درگاھ حضرت ميان محمد چنيھ اڄڻ فقير صوفي القادري رح کهڙا

28/05/2026

ﻋﻴﺪ ﻣﺒﺎﺭڪ 💖
دل جي گهراين سان اوهان کي عيدالاضحٰي جون لک لک واڌايون۔
الله پاڪ جي بارگاهه ۾ دعا آهي ته اوهان جي زندگي هميشه خوشين، محبتن، سڪون ۽ برڪتن سان ڀرپور رهي۔
هر نئون ڏينهن اوهان لاءِ عيد جيان خوشيون، راحتون ۽ ڪاميابيون کڻي اچي۔
الله پاڪ اوهان جون سڀ جائز دعائون قبول فرمائي ۽ اوهان کي پنهنجي رحمتن جي ڇانوَ ۾ سلامت رکي۔ 🌸

10/04/2026

ميان معصوم علي عرف فقير محمد اڄڻ فقير ( موجوده سجادھ گادينشين) حضرت ميان محمد چنيھ اڄڻ فقير رح .

30/03/2026

امن پسد ۽ انساني ڀلائي جو درد رکندڙ گادي نشين جو وڇوڙو...نويدناز اڄڻ
امن پسند ۽ انساني ڀلائيء جو درد رکندڙ گادي نشين جو وڇوڙو.
نويد ناز اڄڻ
هو عظيم انسان هو. پنھنجي پرائي جي فرق کان بغير انساني خادم هو. مذھبي فرق کان سواء هر ڪنھن جي آئي ويل مدد ڪندڙ مھان انسان هو. تڏي تي آيل جو دل سان آڌرڀاء ڪرڻ سندس خانداني ورثو هو. هو اڻ ڳڻين خوبين جو مالڪ هو. اهڙي املھ شخصيت ميان محمد علي اڄڻ فقير (ٽيون) جي هئي. پاڻ درگاھ ميان محمد چنيھ اڄڻ جو گادي نشين هو، جيڪو هڪ ڏينهن اڳ اسان کان جسماني طور هميشه لاء وڇڙي ويو.
سندس جنم 10 آڪٽوبر 1951ع ۾ ميان نياز حسين اڄڻ جي گهر ۾ ٿيو. ابتدائي تعليم گورنمينٽ پرائمري اسڪول (ٻير وارو) کھڙا مان پاس ڪيائين. مئٽرڪ هاء اسڪول کھڙا مان پاس ڪيائين. نيشنل ڪيڊٽ ڪورس NCC ۾ 2 مھينا ڪورس ڪيائين. ڪوئٽه ۾ 3 مھينا فيلڊ ۾ رهيو. پرائمري استاد به ٿي رهيو! ان کان پوء ذوالفقار علي ڀٽي جي دؤر ۾ بلڙي (بلڙي شاھ ڪريم) شھر ۾ رائيس ملز ۾ اڪائونٽ ڪلارڪ ٿي رهيو. ضياء الحق جي دؤر ۾ جڏهن رائيس ملون، مالڪن کي مليون ته کيس نوڪريء تان هٿ کڻڻا. هو ٽريڪٽرن جو به بھترين مستري ٿي رهيو آھي.
هو فوج ۾ به رهيو. بنگال جي ورهاڱي وقت هو به ڀارت ۾ فوجي قيدي ٿي رهيو. 1977ع بمطابق 24 ذوالحج 1397ھ ۾ سندس سندس والد ميان نياز حسين اڄڻ فقير وفات ڪري ويو. ٽئين ڏينھن هو درگاھ حضرت ميان محمد چنيھ اڄڻ فقير جو ستون سجاده نشين بڻيو.
سنڌ جي صوفين نه صرف عام ماڻهن جي روحاني اصلاح ڪئي آھي پر پنھنجن هٿن سان محنت مزوري ڪري پنھنجي پيٽ گذر لاء روزيء جو وسيلو پيدا ڪيو آھي. شاھ ڪريم، شاھ لطيف، سچل سرمست ۽ ٻين صوفين جي سوانح تي نظر ڦيرائڻ سان خبر پوي ٿي ته هنن محنت کان ڪڏهن به انڪار نه ڪيو آھي. ائين ئي تاريخ مان پروڙ پوي ٿي ته هن درگاھ جي باني ميان محمد چنيھ اڄڻ فقير به پنھنجي ٻنيء ۾ هر هلائي پنھنجي پيٽ جي قوت پيدا ڪئي. سندن وڏن جي نقش قدم تي هلندي پاڻ به محنت ۽ مشقت ۾ يقين رکيائين ۽ ٻين کي به محنت ڪرڻ جي تلقين ڏنائين. سڄي زندگي عام ۽ خاص جي خدمت ڪندي گذاريائين.
سياست عام ماڻهن جي ڀلائيء لاء هوندي آھي. هن به اهو ئي سوچي سياست ۾ پير پاتو. ذوالفقار علي ڀٽي جڏهن پاڪستان پيپلز پارٽيء جو بنياد وڌو ته هو سياسي دؤري تي راڻيپور آيو هو. درگاھ غوٽيه راڻي پور جي ان وقت جي گادي نشين سيد ميران محمد شاھ جي حڪم تي هن به هن پارٽيء ۾ شموليت اختيار ڪئي ۽ ساھ جي آخري تند تائين ڪنھن ٻيء پارٽيء ۾ وڃڻ جو سوچيو به نه. توڙي جي راڻيپور جي سيد سياسي وفاداريون مٽائي مختلف پارٽين ۾ شامل ٿيا پر پاڻ هن پارٽيء سان توڙ نڀايو.
2001ع ۾ پرويز مشرف بلدياتي چونڊن جو اعلان ڪيو. کھڙا شھر واسين، سندس شرافت ۽ نوڙت ڏسي کيس چيو ته جيڪڏهن توهان ناظم جي سيٽ تي بيھندا ته اوهان سان ڪوبه مقابلي ۾ نه بيھندو. پوء ٿيو به ائين جو هو بنا مقابلي جي سڄي ڪابينا سميت کٽي آيو. بنا ڪنھن مخالفت جي پنھنجو 4 سالن جو مدو خير اسلوبيء سان پورو ڪيائين. هن مدي ۾ ڪيترائي ڪم ڪيائين، جن مان هيٺيان اهم ڪم آھن.
کھڙا شھر ۾ هلندڙ ڪمرشل ٽائيپنگ سينٽر کي، ٽيڪنيڪل ڪاليج کھڙا جو درجو ڏياريائين. هن ڪاليج مان کھڙا شھر ۽ آسپاس جا ڪيترائي نوجوان مختلف شعبن ۾ ٽيڪنيڪل ڪورس ڪري رهيا آھن.

2000ع تائين کھڙا هائير سيڪنڊري اسڪول ۾ يارهين ۽ ٻارهين جماعت جا ڪلاس گڏيل تعليم co-education طور هلندا هيا. سندس ڪوششن سان گرلس ڪاليج منظور ٿي. ڪاليج جي عمارت ٺھڻ کان پھرين نياڻين جا ڪلاس گرلس هاء اسڪول ۾ ھلايا. هاڻي سندن ڪلاس گرلس ڪاليج ۾ ھلن ٿا.
غريب آباد کھڙا کان نيشنل هاء وي تائين باء پاس روڊ منظور ڪرايو. کھڙا کان گنبٽ ويندڙ روڊ سان محسن شاھ بخاريء جي درگاھ کان روڊ منظور ڪرايو، جيڪو محسن شاھ بخاريء کان ٿيندوخواجه محلي مان گذري، ابل واھ تي پھچي ٿو. شھر جي مختلف گهٽين ۽ پاڙن ۾ cc بلاڪن جون ڪئي اسڪيمون منظور ڪرايون.
هائير سيڪنڊري اسڪول کھڙاجي نئين عمارت منظور ڪرائي، ان کي مڪمل ڪرايو.
ڳوٺ بھاول الدين آرائينء ۾ شيلٽر بس تحت پرائمري اسڪول جي ٻن ڪمرن تي مشتمل نئين عمارت قائم ڪرايائين.
ڪيترين ئي برادرين جا ٺاھ ڪرايائين ۽ سندن مسئلا حل ڪرايائين.
نور محمد ميتلو، جيڪو ڪيترن ئي سالن کان ٽائون ڪميٽيء مان معطل ٿيل هو، کيس بحال ڪرايائين. هن ڪم لاء مڪمل خرچ پاڻ ڪيائين.
انساني فلاح لاء ميان محمد چنيھ اڄڻ فقير ٽرسٽ نالي سان هڪ ادارو ٺاهڻ گهري پيو، جيڪو پورو نه ٿي سگهيو.
انساني همدردي رکندڙ ۽ امن پرست هي گادي نشين 22 جنوري 2023ع بروز آچر تي اسر ويل هن فاني دنيا کي ڇڏي، حقيقي دنيا ڏي راهي ٿيو.
جيئن ته هيء درگاھ ڀٽ شاھ ۽ درازا شريف جي ٽه مورتي آھي. حسين اتفاق آھي ته هنن ٽنهي درگاهن جي واڳ نوجوان ۽ ترقي پسند سوچ رکندڙ گادي نشينن جي هٿ ۾ آھي. جيڪڏهن هي ٽئي نوجوان ملي ڪري هڪ اهڙو پليٽ فارم جوڙن، جنھن تان انساني ڀلائيء جا ڪم ڪري سگهجن ته هوند سنڌ ڌرتيء تي صوفين جي حقيقي پيغام جي آبياري ٿي سگهي..!

30/03/2026

ميان محمد علي اڄڻ فقير سوئم رح سجاده نشين درگاھ حضرت ميان محمد چنيھ اڄڻ فقير صوفي القادري رح کهڙا....

21/03/2026

21/03/2026

ميان معصوم علي عرف فقير محمد اڄڻ فقير ( موجوده سجادھ گادينشين) حضرت ميان محمد چنيھ اڄڻ فقير رح جي مزار تي عيد نماز بعد حاضري.

08/09/2025

کھڙا شريف درگاھ حضرت ميان محمد چنيھ فقيررح جو 239 عرس مبارڪ ۔

06/09/2025

‏ ♥️آقا ﷺ جي آمد مرحبا 12 ربيع الاول جون خوشيون عيد کان وڌيڪ ملهايو ۽ ضرور ملهایو ڇو ته سڀ عيدون سرڪار ﷺ جي صدقي ۾ مليون آھن.

06/09/2025

‏ ♥️12 ربيع الاول جون خوشيون عيد کان وڌيڪ ملهايو ۽ ضرور ملهایو ڇو ته سڀ عيدون سرڪار ﷺ جي صدقي ۾ مليون آھن.
آقا ﷺ جي آمد مرحبا

01/09/2025

گمبٽ۔۔
کھڙا شريف درگاھ حضرت ميان محمد چنيھ فقيررح جو 239 عرس مبارڪ جون رسمون ٿئي گذريون ۔ درگاھ حضرت ميان محمد چنيھ اڄڻ فقيررح جو عرس مبارڪ جي رسم گلن جي چادر چاڙھي وئي
قرآن خاني ،نعت خوانن نعتيون پڙھيون
مھمان خاص
سائين پير خواجه نظرالحق فاروقي ( درگاھ سچل سرمست )
ميان معصوم علي اڄن فقير (سجاده نشين درگاھ ميان محمد چنيھ رح)
ميان رازق ڏنو اڄڻ
ميان ھشمت علي
ميان ذاڪر حسين
ميان ھشمت علي
ميان رازق ڏنو
ميان ياسر حسين
ميان پير بخش
ميان شڪيل
ميان ياسين
ميان اوشاق علي
ميان آريان علي
ميان اسماعيل علي
ميان شير محمد
ميان حليم الله
ميان سعيد احمد
ميان عابد علي
ميان فيصل احمد
سميت وڏي انگ ۾ شرڪت ڪئي درگاھ جي عرس مبارڪ جي موقعي تي مريدن عقيدمندن شرڪت ڪئي۔