വിവേകാനന്ദ വിദ്യാകേന്ദ്രം

09/28/2023

03/30/2023

ഇന്ന് ശ്രീരാമനവമി. ഭഗവാൻ ശ്രീമഹാവിഷ്ണു ദേവന്റെ ഏഴാമത്തെ തിരു അവതാരദിനം.

രാമമന്ത്രത്തിന്റെ ശക്തി അപാരമാണ്. വാല്മീകി മഹർഷിയെ രത്നാകരൻ എന്ന കൊള്ളക്കാരനിൽ നിന്ന് സർവ്വരാലും ആദരിക്കപ്പെടുന്ന മഹർഷി പദത്തിലെത്തിച്ചത് "രാമ" എന്ന മഹാമന്ത്രത്തിന്റെ ശക്തിയാണ്.

വിഷ്ണു സഹസ്രനാമത്തിന് തുല്യമാണ് രാമ നാമം. ഒരിക്കൽ ശ്രീപാർവ്വതിദേവി ഭഗവാൻ മഹാദേവനോട് ചോദിച്ചു:

"കേനോപായേന ലഘുനാ
വിഷ്ണോ: നാമസഹസ്രകം
പാല്യതേ പാണ്ഡിതൈ: നിത്യം
ശ്രോതും ഇച്ഛാമ്യഹം പ്രഭോ "

വിഷ്ണു സഹസ്രനാമം എളുപ്പത്തിൽ ചൊല്ലാൻ എന്തെങ്കിലും വഴിയുണ്ടോ പ്രഭോ എന്നാണ് ദേവി ചോദിച്ചതിന്റെ അർത്ഥം. അപ്പോൾ ഭഗവാൻ പറഞ്ഞു:

"ശ്രീരാമ രാമ രാമേതി
രമേ രാമേ മനോരമേ
സഹസ്രനാമ തത്തുല്യം
രാമ നാമ വരാനനേ "

സഹസ്രനാമത്തിനു പകരമായി നിത്യവും രാമനാമം ജപിച്ചാൽ മതിയെന്നാണ് ഭഗവാൻ പറഞ്ഞതിന്റെ അർത്ഥം.

അതിനാൽ താരക മന്ത്രമായ "രാമ" എന്ന നാമം നിരന്തരം ജപിക്കൂ.. ഇത് മോക്ഷ ദായകവും പാപനാശകരവുമാണ്.

ഹരേ രാമ! ഹരേ രാമ!
രാമ രാമ! ഹരേ ഹരേ!
ഹരേ കൃഷ്ണ! ഹരേ കൃഷ്ണ!
കൃഷ്ണ കൃഷ്ണ! ഹരേ ഹരേ!

03/06/2023

മാർച്ച് 7-ന് പൗർണ്ണമി;
8 - ന് ബുധനാഴ്ച്ച ഹോളി

ഹോളി ആഘോഷത്തിന്റെ ചരിത്രം

ഹോളിക എന്ന അസുര സ്ത്രിയില്‍ നിന്നുമാണ്. ഹോളി എന്ന വാക്കുണ്ടായത്. അഹങ്കാരിയും അത്യന്തബലവാനുമായ ഹിരണ്യകശിപു എന്ന അസുരന്‍ അധികാരപ്രമത്തതകൊണ്ട് ഈശ്വരനായി പൂജിക്കപ്പെടാന്‍ ആഗ്രഹിച്ചു. ഹിരണ്യകശിപുവിന്‍റെ പുത്രനും മഹാവിഷ്ണുവിന്‍റെ ശ്രേഷ്ഠഭക്തനുമായ പ്രഹ്ലാദന്‍ ഇതിന് തയ്യാറായില്ല.

സ്വന്തം പുത്രനോടുള്ള സ്നേഹത്തെ മറികടക്കുന്ന തരത്തില്‍ ഹിരണ്യകശിപുവിന് പ്രഹ്ലാദന്‍റെ പേരില്‍ ശത്രുത ഉണ്ടായി. അയാള്‍ തന്‍റെ സഹോദരിയായ ഹോളികയുടെ സഹായം അഭ്യര്‍ത്ഥിച്ചു.

ഹോളികയെ അഗ്നിക്ക് പൊള്ളിക്കാന്‍ സാധ്യമല്ല. എരിയുന്ന അഗ്നികുണ്ഠത്തിന് നടുവില്‍ പ്രഹ്ളാദനെ മടിയില്‍ വച്ച് ഇരിക്കുവാന്‍ ഹിരണ്യകശിപു ഹോളികയോട് ആജ്ഞാപിച്ചു.

അഗ്നി ജ്വലിപ്പിച്ചു പ്രഹ്ളാദനെ കൈയ്യിലെടുത്തു കൊണ്ട് അഗ്നിയില്‍ പ്രവേശിപ്പിച്ച ഹോളിക പക്ഷെ അഗ്നിക്കിരയായി. പ്രഹ്ളാദന്‍ ഒരു പോറല്‍ പോലുമേല്‍ക്കാതെ രക്ഷപ്പെടുകയും ചെയ്തു. വിഷ്ണുവിനോടുള്ള അകൈതവമായ ഭക്തിയും മനസ്സിന്‍റെ നിഷ്കളങ്കതയുമാണ് പ്രഹ്ളാദനെ മരണത്തില്‍ നിന്ന് രക്ഷിച്ചത്.

നന്മയുടെയും ശുദ്ധിയുടെയും ജയമാണിത്. ഈ സംഭവത്തെ അനുസ്മരിച്ച് ഹോളിയുടെ തലേന്ന് പൗര്‍ണ്ണമിരാത്രിയില്‍വലിയ അഗ്നികുണ്ഡമുണ്ടാക്കി, അതിന് ചുറ്റും ആടിയും പാടിയും ആളുകള്‍ ആഘോഷിക്കുന്നു. നിറങ്ങളുടെ ഉത്സവം പിറ്റെന്നാണ് ഇങ്ങനെ രണ്ട് ദി വസമാണ് ഹോളി ആഘോഷിക്കാറ്.

ഹോളിക്ക് മറ്റൊരു കഥ കൂടി ഉണ്ട്. ശ്രീകൃഷ്ണന്‍ തന്‍റെ ഗോപികമാരോടും കളിക്കുന്നതിന്‍റെ സ്മൃതി കൂടിയാണ് ഹോളി. കുഴലിലൂടെ നിറങ്ങള്‍ പരസ്പരം ഒഴിച്ച് കൃഷ്ണനും കൂട്ടുകാരും കളിച്ചിരുന്നതായി കഥകള്‍ പറയുന്നു. ആഹ്ളാദം നിറഞ്ഞ ആ നിമിഷങ്ങളുടെ പുനര്‍രചനയാണ് നിറങ്ങളുടെ നൃത്തമായ ഹോളി ഉത്സവം.

03/06/2023

ആറ്റുകാലമ്മ ശരണം. ഏവർക്കും ഹൃദയം നിറഞ്ഞ പൊങ്കാല ആശംസകൾ.....

03/06/2023

എല്ലാവർക്കും ഹൃദയം നിറഞ്ഞ മകം ആശംസകൾ.....

09/25/2022

ജപിയ്ക്കാം ...
ദേവീ മാഹാത്മ്യം

ദേവീ മാഹാത്മ്യം അഞ്ചാം അദ്ധ്യായത്തിലെ പ്രസിദ്ധമായ ദേവീസ്തുതികളാണ് ഇവിടെ നൽകുന്നത്. മനസ്സും ശരീരവും ശുദ്ധമാക്കി ഏകാഗ്രതയോടെ നിത്യവും ഈ ശ്ലോകങ്ങൾ ചൊല്ലുന്നത് അമ്മയ്ക്ക് ഏറെ ഇഷ്ടമാണ്.

നിത്യവും ചൊല്ലാൻ കഴിഞ്ഞില്ലെങ്കിലും നവരാത്രി സമയത്തെങ്കിലും ദേവിയുടെ ഈ ശ്ലോകങ്ങൾ ചൊല്ലിയാൽ അതിന്റെ ഫലം ഊഹിക്കാൻ കഴിയാത്തതായിരിക്കും. ദേവിയിൽ നമ്മുടെ മനസ്സ് ഏത് രീതിയിലാണോ സമർപ്പിക്കുന്നത് അതിനുസരിച്ചായിരിക്കും ഫലം. ഫലേച്ഛ കൂടാതെ ചെയ്യുന്ന സമർപ്പണമാണ് അമ്മയ്ക്ക് ഏറെ ഇഷ്ടം.

തെറ്റിപ്പോകുമോ എന്ന ഭയത്താൽ ചൊല്ലാതിരിക്കരുത്. അമ്മേ! എനിയ്ക്ക് മന്ത്രവും തന്ത്രവും അറിയില്ല. എന്നാലും അമ്മയെ ഞാൻ സ്തുതിക്കുന്നു. മനസ്സാ വാചാ - കർമ്മണാ എന്നിൽ നിന്ന് തെറ്റുകളെന്തെങ്കിലും സംഭവിച്ചാൽ ദേവീ..സർവ്വാപരാധങ്ങളും ക്ഷമിച്ച് അനുഗ്രഹിക്കണേ എന്നു പ്രാർത്ഥിച്ചുകൊണ്ട് ശ്ലോകങ്ങൾ ചൊല്ലുക.
ദേവീ മാഹാത്മ്യം
1
യാ ദേവീ സര്‍വ്വ ഭൂതേഷു
വിഷ്ണുമായേതി ശബ്ദിതാ
നമസ്തസ്യൈ നമസ്തസ്യൈ
നമസ്തസ്യൈ നമോ നമഃ
2
യാ ദേവീ സര്‍വ്വ ഭൂതേഷു
ചേതനേത്യഭിധീയതേ
നമസ്തസ്യൈ നമസ്തസ്യൈ
നമസ്തസ്യൈ നമോ നമഃ
3
യാ ദേവീ സര്‍വ്വ ഭൂതേഷു
ബുദ്ധിരൂപേണ സംസ്ഥിതാ
നമസ്തസ്യൈ നമസ്തസ്യൈ
നമസ്തസ്യൈ നമോ നമഃ
4
യാ ദേവീ സര്‍വ്വ ഭൂതേഷു
നിദ്രാരൂപേണ സംസ്ഥിതാ
നമസ്തസ്യൈ നമസ്തസ്യൈ
നമസ്തസ്യൈ നമോ നമഃ
5
യാ ദേവീ സര്‍വ്വ ഭൂതേഷു
ക്ഷുധാരൂപേണ സംസ്ഥിതാ
നമസ്തസ്യൈ നമസ്തസ്യൈ
നമസ്തസ്യൈ നമോ നമഃ
6
യാദേവീ സര്‍വ്വ ഭൂതേഷു
ഛായാരൂപേണ സംസ്ഥിതാ
നമസ്തസ്യൈ നമസ്തസ്യൈ
നമസ്തസ്യൈ നമോ നമഃ
7
യാദേവീ സര്‍വ്വ ഭൂതേഷു
ശക്തി രൂപേണ സംസ്ഥിതാ
നമസ്തസ്യൈ നമസ്തസ്യൈ
നമസ്തസ്യൈ നമോ നമഃ
8
യാദേവീ സര്‍വ്വ ഭൂതേഷു
തൃഷ്ണരൂപേണ സംസ്ഥിതാ
നമസ്തസ്യൈ നമസ്തസ്യൈ
നമസ്തസ്യൈ നമോ നമഃ
9
യാദേവീ സര്‍വ്വ ഭൂതേഷു
ക്ഷാന്തി രൂപേണ സംസ്ഥിതാ
നമസ്തസ്യൈ നമസ്തസ്യൈ
നമസ്തസ്യൈ നമോ നമഃ
10
യാദേവീ സര്‍വ്വ ഭൂതേഷു
ജാതിരൂപേണ സംസ്ഥിതാ
നമസ്തസ്യൈ നമസ്തസ്യൈ
നമസ്തസ്യൈ നമോ നമഃ
11
യാദേവീ സര്‍വ്വ ഭൂതേഷു
ലജ്ജാരൂപേണ സംസ്ഥിതാ
നമസ്തസ്യൈ നമസ്തസ്യൈ
നമസ്തസ്യൈ നമോ നമഃ
12
യാദേവീ സര്‍വ്വ ഭൂതേഷു
ശാന്തി രൂപേണ സംസ്ഥിതാ
നമസ്തസ്യൈ നമസ്തസ്യൈ
നമസ്തസ്യൈ നമോ നമഃ
13
യാദേവീ സര്‍വ്വ ഭൂതേഷു
ശ്രദ്ധാ രൂപേണ സംസ്ഥിതാ
നമസ്തസ്യൈ നമസ്തസ്യൈ
നമസ്തസ്യൈ നമോ നമഃ
14
യാദേവീ സര്‍വ്വ ഭൂതേഷു
കാന്തിരൂപേണ സംസ്ഥിതാ
നമസ്തസ്യൈ നമസ്തസ്യൈ
നമസ്തസ്യൈ നമോ നമഃ
15
യാദേവീ സര്‍വ്വ ഭൂതേഷു
ലക്ഷ്മീരൂപേണ സംസ്ഥിതാ
നമസ്തസ്യൈ നമസ്തസ്യൈ
നമസ്തസ്യൈ നമോ നമഃ

16
യാദേവീ സര്‍വ്വ ഭൂതേഷു
വൃത്തിരൂപേണ സംസ്ഥിതാ
നമസ്തസ്യൈ നമസ്തസ്യൈ
നമസ്തസ്യൈ നമോ നമഃ
17
യാദേവീ സര്‍വ്വ ഭൂതേഷു
സ്മൃതിരൂപേണ സംസ്ഥിതാ
നമസ്തസ്യൈ നമസ്തസ്യൈ
നമസ്തസ്യൈ നമോ നമഃ
18
യാദേവീ സര്‍വ്വ ഭൂതേഷു
ദയാരൂപേണ സംസ്ഥിതാ
നമസ്തസ്യൈ നമസ്തസ്യൈ
നമസ്തസ്യൈ നമോ നമഃ
19
യാദേവീ സര്‍വ്വ ഭൂതേഷു
തുഷ്ടി രൂപേണ സംസ്ഥിതാ
നമസ്തസ്യൈ നമസ്തസ്യൈ
നമസ്തസ്യൈ നമോ നമഃ
20
യാദേവീ സര്‍വ്വ ഭൂതേഷു
മാതൃരൂപേണ സംസ്ഥിതാ
നമസ്തസ്യൈ നമസ്തസ്യൈ
നമസ്തസ്യൈ നമോ നമഃ
21
യാദേവീ സര്‍വ്വ ഭൂതേഷു
ഭ്രാന്തിരൂപേണ സംസ്ഥിതാ
നമസ്തസ്യൈ നമസ്തസ്യൈ
നമസ്തസ്യൈ നമോ നമഃ

09/23/2022

സുഭാഷിതം

അപരീക്ഷ്യ ന കര്‍ത്തവ്യം
കര്‍ത്തവ്യം സുപരീക്ഷ്യ ച
ന ചേദ്‌ ഭവതി സന്താപോ
ബ്രാഹ്മണ്യ നകുലാദ്യഥാ..

ഏതൊരു സാഹചര്യവും ശരിക്ക് മനസിലാക്കാതെ പ്രവര്‍ത്തിക്കരുത്. അല്ലെങ്കില്‍ കീരിയെ കൊന്ന ബ്രാഹ്മണനെപ്പോലെ ദു:ഖിക്കേണ്ടി വരും.

( ഒരു ബ്രാഹ്മണന്‍ പണ്ട് ഒരു കീരിയെ വളര്‍ത്തിയിരുന്നു. പുറത്തു പോകുമ്പോള്‍ ബ്രാഹ്മണന്റെ കുഞ്ഞിനെ നോകിയിരുന്നതും
അതിന്റെ കൂടെ കളിച്ചു വളര്‍ന്നതും ഈ കീരി ആയിരുന്നു. ഒരിക്കല്‍ കുഞ്ഞ് ഉറങ്ങി കിടന്ന നേരം ഒരു പാമ്പ് കുട്ടിയുടെ അടുത്ത് എത്തുകയും കീരി ഇത് കണ്ടു പാമ്പിനെ കടിച്ചു കൊല്ലുകയും ചെയ്തു.

തിരികെ വന്ന ബ്രാഹ്മണന്‍ കണ്ടത് വാ നിറച്ചും രക്തവുമായി വെളിയില്‍ നില്‍ക്കുന്ന കീരിയെ ആണ്. ബ്രാഹ്മണന്‍ ഉടനെ ചിന്തിച്ചത് തന്റെ കുഞ്ഞിനെ ഈ കീരി ഉപദ്രവിച്ചു
കാണും എന്നാണ്. ഉടനെ അടുത്ത് കിടന്ന ഒരു വടി എടുത്തു ഒറ്റ അടിക്ക് കീരിയെ കൊല്ലുകയും ചെയ്തു. അകത്തു നോക്കിയപ്പോള്‍ കണ്ടത് സുഖമായി ഉറങ്ങുന്ന കുഞ്ഞിനേയും ചത്ത്‌ കിടക്കുന്ന പാമ്പിനേയുമാണ്.
ബ്രാഹ്മണന് കാര്യം മനസ്സിലായി. കുഞ്ഞിന്റെ അടുത്ത് വന്ന പാമ്പിനെ കടിച്ചു കൊന്ന കീരിയെ താന്‍ കൊന്നതില്‍ അതിയായി ദു:ഖിച്ചു.)

09/20/2022

ദേവീ മാഹാത്മ്യം :-

ദേവീ ഉപാസനക്ക് പേരുകേട്ട രണ്ട് ഗ്രന്ഥങ്ങളാണ് ദേവീ മാഹാത്മ്യവും ശ്രീ ലളിതാ സഹസ്രനാമവും. ഇത് നിത്യവും ചൊല്ലുന്നവരെ ദേവി തന്റെ സുരക്ഷാ വലയത്തിലാക്കി എന്നും സംരക്ഷിക്കുകയും അന്ന -വസ്ത്രാദികൾക്ക് മുട്ട് വരാതെ സർവ്വൈശ്വര്യങ്ങൾ നൽകി അനുഗ്രഹിക്കുകയും ചെയ്യും.

ദുർഗ്ഗാഭഗവതിയെ സ്തുതിക്കുന്ന 700 ശ്ലോകങ്ങൾ അടങ്ങുന്നതാണ് ദേവീ മാഹാത്മ്യം. ഈ കൃതിയ്ക്ക് "ദുർഗ്ഗ സപ്തശതി" എന്നും പേരുണ്ട്. "ചണ്ഡിപാഠം" എന്നും ഇത് അറിയപ്പെടുന്നു. പാഠം എന്നത് അനുഷ്ഠാനപരമായ വായനയെ സൂചിപ്പിക്കുന്നു. ഇതിലെ 700 പദ്യങ്ങൾ 13 അദ്ധ്യായങ്ങളായി ക്രമീകരിക്കപ്പെട്ടിരിക്കുന്നു.

മാർക്കണ്ഡേയപുരാണത്തിലാണ് ദേവി മാഹാത്മ്യം ഉൾപ്പെടുന്നത്.ഇതിലെ പതിനൊന്നാം അധ്യായം ഏറ്റവും പ്രധാനമായി കണക്കാക്കുന്നു. ഈ അധ്യായം പരാശക്തിയുടെ എല്ലാഭാവങ്ങളെയും ഉൾക്കൊള്ളുന്നുണ്ട്. പ്രസിദ്ധമായ "സർവ്വമംഗള മംഗല്യേ" എന്ന് തുടങ്ങുന്ന നാരായണീ സ്തുതി ഈ അധ്യായത്തിലേത് ആണ്.

"യാ ദേവീ സർവ്വ ഭൂതേഷു .." എന്നു തുടങ്ങുന്ന പ്രസിദ്ധമായ 21 ശ്ലോകങ്ങൾ ദേവീ മാഹാത്മ്യത്തിലെ അഞ്ചാം അദ്ധ്യായത്തിലാണ് വരുന്നത്. ഇത് നിത്യം ജപിക്കുന്ന ഗൃഹത്തിൽ ശാന്തിയും സമാധാനവും ഐശ്വര്യവും ആയുരാരോഗ്യവും എന്നുമുണ്ടാകും. കണ്ടക ശനി, ഏഴര ശനി, ചൊവ്വാ ദോഷം എന്നു തുടങ്ങി സകലവിധ ഗ്രഹദോഷങ്ങൾക്കും പരിഹാരമാണ് ദേവീ മാഹാത്മ്യ പാരായണം.

ദേവീ മാഹാത്മ്യത്തിലെ പ്രധാനപ്പെട്ട ശ്ലോകങ്ങൾ അടുത്ത ദിവസങ്ങളിൽ പോസ്റ്റ് ചെയ്യുന്നതാണ്. ശ്രീ ലളിതാ സഹസ്രനാമ മാഹാത്മ്യം എത്ര പറഞ്ഞാലും തീരാത്തതാണ്. അത് തുടർന്നുള്ള പോസ്റ്റുകളിൽ നൽകുന്നതാണ്.

ഗ്രൂപ്പിലെ എല്ലാ അംഗങ്ങളും ഇത്തവണത്തെ നവരാത്രി വ്രതം അനുഷ്ഠിച്ച് ദേവിയുടെ അനുഗ്രഹത്തിന് പാത്രീഭൂതരാകുവാൻ അഭ്യർത്ഥിക്കുന്നു.