02/02/2026
Is jou olie genoeg?
Die verskil tussen die meisies wat ingegaan het en die wat agtergebly het, was bloot voorbereiding. Almal het lampe gehad, maar net vyf het die Heilige Gees (die olie) as hul daaglikse bron van krag gekies.
Moenie toelaat dat die gewone lewe jou leegtap nie. Om "genoeg olie" te hê, beteken jy spandeer tyd alleen saam met God – nie omdat jy moet nie, maar omdat jou vlam daarsonder doodgaan. Is jy vandag besig met die "ekstra olie", of brand jy op jou laaste reserwes?
Matteus 25:10
"...en die wat gereed was, het saam met hom ingegaan na die bruilof, en die deur is gesluit."
Gebed
Here, ek wil nie net ’n leë lamp wees nie. Heilige Gees, vul my vandag van nuuts af. Help my om gereed te wees, nie uit vrees nie, maar omdat ek U liefhet en u koms verwag. Hou my vlam helder. Amen.
