26/06/2026
Четврта недела по Педесетница,
Света Божествена Литургија,
28.06.2026 во 10.30ч.
Кога свештеникот и ѓаконите ќе излезат од северните двери и ќе влезат низ Царските двери со Евангелието, тој момен во т се нарекува .„Мал вход“ и симболично го означува излегувањето на Исус Христос да проповеда:
Кој живее христијански живот, кој живее според учењето на Евангелието, ќе влезе во Царството Небесно.
Кога свештенството, за време на пеењето на Херувимската песна, ќе излезе од северните двери и ќе оди кон Царските двери, тој момент се нарекува „Голем вход“. Симболично, тоа го означува одењето на Исус Христос на доброволно страдање заради нас грешниците. Кој ќе се покае и ќе ја прими Светата Причест ќе влезе во Царството Небесно.
За време на песната „Тебје поем, Тебје благословим...“ целата Црква, сите присутни во храмот, треба да се молат заедно со свештенството - Небесниот Отец да го испрати Својот Свети Дух врз нас и врз понудените Дарови, и треба три пати да ја кажуваат молитвата во себе: „Господи, кој го испрати Твојот Пресвет Дух врз Твоите апостоли во третиот час, не одземај Го од нас, Благи, туку обнови нè нас кои Ти се молиме!“
Во тој момент, ниту една душа не треба да остане ладнокрвна - сите треба да бидат разгорени од љубов кон Бога. Нашите души тогаш ќе горат како светилка, како миризливи кадилници, како темјан што се вознесува кон Небото, зашто во тој момент се исполнува страшната и животворна Тајна - преобразувањето од страна на Духот Божји на лебот и виното во Пречисто Тело и Крв Христови - и Бог во тело се појавува на Престолот (најсветиот дел од олтарот).
СТАРЕЦ САВА ПСКОВСО-ПЕЧЕРСКИ.
