23/04/2026
ہجیرہ ہسپتال ۔
عوامی ایکشن کمیٹی تحصیل ہجیرہ کی جدوجہد بے نتیجہ نہیں رہی۔ ڈیڈ لائن دینے کے بعد انتظامیہ کو ہلنا پڑا اور اب نتائج سامنے آنا شروع ہو گئے ہیں۔ تین میڈیکل افسران نے ہسپتال میں حاضری دے دی ہے، سانپ اور کتے کے کاٹنے کی ویکسین فراہم کر دی گئی ہے، اور فلٹر پلانٹ بھی بحال کر دیا گیا ہے۔یہ کامیابیاں اس بات کا ثبوت ہیں کہ منظم اور پرامن عوامی آواز کبھی بے اثر نہیں رہتی۔ جب عوام متحد ہو کر اپنا حق مانگتے ہیں تو نظام کو جھکنا پڑتا ہے۔تاہم ابھی کام ادھورا ہے۔ ڈیڈ لائن میں 18 دن باقی ہیں اور جب تک ہجیرہ ہسپتال سمیت باقی تمام مسائل مکمل طور پر حل نہیں ہو جاتے، عوامی ایکشن کمیٹی اپنی جدوجہد جاری رکھے گی۔ ہجیرہ کی عوام کا علاج معالجہ کسی کی مہربانی نہیں، ان کا بنیادی حق ہے اور اس حق کے لیے آواز اٹھانا ہماری ذمہ داری ہے۔
عوامی ایکشن کمیٹی تحصیل ہجیرہ۔
