Markazi Jamiat Ahle Hadees KPK

22/08/2026

پریس ریلیز ۔۔۔21.08.26
مردان : مرکزی جمعیت اہلحدیث کے زیر اہتمام پروقار "حجیتِ حدیث اجتماع" کا انعقاد
مردان (نمائندہ خصوصی) : مرکزی جمعیت اہلحدیث ضلع مردان کے زیر اہتمام مسجد انصار، رحمان کالونی، ڈاگے شاہ میں ایک نہایت پروقار اور ایمان افروز "حجیتِ حدیث اجتماع" کا انعقاد کیا گیا۔ اس اجتماع میں علمائے کرام ، طلباء اور اہل علاقہ نے کثیر تعداد میں شرکت کی۔
اجتماع کے خصوصی مہمان الشیخ ابوادریس امین اللہ (حفظہ اللہ) نے اپنے خصوصی خطاب میں کہا کہ فرمانِ مصطفیٰ ﷺ دینِ اسلام کی بنیاد اور ہماری دنیا و آخرت کی فلاح کا واحد راستہ ہے۔ انہوں نے قرآن کے ساتھ ساتھ حدیثِ نبوی ﷺ کی اہمیت اور اس کی شرعی حیثیت کو اجاگر کرتے ہوئے کہا کہ اتباعِ رسول ﷺ کے بغیر ایمان کی تکمیل ممکن نہیں ہے۔ انہوں نے حاضرین پر زور دیا کہ وہ اپنے دلوں کو اتباعِ نبوی ﷺ سے منور کریں اور دین کے فہم کے لیے حدیث کو اساس بنائیں۔
اجتماع کا باقاعدہ آغاز نمازِ مغرب کے فوراً بعد ہوا، جس میں شرکاء نے بڑے ذوق و شوق سے شرکت کی۔ مقررین نے اس بات پر اتفاق کیا کہ ایسے اجتماعات کا انعقاد وقت کی اہم ضرورت ہے تاکہ معاشرے میں صحیح دینی شعور اجاگر کیا جا سکے۔
پروگرام کے اختتام پر مرکزی جمعیت اہلحدیث کے ناظم اعلی حافظ عبید ہوتی و دیگر نے تمام شرکاء اور مہمانوں کا شکریہ ادا کیا ۔ منتظمین کی جانب سے اس عزم کا اعادہ کیا گیا کہ مستقبل میں بھی فلاحِ انسانیت اور دینی بیداری کے لیے اس طرح کی کاوشیں جاری رکھی جائیں گی۔
جاری کردہ : شعبہ نشر و اشاعت
مرکزی جمعیت اہلحدیث، ضلع مردان

21/08/2026

مرکزی جمعیت اہلِ حدیث ضلع پشاور
اراکینِ شوریٰ کا اہم اجلاس
آج بروز جمعہ المبارک، 21 اگست 2026ء کو مرکزی جمعیت اہلِ حدیث ضلع پشاور کے اراکینِ شوریٰ کا اہم اجلاس منعقد ہوا۔
اجلاس کی صدارت شیخ عمر بن عبدالعزیز، ناظمِ اعلیٰ مرکزی جمعیت اہلِ حدیث خیبر پختونخوا، نے کی، جبکہ اجلاس کا اہتمام شیخ حزب اللہ مخبت، امیر مرکزی جمعیت اہلِ حدیث ضلع پشاور، نے کیا۔
اجلاس کے اغراض و مقاصد
شیخ حزب اللہ مخبت نے اجلاس کے اغراض و مقاصد بیان کرتے ہوئے کہا کہ مرکزی جمعیت اہلِ حدیث کا بنیادی مقصد قرآن و سنت کی ترویج و اشاعت، دعوتِ دین کو منظم انداز میں آگے بڑھانا اور جماعتی نظم کو مضبوط و فعال بنانا ہے۔
انہوں نے اتحاد و اتفاق، باہمی تعاون اور نظم و ضبط کی اہمیت پر زور دیتے ہوئے تمام ذمہ داران اور اراکین کو جماعتی نظم کے ساتھ مضبوطی سے منسلک رہنے کی تلقین کی۔
انہوں نے اجلاس میں شرکت کرنے والے تمام اراکین کو خوش آمدید کہا اور ان کی آمد پر شکریہ ادا کرتے ہوئے اس عزم کا اظہار کیا کہ باہمی تعاون اور مشاورت کے ذریعے جماعتی نظم کو مزید مضبوط اور فعال بنایا جائے گا۔
انہوں نے مزید کہا کہ تمام ذمہ داران کے لیے جماعتی نظم و ضبط کی پابندی ضروری ہے اور جماعتی نظم سے وابستہ تمام ساتھیوں کے ساتھ مل کر تنظیمی، دعوتی اور تربیتی سرگرمیوں کو مؤثر انداز میں آگے بڑھایا جائے۔
شیخ طاہر اثری، ناظم مرکزی جمعیت اہلِ حدیث ضلع پشاور، نے اجلاس کے انتظامی امور انجام دیے اور جماعتی نظم کو مزید منظم و مضبوط بنانے پر زور دیا۔ انہوں نے اراکینِ شوریٰ کو بھی باقاعدگی اور ذمہ داری کے ساتھ جماعتی نظم میں اپنا کردار ادا کرنے کی تلقین کی، جبکہ تمام تحصیلوں کے ناظمین کو ہدایت کی گئی کہ وہ اپنی اپنی تحصیلوں میں جماعتی نظم و نسق کو مزید مضبوط اور فعال بنائیں۔
اجلاس میں شوریٰ کے دیگر اراکین نے بھی شرکت کی۔ اس موقع پر شوریٰ کی اہمیت، جماعتی نظم و نسق، باہمی مشاورت اور دعوتِ قرآن و سنت کو منظم و مؤثر انداز میں آگے بڑھانے کے حوالے سے تفصیلی گفتگو کی گئی۔
صدارتی خطاب
شیخ عمر بن عبدالعزیز نے اپنے صدارتی خطاب میں شوریٰ کی اہمیت اور جماعتی نظم و نسق پر خصوصی زور دیتے ہوئے کہا کہ جماعتی امور کو باہمی مشاورت، اتحاد، اتفاق اور نظم و ضبط کے ساتھ چلانا وقت کی اہم ضرورت ہے۔
انہوں نے کہا کہ شوریٰ جماعتی نظام کا اہم اور بنیادی حصہ ہے، اس لیے تمام اراکینِ شوریٰ کو اپنی ذمہ داریوں کا احساس کرتے ہوئے شوریٰ کے اجلاسوں میں باقاعدگی سے شرکت کرنی چاہیے اور باہمی مشاورت سے جماعتی فیصلے کرنے چاہئیں۔
انہوں نے مزید زور دیا کہ ہر تحصیل کی سطح پر جماعتی نظم و نسق کو مضبوط کیا جائے، باقاعدگی سے ماہانہ اجلاس منعقد کیے جائیں اور دعوتِ قرآن و سنت کو منظم، مؤثر اور حکمت کے ساتھ آگے بڑھایا جائے۔
اہم فیصلے
اجلاس میں درج ذیل اہم فیصلے کیے گئے:
شوریٰ کے نظام کو مضبوط اور فعال بنایا جائے گا اور تمام اراکین شوریٰ کے اجلاسوں میں باقاعدگی سے شرکت کریں گے۔
ہر تحصیل کی سطح پر جماعتی نظم و نسق کو بہتر اور مضبوط بنایا جائے گا۔
ہر تحصیل میں ماہانہ اجلاس کا انعقاد لازمی ہوگا۔
تمام ذمہ داران باہمی مشاورت، اتحاد و اتفاق اور نظم و ضبط کے ساتھ جماعتی امور سرانجام دیں گے۔
تمام ذمہ داران جماعتی نظم کے ساتھ مضبوطی سے منسلک رہتے ہوئے تنظیمی نظم و ضبط کی پابندی کریں گے۔
تحصیل کے ناظمین اپنی اپنی تحصیلوں میں جماعتی نظم و نسق کو مزید منظم، مضبوط اور فعال بنائیں گے۔
دعوتِ قرآن و سنت کو منظم، مؤثر اور حکمت کے ساتھ عام کرنے کے لیے تحصیل کی سطح پر دعوتی و تربیتی سرگرمیوں کو فعال کیا جائے گا۔
جماعتی نظم سے وابستہ تمام ساتھی باہمی تعاون کے ساتھ تنظیمی و دعوتی سرگرمیوں کو آگے بڑھائیں گے۔
جماعت کو مزید منظم، متحد اور فعال بنانے کے لیے باقاعدہ منصوبہ بندی کے ساتھ عملی اقدامات کیے جائیں گے۔
اجلاس کے اختتام پر اس عزم کا اظہار کیا گیا کہ مضبوط تنظیم، باہمی اتحاد و اتفاق، شوریٰ و مشاورت، نظم و ضبط اور منظم دعوتِ قرآن و سنت کے ذریعے جماعتی سرگرمیوں کو مزید فعال اور مؤثر بنایا جائے گا۔
آخر میں شیخ محمد رحمتی، ڈپٹی جنرل سیکریٹری مرکزی جمعیت اہلِ حدیث خیبر پختونخوا، کا اجلاس میں تعاون اور شرکت پر خصوصی شکریہ ادا کیا گیا۔ اسی طرح دارالقرآن والحدیث السلفیہ کے تمام اراکین کا بھی اجلاس کے انتظامات اور تعاون پر تہہ دل سے شکریہ ادا کیا گیا۔
شعبۂ نشر و اشاعت
مرکزی جمعیت اہلِ حدیث ضلع پشاور

16/08/2026

مركزي جمعيت اهلحديث ضلع مردان

14/08/2026

د ا ع ش کا نام لے کر اہل حدیث کو دہ ش ت گ ردی سے جوڑنا نا قابل قبول ہے۔ اس بیان کی وضاحت اور اصلاح ہونی چاہیے۔

14/08/2026

امیر محترم سینیٹر ڈاکٹر حافظ عبد الکریم کا تاریخی اقدام
بغیر اجازت دوسری شادی پر خاوند کو پانچ ہزار جرمانہ غیر شرعی قرار۔ قائمہ کمیٹی سینٹ اجلاس کی صدارت کرتے ہوئے ڈاکٹر حافظ عبدالکریم نے فیصلہ سنا دیا ۔۔
اسلام آ باد: اسلامی نظریاتی کونسل اور چیئرمین قائمہ کمیٹی برائے مذہبی امور نے بغیر اجازت دوسری شادی پر خاوند کو 5 ہزار جرمانے کا قانون غیر شرعی قرار دے دیا۔

سینیٹ کی قائمہ کمیٹی برائے مذہبی امور و بین المذاہب ہم آہنگی کا اجلاس سینیٹر حافظ عبد الکریم کی زیرصدارت ہوا۔
چیئرمین اسلامی نظریاتی کونسل ڈاکٹر راغب حسین نعیمی نےفیملی قوانین میں ترامیم پر رائے کے لیے خصوصی شرکت کی۔کمیٹی نے سینیٹر سرمد علی کی جانب سے 19 جنوری 2026ء کو سینیٹ میں پیش کیے گئے نجی ارکان کے بل بعنوان “مسلم فیملی لاز (ترمیمی) بل، 2026ء” پر بھی غور کیا۔
بل میں مطالبہ کیا گیا ہے کہ بغیر اجازت دوسری شادی کرنے پر خاوند کو جرمانہ 5 ہزار روپے سے بڑھا کر 50 ہزار کیا جائے۔
چیئرمین قائمہ کمیٹی مذہبی امور سینیٹر ڈاکٹر عبد الکریم نے بل کی مخالفت کردی اور کہا کہ جب شریعت نے دوسری شادی پر کوئی شرعی پابندی نہیں لگائی تو قانون 5 ہزار جرمانے کی بھی پابندی کیسے لگا سکتا ہے۔
چیئرمین اسلامی نظریاتی کونسل ڈاکٹر راغب حسین نعیمی نے بھی بغیر اجازت دوسری شادی پر خاوند کو پانچ ہزار جرمانہ کی مخالفت کردی۔

13/08/2026

سینیٹ آف پاکستان میں مذہبی امور و بین المذاہب ہم آ ہنگی اسٹینڈنگ کمیٹی کا اجلاس

سینیٹر ڈاکٹر حافظ عبدالکریم حفظہ اللہ کی زیرِ صدارت سینیٹ کی کمیٹی کا اہم اجلاس منعقد ہوا، جس میں وفاقی وزیر مذہبی امور سردار محمد یوسف، سیکرٹری اور وزارت کے حکام نے شرکت کی۔
کمیٹی کے امور متعلقہ معاملات اور اہم نکات پر تفصیلی غور و خوض کیا گیا۔

سینیٹر ڈاکٹر حافظ عبدالکریم حفظہ اللہ نے اجلاس کی صدارت کرتے ہوئے مختلف امور کا جائزہ لیا اور متعلقہ حکام و اراکین سے بریفنگ حاصل کی۔ اجلاس میں زیرِ غور معاملات پر ارکانِ کمیٹی نے اپنی آراء اور تجاویز پیش کیں، جبکہ آئندہ کے لائحۂ عمل کے حوالے سے بھی اہم امور پر گفتگو ہوئی۔

سینیٹر ڈاکٹر حافظ عبدالکریم حفظہ اللہ کی پارلیمانی سرگرمیاں عوامی مسائل کے مؤثر حل اور ملکی مفاد میں قانون سازی کے لیے مسلسل جاری ہیں۔

12/08/2026

10/08/2026

پریس ریلیز 09.08.26

مردان میں ’’حجیتِ حدیث‘‘ کے عنوان سے عظیم الشان اجتماع کا انعقاد

مردان (پریس ریلیز): مرکزی جمعیت اہلحدیث ضلع مردان کے زیرِ اہتمام ’’حجیتِ حدیث‘‘ کے عنوان سے ایک عظیم الشان دینی و علمی اجتماع مسجد محلہ گھڑی خانخیل، نزد چاٹو چوک، ہوتی، مردان میں منعقد ہوا۔ اجتماع میں علماء کرام، دینی و مذہبی شخصیات، مرکزی جمعیت اہلحدیث کے ذمہ داران اور مختلف علاقوں سے تعلق رکھنے والے عوام کی بڑی تعداد نے شرکت کی۔

اجتماع سے شیخ محمد طاہر حفظہ اللہ اور شیخ مفتی حماد حفظہ اللہ نے خصوصی خطاب کیا۔ مقررین نے اپنے خطابات میں قرآنِ کریم کے ساتھ احادیثِ رسول ﷺ کی شرعی حجیت و حیثیت، سنتِ نبوی ﷺ کی اتباع کی اہمیت اور اسلامی احکام و تعلیمات کو سمجھنے میں حدیثِ رسول ﷺ کے بنیادی کردار پر تفصیلی روشنی ڈالی۔

مقررین نے کہا کہ قرآنِ کریم اور سنتِ رسول ﷺ دینِ اسلام کے بنیادی مصادر ہیں اور دونوں کو ایک دوسرے سے جدا نہیں کیا جا سکتا۔ رسول اللہ ﷺ قرآنِ کریم کے شارح، مبین اور عملی نمونہ ہیں۔ نماز، زکوٰۃ، روزہ، حج اور دیگر بہت سے شرعی احکام کی تفصیلات سنتِ رسول ﷺ ہی سے معلوم ہوتی ہیں۔ اس لیے دین کو صحیح طور پر سمجھنے اور اس پر عمل کرنے کے لیے قرآن و حدیث دونوں سے مضبوط تعلق ناگزیر ہے۔

انہوں نے کہا کہ صحابۂ کرام رضی اللہ عنہم سے لے کر ائمۂ حدیث تک امتِ مسلمہ کے محدثین نے احادیثِ رسول ﷺ کی حفاظت، تحقیق، تدوین اور امت تک ان کی صحیح تعلیمات پہنچانے کے لیے بے مثال خدمات انجام دی ہیں۔ امت کے اہلِ علم نے روایتِ حدیث کے ساتھ ساتھ راویوں کے حالات، سند کی تحقیق اور متن کی جانچ کے ایسے اصول مرتب کیے جن کی مثال دنیا کے دیگر علمی ذخائر میں مشکل سے ملتی ہے۔

مقررین نے شرکاء پر زور دیا کہ وہ قرآن و سنت سے اپنا تعلق مضبوط کریں، مستند احادیث کا مطالعہ کریں، نبی کریم ﷺ کی سنتوں کو اپنی زندگی کا حصہ بنائیں اور نئی نسل کو بھی قرآن و حدیث کی صحیح تعلیمات سے روشناس کرائیں۔

اہلحدیث کانفرنس مینارِ پاکستان لاہور میں شرکت کی دعوت

اس موقع پر 15 نومبر 2026ء کو مینارِ پاکستان لاہور میں منعقد ہونے والی اہلحدیث کانفرنس کے حوالے سے بھی شرکاء کو آگاہ کیا گیا اور انہیں کانفرنس میں بھرپور شرکت کی ترغیب دی گئی۔ مقررین اور ذمہ داران نے اس امر پر زور دیا کہ ملک بھر سے اہلِ حدیث علماء، کارکنان اور عوام اس عظیم اجتماع میں زیادہ سے زیادہ تعداد میں شرکت کرکے قرآن و سنت سے اپنی وابستگی کا اظہار کریں۔

اجتماع کے اختتام پر مرکزی جمعیت اہلحدیث ضلع مردان کے ناظم حافظ عبید ہوتی نے تمام علماء کرام، مہمانانِ گرامی، دینی شخصیات، کارکنان اور عوام کا اجتماع میں شرکت کرنے پر شکریہ ادا کیا۔

حافظ عبید ہوتی نے اس عزم کا اظہار کیا کہ مرکزی جمعیت اہلحدیث ضلع مردان قرآن و سنت کی دعوت، توحید و سنت کی ترویج، امتِ مسلمہ کے اتحاد اور دینِ اسلام کی صحیح تعلیمات کو عام کرنے کے لیے اپنی جدوجہد کو مزید منظم اور مؤثر انداز میں جاری رکھے گی۔

انہوں نے کہا کہ ایسے علمی و دعوتی اجتماعات کا مقصد عوام کو قرآن و سنت کی بنیادی تعلیمات سے آگاہ کرنا، ان کے دینی شعور کو بیدار کرنا اور معاشرے میں کتاب و سنت سے وابستگی کو فروغ دینا ہے۔

مرکزی جمعیت اہلحدیث ضلع مردان کے زیرِ اہتمام منعقد ہونے والا یہ اجتماع اپنے علمی موضوع، مؤثر خطابات اور بھرپور عوامی شرکت کے اعتبار سے ایک اہم اور کامیاب دینی پروگرام ثابت ہوا۔
شعبه نشرو اشاعت مركزي جمعيت اهلحديث ضلع مردان

10/08/2026

قائد ملت سلفیہ امیر مرکزی جمعیت اہل حدیث پاکستان
سینیٹر ڈاکٹر حافظ عبد الکریم حفظہ اللہ اور
سینیر نائب امیر مرکزی جمعیت اہل حدیث پاکستان الشیخ ڈاکٹر علی محمد ابو تراب حفظہ اللہ تعالیٰ الحمد اللہ چار روزہ دورے پر کراچی پہنچ گئے
قائدین مرکزیہ صوبہ سندھ و کراچی نے ائیر پورٹ پر قائدین کا استقبال کیا۔

10/08/2026