Nederduitsch Hervormde Gemeente Kaapstad

02/09/2026

02/09/2026

https://nhka.org/woensdag-2-september-die-waarde-van-stukkend-wees/

Efesiërs 2: 10Nee God het ons gemaak wat ons nou is: in Christus Jesus het Hy ons geskep om ons lewe te wy aan die goeie dade waarvoor Hy ons bestem het (Ef 2:

02/09/2026

Spore van Hoop
2 September 2026

1 Konings 3:2-28

Wanneer ‘n mens voor ‘n keuse gestel word, is jy vry om te kies wat jy wil. Selfs wanneer jy besluit om nié ‘n keuse te maak nie, het jy gekies om nie te kies nie.

So lyk elke dag van ons lewens – gevul met keuses. Wanneer ons kies, of wanneer ons kies om nie te kies nie, dan meen ons dat dit wat ons gekies het die beste is. Soms dan besef jy later dat jy die verkeerde keuse gemaak het, of dalk ‘n fout gemaak het om nie te kies nie. Sommige verkeerde keuses kan jy regmaak, en met ander se gevolge moet jy die res van jou lewe mee saamleef.

Salomo slaap die aand oor by Gibeon omdat hy daar gaan offer het. Daardie nag vind daar in ‘n droom ‘n ontmoeting plaas tussen hom en God. God vra vir Salomo: _“Wat wil jy hê moet Ek vir jou gee?”_ Salomo kan enige iets kies. Hy gee nie die eerste gedagte wat by hom opkom as antwoord nie. Hy d**k eers goed daaroor na.

Salomo besef dat hy die volk se politieke maar ook godsdienstige leier is. Hy moet die volk ook deur sy voorbeeld lei om te leef soos wat God dit van sy kinders verwag. Salomo vra dan van God om aan hom gehoorsaamheid te gee sodat hy nie vir God teleurstel in die uitvoering van sy roeping nie.

God gee vir Salomo wat hy vra en nou word dit nie meer beskryf as gehoorsaamheid nie, maar eerder as insig in wat reg is en wysheid. Wysheid beteken om gehoorsaam aan God te leef en te doen wat Hy van jou vra.

As die Here vir jou sou vra wat Hy vir Salomo gevra het, wat sal jou maatstaf wees wanneer jy antwoord – sal jy eers d**k aan dit waarby jy kan baat of sal jy eerder iets vra waarby die koninkryk van God kan baat sodat jy kan troos waar daar hartseer is, help waar daar nood is, en God se liefde gaan wys vir die wêreld?

Leef gehoorsaam aan God. Dít is wysheid!

Dr Robert Jones

01/09/2026

https://nhka.org/dinsdag-1-september-as-die-lewe-vir-jou-suurlemoene-uitdeel/

01/09/2026

Spore van Hoop
1 September 2026

Met lentedag gryp die loflied en gebed van Ina Rosseau my elke jaar aan:

Ons Vader, alles in die lewe
het deur u wil tot stand gekom.
U Gees het oor die vloed geswewe
die aarde is U eiendom.
U't lig geskep naas duisternis,
naas nag 'n dag wat helder is.

Met see en silwer waterstrome,
met dal, gebergte en rivier,
met stapelwolke, blomme, bome
het U u handewerk versier:
U't gras geskep, U is die bron
van elke ster, die maan, die son.

U hande skep die weerligstrale,
die donderwolk wat water dra:
U bring die storms oor velde en dale
en skenk die kalmte ook daarna.
U het die diere bly laat juig;
die reënboog teen die lug laat buig.

Ons dank U, Vader, vir u goedheid,
vir al wat ons van U ontvang:
die aardse lewe met sy soetheid,
maar ook die pynlikheid daarvan.
Ons loof U vir heerlik is,
selfs in ons smart en duisternis.

Gesang 459 (Liedboek vd Kerk)

Dr Daan van Wyk
Gemeente Van der Hoff

28/08/2026

https://nhka.org/vrydag-28-augustus-as-n-gelowige-eerlik-kyk-na-die-geleenthede-wat-god-gee/

Openbaring 3: 7-13Die stad Filadelfia was klein, nie bekend vir politieke invloed of militêre mag nie, maar vir sy ligging op ’n strategiese pad en sy volgeh

28/08/2026

Spore van Hoop
28 Augustus 2026

Leef die waarheid as kinders van God

Teks: Efesiërs 4:25–5:5

Efesiërs herinner ons aan wie ons is: mense wat aan God behoort. Paulus sê ons moet die ou lewe agter laat en nuut leef; in die waarheid. In 4:25 lees ons: _“Praat die waarheid, want ons is lede van dieselfde liggaam.”_ Dit is ’n eenvoudige sin, maar dit sny diep. Waarheid is nie net feite nie; dit is ’n manier van leef wat God se hart weerspieël.

Ons weet hoe leuens ’n mens se wêreld kan skeef trek. ’n Gerug by die werk, ’n verdraaide storie in ’n familie, ’n halfwaarheid in ’n vriendskap — skielik is daar wantroue, spanning of verdeeldheid. Leuens ruk verhoudings uit mekaar en maak mense seer. Dit gebeur ongelukkig ook onder gelowiges. Soms leef ons self in ’n leuen wanneer ons woorde en ons dade nie by mekaar pas nie.

Paulus praat ook oor woede. Hy sê nie ons mág nie kwaad word nie — woede is deel van menswees. Maar hoe ons dit hanteer, wys of ons in die waarheid leef. Onbeheerste woede breek af; onderdrukte woede word bitterheid. Wanneer woede wortel skiet, kry die duiwel vatkans. Die waarheid vra dat ons woede aanspreek op ’n manier wat verhoudings bewaar.

Ons bely dat ons God se kinders is. Maar leef ons dit? Wanneer ons skinder, stories versprei, mense ignoreer wat swaarkry, of woedend uitbars, weerspieël ons nie die God wat ons Sondag na Sondag aanbid nie. Dan sê ons mond een ding, maar ons lewe iets anders.

As Christus in ons woon, verander ons. Hoe beter ons Hom leer ken, hoe meer wil ons soos Hy word. Hy het Homself gegee uit liefde. Daarom moet ons mekaar liefhê, selfs wanneer dit moeite kos.

Die ou lewe is vol dinge wat verhoudings en gemeenskappe vernietig: haat, naywer, rusies, afguns, losbandigheid, dronkenskap. Die nuwe lewe dra die vrug van die Gees: liefde, vrede, vreugde, geduld, vriendelikheid, goedhartigheid, getrouheid, nederigheid en selfbeheersing.

Wanneer ons in die waarheid leef, word ons geloofwaardig as God se kinders. Dan kan mense in ons optrede sien dat Christus in ons woon — en só maak ons ’n verskil in ons huise, ons gemeente en die wêreld.

Ds Marissa Kidson