Geita Tanzania Kanisa la Gospel Crusade Missions

03/06/2026

Neema, rehema, na amani ya Mungu viwe pamoja nawe katika asubuhi hii ya Jumanne. Tumshukuru Bwana kwa kutuamsha salama na kutupa nafasi mpya ya kukutumikia katika siku hii.

*NENO LA Mungu

Marko 12:26–27

> *Na kwa habari ya wafu ya kwamba wafufuliwa, hamjasoma katika kitabu cha Musa, Sura ya Kijiti, jinsi Mungu alivyomwambia, akisema, Mimi ni Mungu wa Ibrahimu, na Mungu wa Isaka, na Mungu wa Yakobo?*

> *Yeye si Mungu wa wafu, bali wa walio hai. Hivyo mwapotea sana.*
========================
*TAFAKARI*

Yesu anatufundisha ukweli mkuu kwamba Mungu ni Mungu wa walio hai, si wa wafu. Hii inatupa tumaini la uzima wa milele na inatukumbusha kwamba maisha yetu hayakomei hapa duniani tu.

Katika dunia inayojawa na mashaka na mitazamo ya kibinadamu, Neno la Mungu linatuthibitishia kwamba Yeye ni Mungu wa uhai, nguvu, na ufufuo. Hata pale tunapokutana na changamoto, huzuni, au hofu ya kesho, tunajua kwamba Mungu wetu ana nguvu juu ya maisha yote.

Asubuhi hii tunahimizwa kuishi kwa imani, tukijua kwamba tumaini letu liko katika Mungu aliye hai, na Yeye ana uwezo wa kufufua kila kilichokufa katika maisha yetu - ndoto, tumaini, na nguvu ya kiroho.

*SALA YA ASUBUHI*

Ee Baba wa mbinguni, nakushukuru kwa kuniamsha salama na kunipa siku mpya ya neema. Asante kwa kuwa Mungu aliye hai, Mungu wa uzima na tumaini letu la milele.

Bwana, nisaidie kuishi kwa imani na si kwa mashaka. Nijaze ujasiri wa kutembea nikijua kwamba Wewe una nguvu juu ya kila hali ya maisha yangu.

Nakuomba ufufue kila kilichodhoofika ndani yangu - imani yangu, matumaini yangu, na nguvu yangu ya kiroho.

Niongoze katika maamuzi yangu ya leo, unipe hekima na ufahamu, na uniongoze katika njia ya haki.

Ubariki kazi za mikono yangu na nifanye kuwa chombo cha ushuhuda Wako kwa wengine.

Ninakukabidhi familia yangu, mipango yangu, na siku hii yote. Ijaze kwa amani na ulinzi Wako.

Katika jina la Yesu Kristo, Bwana na Mwokozi wetu, naomba na kuamini.
*Amina. 🙏🏽*

30/05/2026

Sifa zote ni kwa mzee wa siku

30/05/2026

Ni wakati wa sifa na kuabudu

11/05/2026

11/05/2026

MAMBO 5 YA KUFANYA MWANZO WA WEEK ILI UONE BARAKA ZA MUNGU

Week mpya ni nafasi nyingine ya kuanza upya, kurekebisha makosa ya nyuma na kumruhusu Mungu akutangulie katika kila jambo. Watu wengi huanza week kwa mawazo na presha nyingi, lakini siri kubwa ni kuanza na Mungu kwanza.

1. ANZA WEEK KWA MAOMBI
Usianze week kwa hofu au haraka za maisha. Tenga muda wa kumshukuru Mungu na kumkabidhi mipango yako yote.

2. SAMEHE NA UACHILIE YA NYUMA
Usiingie kwenye week mpya ukiwa umebeba hasira, majeraha au huzuni za wiki iliyopita. Amani ya moyo huleta utulivu wa maisha.

3. WEKA MALENGO YA WEEK YAKO
Kuwa na mwelekeo wa kile unachotaka kufanya. Mungu hubariki mtu mwenye maono na mpangilio.

4. EPUKA MANENO YA KUKATA TAMAA
Usianze week kwa kusema “mambo hayaendi” au “sitafanikiwa.” Tamka mema juu ya maisha yako na week yako.

5. SOMA NENO LA MUNGU KABLA YA KUANZA SHUGHULI
Neno la Mungu huleta mwanga, hekima na nguvu mpya za kuikabili week.

K**a neno la Mungu lisemavyo katika Mithali 16:3, “Mkabidhi Bwana kazi zako, na mawazo yako yatathibitika.”

Kisha omba hivi:
Baba wa mbinguni, naweka week hii mikononi mwako. Unitangulie katika kila jambo nitakalofanya. Fungua milango ya baraka, favor, kazi, biashara na mafanikio. Nipe amani ya moyo, nguvu mpya na hekima ya kufanya maamuzi sahihi. Linda familia yangu na uniongoze katika njia ya ushindi week hii yote. Kwa jina la Yesu Kristo, Amina.

11/05/2026

Sifa zote kwa Bwana YESU

08/05/2026

HALLELUJAH NJOO TUMSIFU YESU KRISTO

06/05/2026

Hakika Mungu ni Mungu wa wote wenye mwili

27/12/2025

Ijili itahubiliwa kwa kila kabila na kila nãmnä