Bid vir Ethan Ward

05/11/2024

Uit Sy oorvloed het ons Genade op Genade ontvang. 1 Joh 1:16

Vandag word ons wakker met n dankbare hart, en besef weereens hoe groot is God, dat Hy n jaar terug vandag wat die moeilikste en donkerste dag van ons lewens was, weer asem en lewe in Ethan se longe geblaas het.

Ons loof en prys en dank die Vader dat Hy Ethan se lewe vir ons gespaar het en genade op genade aan ons as gesin, familie en vriende gegee het.

Weereens wil ons as gesin vir elke liewe persoon, familie en vriende dankie sê vir jul ondersteuning en bid sonder ophou.

I raise a HALLELUJAH
The King is alive🩵🤍

22/11/2023

Woensdag 22 November:

Dis met 'n hart vol lof en vir my die grootste voorreg om hierdie inskrywing te plaas...

Aan God al die eer!! Ons loof en prys U heilige naam.

Ethan is vandag ontslaan en veilig terug by die huis saam mamma, pappa en sussie. Die gesin is baie dankbaar vir elke oproep, gebed ensovoorts en mamma en pappa sal vir ons 'n boodskappie plaas sodra dinge rustiger is. Vanaand geniet die Ward gesin net die feit dat hulle 4 weer saam is.

God is almagtig, en Sy genade is groot. Daar is soveel krag in gebed.

22/11/2023

ETHAN VORDER MOOI
Kan dalk diè week huis toe kom.

Dit gaan elke dag beter en beter met Ethan Ward.

Die driejarige seuntjie het 'n byna-verdrinking op 5 November oorleef. Hy doen so goed, dat sy dokters meen dat hy reeds in die week huis toe sal kan gaan.

Gister (20 November) is sy voedingsbuis verwyder en hy het die heel dag mooi geeët.

Hy sit ook regop, maar sukkel nog om te loop.

Ethan, jy is 'n klein ysterman en Heidelberg is trots op jou!

21/11/2023

20/11/2023

Maandag 20 November:

Prys die Here!!!!

Boodskap van mamma en pappa:

Feeding tube is uit, Ethan het al heeldag sy kos baie mooi geëet, hy sit al lekker regop, hy sukkel nog bietjie met loop, Dr se as als so goed verloop soos dit reeds doen behoort ons in die week huis toe te kom.🙏🏻🙌🏻

16/11/2023

Donderdag 16 November:

Prys die Here!!!!

Boodskap van mamma en pappa:

Dr is positief oor Ethan se vordering. Sy se sy longe klink goed en die kateter is uit. Ons is baie baie dankbaar vir sy vordering. En ek het die voorreg gehad om hom vas te hou🙌🏻
Baie dankie vir almal se voordurende gebed en ondersteuning

15/11/2023

ETHAN HAAL SELF ASEM!

Klein Ethan Ward (3) is vanoggend (14 November) van die ventilator afgehaal en hy haal self asem!

Die seuntjie se ouers het vroeg vanoggend vir gebede gevra dat die proses goed sal afloop. "Ons vra vir gebede dat Ethan se longe en liggaam sterk sal wees vir die proses om sonder die ventilator klaar te kom."

Die kleuter het byna verdrink, nadat hy verlede Sondag in die gesin se swembad geval het.

Nadat hy vanoggend van die ventilator afgehaal is, het die vreugde vure hoog gebrand toe hy self begin asemhaal het. "Ethan se bors klink sleg. Sukkel sukkel hoes hy die slym los. Maar die dokter is tevrede met waar ons nou is."

Die familie het hul dank teenoor almal uitgespreek wat steeds die klein vegtertjie in hul gebede hou.

15/11/2023

Woensdag 15 November:

Boodskap van mamma en pappa:

Dr is bly oor Ethan se vordering. Hulle gaan sy voeding weer begin, baie van sy meds is al minder gemaak. Hy sukkel met ontrekkings maar gaan ook iets kry om bietjie ligter te maak maar dit gaan tyd vat. Ons sal by more weer n update stuur.

15/11/2023

Asb kom ons tree in gebed.

Chi-Nelri is in recovery. Hulle sukkel om haar suurstof en bloeddruk op te kry, bly val.

Asb. Almagtige God en Hemelse Vader, Here U is in beheer, tree asb. in!!!!!!!

14/11/2023

Prys die Here!!!!!!!!!!!!

Ons harte is gevul met dankbaarheid teenoor die Here vir elke dag se wonderwerk.
Ethan begin al sy oë oopmaak dis nog baie swaar maar ons kon al daai blou ogies sien.
Stuur n meer volledige update sodra ons meer weet.