01/05/2026
#اظہارِتعزیت
ارسلان کیانی ناظمِ اعلیٰ MSO پاکستان کی سربراہی میں ایم ایس او کے وفد نے دارالعلوم تعلیم القرآن کا دورہ کیا، جہاں نو منتخب مہتمم دارلعلوم تعلیم القرآن مولانا عطاء الحق صاحب اور مولانا اشرف علی صاحب مرحوم کے فرزندان مولانا ولی الرحمن (نائب مہتمم تعلیم القرآن) صاحب اور اکرام الحق صاحب سے تعزیتی ملاقات کی گئی۔
اس موقع پر مولانا اشرف علی صاحبؒ کی علمی، دینی اور تدریسی خدمات کو نہایت عقیدت و احترام کے ساتھ خراجِ تحسین پیش کیا گیا۔ مولانا اشرف علیؒ صاحب نے اپنی پوری حیاتِ مبارکہ علمِ دین کی اشاعت، طلبہ کی تربیت اور معاشرے کی اصلاح کے لیے وقف کیے رکھی۔ ان کی سادہ مزاجی، اخلاص، اور علم دوستی ایک روشن مثال ہے جو ہمیشہ یاد رکھی جائے گی، اور ان کا فیض ان شاء اللہ آنے والی نسلوں تک جاری رہے گا۔
وفد نے مرحوم کے فرزندانِ گرامی اور دیگر اہلِ خانہ سے دلی تعزیت کا اظہار کرتے ہوئے دعا کی کہ اللہ تعالیٰ مرحوم کو جنت الفردوس میں اعلیٰ مقام عطا فرمائے، ان کے درجات بلند فرمائے اور پسماندگان کو صبرِ جمیل عطا فرمائے۔ آمین۔
