09/09/2020
Fakaafe'i loto fiefia 'akimoutolu houeiki mo hotau kainga, kapau 'e 'ikai ha feitu'u te ke me'a ki ai he efiafi ko'eni taimi 8pm pea ke me'a ange ki he 'olita 'o Mo'unga Kalevale he 'e 'iai e kau matu'a ka koe kau to'a a Tevita ke 'omai hotau tala mei Falehanga.
Ko e uike lotu foki 'eni moe uki 'oe aukai pea fanongonongo e hu mo e tangi kia Sihova. Mou tune in 8pm ki he ngaahi hiva fakafeta'i, talaloto, pea moe malanga. You do not want to miss etau feohi.
Ko e fakamanatu pe 'etau polokalama lotu mo e 'aukai he 'aho hono tolu 'eni, Day 3 of Prayer and Fasting. Ko e ui ki he 'aukai moe lotu fakalukufua 'a e kainga lotu 'o Mo'unga Kalevale pe ko ha taha pe 'oku fie kau mo ki mautolu he uikie 'oe 'aukai moe lotu.
I he tohi 'a Sioeli 1:14 'oku huluhulu mei ai 'a e folofola 'oe 'aho 'aukai moe lotu 'i he 'aho ni. Oku folofola mai 'a Sihova, "Mou tu'utu'uni 'ae 'aukai, fanongonongo 'a e fakataha mamafa, tanaki 'ae kau matu'a, pea moe kakai kotoa pe o e fonua ki he fale 'o Sihova ko homou 'Otua, pea tangi kia Sihova." 'Oku 'ikai ko ha taimi 'eni ia 'a e fakakolekole, it's a command. Ke tu'utu'uni 'a e 'aukai. 'Uluaki tokanga mai 'ae folofola ko'eni, ke tanaki 'ae kau matu'a. Kau tangata ko kimoutolu 'oku mou fua e ha'amo 'oe uike ko'eni pea ke mou laka mu'omu'a 'o uki e 'aukai moe tangi kia Sihova 'i he lotu. Kau tangata to'a 'a Tevita, tu'u ke ngali tangata. Tu'utu'uni'i e aukai pea fanongonongo e lotu pea mou taki mu'a. 'Oua 'e fakava'iva'inga he ko ho'o taki mu'a 'e muimui atu ho mali mo e fanau. Ko e mo'ui mo e mate ho famili 'oku 'i homou aofi nima. Saame 95:6 Tau ō ke tau hū mo punou; tau tū‘ulutui ‘i he ‘ao ‘o Sihova ne ne ngaohi kitautolu.
Ko e taimi 1:00 pm 'e hiki hake ai 'ae ngaahi kole lotu pea mou kataki 'o 'omai ho'o mou kole lotu.
