សាលាអនុគណ ស្រុកឱរ៉ាល់

10/26/2025

12/08/2024

សាលាអនុគណឱរ៉ាល់ ព្រមទាំងព្រះមន្រី្តសង្ឃស្រុកនិងសហការី
សូមថ្វាយព្រះពរសម្ដេចជាអម្ចាស់ នៅក្នុងវរោកាសដែល​ ព្រះករុណា ព្រះបាទសម្តេច ព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ទ្រង់ចេញព្រះរាជក្រឹត្យ ត្រាស់បង្គាប់ ថ្វាយព្រះឋានៈថ្វាយ​ ប្រគេន​៖

១.សម្តេចព្រះមហាសុមេធាធិបតី នន្ទ ង៉ែត ជា«សម្តេចព្រះអគ្គមហាសង្ឃរាជាធិបតី សម្តេចព្រះមហាសង្ឃរាជ នៃព្រះរាជាណាចក្រកម្ពុជា»

២.ត្រាស់បង្គាប់ដំឡើង និងតែងតាំងព្រះឋានៈប្រគេន សម្តេចព្រះពោធិវ័ង្ស អំ លីមហេង ជា «សម្តេចព្រះមហាសុមេធាធិបតី សម្តេចព្រះសង្ឃនាយក គណៈមហានិកាយ​ នៃព្រះរាជាណាចក្រកម្ពុជា​»
៣.ត្រាស់បង្គាប់ដំឡើង និងតែងតាំងព្រះឋានៈប្រគេន សម្តេចព្រះវ័នរ័ត ណយ ច្រឹក ឡើងជា សម្តេចព្រះពោធិវ័ង្ស សម្តេចព្រះសង្ឃនាយករងទី១ គណៈមហានិកាយ​ នៃព្រះរាជាណាចក្រកម្ពុជា​

៤.ត្រាស់បង្គាប់ដំឡើង និងតែងតាំងព្រះឋានៈប្រគេន សម្តេចព្រះឧត្តមវង្សា មួង រ៉ា ជា «សម្តេចព្រះវនរ័ត ព្រះរាជាគណៈថ្នាក់ឯក សម្តេចព្រះសង្ឃនាយករងទី២ គណៈមហានិកាយ​ នៃព្រះរាជាណាចក្រកម្ពុជា​»

៥.ត្រាស់បង្គាប់ដំឡើង និងតែងតាំងព្រះឋានៈប្រគេន សម្តេចព្រះពុទ្ធជ័យមុនី​ ឃឹម សន ជា «សម្តេចព្រះសង្ឃនាយ នាយករងទី៣ គណៈមហានិកាយ​ នៃព្រះរាជាណាចក្រកម្ពុជា​។

ថ្ងៃអាទិត្យ ៨កើត ខែមិគសិរ ឆ្នាំរោងឆស័ក ពុទ្ធសករាជ ២៥៦៨
ត្រូវនឹងថ្ងៃទី៨ ខែធ្នូ ឆ្នាំ២០២៤

03/21/2024

សាលាអនុគណស្រុក ឱរ៉ាល់
នៅថ្ងៃទី20 ខែ មិនា ឆ្នាំ2024
បាននិមន្ដចូលរួមសួរសុខទុកប្រជាពលរដ្ឋនៅ
ភូមិ ក្រាំង ឃុំហោងសំណំ ស្រុក ឱរ៉ាល់ ខេត្តកំពង់ស្ពឺ
ដែលត្រូវភ្លើងឆេះផ្ទះ ក្នុងនោះផងដែរ មានវត្តមាន
- ព្រះគ្រូគិរីវរភៈ ព្រះអនុគណស្រុក ព្រមទាំងព្រះចៅអធិការ២វត្ត
- លោក ងួន វានាសា អភិបាលស្រុក ឱរ៉ាល់
នាំយកសម្ភារៈមាន
- អង្ករ មី ទឹកត្រី និងសម្ភារៈប្រើប្រាស់ផ្សេងៗទៀត

02/26/2024

សូមសម្ដេចយាងទៅកាន់សុគតិភព ទីបំផុតបានសម្រេចនូវព្រះនិព្វាន កុំបីឃ្លៀងឃ្លាតឡើយ។

សាលាអនុគណស្រុកឱរ៉ាល់
ថ្ងៃច័ន្ទ ២ រោច ខែមាឃ ឆ្នាំថោះ បញ្ចស័ក ពស ២៥៦៧
ត្រូវនឹងថ្ងៃទី26 ខែកុម្ភៈ ឆ្នាំ2024

02/26/2024

សូមថ្វាយមហាព្រះរាជកុសលថ្វាយចំពោះព្រះរាជវិបាកបដិសន្ធិវិញ្ញាណ សម្ដេចព្រះអគ្គមហាសង្ឃរាជាធិបតី ទេព វង្ស សម្ដេចព្រះមហាសង្ឃរាជនៃព្រះរាជាណាចក្រកម្ពុជា សូមស្ដេចយាងកាន់ព្រះបរមសុគតិភពកុំបីឃ្លៀងឃ្លាតឡើយ។ សូមថ្វាយព្រះរាជអាល័យ សម្ដេចយាងចូលព្រះទិវង្គតវេលាម៉ោង៥:៤០នាទីល្ងាចនេះ នាព្រះវិហារវត្តឧណ្ណាលោម។

02/26/2024

សេចក្តីថ្វាយ-ប្រគេន- ជូនដំណឹង ស្តីពីការយាងចូលទិវង្គត សម្តេច​ព្រះ​អគ្គមហា​សង្ឃ​រាជាធិបតី​កិត្តិ​ឧទ្ទេស​បណ្ឌិត​ ទេព​ វង្ស​ សម្តេច​ព្រះ​មហា​សង្ឃ​រាជ​គណៈ​មហានិកាយ​ នៃព្រះរាជាណាចក្រកម្ពុជា។
ទ្រង់យាងព្រះទិវង្គត នៅថ្ងៃចន្ទ ២រោច ខែមាឃ ឆ្នាំថោះ បញ្ចស័ក ព.ស. ២៥៦៧ ត្រូវនឹង ថ្ងៃទី២៦ ខែកុម្ភៈ ឆ្នាំ២០២៤ វេលាម៉ោង១៧: ៤០នាទីល្ងាច ក្នុងព្រះជន្មាយុ៩៣ព្រះវស្សា នៅវត្តឧណ្ណាលោម រាជធានីភ្នំពេញ។