Itok n̄an Kraist ilo Oklahoma

Home
United States
Enid, OK
Itok n̄an Kraist ilo Oklahoma

Bwe kōn an Anij yokwe laļ, Ear letok juon wōt Nejin Ear keotak

04/04/2026

iakwe im happy easter nan aolep ilo season in eaiboojoj. Ilo Jadede kab Jabot in (Eprol 4 kab 5) elon general conference. Enin juon kweilok elap an emman nan ronjake naan in kapilok ko an rikanaan eo an lalin.

Pija e ej kwalok kijen am alwooje ilo kajin majol

Jouj im share e ippen aolep ro rekonaan bok konaer ilo kweilok in

07/01/2025

Iakwe kom! Jen ron̄jak juon katak kōn peptaij im unin an aorok n̄an koj. Jejela ke Jesus eaar peptaij im ilo ad loor ta ko eaar kommani jenaaj erreo im monono elaptata. Kab komooltata kon am jolok jidik iien n̄an riit im ron̄jake jidik!

06/19/2025

Iakwe kom. Ewor juon adwoj rikanaan rainin. Ej tol kabun in an Jesus Christ im jipan koj armej ioon lal in bwe jen jela ankilaan Irooj nan koj. Eaar kwalok juon enaan ikijen ad maron in bok peran ilo imaan mejan Irooj im ear ba:

" Ilo aō kōnono n̄an bōk peran im̧aan mejān Anij, ij kōnono n̄an bōk peran eo n̄an pukot Anij kiiō wōt! Ij kōnono kōn jar ilo peran bwe Jemādwōj Ilan̄ ej ron̄jake kōj, bwe E eļapļo̧k an meļeļe aikuj ko ad jen kōj."

"Kiiō, elmen ad bōk kain peran rot in? Irooj eaar uwaake kajjitōk in ilo naan kein: “Aolepāņ am̧ … en barāinwōt obrak kōn iakwe-em̧ool n̄an armej otemjeļo̧k, … im erreo en kainōknōk ļōmņak ko am"

Ijela ke elukkuun lon iaad me jej enjake mojno ak ijela ke elap an Anij iakwe koj im bwe eaar letok juon rikanaan bwe jen jela ial eo jen etal ie lok.

Jouj im bok jidik iien im ronjake enaan in jan rikanaan eo adwoj.

https://www.churchofjesuschrist.org/study/general-conference/2025/04/57nelson?lang=mah

05/03/2025

Eaorōk bam̧ļe ko ad ippān Anij im jejujen aikuj kaorōk doon! Jouj im kautiej jinōm̧ ilo am̧ kwaļok iakwe ippān.
Anij emaron̄ kōkajoor bam̧ļe ko ad toun wōt ad kepaake E. Kwon jejetok n̄e kokōņaan bwe bam̧ļe ņe am̧ en epaake Anij!

04/20/2025

Happy Easter aolep. Juon ennaan jān member ro an Kabun̄ in. ❤️

Aolep kōjeraam̧m̧an kein rej itok "Kin E", ak kōn an kar mej kōn kōj.

Jouj im share i ennaann in ippān aolep ro m̧ōttam im ro rej aukiji.

Jejetok mok n̄e kwokōņaan jeļā kajjien Jisōs āinwōt armej rein.

Ej mour!

04/13/2025

Jabōt in enaaj Palm Sunday. Ilo iien in, jej celebrati ke Jisōs ekar rool n̄an Jerusalem. Emman bwe armej ro rekar kile im kabun̄ jar bwe Jisōs ej Irooj im Kiin̄. Kiiō jemaron̄ celebrati ad Irooj im kautiej ilo ad kōppopo n̄an itōn eo An.

Matu 21:5-9:

5 Koṃwin kōnnaanōk kōrā eo nejin Zaion, Lo, aṃ kiiñ ej itok ñan eok E ineeṃṃan im jijet ioon kidu donkey, im koon nejin donkey.
6 Im rū kaḷoran rejro ilọk, im kōṃanṃan āinwōt ke Jisōs ear jiroñ er,
7 Im āñintok kidu donkey im koon, im likūt aer nuknuk ioer im Ej jijet ioon.
8 Im elōñ iaan jar eo rej erḷọki nuknuk ko aer ilo iaḷ; bar jet rej jeki raan wōjke ko im eri ilo iaḷ.
9 Im jar ko rej ilọk iṃaan ḷọk, im ro rej ḷoor ḷọk, rej laṃōj im ba, “Hosana ñan nejin Devid; E ṃōṇōṇō Eo ej itok ilo etan Irooj: Hosana ilo utiejtata!”

Jenaaj būrokraam̧ ilo 2 awa. Kwe im baam̧le eo am elukkuun ruwainene n̄an itok. Kōmij jeļā ke komnaaj en̄jake Jitōbōn Kraist ilo ami itok im lale.

3640 S New Haven, Tulsa, OK 74106

04/07/2025

Allōn̄ in, jej celebrati men eo aorōktata im eļaptata em̧ōj an waļok ioon laļin:

Bwe Jisōs ej bar mour! Ekar jerkakpeje!

1 Korint 15:22

"Bwe āinwōt ilo Adam ro otemjej remej, āindein barāinwōt ilo Kraist ro otemjej renaaj mour" ❤️

Elōn̄ aenōm̧m̧an ilo Kraist. Mej ejjab jem̧ļo̧kin, kōnke ekar anjo̧ ioon aolep men jān laļ. Aolep kōjwōj kajojo enaaj bar mour.

Ewi wāween am naaj celebrati Easter?

03/10/2025

Juon eoon em̧m̧an bwe jen ļōmņak in nōbar ad Irooj aolep iien.

Ta meļeļein n̄an kom̧ n̄an nōbar ad Irooj iien otemjej?

02/19/2025

Ilo mour in, elukkuun pen ad kappok aenōm̧m̧an. Elōn̄ men ko me rej kam̧m̧ōņōņōik kōj jidik, n̄e ejab kōm̧ad kōj. Ak rejjab jolo̧k būrom̧ōj im metak kein ad.

Botaab, n̄e jekōņaan pukot aenōm̧m̧an ejjeļo̧k jem̧ļo̧kin, emennin aikuj bwe jen reilo̧k n̄an Jisōs.

Jisōs ekar ba ilo Jon 14:27

"Aenōm̧m̧an Ij likūt ņa ippemi, aō aenōm̧m̧an Ij lewōj n̄an kom̧. N̄a Ij lewōj n̄an kom̧, jab āinwōt an laļ lewōj. En jab pok būruemi, im en jab lōļn̄o̧n̄."

Elder ro rej jipan̄ armej kepaake Jisōs. N̄e elōn̄ am̧ būrom̧ōj ak māllejjon̄ kiiō, jijet ippān Elder ro im lale n̄e kwōj pukot aenōm̧m̧an in.

02/16/2025

Naan ko An Anij:
Keememej bwe aorok in jetob ko ekanooj lap ilo mejan Anij

02/07/2025

Eļmān am̧ ron̄ ainikien Anij im bōk uwaak ko an? 🙏🏾❤️

Kobatok ilo kilaaj in EJJEĻO̧K WŌŅAĀN!

Kōmro emaron̄ kōnono ippam̧ make, n̄e ejjab ippān ro jet. Am̧ pepe!

Kwōn lale m̧ōk:

Jar: Kūr ioon Anij ilo tōmak im juon bōro em̧ool, kajjitōk kōn tōl im uwaak kōn kajjitōk ko am̧.

Katak jeje ko rekwōjarjar: Kammakijkij am̧ riit im lin̄ōri jeje ko rekwōjarjar, bwe ren maron̄ lewōj kapilōk im uwaak ko kōn inepata ko am̧.

Kappukōt Jetōb Kwōjarjar eo: Jar bwe kwōn bōk Jetōb Kwōjarjar eo, eo emaron̄ bōkwōj en̄jake ko in aenōm̧m̧an, iakwe, im peran n̄an kam̧ool bwe juon uwaak ej itok jān Anij.

Itok im jar: Būrokraam̧ ko rekitbuuj katak ko jān jeje ko rekwōjarjar im rej lewōj katak ko kab kapilōk ko me remaron̄ tōl eok. Anij emaron̄ kōjerbal ennaan kein n̄an reele būruōm̧ ak lewōj aenōm̧m̧an ilo apan̄ ko kwōj wōnm̧aeki.

Kōļmānļo̧kjeņ: Bōk iien n̄an jijet im lale lōm̧ņak im en̄jake ko am̧, kōnke Jetōb eo emaron̄ kwaļo̧k ilo en̄jake ko am̧.

Jerbal ilo tōmak: N̄e kwōj tōmak ke em̧ōj am bōk juon uwaak, kwōn mour kake ilo tōmak im pokake.

Jipede ijo ej ba "Send Message," im ļak m̧ōj jenaaj bwebwenato. Emaron̄ naaj ukōt mour eo am̧... n̄an indeeo!

Kilaaj in ejjeļo̧k wōņāān! Kobatok m̧ōk!

Address

Enid, OK

Website

https://www.churchofjesuschrist.org/?lang=mah

Alerts

Be the first to know and let us send you an email when Itok n̄an Kraist ilo Oklahoma posts news and promotions. Your email address will not be used for any other purpose, and you can unsubscribe at any time.

Shortcuts

Want your place of worship to be the top-listed Place Of Worship in Enid?