اتعلم و اربح من البورصة

06/04/2024

الجدول ده بيوضح سعر عيار 24 حسب تغير سعر الاونصة العالمى و سعر الدولار

15/05/2023

بالنسبه للناس اللي بتسال على نزول سعر الذهب زي ما قلنا في البوست قبل كده ان الذهب ما يعتبرش استثمار ولكن هو اداه لحفظ القيمه واحنا الهدف الاساس ان احنا اشترينا الذهب للحافظ على قيمه الفلوس زى ما اكدنا في البوست قبل كده و كذلك كانت التوقعات للذهب محصوره في سيناريوهين ان هو يا اما هيطلع و ده كان الشرط بتاعه انه يعدي ال 2100 دولار او انه هيبدا يعمل عمليه تصحيح و ينزل لمستويات ال 1800 او 1600 دولار و دى زى ما قولنا كانت تبقى فرصه جيدة لتحسين السعر و بناء عليه كنا نصحنا ساعتها الناس في البوست اللي فات انها بتشتري علي اجزاء و تقسم الفلوس جزئين او ثلاث و الناس اللي هي مشيت بالنصيحه اشترى جزء ولسه منتظرة جزء فده فرصه انه يزود بسعر افضل ولكن مش شرط يكون السعر الحالى
احنا مرتبطين بالسعر العالمي و السعر العالمي ما زال لسه في حدود ال 2000 دولار و لسه ما اتحركش كثير ولكن السعر اللي احنا بنستهدف الشراء عنده هو 1800 دولار و وفقا للبوست السابق حتي الان ما اكدش اذا كان هيطلع فوق ال 2100 دولار او هينزل و لكن مازال بيتحرك بشكل عرضي في الفتره اللي فاتت بين 1980 وال 2050 دولار و لسه ما ظهرتش اي اشارات تاكد نزوله او طلوع بالرغم من التوقعات بتاعه المحللين والكلام المتداول ولكن لسه مفيش اي اشارات قاطعة او مؤكده
و الاحتمالات ما زالت قائمه للصعود والهبوط ولكن دلوقتي احتمالات الصعود بقت اضعف بكثير من قبل كده
و احنا مازلنا منتظرين نكمل شراء للمبلغ المتبقي بسعر افضل سواء في النزول او لو حصل صعود فاحنا محتفظين بجزء بسعر كويس في حالة ان السعر اتحرك لفوق
فالناس ما تقلقش لان احنا مش بنعمل متاجره سريعه المتاجره السريعه دي ما تنفعش للناس اللي زي حالتنا ليهم اشغالهم وعشان تتاجر في الذهب بالاسعار دي لا طبعا هيبقى في خساره لان في مصنعيات وفي كلام من ده
انما انت كشخص عادي مش تاجر دهب تتاجر على المستوى البعيد يعني على المدى الزمني البعيد إنما المتاجرات السريعه دي اللي بيعملها تجار الذهب و ليهم طرق يقدروا يجيبوا الذهب بدون مصنعيات ومتابعين الاسعار بشكل لحظي و بدون الكلام ده مينفعش
و هما ده شغلهم إنما بالنسبه لينا احنا بنحافظ على فلوسنا في الذهب ودي بيبقى على مدى بعيد زي ما قلنا ما بيقلش عن سنه او سنتين

13/04/2023

للناس اللي بتسأل عن الاستثمار في الدهب
1- مبدئيا شراء الذهب ليس للمكسب و لكن للحفاظ علي القيمة
2- بسبب حالة التخبط في السوق عامة يعتبر المكسب من فترة و حتي الآن وهم كبير و احسب و قارن بنفسك هتوصل للنتيجة دي و بقي الحفاظ علي القيمة او تقليل الخسارة هو اقصى طموح لاى حد بيحاول يحافظ علي شقى عمره
3- الذهب وضعه الحالي ببساطة شديدة بيتحرك في مصر بمؤثرين فقط هما :
المؤثر الاول هو السعر العالمي للدهب مقابل الدولار
المؤثر الثاني هو سعر الجنية مقابل الدولار

بالنسبة للسعر العالمي هو النهاردة 13/4/2023 صباحا في حدود 2015 دولار للوقية و توجد نقطة اختبار عند 2100 دولار لو تخطاها الدهب غالبا ها نشوف مرحلة جديدة باسعار جديدة بمعني ممكن الدهب يتخطي ويسجل 3000 دولار و اكتر ببساطة شديدة و ده متوقع بنسبة 80٪ بسبب الوضع السئ للدولار.
اما في حالة فشل الدهب في تخطي 2100 دولار ممكن السعر ينزل لمستويات 1800 و 1600 دولار و ده متوقع بنسبة 20٪
اما المؤثر الثاني فهو سعر الجنيه مقابل الدولار فده محكوم بقدرة الحكومة علي سداد الديون القديمة و ترشيد الاستيراد من الخارج

طيب ايه الحل الافضل بالنسبة للدهب في ظل عدم التاكد ده لو انت مش محتاج الفلوس فترة طويل ( سنتين او اكتر)
1- هات بالفائض عنك دهب بالكامل و ريح دماغك
2- لو قلقان ان الدهب ممكن ينزل في حل كويس بفضله و هو انك ممكن تقسم الفلوس جزئين او ثلاثة علي الاكثر مثلا (50-50) او (60-40) او (40-30-30) او اي ان كان التقسيمة اللي تريحك و تناسبك
و الجزء الاكبر تشتري بيه بالاسعار الحالية و الباقى بعد فترة سواء سعر الدهب نزل او طلع لانه لو طلع هتبقي استفدت بالجزء الاكبر و جبته بسعر ها يكون لقطة وقتها
اما لو نزل فا ها يكون قدامك فرصة تشتري جزء مش قليل بالسعر الرخيص و ها تحسن السعر اللي اشتريت بيه

--------------------------------------------
تحديث مساء 13/4/2023
الذهب يواصل صعوده لاختبار 2070 دولار و عندها سوف تضح الرؤية للفترة القادمة
و لا تنسونا من صالح دعائكم

15/06/2021

https://www.facebook.com/100054422326982/posts/323008446189897/

02/11/2017

10 اسباب يخلو مشروعك يخسر ... احذر منهم !!

1- النمو السريع : من اكتر الاخطاء اللى ممكن يقع فيها اى حد عنده بيزنس انه يتوسع و يكبر من مشروعه بسرعه بدون دراسة اهداف واضحه عشان يثبت للمنافسين انه بيكبر ده خطأ كبير من الاخر ( لما تقرر انك تتوسع فلازم تتوسع بناء على احتياجات مش مجرد قرار فقط)

2- الفشل فى الادارة المالية : اكتر حاجه ممكن توقع اى مشروع صغير او شركة كبيرة هى عدم تتبع الفلوس الخاصه بالشغل و تقريبا بينتهى بيها الحال لديون كبيرة غير قادرة على تسديدها .. لازم تبقى صارم فى التعامل مع فلوسك و يكون عندك سجلات دقيقه لكل الفلوس اللى داخله و اللى خارجة !

3- الاسراف فى الانفاق : معظم الناس اللى بيدأو مشاريع جديدة بيقولعوا فى مشكله المصاريف الزيادة .. ده بينتج من حماسهم الزائد لفكرتهم او مشروعهم .. نصيحة حاول تستشير حد عاقل قبل م تاخد قرار انك تصرف نفقات عاليه على مشروعك !

4- نقص رأس المال الاحتياطى : يعنى ايه ؟ يعنى لازم يبقى عندك بند ممكن نسميه طوارئ وده بالعاميه خالص عشان الناس تفهم .. و ده بيكون مخصص لاى زيادة غير متوقعه فى تكاليف مشروعك زى ( المرافق المواد الايد العاملة) و كمان هتبقى مفيدة جدا ليك فى اوقات السوق بيبقى نايم او فى الهدوء الموسمى للشغل

5- سوء اختيار المكان : اوعى تخلى عقد ايجار رخيص يخليك تاخد موقع مش كويس .. حط فى اعتبارك المنافسين ( هل فى محلات مشابهه ليك فى نفس المنطقة؟) هل الموقع بتاعك محلك سهل الوصول ليه ؟ الطريق بيخدمه المواصلات ولا فى حته مقطوعه ؟

6- عدم وضع خطة عمل : ليه خطة العمل مهمة ؟ خطة العمل الكويسة بتجبرك انك تفكر لقدام و للتحديات اللى ممكن يواجهها مشروعك و كمان بتجبرك انت تحط فى الاعتبار الاحتياجات الماليه المستقبليه و التسويق و ادارة خططك و المنافسين المحيطين بيك

7- ألفشل فى التغيير مع الزمن : من الاخر كدة المرونة فى التعامل مع المتغيرات اللى بتحصل حواليك عشان تعرف تكمل مشروعك .. اتعلم ازاى تغيير من مشروعك و تتطور فيه و تجرب خبرات جديدة!

8- سوء الخدمة : سوء خدمة العملاء و عدم كفاءه الموظف اللى شغال من الاسباب اللى هتوقع البيزنس بتاعك بسرعة .. لازم تتأكد من كفائته و تحط حوافز على الالتزام و الشغل الصح .. و تبتكر نظام داخلى لراقبة تصرفاتهم ورصدها

9- عدم التسويق الفعال : العملاء بتوعك مش هيتجاوبوا معاك من غير م يعرفوا انك موجود بفاعلية .. مش هيكلفك كتير لو قررت انك تعمل دعايه و تسويق لنفسك بطريقة صحيحة عن طريق ( السوشيال ميديا .. فلايرز ) و طريق التسويق الموجودة مع شوية ابتكار منك !

منقول
10- التقليل من المنافسين : ولاء العملاء لمشروغك مش بيحصل من الهوا ده رد فعل مكتسب لشغلك و طريقتك ,, راقب منافسيك كويس و خليك متقدم عنهم بخطوة ,, و خلى بالك لو انت مهتمتش بعملاءك كويس و قدمتلهم خدمة مناسبه لاحتياجاتهم و على قد متطلباتهم .. منافسينك هيعملوا كدة !
-------------------------------------------------------------------------------

17/04/2017

17/04/2017

كيفية تمويل مشروعك ببساطة شديدة