Rrjeti Shqiptar Udha

03/17/2026

"Imagjinoni një grup besimtarësh të një kishe lokale të vogël e rurale që ka rreth 70% të përbërjes se saj me analfabetë, 20% me arsimim fillor dhe vetëm 10% me arsimim në nivelin e një kolegji biblik. Ata mblidhen me një broshurë të Parimeve Bazë. I arsimuari lexon pjesët, jep më tepër informacion për sfondin dhe tregon rrjedhën e ngjarjeve, nëse është e nevojshme. Pastaj e diskutojnë së bashku pjesën. Së pari, çfarë kuptimi ka pjesa? Pastaj, çfarë domethënieje ka për ne? Në fshatin tonë? Në komunitetin tonë? Në familjet tona? Pastaj, imagjinoni një kishë të vogël shtëpie në një mjedis perëndimor me arsimim të lartë dhe të mbingopur në traditën denominacionale, e cila përpiqet t’i kthehet “udhës së Krishtit dhe apostujve të Tij”. Ky proces arsimimi, dialogu në komunitet, ka ekzistuar për shekuj të tërë dhe është mjaft thelbësor për themelimin e besimtarëve dhe kishave në besim për çdo brez dhe për çdo kulturë."

(Hyrje nga Seria 3 Parimet Bazë si sfida për themelimin e kishave në bazë të shërbimit biblik dhe apostolik në Besëlidhjen e Re dhe jo paradigmën Perëndimore që duhet zëvendësuar me qasjen biblike. Kisha ekziston për ndërtimin e njerëzve, jo thjesht si eveniment shërbesë për 'adhurim'.)

02/17/2026

Le të mendohet drejt mbi 'Porosinë e Madhe'

“Shpalosja e porosisë së madhe ngatërrohet shumë me modelin perëndimor të dishepullbërjes. Koncepti i një shumëfishimi mbarëbotëror të kishave është katandisur në një shumëfishim mbarëbotëror individësh. Individualizmi ynë perëndimor e ka reduktuar formimin e komuniteteve të vërteta të krishtera
në shumëfishimin e dishepujve individualë. Bashkësitë e kishave janë zëvendësuar nga bashkësitë e individëve dhe të grupeve të vogla që shtyhen përpara nga qëllime dhe agjenda organizacionale. Kisha shpesh reduktohet në një vend ku thjesht shkojmë, në vend që të jetë baza jonë e shërbesës dhe e ndërmarrjes. Libri i Veprave u shkrua për të na ndihmuar të kuptojmë çfarë është Porosia e Madhe dhe cili është plani i Perëndisë për përmbushjen e saj. Ai hedh themelin në mënyrë të tillë që mund të ndërtohemi fort mbi të, sipas planit të Perëndisë. Shpesh kjo krijon tension në pika kyçe me ndërmarrjen organizacionale perëndimore, d.m.th., përpjekjen e Perëndimit për të përdorur një organizatë të madhe për të përmbushur misionin botëror. Për të kuptuar plotësisht shpalosjen e Porosisë së Madhe, duhet të kuptojmë librin e Veprave. Për të kuptuar saktësisht librin e Veprave, duhet të kuptojmë si të zbulojmë kuptimin e synuar të autorit për librin apo pjesën biblike që po studiojmë. Kjo broshurë është pjesë e një serie të hartuar për të na themeluar në aftësinë e studimit të Fjalës së Perëndisë si një e tërë dhe në të njëjtën kohë për ta thelluar kuptimin tonë të parimeve bazë të besimit.”

(Citim nga Seria 3 në Parimet Bazë, ‘Shpalosja e Porosisë së Madhe: Parimet bazë nga Veprat e Apostujve’ - Hyrje)
PYETJE: A po ndërtoni jetën e shërbesën tuaj mbi strategjinë madhore të Krishtit, sipas qëllimit të Lukës në tregimin e tij katekizmal, apo mbi traditën e kulturës Perëndimore?
Që të mësoni më shumë për përdorimin e këtyre burimeve nga Rrjeti Shqiptar ‘Udha’ në kishën apo shërbimin tuaj, ju lutem, na dërgoni një mesazh me butonin mësipër në faqen tonë në Facebook ose te [email protected]

02/05/2026

"Por thjesht duke u kthyer tek disa nga këto modele – duke i ndihmuar njerëzit të qëndrojnë vetë më këmbë – do t'i sjellim çlirim kishës. Kjo ka për ta kryer punën shumë më me efektivitet sesa duke e kontrolluar, institucionalizuar dhe organizuar atë. Pavarësisht se si i shikoni disa nga këto argumenta, unë mendoj se mund ta shihni nevojën praktike që shtrohet dhe se si këto parime biblike mund të na ndihmojnë të shkojmë drejt çlirimit të kishës. Gjatë 200 vjetëve të fundit kanë ndodhur gjëra të mahnitshme, por mendoj që mund të thuhet gjithashtu se jemi larguar goxha nga disa modele të rëndësishme biblike. Kemi ripërkufizuar disa nga fjalët kryesore si ungjillëzim madje edhe ungjillin në disa raste. Ne kemi themeluar strategji që janë shumë më tepër institucionale, organizative dhe perëndimore, sesa biblike. Këto dukuri janë për tu dyshuar. Siç e shihni, përgatitja e udhëheqjes është gjithmonë çështje e lidhur me mbjelljen e kishave. Misioni, ndërmarrja misionare, është gjithmonë çështje e lidhur me mbjelljen e kishave. Kur ta kemi mbërthyer këtë koncept, kemi për të qënë shumë më efektivë për të kryer detyrën që na ka ngarkuar Perëndia – të ndihmojmë Krishtin të ndërtojë kishën e tij në brezin tonë.”
(Jeff Reed, Koncepti i Palit për themelimin e kishave, f. 11)

Kristianizëm apo Krishtërim? Cilin po e ndjekim? Po të hetoni më shumë artikullin e plotë që citohet më sipër, na dërgoni një mesazh me 'butonin' në faqën tonë kryësore që të mësoni më thellë për 'Udhën e Krishtit dhe të Apostujve', qëllimin dhe boshtin e koleksioneve të shkrimeve të Apostujve nga Fryma e Shenjtë që kemi në Besëlidhjen e Re që na zbulon strategjinë madhore të Krishtit përmes kishës ende sot.

01/27/2026

“Siç e shihni, letrat ishin gjithmonë mjete për të themeluar kishat. Pra, kur Pali flet për ungjillëzimin dhe ndërmarrjen misionare, ai është i motivuar nga themelimi i atyre kishave në atë kohë.

Në fakt, ndonjëherë Pali e la rrugën të hapur për ungjillin – e la të hapur dhe u largua që andej – për shkak se disa kisha kishin nevojë për më shumë punë. Si do t'ia bëjmë për të qënë në kohë me ungjillëzimin e botës… nëse lëmë rrugë të hapura për ungjillin për të themeluar kisha që janë duke belbëzuar? Por Pali bëri pikërisht këtë tek 2 Kor. 2:12-14.

Pra ai e la rrugën e hapur për ungjillin dhe shkoi të merrej me kishën. Pse? Jo se kishat i interesonin më shumë sesa ungjilli, apo shëndeti i kishës më shumë se misioni. Nuk ishte aspak kështu. Ai kishte një plan të tërë dhe e kishte ndarë mendjen për atë plan. Ai e dinte që kishte themeluar një bërthamë të krishterësh dhe që Perëndia kishte një plan për ta që të shkonin në komunitetin e tyre dhe ta ndikonin atë. Ai e dinte që duhet ta ndiqte atë plan, sipas të cilit kishat duhet të mbeteshin në qëndër të vëmendjes. Gjithashtu e dinte se po të shkonte gjithmonë e më përpara me ungjillin, por pa patur kisha të forta dhe të themeluara, atëherë i gjithë themeli i tij do të shembej. Dhe po të shëmbej themeli, ungjilli nuk do të përparonte dhe si përfundim do t'i duhej t'i ungjillëzonte sërish ato qytete e zona. Gjithashtu, në këtë mënyrë ai nuk do të kishte ndihmën dhe përforcimet ose modelet që i nevojiteshin.
Unë jam i bindur që Pali e kishte kuptuar se misioni është çështje e themelimit të kishave. Ai nuk vendosi të ngrinte një program për të përgatitur udhëheqësit dhe të ftonte Timoteun që të merrte pjesë në të. As nuk mendoi se çfarë gjërash e inkurajojnë Timoteun. Unë nuk mendoj që Pali ngriti një program të organizuar për të përgatitur udhëheqës. Ai kishte në duar punën e themelimit të kishave dhe nuk mund ta bënte këtë i vetëm.”

I cituar nga 'Koncepti i Palit për themelimin e kishave' nga Jeff Reed, 1991.

Rrjeti Shqiptar UDHA është një ekip themelues kishash lokale me burime dhe mjete për përgatitjen udhëheqësve dhe themelimin e çdo besimtari me bazë kishën lokale sipas 'Udhës së Krishtit dhe të Apostujve të Tij. Ju ofron trajnime si kishë lokale apo rrjet kishash, materiale që nga fillimi i besimit deri në udhëheqjen e lartë të gjithë në gjuhën Shqip me njojhen formale (Akademia Shqiptare e Udhëheqjes për Themelimin e Kishave) dhe jo formale (Qendra për Arsimim Teologjik me Bazë Kishën)
Po të dëshironi ta lexoni gjithë artikullin, mund të kontaktoni Steve Galegor apo Holger Dashi te adresa e-mail - [email protected]

01/23/2026

"Unë dëshiroj të bëj dy deklarata themelore, të cilave do tu kthehem në fund të mesazhit. E para është që përgatitja e udhëheqësve është gjithmonë çështje e themelimit të kishave. E dyta është që aktiviteti misionar është gjithmonë çështje e themelimit të kishave. Kur këto dy koncepte bazë kuptohen siç duhet, ato formojnë tërë planin e përgatitjes së udhëheqësve dhe aktivitetit misionar. Ne nuk po bëjmë thirrje për përgatitje udhëheqësish në kishë thjesht sepse besojmë që çdo kishë duhet të ketë një program të tillë, por sepse besojmë që është pjesë përbërëse e themelimit të kishave. Ungjillëzimi i Botës, si në përkufizimin e cekët apo të thellë të fjalës, është gjithmonë çështje e themelimit të kishave. Po ta humbasim këtë nga sytë atëherë ndryshojmë përkufizimet dhe synimin, shkatërrojmë efektivitetin tonë dhe largohemi nga disa modele shumë të rëndësishme biblike."

Cituar nga 'Koncepti i Palit për themelimin e kishave' nga Jeff Reed, 1991.

Rrjeti Shqiptar UDHA është një ekip themelues kishash lokale me burime dhe mjete për përgatitjen udhëheqësve dhe themelimin e çdo besimtari me bazë kishën lokale sipas 'Udhës së Krishtit dhe të Apostujve të Tij. Ju ofron trajnime si kishë lokale apo rrjet kishash, materiale që nga fillimi i besimit deri në udhëqjen e lartë të gjitha në gjuhën Shqip me njojhen formale (Akademia Shqiptare e Udhëheqjes për Themelimin e Kishave) dhe jo formale (Qendra për Arsimim Teologjik me Bazë Kishën)

Po të dëshironi ta lexoni gjithë artikullin, mund të kontaktoni Steve Galegor apo Holger Dashi te adresa e-mail - [email protected]

01/23/2024

"Pasioni dhe përparimi i drejtuesve kyç. Pali mësoi se drejtuesit që ishin përgjegjës për administrimin e këtij thesari, si shërbëtorë të ungjillit, ashtu edhe drejtues lokalë , duhej të kishin një pasion personal për administrimin dhe të shfaqnin përparim personal në jetën e tyre rreth thesarit, në mënyrë që ajo të rezultonte në doktrinë të shëndoshë. Administrimi i thesarit nuk është ushtrim akademik. Duhet të kryhet nga drejtues që e shohin këtë si një administrim të shenjtë nga Perëndia. Ata duhet t’i përkushtohen plotësisht atij, ashtu siç jepet shembull nga Pali. Duhet të jetë jeta e tyre, qëllimi se përse ekzistojnë. Ata duhet ta jetojnë atë po ashtu. Ata duhet të sigurohen që vetë po zhvillohen në mësimin, si në të kuptuarit e tij, duke përfshirë mënyrën se si ta zbatojnë atë ndaj gjithë shtrembërimeve të ndërlikuara të mësimit të rremë dhe të doktrinave të Satanit, ashtu edhe në karakterin e tyre dhe disiplinën personale."
(citim nga libri 13 në Parimet Baze, Jetesa në Shtëpinë e Perëndisë, f. 68.)

PYETJE: Sipas mendimit tënd, përse kaq shumë kisha e kanë humbur këtë ndore? Kanë dështuar ta ruajnë me saktësi? As që nuk mendojnë se mund të ruhet me saktësi të plotë?

Që të mësoni më shumë për përdorimin e këtyre burimeve në kishën apo shërbimin tuaj, ju lutem, na dërgoni një mesazh me butonin mësipër në faqen tonë Facebook.

01/19/2024

"Sot nuk jemi duke i themeluar njerëzit me kujdes në mësimin e apostujve, në atë që kisha e hershme e quante “didake”. Ne kemi manualë dishepullizimi “plotëso vendet bosh”, të cilët nuk të kërkojnë të mendosh, apo manualë të thatë të teologjisë sistematike, të cilët, në fakt, e fragmentojnë mësimin e Apostujve."
(citim nga Udhëzuesi të studimeve Parimet Baze, Mësimdhënia e Parimeve Bazë, f. 24.)

PYETJE: Si u themelove në besim dhe si udhëheqës, a je duke themeluar dishepujt dhe kishën në mënyrën e integruar dhe e përshtatshme me atë të Apostujve?

Që të mësoni më shumë për përdorimin e këtyre burimeve në kishën apo shërbimin tuaj, ju lutem, na dërgoni një mesazh me butonin mësipër në faqen tonë Facebook.

01/16/2024

"Sot pak njerëz besojnë me të vërtetë që kishat janë qendra e ndonjë gjëje. Misionet drejtohen nga agjencitë e misioneve. Ungjillëzimi i botës dhe dishepullizimi drejtohen nga organizata përkrah kishës. Gjithë zhvillimi serioz për drejtues bëhet nga profesionistë në seminare. Kisha është një vend i këndshëm për të shkuar; të ndihmon për të rritur fëmijë të mirë; dhe është përgjegjëse që të mbështesë financiarisht agjencitë dhe grupet përkrah kishës. Por nuk është qendra e veprimit. Në perëndim, një numër i madh të krishterësh po largohen nga kishat. E megjithatë, në planin e Perëndisë në qendër duhet të jenë kishat . Prandaj duhet të investojmë në kisha, në atë mënyrë që ato të bëhen qendra shërbese të pjekura dhe strategjike, plot fuqi."

(citim nga Seria 3 të studimeve Parimet Baze, Kapja e vizionit të Perëndisë për Kishën, f. 24.)

Ju pyesim, çfarë duhet për të ndërtuar kisha që janë qendra fuqie, për të përmbushur qëllimet e Perëndisë në këtë epokë mes Shqipfolesve global?

Që të mësoni më shumë për përdorimin e këtyre burimeve në Shqip në kishën apo shërbimin tuaj, ju lutem, na dërgoni një mesazh me butonin mësipër në faqen tonë Facebook.

07/19/2023

Asking all friends to consider this.

Hello beloved family, friends, and believers worldwide. I am writing on behalf of the Dhimo family. The family of five reside in Korca, Albania and have been faithful servants in the local churches for thirty years. Their eldest daughter, Darda, received a devastating diagnosis ...

06/04/2021

Buletini i përmuajshëm i Rrjetit "UDHA". Linku për muajin maj:

Një buletin i përmuajshëm i Rrjetit Shqiptar Udha Udhëtim i Përbashkët Maj 2021 UDHA u formua në vitin 2008 për të pajisur përshpejtimin e një rrjeti të kishave lokale në Shqipëri e Kosovë, si edhe në

04/23/2021

Ju ftojmë ta lexoni buletinin e dytë 'Udhëtim i përbashket' me këtë link -

Një buletin i përmuajshëm i Rrjetit Shqiptar Udha Udhëtim i Përbashkët Prill 2021 UDHA u formua në vitin 2008 për të pajisur përshpejtimin e një rrjeti të kishave lokale në Shqipëri e Kosovë, si edhe

04/06/2021

Buletini i përmuajshëm i Rrjetit "UDHA". Linku për muajin mars: https://conta.cc/31R0cIi