NG Gemeente Saldanha

Home
NG Gemeente Saldanha

Die gemeente van Saldanha is 'n Godgegewe hawe van heil. Geleë h/v Berg- en Kerkstraat, Saldanha. Sondag eredienste om 09:30.

Nadat die pad tussen Vredenburg en Saldanha in 1911 gebou is, was daar ’n behoefte na ‘n eie gemeente in Saldanha. Daar is gebruik gemaak van ‘n “ou Kerkie” en so het die Saldanha-wyk ontstaan. Daar is besluit dat die Saldanha wyk mag afstig van die Vredenburg Moedergemeente en ‘n eie gemeente naamlik Saldanha-Noord is gestig op 22 Julie 1966. Op 20 April 1971 word ‘n skrywe gerig aan die militêr

e NG gemeente in Saldanha waarin hulle gevra word of hulle bereid sou wees om afstand te doen van die benaming ‘Saldanha’ om sodoende die naam van ‘Saldanha-Noord’ gemeente te verander na ‘Saldanha’ gemeente en dat die militêre gemeente as ‘Saldanha Militêr’ bekend sal staan. Die kerkraad keur hierdie aansoek goed en die bouplanne vir ‘n nuwe kerkgebou word in Augustus 1977 goedgekeur. Die nuwe kerkgebou word op 4 November 1978 ingewy. In 2002 word Saldanha Militêr weer ingelyf by die Saldanha Gemeente.

04/05/2026

Ons nooi alle Gr1-7 maats uit na Kinderpinkster!

Die Gees roep en stuur ons om 'n insturment in Sy hande te wees. Hy sal ons toerus en stuur sodat ons 'n impak kan maak daar waar ons rondbeweeg.

Sien jou op die verhoog in die kerksaal!
Sondag, 17 Mei 9:30 & Maandag - Vrydag, 18-22 Mei 19:00

20/04/2026

Let asb daarop dat Wyk 4 se wyksbyeenkoms vervroeg is na Dinsdag 21 April, 18:30 vir 19:00, in die konsistorie. Almal van wyk 4 word uitgenooi.

11/04/2026

NG Saldanha Jeug in samewerking met die Vrouebediening bied aan: Hamburger Drive-thru by die kerk.
Datum: Vrydag, 17 April
Tyd/ 17:30 - 19:00
Prys: R50 vir 'n biefburger, gratis koeldrank ingesluit.

Jy kan jou bestelling Sondag ná afloop van die erediens in die saal plaas, of by die kerkkantoor en Tiaan.

Bestellings moet asb teen Woensdag in wees.

05/04/2026

Die graf is leeg.
Hoop leef.
Hy het opgestaan.

04/04/2026

Dis stil vandag.
Nie die einde nie…
net die tussenin.

03/04/2026

Die kroon wat Hy gedra het,
was nie Syne nie.
Maar die liefde was.

“Deur sy wonde het daar vir ons genesing gekom.”
Jesaja 53:5

02/04/2026

Ons herdenk die laaste maaltyd van Jesus saam met sy dissipels.
Met die Nagmaal onthou ons Sy liefde en opoffering.
Ons prys Hom as die Lig vir die wêreld,
en staan stil by Sy lyding — die Lydensnagmaal.

29/03/2026

Palmsondag is die dag waarop ons Jesus se triomfantlike intog in Jerusalem onthou, waar Hy soos ’n koning verwelkom is met palmblare en lofliedere. Die skare het uitgeroep: “Hosanna!” en Hom geëer as die Een wat gekom het om te red — al het baie nog nie ten volle verstaan watter soort Koning Hy werklik is nie.

Hierdie dag merk ook die begin van die Heilige Week, ’n diep betekenisvolle tyd waarin ons stap vir stap die gebeure herdenk wat gelei het tot Jesus se finale offer aan die kruis. Van die vreugde van Palmsondag, tot die stilte en erns van Goeie Vrydag, en uiteindelik die hoop en oorwinning van Opstandingsondag.

Palmsondag nooi ons om stil te staan en te reflekteer: verwelkom ons Jesus net in die maklike, vreugdevolle oomblikke… of erken ons Hom ook as Koning wanneer die pad moeilik raak?

28/03/2026

Ons wens ons jeug 'n wonderlike toe. Veilig reis en ons hoop julle het die wonderlikste tyd met baie wow-oomblikke en ontmoetings met Jesus.♥

24/03/2026

Hier is die inligting van die Geloofsreis Retraite wat Gys van Schoor van 8-10 Mei hier by Jacobsbaai aanbied waarvan gister in die kerk gepraat is. Indien jy sou belangstel, kontak asb vir Sylvia. Let net op dat die sluitingsdatum volgende Maandag, 31 Maart is.

Inligting oor die video-reeks wat oor die Geloofreis aangebied word en ons julle wil uitnooi om te oorweeg, sal later die week deurgegee word.

17/03/2026

Die braaihout word bymekaargesit, broodpanne staan basies reg, die meel en melk en eiers asook poedingbestanddele word uitgpak. Skougehalte pasteie is in die vrieskas en die koffiebone word gemaal. Al waarvoor ons wag, is Saterdag om aan te breek!

Sien jou Saterdag 21 Maart vanaf 10:00 by die Ou Plaasopstal, Jacobsbaai. Goeie, plattelandse gasvryheid wag op jou, en ons kan nie wag om saam te kuier nie!

Address

Posbus 1

7395

Telephone

0227141457

Website

facebook.com

Alerts

Be the first to know and let us send you an email when NG Gemeente Saldanha posts news and promotions. Your email address will not be used for any other purpose, and you can unsubscribe at any time.

Contact The Place Of Worship

Send a message to NG Gemeente Saldanha:

Shortcuts

Address
Telephone
Alerts
Contact The Place Of Worship
Claim ownership or report listing

Want your place of worship to be the top-listed Place Of Worship?

Country:

City: