag en die van ander mag hê.
Dit is asof jy uit die kaleidoskoop van kleure wat tot jou beskikking is, donker swart en grys gekies het.
Van blou, oranje, groen en rooi is daar nie sprake nie.
Die buitelyne is reeds getrek, al wat jy verder hoef te doen is om die moeitevolle detail in swart en grys in te vul.
Later vandag en terug by jou huis bly jy op dieselfde trajek van negatiewe uitsprake

• “Die verkeer is ʼn nagmerrie
• Die taxi’s het geen ontsag vir ander mense nie
• Ek haat my werk
• Eet ons alweer maalvleis”.

Ek het nodig om myself uit te daag en dalk vir jou ook.
Sal ons nie elke dag begin met “dit is die dag wat die Here gemaak het
Laat ons daaroor juig en bly wees”
Verf met koninklike kleure, koninkrykskleure, warm en vriendelik.

Ons eerste woorde voortaan woorde van geloof en verwagting.

16/08/2022

Dinsdag

Oorvloedige SONkrag

MALEÁGI 4:2 (AFR53)
Maar vir julle wat my Naam vrees, sal die son van geregtigheid opgaan, en daar sal genesing onder sy vleuels wees; en julle sal uittrek en huppel soos kalwers uit die stal.

Energie verskaffing is ʼn groot uitdaging in Suid Afrika. Ons is al heel bekend met die metertjie op TV wat aandui dat die energieverskaffer nie kan by bly by die aanvraag nie. In die afgelope weke het mnr. Ramaphosa aankondigings gedoen wat belofte dra.
Sommige sien enorme potensiaal in sonkrag energie veral omdat Suid Afrika geseën is met heerlike sonskyndae.
Suksesverhale van verbruikers, klein en groot, wat totaal onafhanklik funksioneer laat ʼn mens die moontlikhede van sonpanele om in eie behoeftes te voorsien, oorweeg. Die son het inderdaad wonderlike moontlikhede.
Die Bybel praat van ʼn ander son, die Son van geregtigheid met genesing in sy strale. Wie is die gloed van die Son kom staan word energeer met bo natuurlike krag. Die son skyn helder selfs in onweer en donker wolke wat saampak.
Die energie daarvan kan nie uitgeput word nie ongeag van hoeveel mense daarop ʼn appél maak nie.
Daarbenewens is die koste faktor ʼn besondere pluspunt.
Sonkrag in die natuurlike is ʼn duur aangeleentheid en dit is enkelinge wat dit kan bekostig, ten spyte van die voordele en belofte wat dit inhou. Die hemelse son skyn gratis en oorvloedig oor enige iemand wat daarin wil om staan. Dit kos letterlik niks nie behalwe ʼn verwagting dat alle energie behoeftes effektief in Hom aangespreek sal word.
Die Son gaan ook nie onder nie. Selfs in die nag kan sy potensiaal tot jou voordeel aangewend word.
Hy is Immanuel, die Son van geregtigheid. Jou energie behoeftes is beantwoord.
Die Bybel vra waarom ons betaal vir dit wat geen waarde bied nie.
Kom, vra en ontvang alles wat Hy belowe het in die geloof.
Son van geregtigheid, skyn oor my.