St Joseph Centenary Catholic Parish Ndeeba

25/05/2024

NOVENA Y'ABAJULIZI BA UGANDA

OKUWANJAGIRA ABAJULIZI ABATUULIRIVU AB’OMU UGANDA

Ayi Katonda, Omuyinza wa byonna, Kitaffe omulungi ow’ekisa ddala, tukwebaza kubanga wakkiriza okugulumiza Abaddugavu ab’omu Africa, abaali baabuliddwa; ng’ositula Abajulizi ab’omu Uganda mu lubu lw’abatuukirivu.

Era tukwebaza nnyo kubanga okkiriza ekitiibwa kyabwe okukyongerako, ng’obakozesa ebyewuunyo, olyoke oyolesezeemu obuyinza bwe balina ewuwo.
Mu mirembe gino, abantu bamaze okunyooma batyo Yezu Omwana wo, Abajulizi abo, abataafa ku kuganja eri Kabaka w;ensi balyoke baganje ewuwo, banaatuyigirizanga okwatula wonna Obwakabaka bwo.

Mu budde, buno, abantu bamaze okwetaba mu mayisa amabi batyo, Abajulizi bo banaatuyambanga, nga tulabira ku bo, okunyiikira obutukuvu; anti bo baasiima okuttibwa era baleme kufiirwa kkula eryo!
Mu kakyo kano ak’okwetaaya n’okwesanyusa obwesanyusa, baganda baffe abo banaatusindikanga okwefiisa, n’okugumiikiriza ennaku z’ensi; anti bo nga bali mu muliro babengeya, baabanga mu kuyimba buyimbi, nga batendereza Yezu ne Bikira Maria.

Ayi Mukama waffe, tukuwanjagira, nga tukwetowaliza, era nga tukwesiga nnyo, ku lw’Abaweereza bo abo, Abajulizi Abatuukirivu ab’omu Uganda tuwe……..(saawo eky’etaago kyo).

Ayi Abajulizi Abatuukirivu, mutuwolereze eri Yezu n’eri Bikira Maria tufune kye tusaba eri Katonda, atalina kamulema. Amiina.

AMATENDO G’ABAJULIZI

Ayi Mukama tusaasire……………………. …………………………….Ayi Mukama tusaasire
Ayi Kristu tusaasire……………………………………………………… Ayi Kristu tusaasire
Ayi Mukama tusaasire……………………………………………..……. Ayi Mukama tusaasire
Ayi Kristu tusaasire…………………………………………………………Ayi Kristu tuwe
Patri ow’omuggulu Katonda…………………………………..……..…………….Tusaasire
Mwana Omununuzi w’ensi Katonda……………………………..……….………… “ “
Mwoyo Mutuukirivu Katonda………………………………………………………..” “
Trinita Omutuukirivu Katonda Omu…………………………………………….……” “
Maria Omutuukirivu Kabaka w’Abajulizi……………………………………….……Tusabire
Karoli Lwanga Omutuukirivu omuwolereza w’Abavubuka n’enkola Enkatoliki mu Africa…………………………………………………………………………………….Tusabire
Matiya Mulumba Omutuukirivu gwe alabirwako Abafuzi ne bassemaka mu byonna…………………………………………………………………………………... Tusabire
Yozefu Mukasa Balikuddembe Omutuukirivu omusaale w’Abajulizi mu Uganda, eyalai luwaga w’Abasomi…………………………………………………………………………...…. Tusabire
Donozio Ssebuggwawo Omutuukirivu eyatakabaniranga otyo eddiini ya Yezu okugimanyisa banno, n’obuwombeefu mu mpisa zo,………………………………………………….. Tusabire
Andrea Kaggwa Omutuukirivu gwe alabirwako Abasomesa b’Eddiini ne ba teacher………………………………………………………………...……………….… Tusabire
Ponsiano Ngondwe Omutuukirivu omuserikale Omwesigwa, eyalumirwa atyo okuttibwa mu bujulizi……………………………………………………………………..……………. Tusabire
Atanansi Bazzekuketta Omutuukirivu eyali omuwanika omwesigwa mu nkuluze ya Kabaka………………………………………………………………………………….. Tusabire
Gonzaga Gonza Omutuukirivu eyakwatirwanga ekisaasaazi abali mu nnaku n’abasibe……………………………………………………………………………….. Tusabire
Noa Mawaggali Omutuukirivu omukozi atenyinyalanga mirimo eyaganza obwavu Evanjiri bw’etuyigiriza…………………………………………………………………….…… Tusabire
Luka Baanabakintu Omutuukirivu eyegomba ennyo okuttibwa mu bujulizi, ofaanane ne Yezu Omukomerere………………………………………………………………….……… Tusabire
Yakobo Buuzaabalyawo Omutuukirivu, eyali omuserikale omwesigwa, era omwagazi w’ensi yo, era omusomesa wa Kabaka…………………………………………………………… Tusabire
Gyaviira Omutuukirivu, ggwe ekyokulabirako mu kutabagana n’obutasiba bivumo ku mwoyo,…… ……………………………………………………………………………Tusabire
Ambrozio Kibuuka Omutuukirivu, omuvubuka omusanyufu, atalabwa mu kwagalana ne banno………………………………………………………………………………….. Tusabire
Anatoli Kiriggwajjo Omutuukirivu, omuddu omwetowaze, eyayagalanga eby’okusoma okukira ebitiibwa……………………………………………………………………………….. Tusabire
Akilewo Kiwanuka Omutuukirivu, eyakyayira ddala eby’obukafiiri, ne wemalira ku Yezu……………………………………………………………………………………. Tusabire
Kizito Omutuukirivu, omwana omutukuvu ddala, eyabugaananga essanyu olw’okwemanya obukristu,……………………………………………………………………………… Tusabire
Mbaaga Tuzinde Omutuukirivu, eyalondawo okufa okubeera Yezu, n’otowuliriza babo abaali bakusendasenda………………………………………………………………………… Tusabire
Mugagga Omutuukirivu, omuvubuka omuzira nnalukalala mu mpisa ennungi ey’obutukuvu………………………………………………………………………….... Tusabire
Mukasa Kiriwawanvu Omutuukirivu, omulonde omunyikivu, eyafuna batisimu ey’omusaayi gwo………………………………………………………………………….................... Tusabire
Adulfu Ludigo Omutuukirivu, eyasukkirira mu kugoberera Yezu okwefuula omuweereza wa banno,……………………………………………………………………………….…... Tusabire
Bruno Sserunkuuma Omutuukirivu, omuserikale eyatuwa ekyokulabirako mu kwenenya ne mu kwetangira ku by’okunywa,……………………………………………………...…….. Tusabire.
Yoanna MariaMuzeeyi Omutuukirivu, omubuulirizi omulungi, era atenkanika mu kukolera banno eby’ekisa………………………………………………………………………… Tusabire
Abajulizi Abatuukirivu ab’omu Uganda, mwenna mwanywerera ddala mu Klezia wa Yezu ow’amazima ne mumufiirira………………………………………………..…………Mutusabire
Kaliga ka Katonda ggwe ajjawo ebibi by’ensi……………….…………Tusonyiwe ayi Mukama
Kaliga ka Katonda ggwe ajjawo ebibi by’ensi……………………….…..Tuwe ayi Mukama
Kaliga ka Katonda ggwe ajjawo ebibi by’ensi……………………………Tusaasire

TWEGAYIRIRE
Ayi Mukama waffe, Yezu Kristu, ggwe eyawa Abajulizi Abatuukirivu ab’omu Uganda, Karoli Lwanga, Matia Mulumba ne Bannabwe, amaanyi ageewuunyisa; era naffe n’obatuwa batubeerere eky’okulabirako, kwe tunaalabiranga empisa ennungi ey’okukkiriza n’eyobuzira, ey’obutukuvu n’eyokwagalana, era n’eyobwesigwa: tukuwanjagira nga n’Abajulizi batuwolereza, otuwe okweyongeranga mu mpisa ennungi ezo n’okutabakanira Eddiini ey’amazima okugibunya wonna. Ggwe awangaala ng’owangamye ku Bwakabaka emirembe n’emirembe. Amiina.

19/05/2024

UPDATE
Tomorrow 20th May 2024 Musomesa Mugomba’s body will be brought to St Joseph Church Ndeeba for requiem Mass at 12:PM (sawa Mukasa). Omwoyo gwomugenzi omukama aguwumuze mirembe 🙏

19/05/2024

EKIRANGO

Dear Parishioners, tubabikira eyaliko Musomesa waffe Mwami Mugomba. Omukama yamuyise ekiro ekikeseza leero 19 May 2024.
Ebyo kuziika tuja bibategeeza leero mu Missa sawa 7pm mu makaage ekitiko. Omwoyo gwa Musomesa omukama aguwumize mirembe 🙏

20/02/2024

Our Annual Charity Visit to Nalukolongo bakateyamba

07/01/2024

Arise and Shine

24/12/2023

EKISINDE KYOKUMAKYA

MU LINNYA LYA Patri, N’ERYA MWANA, N’ERYA MWOYO MUTUUKIRIVU, AMIINA

ESSAALA EYOKUZUKUKA .... Katonda wange nkusinza, nkwewadde nzenna omulamba, nkwegayiridde olunaku lwa leero lumberere lulungi, Amiina.

KATONDA WANGE INDRUGENCIA Zonna ezisibidwa ku ssaala ze nnaasoma leero, ne ku bikolwa bye nnaakola, ze mmanyi ne ze simanyi, zonna njagala okuzifunira ddala.

AYI OMUTIMA GWA YEZU KATONDA, nkuweereza essaala n'ennaku n'essanyu n'ebikolwa ebya leero, nga mbiyisa eri omutima Omutukuvu ogwa Maria Omubererevu. Ngenderera bwentyo okuddaabiriza ensobi zaffe, nga nneegatta naawe eyeetambirira buli kadde Ku Altari,era njagala okusabira abo bonna Paapa b'atugambye omwezi guno.

KATONDA WANGE NZIKIRIZA NGA OLIWANO
Nkusinza, nkwagala n’okwagala kwonna okw’omwoyo gwange, Nkwebaza kuba wantonda n’onnunuza omwana wo gw’oyagala,N’onfuula Omukristu. Ate kwebaza n’enneema zonna z’ompa. Naddala, kubanga okuumye obulamu bwange mu kiro kino.

*NKWEWADDE NZENNA*
Omwoyo gwange, n’omubiri gwange, n’okulowooza kwange, n’ebigambo byange, n’ebikolwa byange, ne’ennaku zange eza leero, nneegatta ne Yezu Kristu Mukama waffe okukutenda n’okukwatula bw’oli Omukama n’okukugatta olw’ebibyange. Ssaagalira ddala kukujeemera leero, naye nnyamba kuba siyinza kukola kantu kalungi ggwe nga tombedde.

*KITAFFE ALI MU GGULU*
Kitaffe ali Mu ggulu, erinnya lyo litiibwe. Obwakabaka bwo bujje. By’oyagala bikolebwe mu nsi nga bwe bikolebwa mu Ggulu. Tuwe leero emmere yaffe eya buli lunaku. Tusonyiwe ebibi byaffe, nga naffe bwe tusonyiwa abatukola obubi. Totutwala mu kukembewa, naye tulokole mu bubi: Amiina.

*MIREMBE MARIA*
Mirembe Maria, Ojjudde enneema (Luka 1:28), Omukama ali naawe, wawebwa omukisa mu bakazi bonna (Luka 1:42), Ne Yezu Omwana w’enda yo naye Wa Mukisa (Luka 1:42b). _Maria Omutuukirivu Nnyina Katonda (Luka 1:48); Tusabire ffe abononyi, kaakano ne Mukaseera ak’okukufa kwaffe:_

*NZIKIRIZA KATONDA*
Nzikiriza Katonda: Patri Omuyinza wa buli kantu. Omutonzi w’eggulu n’ensi. Ne Yezu Kristu Omwana we omu yekka Mukama waffe. Eyali mu lubuto ku bwa Mwoyo Mutuukirivu, n’azaalibwa Biikira Maria, n’abonabona ku mirembe gya Ponsio Pilato, n’akomerwa ku musaalaba, n’afa n’aziikibwa, n’akka emagombe. Ku lunaku olw’okusatu n’azuukira mu bafu, nalinnya mu Ggulu atudde ku gwa ddyo ogwa Katonda Patri Omuyinza wa buli kantu, alidda okulamula abantu abalamu n’abafu.
Nzikiriza Mwoyo Mutuukirivu, Eklezia Katolika Omutukuvu, Okussa ekimu okw’abatuukirivu, ekisonyiwo eky’ebibi, okuzuukira okw’emibiri n’obulamu obutaggwawo; Amiina.

*ESSAALA EYO KUKIRIZA*
Katonda wange nzikirizza nnyo, eby'amazima byonna, Eklezia Katolika by’atuyigiriza. Kubanga ggwe nnyini wabimuyigiriza. Toyinza kwerimba, yadde okutulimba

*ESSAALA EYO KUSUBIIRA*
Katonda wange nsuubira mu kisa kyo ne mu buyinza bwo.. ng’olimpa enneema yo munsi. Ate bwe nkwata ebiragiro byo, olimpa obulamu obutaggwawo mu ggulu, kuba ggwe nnyini wabitulazaanya. Otuukiriza endagaano zo.

*ESSAALA EYO KWAGALA*
Katonda wange nkwagala nnyo n’omwoyo gwange gwonna, Okusinga ebintu byonna. Kubanga ggwe mulungi ennyo, omwagalirwa ddala. Ate kuba njagala abantu bonna nga bwe neyagala okubeera gwe.

*ESSAALA EYO KUBONERERA*
Katonda wange mboneredde nnyo, ebibi bye nnakola. Kubanga ggwe omulungi ennyo, omwagalirwa ddala. Ate kuba okyawa ekibi, nga mpeereddwa enneema yo, nkomye kuno sigenda kukujeemera.

*EKITIIBWA KIBE EKYA PATRI*
N’ekya Mwana, n’ekya Mwoyo Mutuukirivu. Nga bwekyaliwo olubereberye, ne kaakano ne bulijjo; emirembe n’emirembe. Amiina

*BIKIRA MARIA OMUTUKIRIVU...* N’abatuukirivu mwenna abali mu ggulu, munkuume mu lunaku luno, ne mu kaseera ak’okufa kwange amiina.

*BIIKIRA MARIA OWEKISA*
Ojjukiranga nti obwedda n’obwedda, tibawuliranga nti wali oyabulidde omuntu addukira gy’oli okumukuuma ng’akuwanjagira okumuyamba era nga akusaba okumuwolereza, Nange no, Ayi Biikira mugole wa ba Biikira, Nnyabo, nzirukidde gy’oli nga nkwesiga bwe ntyo ,nzize gyoli nnevunise mu bigere byo, nga nkaaba olw’ebyonono byange. Ayi Nnyina wa Kigambo, wulira okwegayirira kwange, ku lw’ekisa kyo, Ompe ky’enkusaba; Amiina.

Katonda waffe gwebyonna

Mu linnya lya Patri n'erya Mwana n'erya Mwoyo Mutuukirivu. Amiina.

15/11/2023

AMATENDO GA YOZEFU OMUTUUKIRIVU.
Ayi Mukama tusaasire,
Ayi Kristu tusaasire,
Ayi Mukama tusaasire,
Ayi Kristu tuwulire
Ayi Kristu tuwe
Patri ow’omu ggulu Katonda,
Mwana omununuzi w’ensi Katonda Mwoyo Mutuukirivu Katonda,
Trinita Omutuukirivu Katonda Omu,

Maria Omutuukirivu, tusabire
Yozefu Omutuukirivu,
Muzzukulu omukulu ennyo owa Daudi,
Mukulu wa Bajjajja,
Bba Nnyina Katonda,
Mukuumi omutukuvu ow’Omubeererevu,
Mukuza w’Omwana wa Katonda,
Mukuumi omwesigwa owa Yezu Kristu,
Mukulu w’Ekika ekitukuvu,
Yozefu Omutuukirivu ddala,
Yozefu omutukuvu ddala,
Yozefu omwegendereza ddala,
Yozefu omuvumu ddala,
Yozefu omuwulize mu byonna,
Yozefu ow’obwesige obungi ddala,
Ndabirwamu yobugumiikiriza
Mwagazi w’obwavu,
Ggwe alabirwako abakozi b’emirimo,
Ttendo ly’omu maka,
Mukuumi w’ababeererevu,
Luwaga w’ebika byonna,
Kikubagizo ky’abanaku,
Ssuubi ly’abalwadde,
Muwolereza w’abazirika,
Ntiisa y’amasitaani,
Mukubiriza w’Eklezia Omutukuvu,

Kaliga ka Katonda akaggyawo ebibi by’ensi, tusonyiwe ayi Mukama,
Kaliga ka Katonda akaggyawo ebibi by’ensi, tuwe ayi Mukama,
Kaliga ka Katonda akaggyawo ebibi by’ensi, tusaasire.
V/ Omukama yamufuula omukulu w’ennyumba ye, R/ N’amuwa okulabirira ebintu bye byonna.

Twegayirire.
Ayi Katonda, Ggwe eyateesa mu magezi go agatatendeka okulonda Yozefu Omutuukirivu abeere bba Nnamasole wo omutuukirivu ddala tukwegayiridde, otuwe oyo Ggwe tussaamu ekitiibwa ng’omukubiriza waffe mu nsi, abeere omuwolereza waffe mu Ggulu. Ggwe awangaala ng’olamula emirembe egitaggwaawo. Amiina.

20/10/2023

The Living Voices Choir invites you to their music convert on Sunday 22nd October 2023 at St Kizito Kabowa Church .
Please be there to support them.

15/10/2023

Let's come in big numbers to support radio maria

03/10/2023

07/09/2023

Ssaabasumba Annual Appeal Fund

14/08/2023

May the years ahead be filled with continued blessings, joy, and fulfilment in your sacred vocation. Congratulations on your priestly anniversary! As we commemorate this milestone, we are reminded of your remarkable commitment to shepherding our souls and nurturing our faith.

Let us wish Our dear Parish Priest Rev. Father Simon Peter Ssekyanzi a Happy Anniversary.