Shia Rabta Council Dist. Naushahro Feroze

11/11/2025

درگاہ پیر کرارو شاہ:
شیعہ رابطہ کونسل ضلع نوشہرو فیروز کے وفد نے، چیئرمین رابطہ کونسل سید کاظم علی شاہ کی قیادت میں،
سید امتیاز علی شاہ (جنرل سیکریٹری شیعہ رابطہ کونسل ضلع نوشہرو فیروز)،
حبدار لاشاری (جنرل سیکریٹری تعلقہ نوشہرو فیروز) اور
غیبی خون جویو (سینئر رہنما شیعہ رابطہ کونسل) کے ہمراہ
ایکشن کمیٹی درگاہ پیر کرارو شاہ خانواھن کے اراکین — جن میں سید مہر علی شاہ، سید عاشق شاہ اور منور علی کلہوڑو شامل تھے — نے آج، مورخہ 11 نومبر 2025 کو، درگاہ کے مسئلے کے حل کے لیے ایس ایس پی نوشہرو فیروز جناب میر روحل خان کھوسو سے ملاقات کی۔

میٹنگ میں فیصلہ کیا گیا کہ علاقے کے معزز فرد سے فیصلا کراکے اس معاملے کو دو دن کے اندر حل کرایا جائے گا۔ اس فیصلے پر ایکشن کمیٹی کے اراکین نے رضامندی کا اظہار کیا۔

08/11/2025

شیعہ رابطہ کونسل کے وفد کا محرابپور کا دورہ

شیعہ رابطہ کونسل کے ایک نمائندہ وفد نے محرابپور کا دورہ کیا، جہاں انہوں نے محترم میر سبحان ٹالپر سے ملاقات کی۔

وفد میں درج ذیل شخصیات شامل تھیں:
1. سید کاظم علی شاہ — چیئرمین
2. سید امتیاز شاہ بخاری — جنرل سیکریٹری
3. رحمت کھوکھر — چیئرمین تعلقہ نوشہرو فیروز
4. حبدار لاشاری — جنرل سیکریٹری تعلقہ نوشہرو فیروز

میر سبحان ٹالپر صاحب سے ملاقات کے دوران تنظیمی امور پر تفصیلی گفتگو ہوئی اور تعلقہ محرابپور میں تنظیم کو مزید فعال اور منظم کرنے کا فیصلہ کیا گیا۔

شیعہ رابطہ کونسل میر سبحان ٹالپر صاحب کی میزبانی اور تعاون پر دلی طور پر شکر گزار ہے۔
اللہ تعالیٰ کریم میر صاحب کے رزق و روزی میں بے پناہ برکت و وسعت عطا فرمائے — بحق محمد و آلِ محمدؑ۔
آمین یا رب العالمین۔

08/11/2025

شیعہ رابطہ کونسل کے نمائندہ وفد کا خانواھن کا دورہ

شیعہ رابطہ کونسل کے ایک نمائندہ وفد نے خانواھن کا دورہ کیا، جہاں انہوں نے انتظامی کمیٹی کے ارکان کے ساتھ علاقے کے مسائل پر تفصیلی گفتگو کی۔ وفد نے مقامی مسائل کو قریب سے سمجھا، مومنین سے ملاقات کی، درگاہ کرارو شاہ کی زیارت کی اور وہاں درپیش مشکلات کا جائزہ لیا۔

شیعہ رابطہ کونسل کے وفد میں درج ذیل شخصیات شامل تھیں:
1. سید کاظم علی شاہ — چیئرمین
2. سید امتیاز شاہ بخاری — جنرل سیکریٹری
3. رحمت کھوکھر — چیئرمین تعلقہ نوشہرو فیروز
4. حبدار لاشاری — جنرل سیکریٹری تعلقہ نوشہرو فیروز
5. میر سبحان ٹالپر — سینئر رہنما
6. مہران مری — سینئر رہنما

خانواھن کی مومنین کمیٹی کے جن ارکان سے وفد کی ملاقات ہوئی، ان میں شامل ہیں:
1. سید مہر علی شاہ
2. سید عاشق علی شاہ
3. عبدالستار شیخ
4. منور علی کلہوڑو

اس کے علاوہ، درگاہ کرارو شاہ کے سجادہ نشین سید ثابت علی شاہ کے صاحبزادے سید سدا حسین شاہ بھی موجود تھے۔

ان شاءاللہ، ضلعی انتظامیہ سے ملاقات کے بعد ان مسائل کے حل کے لیے عملی اقدامات کیے جائیں گے۔
شھر میں داخلا سے پہلے خانواھن کے مومنین نے رابطہ کائونسل کے وفد کا بھترین استقبال کیا اور ایک ریلی کی صورت میں امام بارگاھ تک پنہچے۔

06/11/2025

شیعہ رابطہ کونسل ضلع نوشہرو فیروز کے ایک اہم وفد نے چیئرمین سید کاظم علی شاہ کی سربراہی میں پیر عبداللہ لاکھو سجادہ نشین دربار عالیہ فیضانِ مصطفیٰ چیھوشریف پڈعیدن، ضلع نوشہرو فیروز سے ملاقات کی

وفد میں درج ذیل اراکین شریک تھے:
1. سید امتیاز حسین شاہ بخاری — جنرل سیکریٹری ضلع نوشہرو فیروز
2. رحمت کھوکھر — چیئرمین تعلقہ نوشہرو فیروز
3. حبدار لاشاری — جنرل سیکریٹری تعلقہ نوشہرو فیروز
4. مولانا سید شفقت حسین شاہ بخاری — سینئر رہنما شیعہ رابطہ کونسل ضلع نوشہرو فیروز
5. مولانا یوسف حسینی — سینئر رہنما
6. سید زاہد رضا بخاری — ٹھارو شاہ
7. کاظم میمن — نوشہرو فیروز
8. ڈاکٹر باقر لاشاری
9. ملازم حسین لاشاری
10. سکندر لغاری مورو
11. امجد لغاری مورو
12. غیبی خان جویو مورو
13. رحمت اللہ سہتو مورو
دیگر اراکین بھی اس موقع پر موجود تھے۔
اس ملاقات میں ضلع بھر میں اتحادِ بین المسلمین کے فروغ کے لیے مشترکہ طور پر کام کرنے پر اتفاق کیا گیا۔ اس کے ساتھ ہی اس نوعیت کی مزید مشترکہ مجالس اور اجتماعات منعقد کرنے کا بھی فیصلہ کیا گیا۔
پیر صاحب نے وفد سے بات کرتے ہوئے فرمایا کہ
“اتحادِ امت اس دور کی سب سے بڑی ضرورت ہے، اور میں اس مقصد کے لیے بھرپور کردار ادا کرنے کے لیے تیار ہوں۔”

01/11/2025

پڈعیدن: شیعہ رابطہ کائونسل تعلقہ نوشھرو فیروز کی جانب سے مظلوم فلسطینیوں کے حق میں ایک کانفرنس
سیرت محسنِ انسانیت و منجی انسانیت
حمایت مظلومینِ جھاں و فلسطین

دولھ حسینی امام بارگاھ پڈیدن میں منعقد ہوئی

جس کو
مولانہ محمد یوسف حسینی
مولانہ سید شفقت حسین بخاری
علامہ ضمیر حسین مولائی
علامہ سید شھنشاھ حسین نقوی
نے خطاب فرمایا

کانفرنس کے اسٹیج سیکریٹری کے فرائض مولانا محمد یاسین کمیلی نے انجام دئے

اس سے پہلے خالد میاں راجپر، رئیس شفیق میاں راجپر، ڈاکٹر عابد راجپر، رئیس شبیر احمد راجپر، رئیس رفیق میاں راجپر، رئیس یشب عرف احمد خان راجپر، رئیس بابر راجپر اور رئیس عبدالرّحمان عرف حاجی راجپر کی دعوت پر علامہ سید شہنشاہ حسین نقوی پڈعیدن تشریف لائے۔
علامہ صاحب کا شاندار انداز میں پھولوں کی بارش کرکے استقبال کیا گیا، اور سندھ کی سوغات اجرک اور لُنگی پہنائی گئی۔

شیعہ رابطہ کونسل ضلع نوشہرو فیروز کے چیئرمین سید کاظم علی شاہ، جنرل سیکریٹری سید امتیاز حسین بخاری، سید ثمر عباس شاہ، سید زاہد علی شاہ، شیعہ علماء کونسل کے مولانا محمد یوسف حسینی، محمد یاسین کمیلی، شیعہ رابطہ کونسل نوشہرو فیروز تعلقہ کے چیئرمین رحمت علی کھوکھر، جنرل سیکریٹری حبدار لاشاری، ڈاکٹر باقر لاشاری، ملازم لاشاری اور دیگر کئی رہنما و شہری مؤمنان شریک تھے۔

امام بارگاہ دولہا حسینی میں منعقدہ کانفرنس اور مجلسِ عزا میں علامہ سید شہنشاہ حسین نقوی نے خصوصی خطاب فرمایا۔

علامہ سید شہنشاہ نقوی نے اپنے خطاب اور بعد ازاں میڈیا کے نمائندوں وقار ابراہیم راجپر، غلام حیدر عرف آکاش، منظور علی واسواڻو اور دیگر سے گفتگو کرتے ہوئے کہا:
“ہم نے ہمیشہ ظالم سے نفرت اور مظلوم سے محبت کی ہے۔ آج فلسطینی مظلوم ہیں اور اسرائیل ظالم ہے جو فلسطینی عوام پر ظلم کر رہا ہے، اس قسم کا ظلم ہم حسینی کسی صورت برداشت نہیں کر سکتے۔ ہم کربلا والوں کے ماننے والے ہیں، ہم کبھی بھی ظالم کا ساتھ نہیں دیتے، ہمیشہ مظلوموں کا ساتھ دیتے ہیں، اور آج بھی اسی پیغام کو دہراتے ہیں۔”

پنڈال میں موجود شرکاء “نعرۂ تکبیر”، “نعرۂ رسالت”، “نعرۂ حیدری” اور “سلام یا حسین” کے نعروں سے فضا کو گونجاتے رہے، جبکہ مظلومِ فلسطین سے ہمدردی اور شھدائے کربلا سے اپنی عقیدت کا اظہار کرتے رہےا

16/09/2025

اڄ جي حديث
امام جعفر صادق عليه السلام فرمايو:
مَا مِنْ عَبْدٍ كَظَمَ غَيْظاً إِلَّا زَادَهُ اللَّهُ عَزَّ وَ جَلَّ عِزّاً فِي الدُّنْيَا وَ الْآخِرَة
ڪو به اھڙو ٻانھون ناھي جيڪو ڪاوڙ تي قابو پائي سواءِ ان جي جو الله سائين دنيا ۽ آخرت ۾ ان جي عزت ۽ مرتبو وڌائي ٿو.

ڪافي، ج 2، ص 110، ح 5.

16/09/2025

اڄ جي حديث
رسول اڪرم صلي الله عليه وآله وسلم جن فرمايو:
الرِّزْقُ أَسْرَعُ إِلَى مَنْ يُطْعِمُ الطَّعَامَ مِنَ السِّكِّينِ فِي السَّنَامِ.
جيڪو شخص ٻين کي کاڌو کارائي ٿو، اٺ جي اڀريل حصي ۾ جيتري تيزي سان ڇُرو داخل ٿئي ٿو ان کان وڌيڪ تيزي سان ڏانھس رزق پھچي ٿو.
الڪافي، ج 4، ص 51

14/09/2025

06/09/2025

عید میلاد النبی مبارک ہو
ہفتۂ وحدت مبارک ہو

آج 12 ربیع الاول کا مبارک دن ہے، جسے ہمارے اہلِ سنت بھائی رسولِ خداؐ، خاتم النبیین، والیِ کوثر، تاجدارِ رسالت، حضرت محمد مصطفیٰ ﷺ کی ولادت کے طور پر مناتے ہیں۔
جبکہ اہلِ تشیع کے نزدیک 17 ربیع الاول یومِ ولادتِ رسولِ خدا ﷺ ہے۔

حضرت آیت اللہ العظمیٰ امام خمینیؒ نے ان دونوں تاریخوں کو جو خوبصورتی سے جوڑا ہے، وہ تاریخ کا ایک سنہرا باب ہے۔ آپؒ نے فرمایا کہ 12 ربیع الاول سے 17 ربیع الاول تک کے ایّام کو “ہفتۂ وحدت” کے طور پر منایا جائے، تاکہ امتِ مسلمہ اتحاد، بھائی چارے اور یکجہتی کا عملی مظاہرہ کرے۔

ہمیں بہت سی دنیوی باتیں یاد ہیں، لیکن حجۃ الوداع کا وہ عظیم پیغام بھلا دیا، جس میں رسول اللہ ﷺ نے فرمایا:

“کیا میں تم پر تمہاری جانوں سے زیادہ حق نہیں رکھتا؟”
صحابہؓ نے عرض کیا: “جی ہاں، یا رسول اللہ ﷺ، آپ کا حق ہے۔”

تو فرمایا:
“مَن کُنتُ مولاہُ فَهذا علیٌّ مولاہُ”

“جس جس کا میں مولا ہوں، اُس اُس کا علیؑ بھی مولا ہے۔”

پھر فرمایا:

“میں تم میں دو گراں قدر چیزیں چھوڑے جا رہا ہوں:
ایک اللہ کی کتاب اور دوسری میری عترت، میرے اہلِ بیتؑ۔
جب تک تم ان دونوں سے وابستہ رہو گے، ہرگز گمراہ نہ ہو گے، یہاں تک کہ حوضِ کوثر پر میرے پاس آ پہنچو۔”

افسوس! ہم نے اس عہد کو فراموش کر دیا، اسی لیے آج امت مسلمہ منتشر اور ذلت کا شکار ہے۔
کبھی غزہ، کبھی کشمیر، کبھی عراق، ایران، افغانستان، لیبیا، لبنان، یمن — پوری دنیا میں مسلمان ظلم، فرقہ واریت اور غلامی کا شکار ہیں۔

آئیے! آج ہم عہدِ وفا کو پھر سے دہرائیں:

“یا رسول اللہ ﷺ! ہم یہ عہد کرتے ہیں کہ آپ ہمیں اپنے مال، تجارت، اولاد، والدین اور اپنی جان سے بھی زیادہ عزیز ہیں۔
جس طرح آپ نے اور آپ کے اہلِ بیتؑ نے دینِ اسلام کی بقا و سربلندی کے لیے سب کچھ قربان کر دیا،
ہم بھی آپ کے دین کی عظمت کے لیے اپنی جان، مال اور ہر شے قربان کرنے کے لیے آمادہ ہیں۔”

04/09/2025

*جب تک مہلت باقی ہےجو کچھ کر سکتےہو، ظہور کی راہ ہموار کرنےمیں لگا دو۔*
جو بھی نیکی یا خدمت تمہارے دل میں آئے، اس زمانۂ فتن میں ظہور سے قبل اسے انجام دو۔
پہلے یہ اندیشہ تھا کہ کہیں ہم دنیا سے رخصت نہ ہو جائیں اور ظہور نہ دیکھ سکیں۔
مگر اب یہ خوف دامن گیر ہےکہ کہیں ہم باقی رہیں اور ظہور ہو چکا ہو!
کیونکہ وہ وقت بھی آئے گا، جب امام زمانہ ع ہم سے سوال کریں گے:
"جب میں تمہارے درمیان زمانہ غیبت میں تھا، تب تم نے کیا کیا؟"
تو سوچیے، ہم کیا جواب دیں گے؟
*آیةاللّٰه محی الدین حائری شیرازی رحمۃ اللّٰه علیہ*

24/08/2025

امام علی رضا علیہ السلام نے فرمایا:

لا یَکُونُ الْمُؤْمِنُ مُؤْمِنًا حَتّی تَکُونَ فیهِ ثَلاثُ خِصال: سُنَّةٌ مِنْ رَبِّهِ. وَ سُنَّةٌ مِنْ نَبِیِّهِ. وَ سُنَّةٌ مِنْ وَلِیِّهِ. فَأَمَّا السُّنَّةُ مِنْ رَبِّهِ فَکِتْمانُ سِرِّهِ. وَ أَمَّا السُّنَّةُ مِنْ نَبِیِّهِ فَمُداراةُ النّاسِ. وَ أَمَّا السُّنَّةُ مِنْ وَلِیِّهِ فَالصَّبْرُ فِی الْبَأْساءِ وَ الضَّرّاءِ.

ایک مومن اُس وقت تک حقیقی مومن نہیں بن سکتا جب تک اُس میں تین خوبیاں نہ ہوں:
اپنے رب کی طرف سے ایک سنت،
اپنے نبی کی طرف سے ایک سنت،
اور اپنے ولی کی طرف سے ایک سنت۔

پس:
اپنے رب کی طرف سے سنت یہ ہے کہ اپنے راز کو چھپائے،
اپنے نبی کی طرف سے سنت یہ ہے کہ لوگوں کے ساتھ مہربانی سے پیش آئے،
اور اپنے ولی کی طرف سے سنت یہ ہے کہ مصیبت اور تکلیف میں صبر کرے۔
(امالی صدوق، جلد 1، صفحہ 339)

امام علی رضا علیہ السلام کے لیے خاص صلوات:

اللَّهُمَّ صَلِّ عَلَى عَلِیِّ بْنِ مُوسَى الرِّضَا الْمُرْتَضَى الْإِمَامِ التَّقِیِّ النَّقِیِ‏ وَ حُجَّتِکَ عَلَى مَنْ فَوْقَ الْأَرْضِ وَ مَنْ تَحْتَ الثَّرَى الصِّدِّیقِ الشَّهِیدِ صَلاَةً کَثِیرَةً تَامَّةً زَاکِیَةً مُتَوَاصِلَةً مُتَوَاتِرَةً‌ مُتَرَادِفَةً کَأَفْضَلِ مَا صَلَّیْتَ‌ عَلَى أَحَدٍ مِنْ أَوْلِیَائِکَ‏.

امام علی رضا علیہ السلام کی شہادت کی مناسبت سے تمام مؤمنین کی خدمت میں تعزیت و تسلیت پیش کرتے ہیں۔
اور ہم سب مل کر امام زمانہ علیہ السلام کی خدمت میں بھی تعزیت و تسلیت عرض کرتے ہیں