https://www.facebook.com/1890410104524517/

Christ Embassy Mamelodi, Mamelodi (2026)

06/04/2026

*RHAPSODY YA MMAKGONTHE*

*(Ge o nyaka buka ya Rhapsody ya Mmakgonthe ka botlalo, šomiša linki ye: https://rhapsodylanguages.tniglobal.org)*

Mošupologo, 06th Aporele
Moruti Chris

*SEMAKA SA DIMAKATŠO*

*“Le tlo reng ge le bona Morwamotho a rotogela mo a bego a le gona pele?” (Johane6:62).*

*Naa o be o tseba gore bana ba bo Morena Jesu ba madi ga ba ka ba mo dumela go bohlankeding bja Gagwe bja mo lefaseng, le ka morago ga tsogo ya Gagwe? Eupša ge a rotogela legodimong pele ga mahlo a bona,dilo ka moka di ile tša fetoga. Thotogelo e be e tiišetšo yeo e sa ganetšegego ya botšo bja Gagwe bja legodimo le boitšhupo bja Gagwe. E be e le semaka sa dimakatšo.*

*O boditše BaJuda gore thotogelo ya Gagwe e tlo ba bohlatse bja gore ke Yena mang ka nnete ge bwoullaela boipolelo bja Gagwe bja gore ke Morwa wa Modimo. O ile a re go bona, “Le tlo reng ge le bona Morwamotho a rotogela mo a bego a le gona pele?” (Johane 6:62). O ba šupeditše thotogelo bjalo ka bohlatse bjo e sego bja phošo go boModimo bja Gagwe.*

*Ka morago ga tsogo, barutiwa ba bangwe ba be ba dutše ba sa belaela. Eupša ka letšatši la thotogelo ya Gagwe, gape ba ile ba lebelela ge a phagama gomme a išwa legodimong ka pono ye e tletšego, ba hloka ngangišano. Molomo wo mongwe le wo mongwe wa homola. Aa motsotso woo! Yo a bego a bapotšwe gape a bolokilwe, Yena yoo ba bego ba nagana gore o hwile, O rotogetše legodimong ka mmele!*

*Ke moo bana ba gabo ba thomilego go dumela gore e be e le Kriste. Ga ba ka ba boela g*e. Ba ile ba latela barutiwa ko ngwakong wa ka godimo gomme ba amogela Moya Mokgethwa, go akaretša le Maria, mmago bona (bala Ditiro 1:9-14).*

*Ka bjako, ba lemogile gore Yoo ba bego ba eja le Yena, gape ba dula le Yena mo ntlong ye tee, e be e le Modimo ka boYena. Thotogelo ya Gagwe e tiišitše boModimo bja Gagwe gomme ya re netefaletša go boya ga Gagwe. Se e bile semaka sa dimaka gomme e sa dutše e le karolo ye bohlokwa kudu ya Ebangedi le Tumelo yeo re e tšeago e le ye bohlokwa kudu.*

*THAPELO*

*O yo letago gakaakang O, Morena! Tumelo ya ka mo go Wena ke ya go sa felego, ka ge o le Modimo wa nnete o le tee, O hlatsetšwe ke tsogo ya lehu le thotogelo ya letago go ya legodimong, moo O phelago go ya go ile. Ke tsebagatša bogoši bja Gago, gomme ke phela ka temogo ya gore O a buša go ya go ile bjalo ka Kgoši ya dikgoši gape O le Morena wa marena. Amen!*

*THUTELOPELE*
Ditiro 1:9-11
1 Timotheo 3:16

*THAPELO YA PHOLOŠO*

*Tate yo a rategago, ke dumela ka pelo ya ka yohle go Jesu Kriste, Morwa wa Modimo. Ke a dumela gore O nkhwetše, gape Modimo a mo tsoša bahung. Ke a dumela gore O a phela Lehono. Ke a goeletša gore Jesu ke Morena wa bophelo bja ka. Go tloga Lehono, ke Phološitšwe. Ke a leboga Morena ge O mphološitše! Bjale ke ngwana wa Modimo. Hallelujah!*

*RE A GO LEBOGIŠA!*

Translators Network International - Rhapsody languages

05/04/2026

*RHAPSODY YA MMAKGONTHE*

*(Ge o nyaka buka ya Rhapsody ya Mmakgonthe ka botlalo, šomiša linki ye: https://rhapsodylanguages.tniglobal.org)*

Sontaga, 05th Aporele
Moruti Chris

*KE MORENA JESU*

*“Ge ke mmona, ka wela fase pele ga gagwe ke le bjalo ka mohu. Yena a mpea seatla se setona sa Gagwe, a bolela le nna a re: Se boife! Ke nna Wamathomo le Wamafelo” (Kutollo 1:17).*

*Go sepela le Morena Jesu gape le go mo hlankela ka nnete, o swanetše go tseba gore Yena ke mang ka nnete. O ka se mo hlomphe ge o sa mo tsebe. O ka se mo rate ge o sa mo tsebe. Ka nako tše ntši, ka tsela yeo ba bangwe ba botšago Leina la Gagwe go utulla ge eba ba lemoga e le ka kgonthe boitšhupo bja Gagwe bja boModimo le borena bjo bo phagamego goba go se bjalo.*

*Go fa mohlala, ka morago ga tsogo ya Gagwe le thotogelo ya legodimong, ga go yo a bolelago le Yena a mmitša Jesu, ba be ba mmitša Morena Jesu. Ke Morena Jesu! Ke ka moo bao ba kopanego le Yena ka nnete ba mmitšago ka gona. Gopola Saulo wa Tarsus, o ile a wa fase ka maatla a legodimo mo tseleng ya go ya Damaskose gomme a re, “Ke wena mang, Morena?”*

*Ka nako yeo a kwago karabo, “Ke nna Morena Jesu”; tlhompho ya gagwe ya fetoga ka gobane o bile le kopano ya mmakgonthe. E bale bjalo ka ge Luka a e bea gore: “A wela fase, a kwa lentšu le bolela nae le re: Saulo! Saulo, o ntlhomaretšeng? Saulo a re: Ke wena mang? Morena! Morena a re: Ke nna Jesu yo o mo hlomerego. Go raga seotledi go tlo go thatafalela” (Ditiro 9:4-6).*

*Ba bantši ba re ba mmone, le ge go le bjalo, ba tšwela pele ba bolela ka Yena ntle le tlhompho. Kopano ya mmakgonthe le Kriste wa letago e fetola ka moo o bolela le Yena goba ka Yena. O lemoga bogolo bja Gagwe. O tlhompha Borena bja Gagwe. MoApostola Johane o mmone ka letago mo sehlakahlakeng sa Patimo, gomme karabo ya Gagwe e gatišitšwe mo go Kutollo 1:17 e re: “Ge ke mmona, ka wela fase pele ga Gagwe ke le bjalo ka mohu.”*

*O wele ka tlase ga maatla, e sego ka gobane a amogetše sengwe eupša ka baka la ponagatšo ya letago la legodimo. Bjale Morena a bea seatla sa Gagwe mo go yena gomme a bolela tšhegofatšo a re: “Se boife! Ke nna Wamathomo le Wamafelo.” Yo ke Kriste wa letago.*

*Tumišo ya gago, mantšu a gago le bophelo bja gago di swanetše go bontšha tlhompho ye kgolo kudu, poifo ye e tseneletšego le tlhompho ye kgolo go Yena. Yena ke “...Modimo o mogolo le Mophološi wa rena Jesu Kriste. Ke yena a ikgafilego ka baka la rena, gore a re lopolle bokgopong ka moka, a ithuele setšhaba sa diroto medirong e botse” (Tito 2:13-14). Ke Modimo wa bohle, Morena wa legodimo le lefase (Ditiro 10:36; Ditiro 17:24).*

*THAPELO*

*Morena Jesu yo a šegofaditšwego, ke leboga ge o utolotše borena bja Gago le letago la Gago mo moyeng wa ka. Tumišo ya ka, mantšu a ka le bophelo bja ka di bontšha tlhompho ye kgolo kudu, poifo ye e tseneletšego le tlhompho ye kgolo go Yena, bogolo bjo bo sa bapišwego, pušo, letago le le golo gape le pušo ye e sa felego. Amen!*

*THUTELOPELE*
BaFilipi 2:9-11
Ditiro 2:36
Kutollo 1:17-18

*THAPELO YA PHOLOŠO*

*Tate yo a rategago, ke dumela ka pelo ya ka yohle go Jesu Kriste, Morwa wa Modimo. Ke a dumela gore O nkhwetše, gape Modimo a mo tsoša bahung. Ke a dumela gore O a phela Lehono. Ke a goeletša gore Jesu ke Morena wa bophelo bja ka. Go tloga Lehono, ke Phološitšwe. Ke a leboga Morena ge O mphološitše! Bjale ke ngwana wa Modimo. Hallelujah!*

*RE A GO LEBOGIŠA!*

Translators Network International - Rhapsody languages

04/04/2026

*RHAPSODY YA MMAKGONTHE*

*(Ge o nyaka buka ya Rhapsody ya Mmakgonthe ka botlalo, šomiša linki ye: https://rhapsodylanguages.tniglobal.org)*

Mokibelo, 04th Aporele
Moruti Chris

*MODIMO WA NNETE LE BOPHELO BJO BO SA FELEGO*

*“Le gona re tseba gore Morwa wa Modimo o tlile a re nea tlhaologanyo ya gore re tsebe therešo. Bjale re ba Yena Morereši, re ba Morwa wa Gagwe Jesu Kriste. Yena yo ke Modimo wa makgonthe; ke Yena bophelo bjo bo sa felego” (1 Johane 5:20).*

*Ba bantši ba nagana gore ge ba bone Morena Jesu ka boYena ba tla mo lemoga ka bjako bjalo ka Morwa wa Modimo gomme ba mo rata le se metseng. Eupša seo ke sa rena bao lerato la Modimo le šetšego le atile ka Moya Mokgethwa ka Matswalo a Maswa. Ge o ithuta Beibele, o tla lemoga gore ba bantši ba bao ba mmonego ka boYena ge a be a sepela mo lefaseng ga ba ka ba dumela mo go Yena.*

*Johane 1:11 e re, “A tla go tša gagwe; mme ba gagwe ga ba ka ba mo amogela.” Le ka mehlolo ya Gagwe le dithuto, O ile a ganwa ke baetapele ba sedumedi ba matšatšing a Gagwe. Jesaya o ile a porofeta ka Yena a re, “...le ge re mmogela, o be a se na lebopo le re kago le thabela” (Jesaya 53:2).*

*Ga a ka a sepela ka monkgo goba go phadima ga mmele mo go bego go mo hlaola go ba bangwe. Le ge go le bjalo, O be a le Modimo diperesente tše lekgolo. Ge a be a swerwe, Judase o ile a tlamega go mmontšha gareng ga barutiwa ka go mo eka. Ba be ba sa kgone go mo arola ka ponagalo.*

*Ke ka baka leo BaFarasei le bamangwalo ba ngangišane le Yena ge a be a bolela gore Yena ke Morwa wa Modimo. Ba ile ba belaela setlogo sa Gagwe, ba re ga ba tsebe gore o tšwa kae. Ba ile ba mo raka gomme ba mmitša modiradibe, ba gana go amogela boitšhupo bja Gagwe bja boModimo. Le monna yoo a belegwego e le sefofu, yo a filego bopaki bja gore o fodišitše ke Morena Jesu, o ile a rogwa le go kwerwa ka baka la go dumela mo go Yena (Johane 9:24-28).*

*Sa go makatša le go feta, le bana ba gabo ga ba ka ba dumela mo go Yena (Johane 7:5) go fihlela a rotogela legodimong. Ga ba ka ba lemoga letago go yo a godilego le bona. Mo sefapanong, ka nako yeo mmagwe a bego a le gona, bana ba gabo ba be ba se gona. Ba be ba sa eme le Yena. Ba be ba sa mo šireletše. Le ge go le bjalo , Morena Jesu o be a le se sengwe le se sengwe seo a boletšego gore ke sona. O be a le bophelo bjo bo sa felego mo mmeleng wa motho. O be a le lerato la Modimo leo le tebarenekeleng ya nama, yona polelo ya Tate.*

*Go se dumele ga bona ga se ga fetola seo a bego a le sona. Gomme lehono, dikgopolo tša lefase ga di mo hlaloše. Ke Modimo yo mogolo wa letago, ke Kriste, ke Morena Modimo Ramaatlaohle, Modimo wa legodimo le lefase. Ke Modimo wa nnete gape ke bophelo bjo bo sa felego: “Bophelo bjo bo sa felego ke ge ba go tseba, wena Modimodimo o le noši. Ba tsebe le Moromiwa wa gago Jesu Kriste” (Johane 17:3).*

*THAPELO*

*Tate yo a rategago, ke leboga ge o utollotše motho wa Morena Jesu mo pelong ya ka----- gore ke mang: Modimo yo mogolo, gape bophelo bjo bo sa felego. Ke mmona ka Lentšu gape le ka Moya Mokgethwa, go amogela Borena bja Gagwe, Modimo wa Gagwe le lerato la Gagwe. Bophelo bja Gagwe le tlhago di ka mo go nna. Ke mo tsebagatša ka sebete mo lefaseng la ka gomme ba bantši ba dumela ka bohlatse bja ka, ka Leina la Morena Jesu. Amen!*

*THUTELOPELE*
Johane 1:10-12
1 Timotheo 3:16
Titos 2:13-14

*THAPELO YA PHOLOŠO*

*Tate yo a rategago, ke dumela ka pelo ya ka yohle go Jesu Kriste, Morwa wa Modimo. Ke a dumela gore O nkhwetše, gape Modimo a mo tsoša bahung. Ke a dumela gore O a phela Lehono. Ke a goeletša gore Jesu ke Morena wa bophelo bja ka. Go tloga Lehono, ke Phološitšwe. Ke a leboga Morena ge O mphološitše! Bjale ke ngwana wa Modimo. Hallelujah!*

*RE A GO LEBOGIŠA!*

Translators Network International - Rhapsody languages

03/04/2026

*RHAPSODY YA MMAKGONTHE*

*(Ge o nyaka buka ya Rhapsody ya Mmakgonthe ka botlalo, šomiša linki ye: https://rhapsodylanguages.tniglobal.org)*

Labohlano, 03rd Aporele
Moruti Chris

*TAOLO GODIMO GA LETŠHOGO LA LEHU*

*“Bjale ka go itira selo se tee le bana bao, ka go ba nama e tee le madi a tee le bona, o fentše Diabolo e a bego a na le maatla a lehu; o mo fentše ka go hwa ga Gagwe, a golola bao e bego e le batlengwa ka go boifa lehu mehla yohle ge ba sa phela” (BaHeberu 2:14-15).*

*Lengwalo la ka godimo le molaleng go etša ge le gatelela gore: Morena Jesu o fedišitše ka mo go feletšego yo a bego a na le maatla a lehu, diabolo gomme a ntšha batho mo go poifo ya lehu. Ga a tla go re fa phenyo ya nakonyana. Mošomo wa Gagwe ga se wo o sa fetšwago goba wo o sa felelago. O fentše Sathane yo a nago le maatla a lehu ka botlalo.*

*2 Timotheo 1:10 e bolela gore “Jesu Kriste, e a fedišitšego lehu, a tšweletša bophelo le go se hwe ka seetša sa Ebangedi.” O tšeetše lehu legato ka bophelo le go se hwe. Hallelujah! Wo ke molaetša wa tumelo. Se ke Lentšu la Ebangedi: lehu le fedišitšwe.*

*Gopola baapostola ba pele, ga ba ka ba hwa ka gobane ba be ba tšofetŝe goba ba fokola. Mangwalo a bontšha gore go tloga ga bona mo lefaseng le, go be go dumelelana le pitšo ya bona le boikgethelo bja go tswalela molaetša wa Ebangedi ka madi a bona. Ba gafile maphelo a bona, lehu le be le sena maatla godimo ga bona.*

*Bophelo bja MoKriste ke bophelo bja godimo, e sego go ineela ka go nanya lehung, kgobogo goba go bola. Ga wa hlamelwa go “lapa.” Bophelo bja Modimo ka mo go wena ga bo senyege, ke bja legodimo, ke bja go hloka mengwaga. Ga bo fokotšege goba go senyega. O mo go se nago lehu gape go se nago letšhogo. Phela mo phenyong ya Kriste ka mehla, o sa tšhoge, o matlafatše gape o tletše ka bophelo. Modimo a tumišwe!*

*BOIPOLELO*

*Ga ke boife gape ke na le sebete, ke phela ka temogo ya gore Morena Jesu o fetšešitše lehu gomme o ntlišitše mo bophelong le go se hwe. Ke sepela ka maatla, le maphelo a mabotse le letago. Ke phela ka phenyo ya Kriste, ke sa boife, ke matlafetše gape ke tletše ka bophelo. Amen!*

*THUTELOPELE*
BaHeberu 2:14-15
2 Timotheo 1:10
Johane 11:25-26
1 BaKorinthe 15:54-55

*THAPELO YA PHOLOŠO*

*Tate yo a rategago, ke dumela ka pelo ya ka yohle go Jesu Kriste, Morwa wa Modimo. Ke a dumela gore O nkhwetše, gape Modimo a mo tsoša bahung. Ke a dumela gore O a phela Lehono. Ke a goeletša gore Jesu ke Morena wa bophelo bja ka. Go tloga Lehono, ke Phološitšwe. Ke a leboga Morena ge O mphološitše! Bjale ke ngwana wa Modimo. Hallelujah!*

*RE A GO LEBOGIŠA!*

Translators Network International - Rhapsody languages

02/04/2026

*RHAPSODY YA MMAKGONTHE*

*(Ge o nyaka buka ya Rhapsody ya Mmakgonthe ka botlalo, šomiša linki ye: https://rhapsodylanguages.tniglobal.org)*

Labone, 02nd Aporele
Moruti Chris

*MOLAO WA BOPHELO*

*“Gobane molao wa Moya wa go phela ka Kriste Jesu o nkhunolotše molaong wa sebe le lehu” (BaRoma 8:2).*

*Ba bantši ba tshwenyegile ka polelwana yeo e thaletšwego mo Lengwalong leo re butšego ka lona bjalo o ka re “molao wa sebe le lehu” ke molao o tee o kopantšwego. Eupša, Butgo kamano ya BaRoma 7 le 8, lehu ka bo lona ga se molao. Go na le molao wa sebe, gomme gwa ba le lehu bjaldeathlebaka leo. Bjale, ka thušo ya Moya Mokgethwa, ke kgonne go e balatoa mo go nepagetšego. Phetolelo ya kgonthe ke: “Gobane molao wa Moya wa go phela ka Kriste Jesu o nkhunolotše molaong wa sebe le go tšwa go lehu.”*

*Mo temeng ya 7, Paulo o gateletše molao wa sebe gore o be o šoma ka mo go yena pele ga ge a hwetša Kriste, gape a bolela ka lehu ko thoko. Ge a fihla mo temeng ya 8, temaneng ya 2, o bontšhitše gore molao wa ka godimo----- molao wa Moya wa bophelo mo go Kriste Jesu----- o go lokolotše go tšwa go molao wa sebe le mo go lehu.*

*Ga o sa phela ka fase ga molaotheo wa lefase le woo o bušago bao ba lego ka ntle ga Kriste, bao ba lego ka tlase ga lehu, go senyega le bohwirihwiri. O phela ka molao wa bophelo. Ke ka baka leo o a swanelago go gapa letšhogo la lehu. Bophelo bja Modimo ka mo go wena ga bo ka tlase ga lehu. O fetile lehu go ya bophelong.*

*Ganetša polelo, megopolo le ditebelelo tša bao ba sa lego ka tlase ga letšhogo la lehu. Bolela ka sebete gore molao wa Moya wa bophelo mo go Kriste Jesu o a šoma mo go tlhale ye nngwe le ye nngwe ya ka, mo seleng ye nngwe le ye nngwe ya madi a ka, le mo marapong ohle a ka. Letago go Modimo!*

*THAPELO*

*Tate yo a rategago, ke leboga ge o ntlišitše ka tlase ga molao wa Moya Mokgethwa mo go Kriste Jesu. Molao wo o a šoma ka mo go nna, o fa mmele wa ka mafolofolo, o tsošološa mogopolo wa ka, gomme o phagamišetša mo tseleng ya toko le letago. Ke lokolotšwe mo molaong wa sebe le lehu, ke sepela ka bophelo, maphelo a mabotse, phenyo le taolo ka mehla. Ke ganetša poifo, gomme ke phela ka sebete mo dinneteng tša mošomo wa Gago woo o fedilego mo go Kriste, ka Leina la Morena Jesu. Amen!*

*THUTELOPELE*
BaRoma 8:10-11
2 Timotheo 1:!0
Johane 5:24

*THAPELO YA PHOLOŠO*

*Tate yo a rategago, ke dumela ka pelo ya ka yohle go Jesu Kriste, Morwa wa Modimo. Ke a dumela gore O nkhwetše, gape Modimo a mo tsoša bahung. Ke a dumela gore O a phela Lehono. Ke a goeletša gore Jesu ke Morena wa bophelo bja ka. Go tloga Lehono, ke Phološitšwe. Ke a leboga Morena ge O mphološitše! Bjale ke ngwana wa Modimo. Hallelujah!*

*RE A GO LEBOGIŠA!*

Translators Network International - Rhapsody languages

01/04/2026

*RHAPSODY YA MMAKGONTHE*

*(Ge o nyaka buka ya Rhapsody ya Mmakgonthe ka botlalo, šomiša linki ye: https://rhapsodylanguages.tniglobal.org)*

Laboraro, 01st Aporele
Moruti Chris

*MANTŠU A GAGO A A SEPEDIŠANE LE LENTŠU LA GAGWE*

*“Se se phedišago ke Moya, nama ga e thuše selo. Mantšu a ke le botšago ona ke Moya le bophelo” (Johane 6:63).*

*Morena Jesu o rile, “Mantšu a ke le botšago ona ke Moya le bophelo.” Ke nnete go swana le mantšu a rena, ka gobane re swana le Yena mo lefaseng le (1 Johane 4:17). Mantšu a rena ga se mantšu fela. Ge o kwešiša se, o tla lokela mantšu a godimo gape wa hlokomela ka moo o a dirišago ka gona.*

*Mantšu ke dilo tše bohlokwa kudu mo lefaseng. Morena Jesu o bile mohlala go rena mo go šomišeng mantšu. O fodišitše ka mantšu, O šegofaditše ka mantšu gomme A fetola maphelo ka šomišengKa mohla wo mongwe, bahlanka ba ile ba romiwa gore ba mo sware, ge ba fihla moo A bego a le gona, ba mo hwetša a ruta, gomme ba tšea sephetho sa go mo theeletša (Johane 7:32,45-46). Ge a feditše, ga go na yo a kilego a iša seatla go Yena. Ge ba boela morago ntle le Yena, ba bagolo ba ile ba botšiša ba re, “O kae?” (Johane 7:45-46).*

*Ba ile ba araba ka gore, “Ga go na motho yo a bolelago bjalo ka yeo” (Johane 7:45-46). E be e se ka gore Morena o šomišitše polelo yeo e sa tlwaelegwasngoba tša sewelo, e be e le maatla, nnete le moya wa mantšu a Gagwe (Johane 6:63; Luka 4:32). Mantšu a Gagwe a be a thoba dipoelo tšeo di robegilego, a leleka meboya e mebe gape a tsoša le bahu (Luka 4:18-19; Johane 11:43-44). Mantšu a Gagwe a be a hwetša karabo go tšwa legodimong, Tate o be a araba mantšu a Gagwe (Johane 12:28).*

*Mo go Kriste, re hweditše bophelo bjo bo swanago. Mantšu a rena,ao a boletšwego ka tumelo, ke moya le bophelo. Mantšu a gago a tliša pholo, kgothatso, tlhahlo le ditšhegofatšo. Ke ka moo o sa swanelago go tšea mantšu a gago bofefo. Bolela ka nnete, kgaugelo le ka tumelo. Bolela bjalo ka motho yo a kwešišago maatla le mafolofolo a mantšu.*

*Gopola mantšu a Morena mo go Mateo 12:37, “Ke mantšu a gago a tlo go go emela; mme ke mantšu a gago a tlo go go bea molato.” Lokiša polelo ya gago ka go se kgaotše le Lentšu la Modimo gomme e tlo tšweletša bophelo le dipoelo. Tšwela pele o gola mo kwešišong ye. Hallelujah!*

*THAPELO*

*Tate yo a rategago, ke leboga Lentšu la Gago, leo forgodišago moya wa ka gape le tlatša pelo ya ka ka tumelo, lerato le toko. Mantšu a ka ga se a lefela, ke moya le bophelo, a tšweletša pholo, kgothatso, tsošološo le ditšhegofatšo mo tikologong ya ka, ka Leina la Morena Jesu. Amen!*

*THUTELOPELE*
Diema 18:21
Mareka 11:23
Johane 7:45-46

*THAPELO YA PHOLOŠO*

*Tate yo a rategago, ke dumela ka pelo ya ka yohle go Jesu Kriste, Morwa wa Modimo. Ke a dumela gore O nkhwetše, gape Modimo a mo tsoša bahung. Ke a dumela gore O a phela Lehono. Ke a goeletša gore Jesu ke Morena wa bophelo bja ka. Go tloga Lehono, ke Phološitšwe. Ke a leboga Morena ge O mphološitše! Bjale ke ngwana wa Modimo. Hallelujah!*

*RE A GO LEBOGIŠA!*

Translators Network International - Rhapsody languages

31/03/2026

*RHAPSODY YA MMAKGONTHE*

*(Ge o nyaka buka ya Rhapsody ya Mmakgonthe ka botlalo, šomiša linki ye: https://rhapsodylanguages.tniglobal.org)*

Labobedi, 31st Matšhe
Moruti Chris

*AROGANTŠWE KA MOYA MOKGETHWA*

*“… a re beeletša ka Moya wa Gagwe mo dipelong tša rena” (2 BaKorinthe 1:22).*

*1 Bakorinthe 6:11 e utolla selo se sengwe se se sa tlwaelegago ka tlholo e mpsha; e re, “Ba bangwe ba lena e be e le ba ba bjalo. Fela, le hlatswitšwe, le kgethegile, le lokafaditšwe ka Leina la Morena Jesu le ka Moya wa Modimo wa rena.” Ke nyaka gore o lemoge lentšu leo le thaletšwego “go kgethagatšwa”: le ra gore o arogantšwe goba o arotšwe ke Moya Mokgethwa.*

*O tiišitšwe ka Moya Mokgethwa wa tshepišo. Tiišo yeo ke leswao la Moya leo le go hlaolago o le thoto ya Modimo ka noši. Lefapheng la Moya, o rwala mosaeno wa Modimo. Moya Mokgethwa o hlalošwa gape bjalo ka go tia (tefo ya pele goba peeletšo) ya bohwa bja rena.*

*Seo se ra gore Modimo o go file Moya Mokgethwa bjalo ka bohlatse bja gore se sengwe le se sengwe seo a se tshepišitšego go Kriste e šetše e le sa gago. Ge a go file Moya wa Gagwe, O go file phihlelelo go tše dingwe ka moka. Go ba gona ga Moya Mokgethwa bophelong bja gago ke Modimo a re, “O wa ka. O a hlaolwa. O lemogwa magodimong.” Barongwa ba bona leswao leo. Batemona ba a e lemoga. Hallelujah!*

*2 BaKorinthe 1:21-22 e re, “E a re tiišago gotee le lena ka Kriste, e a re tloditšego ka Moya, ke Yena Modimo. Ke Yena a re swailego, a re beeletša ka Moya wa Gagwe mo dipelong tša rena.” Karogano ye ga se ya go ikarola eupša ke ya go hlaola. Go ra gore o na le kamogelo ya Modimo, taolo ya Gagwe, le tšhireletšo ya Gagwe.*

*O arotšwe go sebe, poifo, bolwetši le bodiidi go ya bophelong bjo boswa bja toko, khutšo le pušo. Ga o swane le lefase. O mo go Kriste, gomme Kriste o ka go wena. Go ba gona ga Gagwe ka go wena ke kgonthišetšo ya gago ya phenyo lefaseng le le tiišetšo ya gago ya letago la ka mo go sa felego: “ba Modimo a ratilego gore ba tsebišwe lehumo la letago la thopa ye e lebanego bantle; lehumo leo ke ge Kriste a na le lena, e le Yena yo re holofetšego letago ka Yena” (BaKolose 1:27). Hallelujah! Phela ka temogo ya therešo ye.*

*BOIPOLELO*

*Ke tiišitšwe gomme ke arogantšwe ke Moya Mokgethwa go tšwa sebeng, kotsing le lehung go ya go toko, khutšong, katlegong, phenyo, letago le go se hwe. Ke phela ka temogo ya go ba gona ga Gagwe, tlhahlo le maatla. Ke tlhaotšwe go ba yo mogolo and ke sepela ka botlalo bja bohwa bja ka, ka Leina la Jesu. Amen.*

*THUTELOPELE*
BaEfeso 1:13–14
BaRoma 8:16–17
2 BaKorinthe 1:21–22

*THAPELO YA PHOLOŠO*

*Tate yo a rategago, ke dumela ka pelo ya ka yohle go Jesu Kriste, Morwa wa Modimo. Ke a dumela gore O nkhwetše, gape Modimo a mo tsoša bahung. Ke a dumela gore O a phela Lehono. Ke a goeletša gore Jesu ke Morena wa bophelo bja ka. Go tloga Lehono, ke Phološitšwe. Ke a leboga Morena ge O mphološitše! Bjale ke ngwana wa Modimo. Hallelujah!*

*RE A GO LEBOGIŠA!*

Translators Network International - Rhapsody languages

30/03/2026

*RHAPSODY YA MMAKGONTHE*

*(Ge o nyaka buka ya Rhapsody ya Mmakgonthe ka botlalo, šomiša linki ye: https://rhapsodylanguages.tniglobal.org)*

Mošupologo, 30th Matšhe
Moruti Chris

*GO PHELA KA GODIMO GA MATSHWENYEGO*

*“Dipelaelo tša lena ka moka di lahleleng godimo ga Gagwe, gobane ke Yena a le belaelelago” (1 Petro 5:7).*

*Lentšu la Modimo le re fa ditaelo tše di kwagalago tša go phela. Mohlala, 1 Petro 5:6–7 e re, “Ke gona, ikokobetšeng ka tlase ga seatla se maatla sa Modimo, gore a le godiše lebakeng la gona. Dipelaelo tša lena ka moka di lahleleng godimo ga Gagwe, gobane ke Yena a le belaelelago.” Ye ke therešo gakaakang! Modimo ga a nyake gore o imelwe ke dipelaelo tša bophelo. O go botša gore o lahlele yo mongwe le yo mongwe wa tšona go Yena: matshwenyego a gago, dipelaelo le dipelaelo tša gago.*

*Phetolelo ye nngwe ya Beibele e dira gore se se be molaleng le go feta. E re, “Mathata a lena ohle le a lahlele go Yena, gobane o a le šetša” (1 Petro 5:7). Dira ka Lentšu; gana go tshwenyega ka bana ba gago, lapa la gago, mošomo wa gago, ditšhelete tša gago goba bokamoso bja gago.*

*Go na le batho bao, ge ba sa tshwenyege, ba naganago gore go na le selo se sengwe se se fošagetšego. Ba dirile go tshwenyega go ba bophelo bja bona, ba bile ba rwala difahlego tša go šošobana tša go tshwenyega bjalo ka bohlatse. Eupša see ga se leano la Modimo. Bophelo bjo A go filego bjona ke bophelo bja khutšo, bjo bo hlomilwego ka khutšo gomme bo tsemilwe ka katlegong. O go hlokomela ka lerato gomme O go hlokomela ka mafolofolo. Ga a lebelela go go ahlola, eupša go go direla botse.*

*Beibele e re, O thaba ka wena ka go opela (Tsefanya 3:17). Letšatši le letšatši o go imetša mehola (Dipsalme 68:19). Se se swanetše go go thuša go kwešiša gore ke ka lebaka la eng A rile, “... Le se ke la belaelela bophelo bja lena la re: Re tlo jang? Re tlo nwang? Le mmele le se ke la o belaelela la re: Re tlo aparang? Afa bophelo ga bo fete dijo ka bogolo? Le mmele, afa ga o fetiše seaparo? Lebelelang dinonyana tša sebakeng: ga di bjale, ga di bune, ga di kgobelele dišegong; mme Tataweno o a di otla. Afa lena ga le di fetiše gagolo?" (Mateo 6:25-26).*

*Phela o lokologile go matshwenyego, gomme o thabele khutšo le khutšo yeo e tšwago mo go tsebo, mo go hlankeleng le go tshepeng Morena.*

*THAPELO*

*Tate yo a rategago, ke leboga lerato la Gago leo le sa kgaotšego le go ntlhokomela. Ke gana go tshwenyega ka selo, gobane go Wena ke na le tšohle. Ke phela ka lethabo le khutšo, ke tseba gore o ntebelela ka lerato, o mpepa letšatši le letšatši ka ditšhegofatšo le mehola. Bophelo bja ka bo tletše ka khutšo, tšwelopele, le phenyo ka mehla, ka Leina la Morena Jesu. Amen.*

*THUTELOPELE*
Mateo 6:25-30
BaFilipi 4:6
Dipsalme 55:22

*THAPELO YA PHOLOŠO*

*Tate yo a rategago, ke dumela ka pelo ya ka yohle go Jesu Kriste, Morwa wa Modimo. Ke a dumela gore O nkhwetše, gape Modimo a mo tsoša bahung. Ke a dumela gore O a phela Lehono. Ke a goeletša gore Jesu ke Morena wa bophelo bja ka. Go tloga Lehono, ke Phološitšwe. Ke a leboga Morena ge O mphološitše! Bjale ke ngwana wa Modimo. Hallelujah!*

*RE A GO LEBOGIŠA!*

Translators Network International - Rhapsody languages

29/03/2026

*RHAPSODY YA MMAKGONTHE*

*(Ge o nyaka buka ya Rhapsody ya Mmakgonthe ka botlalo, šomiša linki ye: https://rhapsodylanguages.tniglobal.org)*

Sontaga, 29th Matšhe
Moruti Chris

*GO NA LE LETAGO KA GARE GA GAGO*

*“Ke tlo re leboa ke re: Ba ntšhe! Ka ra borwa ke re: Se ba thibele! Tliša barwa ba ka ba tšwe moo kgole, le barwedi ba ka ba tšwe moo magomong a lefase,” (Jesaya 43:7).*

*Na o be o tseba gore o mo lefaseng le go bonagatša letago la Modimo? Ke wena wa pele gape o yo mobotse go tla lefaseng le. O yo mokaone wa Modimo. Ga se a ke a ba le motho yo a swanago le wena, gomme A ka se tsoge a bile le yo mongwe yo a swanago le wena. Ke ka fao o kgethegilego ka gona. Ka gona, gana go palelwa. Ga se phošo goba kotsi gore o tšwa lapeng leo o tšwago go lona. Go na le letago bophelong bja gago.*

*Ka gare ga gago go na le selo se segolo, se segolo ka mo go lekanego go fetoša lefase. Beibele e re, “...Ge ka bohlale bja Modimo lefase le šitilwe go hlatha Modimo ka bohlale bja lona, Modimo o ikgahletšwe go phološa ba ba dumelago ka thuto yeo ba rego ke bošilo.” O ka no se be le tšhelete ya diaparo gona bjale, goba ga ešita le yeo e lekanego go lefa madulo ya gago. O ka ba o dula ka phapošing e nyenyane yeo e se nago selo seo se lego ka leina la gago. Eupša ga e dire phapano; dilo ka moka ke tša gago (1 BaKorinthe 1:21).*

*Modimo o šetše a go šegofaditše ka ditšhegofatšo ka moka tša semoya mafelong a legodimong go Kriste Jesu (BaEfeso 1:3). Legodimo le ka pelong ya gago. Bosafelego bo ka pelong ya gago: “Tšohle o di dirile gore di kgahle ka mohla wa tšona; le tša neng le neng o di beile dipelong tša bona. Fela, tiro ye Yena Modimo a e dirago, mathomo le mafelo a yona, motho ga a e lemoge” (Mmoledi 3:11). Lebelela ka gare gomme o tlogele Lentšu la Modimo le go age go tšwa ka gare.*

*O rwele selo sa bohlokwa. Naga yeo e nago le gauta e nyaka gore moepi a thuše go e utolla. Ke seo Lentšu la Modimo le go direlago sona. E utolla seo o lego sona, e bontšha seo se lego ka gare ga gago, gomme e a go matlafatša go phela ka bokgoni bja gago ka botlalo go Kriste. O letago la Modimo, ka fao tsoga o phadime.*

*THAPELO*

*Tate yo a rategago, ke leboga ge o mpopile go ba letago la Gago. Ke moswananoši, ke kgethilwe, ebile ke kgethetšwe morero wa Gago wa legodimo. Lentšu la Gago le ntšha matlotlo a ka gare ga ka, gomme ka Moya wa Gago, ke bonagatša bokgoni, botse, le maatla gohle mo ke ya go gona. Ke gana go palelwa; Ke phadima gagolo ka mehla bakeng sa letago la Gago, ka Leina la Morena Jesu. Amen.*

*THUTELOPELE*
Jeremia 1:5
Johane 17:22
Mateo 5:14
Jesaya 60:1-3

*THAPELO YA PHOLOŠO*

*Tate yo a rategago, ke dumela ka pelo ya ka yohle go Jesu Kriste, Morwa wa Modimo. Ke a dumela gore O nkhwetše, gape Modimo a mo tsoša bahung. Ke a dumela gore O a phela Lehono. Ke a goeletša gore Jesu ke Morena wa bophelo bja ka. Go tloga Lehono, ke Phološitšwe. Ke a leboga Morena ge O mphološitše! Bjale ke ngwana wa Modimo. Hallelujah!*

*RE A GO LEBOGIŠA!*

Translators Network International - Rhapsody languages

28/03/2026

*RHAPSODY YA MMAKGONTHE*

*(Ge o nyaka buka ya Rhapsody ya Mmakgonthe ka botlalo, šomiša linki ye: https://rhapsodylanguages.tniglobal.org)*

Mošupologo, 28th Matšhe
Moruti Chris

*LENTŠU KE PEU*

*“Gobane le ba ba tswetšwego gape ka peu e sego yela e senyegago, e le peu ye e sa senyegego ya Lentšu la Modimo le le phelago, le le tlogo dula le le gona neng le neng” (1 Petro 1:23).*

*Gopola gore Beibele e re Morena Jesu o belegwe ke kgarebe. Seo ga se kgonege ka tlhago eupša ke bohlatse, sa pele, bomodimo bja Gagwe, gomme ka morago gore Lentšu la Modimo ke peu. Ge re bolela ka setho, ngwana a ka se hlamiwe ntle le boemedi bja peu ya motho; ke moo bophelo bja motho bo tšwago gona. Eupša Modimo o ile a hlatsela selo se sengwe se se makatšago: Lentšu leo a le boletšego le ile la fetoga peu— Morena Jesu (Johane 1:14).*

*Mo go Luka 8:11, Beibele e re botša gore Lentšu la Modimo ke peu: “Ge e le seswantšho, sona sese: Peu ke Lentšu la Modimo.” Lentšu la SeGerika bakeng sa peu ke “sperma,” leo go lona lentšu la Seisemane la peu le tšwago go lona. Ka gona Lentšu la Modimo ke maatla a go fa bophelo goba bokgoni, setlabakelo sa Modimo seo se rwelego bophelo bja Modimo.*

*Ge Modimo a bolela Lentšu la Gagwe go Maria, o ile a amogela Lentšu gomme la fetoga nama—Jesu Kriste. Bjale, ka Ebangedi, wona mohlolo woo o direga ka gare ga rena. Ge o ekwa Lentšu la Modimo gomme o le dumela, o amogela peu ya Lentšu la Modimo moyeng wa gago, gomme peu yeo e tšweletša ka gare ga gago seo e bolelago ka sona. Le tšweletša bophelo bja Modimo ka gare ga gago.*

*Ga go makatše ge Beibele e re, “ka gobane re ba ba swanago le yena mo lefaseng leno” (1 Johane 4:17). Re filwe bophelo bjo bo swanago le bjo bo bego bo le ka gare ga Jesu ka gobane re belegwe ka Lentšu le tee (peu): “Ke Yena a ratilego go re tswala ka Lentšu la therešo, gore go be eke re dithakangwaga tša dibopiwa tša Gagwe” (Jakobo 1:18). 1 Petro 1:23 e re, “Gobane le ba ba tswetšwego gape ka peu e sego yela e senyegago, e le peu ye e sa senyegego ya Lentšu la Modimo le le phelago, le le tlogo dula le le gona neng le neng.”*

*Re bana ba Lentšu, ba peu ye e swanago yeo e tšweleditšego Jesu. Re rwele tlhago ya Gagwe ya bomodimo, ba abelanago letago la Gagwe le barwadi ba toko ya Gagwe. Go palelwa ga se karolo ya bophelo bja gago. O fana ka bophelo ka gobane o belegwe ka Lentšu la Modimo, e lego bophelo. Ka fao, mantšu a gago ke moya gomme ke bophelo. Ke eng seo o se kganyogago lehono bophelong bja gago bjo bobotse, ditšheleteng, bodireding goba lapeng la gago? Bolela bophelo. Bolela Lentšu la Modimo, gomme le tla tšweletša seo le bolelago ka sona. Hallelujah!*

*THAPELO*

*Tate yo a rategago, ke a go leboga ka gobane ke belegwe ka Lentšu la Gago leo le sa senyegego. Bophelo bja Gago bo šoma ka gare ga ka, bo tšweletša bokgoni bjo bo phagamego, phenyo le letago. Ke bolela mantšu a bophelo, gomme ke bogela Lentšu la Modimo le bonagala karolong ye nngwe le ye nngwe ya bophelo bja ka, ka Leina la Morena Jesu. Amen.*

*THUTELOPELE*
Luka 1: 37-38
Johane 1: 14
Jesaya 55:10-11

*THAPELO YA PHOLOŠO*

*Tate yo a rategago, ke dumela ka pelo ya ka yohle go Jesu Kriste, Morwa wa Modimo. Ke a dumela gore O nkhwetše, gape Modimo a mo tsoša bahung. Ke a dumela gore O a phela Lehono. Ke a goeletša gore Jesu ke Morena wa bophelo bja ka. Go tloga Lehono, ke Phološitšwe. Ke a leboga Morena ge O mphološitše! Bjale ke ngwana wa Modimo. Hallelujah!*

*RE A GO LEBOGIŠA!*

Translators Network International - Rhapsody languages

Christ Embassy Mamelodi

06/04/2026

05/04/2026

04/04/2026

03/04/2026

02/04/2026

01/04/2026

31/03/2026

30/03/2026

29/03/2026

28/03/2026

Address

Opening Hours

Website

Alerts

Shortcuts

Share

Category