07/09/2026
پاکستان کا مستقبل باصلاحیت، باکردار اور محبِ وطن نوجوانوں سے وابستہ ہے۔ایم ایس او
ایم ایس او نوجوانوں میں حب الوطنی، مثبت سوچ، تعلیمی شعور اور قومی ذمہ داری کا احساس اجاگر کرنے کے لیے اپنا کردار ادا کرتی رہے گی۔
مسلم سٹوڈنٹس نارووال کے ضلعی ناظم عبدالباسط نے 6 ستمبر یومِ دفاعِ پاکستان کے موقع پر اپنے پیغام میں کہا ہے کہ یہ دن ہمیں وطنِ عزیز کے دفاع کے لیے اپنی جانوں کا نذرانہ پیش کرنے والے شہداء اور غازیوں کی لازوال قربانیوں کی یاد دلاتا ہے، 6 ستمبر ہماری قومی تاریخ کا وہ روشن باب ہے جب پاکستانی قوم اور افواجِ پاکستان نے اتحاد، عزم اور بہادری کا مظاہرہ کرتے ہوئے ملک کے دفاع کا فریضہ انجام دیا، شہداء اور غازیوں کی قربانیاں پوری قوم کے لیے مشعلِ راہ ہیں۔ ضلعی ناظم نے کہا کہ نوجوان نسل بالخصوص طلبہ کو اپنے قومی ہیروز کی قربانیوں اور ملکی تاریخ سے آگاہ کرنا وقت کی اہم ضرورت ہے،پاکستان کی ترقی، استحکام اور خوشحالی کے لیے نوجوانوں کو تعلیم، کردار، نظم و ضبط اور قومی یکجہتی کو اپنا شعار بنانا ہوگا۔انہوں نےمیڈیا کوجاری بیان میں مزید کہا کہ پاکستان کا مستقبل باصلاحیت، باکردار اور محبِ وطن نوجوانوں سے وابستہ ہے،ایم ایس او پاکستان نوجوانوں میں حب الوطنی، مثبت سوچ، تعلیمی شعور اور قومی ذمہ داری کا احساس اجاگر کرنے کے لیے اپنا کردار ادا کرتی رہے گی۔ ناظم اطلاعات ونشریات نارووال حسن راجپوت نے کہا کہ یومِ دفاع کے موقع پر ہم اپنے شہداء کو خراجِ عقیدت اور غازیوں کو سلام پیش کرتے ہیں اور اس عزم کا اعادہ کرتے ہیں کہ پاکستان کی سلامتی، خودمختاری اور استحکام کے لیے ہر پاکستانی اپنا مثبت کردار ادا کرے گا۔
جاری کردہ:
شعبہ نشرواشاعت
مسلم سٹوڈنٹس آرگنائزیشن نارووال
