26/08/2026
🌹 عیدِ میلاد النبی ﷺ کی خوشی میں ایک اور مبارک آغاز 🌹
حلقہ دلائل الخیرات شریف، گاؤں رنگلی، تحصیل جنڈ، ضلع اٹک
الحمدللہ! ہمارے حلقہ حیاتِ دلائل الخیرات شریف کے لیے یہ انتہائی خوشی اور سعادت کی بات ہے کہ گاؤں رنگلی، تحصیل جنڈ، ضلع اٹک کے حلقۂ دلائل الخیرات شریف کے بانی محترم ناصر علیم صاحب نے آج دلائل الخیرات شریف کی کتابت کا باقاعدہ آغاز کر دیا ہے۔
انہوں نے ایک ڈائری میں اپنے دستِ مبارک سے پہلے صفحے پر بسم اللہ الرحمن الرحیم اور اپنا نام تحریر فرمایا، اور اس کے بعد دلائل الخیرات شریف کے درود و سلام کی کتابت شروع فرمائی۔
یہ صرف کتابت نہیں، بلکہ محبتِ رسول ﷺ کی ایک عملی صورت ہے۔
زبان سے درود و سلام پڑھنا سعادت ہے، دلائل الخیرات شریف پڑھنا سعادت ہے، اور اپنے ہاتھ سے اس مبارک کتاب کی کتابت کرنا بھی ایک عظیم سعادت ہے۔
خصوصاً عید میلاد النبی ﷺ کے مبارک ایام میں ہمارے تمام حلقہ ہائے دلائل الخیرات شریف کے لیے یہ ایک خوبصورت ترغیب ہے کہ ہم درود و سلام کے ساتھ ساتھ دلائل الخیرات شریف کی کتابت کا بھی اہتمام کریں۔
اللہ تعالیٰ محترم ناصر علیم صاحب کی اس مبارک کاوش کو اپنی بارگاہ میں قبول فرمائے، ان کے قلم میں برکت عطا فرمائے، ان کی لکھی ہوئی ہر سطر کو محبتِ رسول ﷺ کا ذریعہ بنائے اور انہیں دنیا و آخرت کی بے شمار برکتوں سے نوازے۔ آمین بجاہ سید المرسلین ﷺ۔
🌹 اللہ تعالیٰ تمام عاشقانِ رسول ﷺ کو پڑھنے، پڑھانے، لکھنے اور پھیلانے کی توفیق عطا فرمائے۔ آمین 🌹
خادمِ درود و سلام و دلائل الخیرات شریف
