Tehreek e Nifaz e Fiqa Jaferia Multan

27/09/2026

السلام عليكم
تحفہ یا علی علیہ السلام مدد

26 ستمبر 2026 بروز ہفتہ 7:30 بجے شب بمقام رہائش گاہ جناب سید حسن نقوی (عطائے سکینہ) علی اسٹریٹ نزد جامعہ صاحب الزمان علیہ السلام میں ایک اہم اجلاس ہوا.

جس میں تحریک نفاذ فقہ جعفریہ ملتان ریجن، مختار فورس اورتمام ذیلی شبعہ جات کے تمام ممبران و عہدیداران نے شرکت
کی.
اس اجلاس میں ظہورِ پرنور
حضرت امام حسن عسکری علیہ السلام اور یومِ الثارات الحسین علیہ السلام کے حوالے جشن عید منایا جا ئے گا اور اسکے علاوہ سیکورٹی و دیگر انتظامات کے حوالے سے بھی کچھ اہم امور پر گفتگو اور تبادلہِ خیال کیا گیا.
نیاز امام حسن عسکری علیہ السلام کا بھرپور انتظام ہوا۔

اجلاس کی صدارت:
صدر تحریک نفاذِ فقہ جعفریہ ملتان ریجن
انجینئر سید محتشم نقی نقوی

جنرل سیکرٹری تحریک نفاذ فقہ جعفریہ ملتان
علامہ سید رضا عباس نقوی

ریجنل کمانڈر مختار فورس ملتان
سید حسن نقوی

21/09/2026

*محبتِ اہلبیتؑ اجر رسالتؐ ہے، اعلیٰ دینی اقدار کے فروغ کیلئے عملی جدوجہد جاری رکھیں گے۔ آغا سید حسین مقدسی*

*10 ربیع الثانی ’یومِ عسکریؑ، ‘ 12 ’یومِ عزا‘ اور 13،14ربیع الثانی ایامِ لِثارات الحسینؑ منائے جائیں گے۔ سربراہ ٹی این ایف جے کا اعلان*

راولپنڈی ( ) سربراہ تحریکِ نفاذِ فقۂ جعفریہ پاکستان علامہ آغا سید حسین مقدسی نے قائدِ ملتِ جعفریہ آغا سید حامد علی شاہ موسوی النجفیؒ کے قائم کردہ فرزندِ رسولؐ امام حسن عسکریؑ کی ولادتِ پُرنور کی مناسبت سے 10 ربیع الثانی ’یومِ عسکریؑ‘، شہادتِ معصومۂ قم فاطمہؑ بنتِ امام موسیٰ کاظمؑ کی موقع پر 12 ربیع الثانی کو ’یومِ عزا‘ اور 13-14 ربیع الثانی کو تاریخ کی سب سے بڑی توہینِ رسالتؐ کے خلاف قیامِ مختارِ آل محمد کی یادگار کو ‘ایامِ لِثارات الحسینؑ‘ کے طور پر منانے کا اعلان کِیا ہے۔ ہیڈکوارٹرز مکتب تشیع علی مسجد سے جاری کردہ ہینڈ آؤٹ کے مطابق علامہ آغا مقدسی نے باور کرایا کہ محبتِ اہلبیتؑ اجر رسالت ہے، مصائب و آلام میں مبتلا امتِ مسلمہ کو تعلیماتِ نبویؐ کی پیروی کرنی ہو گی۔ انہوں نے یہ بات زور دیکر کہی کہ حکمران، سیاستدان اپنے ذاتی و جماعتی مفادات کے خ*ل سے باہر نکل کر قومی و ملکی مفاد کو مقدم رکھتے ہوئے پاکستان کیخلاف ہر اندرونی و بیرونی سازش کو ناکام بنا دیں۔ آغا مقدسی نے اس عہد کا اظہار کِیا کہ تحریکِ نفاذِ فقۂ جعفریہ کے اہدافِ ولاء و عزاء، دینی حقوق کے حصول اور قائدِ ملتِ جعفریہ آغا سید حامد علی شاہ موسویؒ کے نقوش کو اپنے لئے مشعلِ راہ بناتے ہوئے قربانی کے ہر مرحلے میں ہر اول دستے میں شامل ہوں گے۔ علامہ مقدسی نے تمام اسلامیانِ پاکستان سے اپیل کی کہ عالمگیر یومِ عسکریؑ، یومِ عزا اور ایامِ ثاراۃ الحسینؑ کے موقع پر محافلِ میلاد، تہنیتی پروگراموں، مجالسِ عزا، ماتمی جلوسوں، سیمیناروں اور کانفرنسوں کا انعقاد کر کے فلسطین و کشمیر سمیت دنیا بھر کے مظلومین سے اظہارِ ہمدردی، ظلم و بربریت ، دہشتگردی سے نفرت و بیزاری اور عساکرِ پاکستان کیساتھ بھرپور یکجہتی کا اظہار، وطنِ عزیز کے استحکام و ترقی، عالمِ اسلام کی سربلندی کیلئے خصوصی دعائیں مانگیں. در ایں اثناء ان ایام کو منظم و مرتب کرنے کے لیے کمیٹی تشکیل دی گئی جس کا مرکزی کنوینر سینیئر نائب صدر ٹی این ایف جے باوا سید فرزند علی شاہ کاظمی اور سیکرٹری سید ابو ذیشان نقوی کو نامزد کیا گیا۔

19/09/2026

*ایامِ عزائے حسینؑ کے دوران وفات پانے والے جملہ اہلِ ایمان و اسلام عزاداران و شہدائے قوم و عساکر، پولیس و رینجرز کے ایصالِ ثواب و بلندیِ درجات کے لئے ملک گیر یومِ ترحیم کا انعقاد*

*مساجد و امام بارگاہوں میں مجالس، قرآن خوانی و فاتحہ خوانی کی روح پرور تقاریب کا انعقاد، ایامِ عَزاء کی حرمت اجاگر کرنا عظیم سنگِ میل قرار*

*سربراہ تحریکِ نفاذِ فقہِ جعفریہ علامہ آغا حسین مقدسی و سیکریٹری جنرل علامہ بشارت حسین امامی کے مرکزی اجتماعات سے خطابات، ایامِ عزاء کے تقدس کو اجاگر کرنے پر اہلِ ولاء وعزاء کو سپاسِ تحسین*

*تحفظِ عقیدہ و وطن کے لئے عزمِ کربلائی کے ساتھ ایستادہ ہیں، جادۂ حسینیتؑ صیہونیت کی نابودی کا واحد علاج ہے، علامہ آغا حسین مقدسی*

*حرمین شریفین طاغوت و یزیدِ وقت کے نشانے پر ہیں، وطنِ عزیز ازلی دشمن، شیاطینِ ثلاثہ اور دہشت گردی کا ٹارگٹ ہے، کوہاٹ حملہ گھناؤنے منصوبوں کا ایمرجنسی الارم ہے، علامہ حسین مقدسی*

*عزاداریِ حسینؑ کی حرمت کو اجاگر کرنا مقدس توشۂ آخرت ہے، حکومت دہشت گردوں کو ایکشن پلان کی آہنی نکیل ڈالے، سیکریٹری جنرل ٹی این ایف جے علامہ بشارت حسین امامی*

*پولیس لائنز کوہاٹ سمیت دہشت گردی کے سانحات کی مذمت، ازلی دشمن کے فتنوں کا نتیجہ قرار، ایکشن پلان سے فتنہ بازوں کے عزائم خاک میں ملائے جائیں۔ یومِ ترحیم قراردادیں*

*پاکستان سعودی عرب اور یمن کے مابین جنگ بندی کرائے، حجاز مقدس کو جنگی شعلوں سے بچایا جائے۔ سعودی عرب و یمن جنگی محاذ صیہونی سازش ہے، یومِ ترحیم قراردادیں*

*اقوامِ متحدہ خاموشی توڑے، باب المندب اور آبنائے ہرمز کھلوائے، جارح کو انجام تک پہنچائے، جنگوں کا خاتمہ کیا جائے۔ یومِ ترحیم قراردادیں*

*حکومت مرکزیت کو مضبوط، آئین کو محفوظ، اور جمہوریت کے ثمرات عوام تک منتقل کرے، پیٹرولیم لیوی کے تازیانے برسانا بند کیے جائیں، قرارداد*

*کراچی، لاہور، پشاور، کوئٹہ، اسلام آباد، گلگت بلتستان، آزاد کشمیر میں ملک گیر یومِ ترحیم کی مناسبت سے عظیم الشان اجتماعات کا انعقاد، شہدائے قوم و ملک کے لئے رقت آمیز دعائیں اور فاتحہ خوانی*
۔
راولپنڈی ( ) قائدِ ملتِ جعفریہ آغا سید حامد علی شاہ موسویؒ کا قائم کردہ یومِ ترحیم بسلسلہ ایصالِ ثواب مرحومین مومنین و مومنات، عزادارانِ حسینؑ محبانِ اہلِ بیتؑ اور ارضِ وطن پر جان نچھاور کرنے والے شہداء اور دنیا سے سفر کرنے والے جملہ اہلِ اسلام کی بلندیِ درجات کے لیے قومی و ایمانی جذبے کے ساتھ منایا گیا۔ اس موقع پر جامع مساجد، امام بارگاہوں، دینی مدارس سمیت اسلامک سینٹرز اور مختلف مقامات پر مجالسِ تراحیم، فاتحہ خوانی اور دعائیہ تقاریب کا انعقاد کیا گیا اور مرحومین و شہدائے ملک و ملت کے لئے خصوصی دعائیں کی گئیں۔ یومِ ترحیم کا مرکزی اجتماع جامع مسجدِ اہلِ بیتؑ گدوال واہ کینٹ میں منعقد ہوا جس سے خطاب کرتے ہوئے سربراہ تحریکِ نفاذِ فقہِ جعفریہ پاکستان علامہ آغا سید حسین مقدسی نے کہا ہے کہ تحفظِ عقیدہ و وطن کے لئے عزمِ کربلائی و ثباتِ ایمانی کے ساتھ ایستادہ ہیں، جادۂ حسینیتؑ صیہونیت و استعماریت کی نابودی کا واحد علاج ہے، حرمین شریفین طاغوت و یزیدِ وقت کے نشانے پر ہیں، پاکستان کی جوہری صلاحیت مکہ و مدینہ اور نجف و کربلا کے تحفظ کا قابلِ فخرحصار ہے۔ علامہ مقدسی نے کہا کہ وطنِ عزیز ازلی دشمن اور شیاطینِ ثلاثہ کی دہشت گردی کا ٹارگٹ ہے، کوہاٹ میں پولیس لائنز پر حملہ گھناؤنے منصوبوں کا ایمرجنسی الارم ہے، قوم ازلی دشمن کے سپانسرڈ فتنوں کے خلاف متحد ہو جائے۔ آغا مقدسی نے کہا کہ تحفظِ ولاء و عزاء، رہنما اصولوں اور بنیادی حقوق کے لئے جدوجہد جاری رکھیں گے۔ جامعہ مسجد قصرِ خدیجۃ الکبریٰؑ ترلائی کلاں دارالحکومت اسلام آباد میں مرکزی اجتماع سے سیکریٹری جنرل تحریکِ نفاذِ فقہِ جعفریہ حجۃ الاسلام علامہ بشارت حسین امامی نے خطاب کیا، انہوں نے کہا کہ عزاداریِ سید الشہداؑء کی عزت و حرمت کو اجاگر کرنا اجرِ عظیم کا باعث ہے جو جملہ امواتِ مومنین و شہدائے ولاء و عزاء کے لئے مقدس توشۂ آخرت ہے۔ علامہ بشارت امامی نے کہا کہ آقائے موسوی علیہ الرحمہ کی پالیسی فلسفۂ مودت سے لبریز درسِ عمل ہے۔ انہوں نے کہا کہ حکومت دہشت گردوں کو ایکشن پلان کی آہنی نکیل ڈالے، بے گناہوں کے جان و مال کی حفاظت یقینی بنایا جائے۔ جامع مسجد قصرِ ابوطالبؑ مغل آباد راولپنڈی میں نمازِ جمعہ کی امامت علامہ سید محسن علی ہمدانی کی اقتداء میں ہوئی جبکہ چیئرمین مختار فورس والنٹیئرز چوہدری مشتاق حسین نے خطاب میں یومِ ترحیم کی قرارداد کو منظور کرایا، انہوں نے کہا کہ ایامِ عزاء کی حرمت کو مقدم رکھ کر شیعیانِ حیدرِ کرارؑ نے دنیا کو عقیدت و مودت کے معانی سے آشکار کیا۔ چوہدری مشتاق حسین نے کہا کہ علامہ مقدسی نقش ہائے موسویؒ کو مشعلِ راہ بنا کر مشنِ مقدس کو تقویت دے رہے، جامع مسجد امام موسیٰ کاظمؑ بی-سیونٹین میں ریجنل صدر ٹی این ایف جے علامہ سید شبیہ الحسن کاظمی، جامع مسجد دربار شاہ چن چراغؒ راولپنڈی میں علامہ سید محسن علی نقوی نے خطاب جبکہ حسین رئیس رضوی قرارداد پیش کی۔ باب العلم ایجوکیشنل کمپلیکس میں علامہ انوار کاظم نے خطاب و فاتحہ خوانی کی۔ ٹی این ایف جے یومِ ترحیم کمیٹی صوبہ سندھ کے زیرِ اہتمام عزاء خانہ زہراؑ شاہِؑ خراسان کراچی میں مجلسِ ترحیم سے علامہ سید محمد علی زیدی آلِ قاسم نے خطاب جبکہ ذاکر نصیر الحسن کھوکھر، گوہر جارچوی نے سلام پیش کیا شہر کی ماتمی سنگتوں نے نوحہ خوانی کی۔ عزاء خانہ زہراء پانڈو اسٹریٹ کرشن نگر میں مجلس ترحیم سے علامہ عمران نقوی، ذوالفقار حیدر نقوی نے خطاب کیا۔ جعفری ہاوس ہزارہ ٹاون کوئٹہ میں ٹی این ایف جے یومِ ترحیم کمیٹی کے زیرِ اہتمام مجلسِ ترحیم سے سردار طارق جعفری اور دیگر مقررین نے خطاب کیا اور فاتحہ خوانی کی۔ امام بارگاہ ماسٹر غلام حیدر پشاور میں ریجنل یومِ ترحیم کمیٹی کی جانب سے قرآن خوانی کا انعقاد کیا گیا اور میر علی عارف نے خطاب کیا اور نوحہ خوانی و پرسہ داری کی گئی۔ مرکزی امام بارگاہ امامیہ کالونی باغ آزاد کشمیر میں یومِ ترحیم کمیٹی کی جانب سے مجلس سے صوبائی صدر سید ساجد کاظمی، علامہ عمران سبزواری نے خطاب کیا اور فاتحہ خوانی کی گئی، غفاری ہاوس گلگت میں مجلس ترحیم سے علامہ پروفیسر ثمر الحسن غفاری نے خطاب کیا۔ ملک بھر میں یومِ ترحیم کے اجتماعات سے خطابات میں مقررین نے ہیڈکوارٹر مکتبِ تشیُع کی جانب سے ایامِ عزاء کے تقدس کو اجاگر کرنے کو عظیم نظریاتی سنگِ میل قرار دیا۔ دریں اثناء ملک گیر یومِ ترحیم پر شہدائے ملتِ جعفریہ، امواتِ مومنین و شہدائے عساکرِ پاکستان کے درجات کی بلندی کی دعائیں اور فاتحہ خوانی کی گئی۔ اس موقع پر اجتماعات منظور کردہ قراردادوں میں اس امر کا عہد و پیمان کیا گیا کہ ایامِ عزائے حسینؑ ابنِ علیؑ کی روحانیت و معنویت کو نقش ہائے آقائے موسویؒ کی پیروی کرتے ہوئے اجاگر کرنا جاری رکھیں گے۔ قراردادوں میں ملک میں جاری دہشتگردی بشمول پولیس لائنز کوہاٹ، بلوچستان سمیت مختلف شہروں میں سانحات کی مذمت کی گئی اور انہیں استعماری ازلی دشمن کے فتنوں کا نتیجہ قرار دیا اور مطالبہ کیا کہ نیشنل ایکشن پلان پر عمل کر کے فتنہ بازوں کے ناپاک عزائم خاک میں ملا دیے جائیں۔ ایک قرارداد میں مطالبہ کیا گیا کہ پاکستان امریکا ایران جنگ کی طرز پر سعودی عرب اور یمن کے مابین جنگ بندی کی کوشش کرے اور حجاز مقدس کو آگ کے بڑھتے شعلوں سے بچایا جائے۔ قرارداد میں واضح کیا گیا کہ سعودی عرب و یمن کے درمیان جنگی محاذ صیہونی و استعماری سازش کا شاخسانہ ہے۔ ایک اور قرارداد میں باور کرایا گیا کہ زخم خوردہ استعمار ایک ایک کر کے مسلم ممالک کو نشانہ اور نوالہ بنا رہا ہے، اہلِ اسلام ایک ملت بن کر جرأت و بہادری سے لات و منات کے پیروکاروں اور بچھڑے کے پجاریوں کو ناکام کریں۔ ایک اور قرارداد میں اقوامِ متحدہ سے مطالبہ کیا گیا کہ اپنی مجرمانہ خاموشی توڑے اور باب المندب اور آبنائے ہرمز پر از خود نوٹس لے کر جارح کو اس کے انجام تک پہنچائے، انسانی ہمدردی کے تحت گزرگاہوں کو کھولا جائے اور ناکہ بندی و جنگوں کا خاتمہ کیا جائے۔ ایک اور قرارداد میں حکومتِ پاکستان سے مطالبہ کیا گیا کہ مرکزیت کو مضبوط، آئین کو محفوظ بنایا جائے، اور جمہوری نظام کے ثمرات عوام تک منتقل کیے جائیں، عوام پر پیٹرولیم لیوی کے تازیانے برسانا بند کیے جائیں، قرارداد میں یہ بھی مطالبہ کیا گیا کہ اہلِ اقتدار سسٹم کی ناکامی کے اعترافات اور کاسمیٹکس اقدامات و زبانی جمع خرچ ترک کریں، اپنے وعدوں کا پاس کرتے ہوئے بحرانوں پر قابو پائیں۔ ایک اور قرارداد میں آج اس عہد کا اظہار کیا گیا کہ پاکیزہ مشنِ محمدؐ و آلِؑ محمدؐ کو جاری و ساری رکھتے ہوئے ایامِ عزائے حسینؑ ابنِ علیؑ کی عزت و حرمت کی پالیسی کو آنے والی نسلوں تک امانت و دیانت کے ساتھ ابلاغ کیا جائے گا۔ شیعہ جامع مسجد ہردوگہر میں ٹی این ایف جے فیڈرل کیپٹل علامہ رفاقت نقوی، امام بارگاہ قصر المنتظَرؑ ڈی ایچ اے اسلام آباد میں علامہ فصاحت گردیزی، مرکزِ تشیُع ٹی این ایف جے علیؑ مسجد راولپنڈی میں خطیبِ مسجد علامہ سید وقار حسین نقوی، مسجد اثناء عشری گریسی لائن چکلالہ میں علامہ سید تحسین نقوی، مسجد شاہِؑ نجف ٹائر بازار راولپنڈی میں مولانا اجلال حیدر الحیدری، امام بارگاہ قصرِ شبیرؑ میں مولانا زاہد مجلسی اور جڑواں شہروں کی درجنوں مساجد و امام بارگاہوں میں یومِ ترحیم کی مناسبت سے اجتماعات اور دعائیہ تقاریب کا انعقاد کیا گیا اور جملہ مرحومین و شہدائے قوم و ملت کے درجات کی بلندی اور پسماندگان کے لئے صبرِ جمیل کی دعائیں کی گئیں۔

11/09/2026

*کابل میں دو عشروں سے علم کی روشنی پھیلانے والے حوزہ علمیہ پر حکومتی پابندی اسلام دشمنی ہے۔علامہ مقدسی*

*افغان حکومت بین المکاتب رواداری کو یقینی بنائے، مدرسہ خاتم النبیین پر پابندی ختم کی جائے، آقائے مقدسی*

*پاکستان امریکا ایران کی طرز پر یمن و سعودی عرب میں بھی جنگ بندی کی کوشش کرے، علامہ مقدسی*

*سعودی ولی عہد محمد بن سلمان کاشیعہ مسلمان فہد بن عبدالجلیل السیف کی کابینہ میں شمولیت کا فیصلہ خوش آئند ہے۔ آقائے حسین مقدسی*

راولپنڈی ( ) سربراہ تحریک نفاذ فقہ جعفریہ پاکستان علامہ آغا سید حسین مقدسی نے کہا ہے کہ مشرقِ وسطیٰ میں جنگ وجدل اور آگ کے بھڑکتے شعلوں کے تانے بانے صیہونی گماشتوں نے بُنے ہیں، برطانیہ کا اسرائیلی ہتھیاروں اور دفاعی برآمدات پر پابندی کا فیصلہ دیر آید درست آید کے مصداق ہے، مسلم ممالک اسرائیل برطانوی پابندی سے سبق سیکھیں اور اپنی سرحدیں صیہونی برآمدات کے لئے بند کر دیں۔ پاکستان امریکا ایران کی طرز پر یمن و سعودی عرب میں بھی جنگ بندی کی کوشش کرے، افغان حکومت بین المکاتب رواداری کو یقینی بنائے، مدرسہ خاتم النبیین پر پابندی ختم کی جائے، ان خیالات کا اظہار انہوں نے مرکزی ایام الحزن کمیٹی کے اراکین اور ٹی این ایف جے کے ذیلی شعبہ جات کے وفود سے الگ الگ ملاقات میں کیا، علامہ مقدسی نے کہا کہ کابل میں دو عشروں سے علم کی روشنی پھیلانے والے حوزہ علمیہ پر حکومتی پابندی علم اور اسلام دشمنی ہے۔ خاتم النبیین مدرسہ کمپلیکس دینی، دنیوی، جدید علوم کا مرکز ہے، جہاں سنی و شیعہ طلاب اپنے اپنے مسالک کی تعلیم حاصل کرتے ہیں۔ انہوں نے کہا کہ مدرسہ خاتم النبیین کی تیس ہزار گنجائش کی جامع مسجد میں شیعہ سنی مشترکہ طور پر عبادات بجا لاتے ہیں جو مکتبی ہم آہنگی کا مثالی نمونہ ہے۔ آقائے حسین مقدسی نے کہا کہ مدرسہ خاتم النبیین ہی میں جدید علوم، میڈیکل کالج، لاء کالج، کالج آف اکنامکس سمیت لائبریری، سکول ہاسٹل اور ہسپتال بھی انسانیت کی خدمت کر رہا ہے۔ انہوں نے آیت اللہ شیخ آصف محسنی مرحوم اور ان کے فرزند علامہ حسن محسنی کی علمی کاوشوں کو سراہا۔ سربراہ تحریک نفاذ فقہ جعفریہ نے سعودی ولی عہد محمد بن سلمان کی جانب سعودی عرب کے معروف شیعہ ماہر معاشیات فہد بن عبدالجلیل السیف کی سعودی کابینہ میں شمولیت کے فیصلے کو اعلیٰ ظرفی سے تعبیر کیا اور خوش آئند قرار دیا ہے۔ انہوں نے کہا کہ سعودی کابینہ میں شیعہ ماہرِ اقتصادیات کی شمولیت سے مسلکی تعصبات کی نفی ہوگی اور باہمی اخوت میں اضافہ ہو گا۔ وفود سے گفتگو کرتے ہوئے علامہ مقدسی نے کہا کہ حکومت غربت و مہنگائی میں پسے ہوئے اہلیان وطن کی اشک شوئی کرے اور پیٹرول بم گرا گرا عوام کے زخموں پر نمک پاشی نہ کریں۔ جائے۔ علامہ مقدسی نے یوم الحزن کمیٹی اور تحریک نفاذ فقہ جعفریہ پاکستان کے ذیلی شعبہ جات کی خدمات کوسراہا اور فعالیت بڑھانے کی ضرورت پر زور دیا۔

10/09/2026

*ملک کی پے در پے تقسیم مرکزیت کو کمزور کرنے کے مترادف ہے، جلد بازی نہ کی جائے۔ سربراہ تحریک نفاذ فقہ جعفریہ علامہ حسین مقدسی*

*وصال عمِ مصطفیٰ ﷺ پر ایام الحزن کی مجالس و جلوسوں کا انعقاد، شبیہ تابوت برآمد نوحہ خوانی و ماتم داری۔*

*حضرت ابوطالب علیہ السلام کا سایۂ عاطفت از روئے قرآن اللہ کی پناہ قرار دی گئی ہے ۔*

*شانِ ابوطالب میں گستاخی توہینِ رسالت ہے، شاتمانِ ابوطالب کو دہشتگرد قرار دیا جائے۔*

*حکومت ملک کو مسائل کے گرداب سے نکالے، کرپشن، منہگائی بیروزگاری کا خاتمہ کرے۔*

*بلوچستان سمیت ملک بھر میں دہشتگردوں کے خلاف پاک فوج کی کامیابی کیلئے فرزند رسول امام علی زین العابدین ؑ کی دعائے اہل الثغور تلاوت کی جائے۔*

*مکہ دفاعی معاہدہ کو وسعت دیکر تمام مسلم ممالک کو شامل کیا جائے، ہر قسم کی عصبیت کو ناکام کیا جائے۔*

*سعودیہ یمن سمیت مسلم ممالک کی آپسی جنگوں کا فائدہ صرف عالمی استعمار کو ہے،*

*ہیڈکوارٹر علی مسجد عزاداری امام حسین کے تحفظ کا علمبردار ہے، پرچم لثارات الحسین سربلند رہے گا۔*

*ضیائی مارشل لاء کے عزاداری مخالف اقدام کو تحریک نفاذ فقہ جعفریہ اور قائد ملت جعفریہ آغا سید حامد علی شاہ موسوی نے ناکام بنایا*

*پنجاب حکومت کو ہوم ڈیپارٹمنٹ کے عزاداری مخالف ایس او پیز کے بارے اصولی موقف پہنچا دیا ہے، مثبت اقدامات کے منتظر ہیں۔*

*تمام قوتیں یاد رکھیں کہ عزائے حسین ابن علی پر کسی رکاوٹ کو برداشت نہیں کیا جائے گا*

*ایران امریکہ جنگ بندی میں پاکستان کا کردار امن کے قیام کے لیے تھا جسے دنیا بھر میں سراہا گیا۔*

*افغانستان سے پاکستان میں دہشتگردی کی مسلسل سہولتکاری بدترین احسان فراموشی ہے۔*

*اربابِ اقتدار و اختیار ذواتِ مقدسہ حضرت ابوطالب علیہ السلام و اجدادِ رسولِ کریم ﷺ کی عزت و حرمت کو یقینی بنائیں۔*

*سربراہ تحریک نفاذ فقہ جعفریہ علامہ حسین مقدسی کا عالمگیر یوم الحزن کے موقع پر میڈیا کے نمائندوں سے خطاب۔*

راولپنڈی ( ) وصالِ عمِ مصطفیٰ، مربی رسول والدِ امیر المومنین حضرت ابوطالب علیہ السلام کی مناسبت سے قائد ملت جعفریہ آغا سید حامد علی شاہ موسوی کے قائم کردہ عالمگیر ایام الحزن کے موقع پر تحریک نفاذ فقہ جعفریہ پاکستان کے زیر اہتمام ملک بھر میں عظیم الشان مجالس عزاء اور تابوت حضرت ابو طالب علیہ السلام کے جلوس برآمد ہوئے۔ راولپنڈی میں مرکزی جلوس شبیہ تابوت امام بارگاہ زین العابدین سیٹلائٹ ٹاؤن سے برآمد ہوا جو ہیڈکوارٹر مکتب تشیع علی مسجد میں اختتام پذیر ہوا۔ اس موقع پر سربراہ تحریک نفاذ فقہ جعفریہ پاکستان علامہ آغا سید حسین مقدسی نے عالمی و قومی امور پر اپنا موقف پیش کیا اور صحافیوں کے سوالات کے جوابات دیے۔ علامہ آغا سید حسین مقدسی نے ملک میں نئے صوبوں کی جاری بحث سے متعلق ایک سوال کا جواب دیتے ہوئے کہا کہ ملک کی پے در پے تقسیم مرکزیت کو کمزور کرنے کے مترادف ہے، جلد بازی نہ کی جائے۔ انہوں نے کہا کہ حکومت ملک کو مسائل کے گرداب سے نکالے، کرپشن، منہگائی بیروزگاری کا خاتمہ کرے اور نئے پنڈورا باکس نہ کھولے۔ آغا مقدسی نے واضح کیا کہ نگہبان رسالت حضرت ابوطالب علیہ السلام کے سایۂ عاطفت کو از روئے قرآن اللہ کی پناہ قرار دیا گیا ہے گئی ہے جس کی گواہی سورہ والضحیٰ دے رہی ہے۔ انہوں نے کہا کہ شانِ ابوطالب میں گستاخی توہینِ رسالت ہے، مربی رسول کی شان میں ہرزہ سراء شاتمانِ ابوطالب کو دہشتگرد قرار دیا جائے۔ ایک سوال کے جواب میں انہوں نے کہا کہ مکہ دفاعی معاہدہ کو وسعت دیکر تمام مسلم ممالک کو شامل کیا جائےاور عرب و عجم سمیت ہر قسم کی عصبیت کو ناکام کیا جائے۔علامہ مقدسی نے کہا کہ سعودیہ یمن سمیت مسلم ممالک کی آپسی جنگوں کا فائدہ صرف عالمی استعمار کو ہے لہذا ملتِ واحدہ کے تصور کو عملی جامہ پہنایا جائے۔ انہوں نے کہا کہ ایران امریکہ جنگ بندی میں پاکستان کا کردار امن کے قیام کے لیے تھا جسے دنیا بھر میں سراہا گیا۔ ایک سوال کے جواب میں علامہ مقدسی نے کہا کہ افغانستان سے پاکستان میں دہشتگردی کی مسلسل سہولتکاری بدترین احسان فراموشی ہے۔انہوں نے کہا کہ بلوچستان سمیت ملک بھر میں دہشتگردوں کے خلاف پاک فوج کی کامیابی کیلئے فرزند رسول امام علی زین العابدین (ع) کی دعائے اہل الثغور تلاوت کی جائے۔ عزاداری سے متعلق ایک سوال کے جواب میں آغا مقدسی نے باور کرایا کہ ہیڈکوارٹر علی مسجد عزاداری امام حسین کے تحفظ کا علمبردار ہے، پرچم لثارات الحسین سربلند رہے گا۔ ضیائی مارشل لاء کے عزاداری مخالف اقدام کو تحریک نفاذ فقہ جعفریہ اور قائد ملت جعفریہ آغا سید حامد علی شاہ موسوی نے ناکام بنایا۔ پنجاب حکومت کے ایس او پیز سے متعلق سوال پر علامہ مقدسی نے کہا کہ پنجاب حکومت کو ہوم ڈیپارٹمنٹ کے عزاداری مخالف ایس او پیز کے بارے اصولی موقف پہنچا دیا ہے، مثبت اقدامات کے منتظر ہیں۔ انہوں نے باور کرایا کہ تمام قوتیں یاد رکھیں کہ عزائے حسین ابن علی پر کسی رکاوٹ کو برداشت نہیں کیا جائے گا۔ سربراہ ٹی این ایف جے نے کہا کہ اربابِ اقتدار و اختیار اہلِ بیت، ذواتِ مقدسہ وحضرت ابوطالب علیہ السلام و اجدادِ رسولِ کریم ﷺ کی عزت و حرمت کو یقینی بنائیں۔ ایام الحزن کی مجلس عزاء سے علامہ سید قمر حیدر زیدی،زاکر مطیع الحسنین،مولانا وقار نقوی،مولانا اجلال حیدری،ذاکر زین عباس بخاری اور دیگر مقررین نے خطاب کیا جبکہ سید کوثر زیدی نے تلاوتِ حدیث کساء کی۔مجلسِ شبیہ تابوت میں رقت آمیز مصائب بیان کیے گئے اور زبردست ماتم و نوحہ خوانی کی گئی۔ جلوس تابوت میں حیدری ماتمی دایرہ اور دیگر ماتمی دستوں نے سینہ زنی کی۔

08/09/2026

29/08/2026

*عید میلادالنبیؐ کے مبارک موقع پر عالمگیر ہفتۂ وحدت و اخوت کا آغاز*
*ملک بھر میں ٹی این ایف جے، ہفتہ وحدت و اخوت کمیٹیوں کی عید میلاد النبی کے مرکزی جلوسوں میں بھرپور شرکت*

*سنی شیعہ بھائیوں کو دنیا کی کوئی طاقت جدا نہیں کر سکتی، مرکزی جلوس میلاد النبیؐ میں علامہ قمر زیدی، علامہ شبیہہ کاظمی کا شرکائے جلوس سے خطاب*

*عالمگیر ہفتۂ وحدت و اخوت کے پروگرام 18 ربیع الاول تک جاری رہیں گے۔*

راولپنڈی ( ) سربراہ تحریکِ نفاذِ فقہِ جعفریہ علامہ سید حسین مقدسی کے اعلان کے مطابق قائدِ ملتِ جعفریہ آغا سید حامد علی شاہ موسویؒ کے قائم کردہ عالمگیر ہفتۂ وحدت و اخوت کے آغاز پر بدھ 12 ربیع الاول کو ملک بھر میں عید میلادالنبیؐ کا آغاز ہو گیا۔ اس موقع پر ملک بھر میں جلوس نکالے گئے اور محافلِ میلاد، کانفرنسوں اور سیمیناروں کا اہتمام کیا گیا۔ راولپنڈی میں ٹی این ایف جے کے ریجنل صدر علامہ سید شبیہہ الحسن کاظمی، مرکزی کنوینیئر ہفتۂ وحدت و اخوت کمیٹی ڈاکٹر عون عباس کاظمی، مرکزی سیکرٹری ہفتہ وحدت و اخوت کمیٹی پروفیسر سید ثمر الحسن نقوی، مرکزی سیکرٹری اطلاعات علامہ سید قمر حیدر زیدی، سپیکر سید بوعلی مہدی، مرکزی سیکرٹری رفاہِ عامہ مخدوم سید طفیل سبزواری، چیئرمین مختار فورس چوہدری مشتاق حسین، مرکزی آفس سیکرٹری ٹی این ایف جے ایم ایچ جعفری، مرکزی سیکرٹری حج و زیارات حافظ سید کرار کاظمی، جوائنٹ سیکریٹری صوبہ پنجاب سید جابر نقوی، سیکرٹری عزاداری تحریک صوبہ پنجاب سید ذیشان کاظمی شانی شاہ، ڈپٹی کنوینیئر ملک شان علی جعفری، عدنان بخاری صدر راولپنڈی سٹی، جنرل سیکرٹری تحریک ضلع راولپنڈی ذاکر سید مطیع الحسنین کاظمی، رابطہ سیکرٹری تحریک ضلع راولپنڈی سید قلب عباس ہمدانی، علامہ سید تنویر شیرازی، صدر تحریک چکلالہ کینٹ علامہ سید تحسین نقوی، علامہ سید وقار نقوی، علامہ عباس نقوی، پیر سید سخی شجاع حسین بخاری بادشاہ آف چکوال، اعتبار بخاری سجادہ نشین دربار سخی شاہ چن چراغ بادشاہؒ، سید علی مہدی کاظمی سجادہ نشین شاہ چن چراغؒ، سید ابر عباس کاظمی رکن تحریک راولپنڈی کینٹ اور دیگر عہدیداران کی سرکردگی میں نمائندہ وفد نے جامع مسجد روڈ پر مرکزی جامع مسجد حنفیہ کے مرکزی میلاد اسٹیج پر ہونے والی افتتاحی تقریب میں شرکت کی۔ ڈویژنل خطیب حافط محمد اقبال رضوی، پاک میلاد سیرت کمیٹی کے صدر ملک اختر علی، سرپرست شیخ طارق مسعود اور دیگر اہلِ سنت اکابرین نے وحدت و اخوت کمیٹی کے قائدین کا پرتپاک استقبال کیا۔ اس موقع پر علامہ سید شبیہہ الحسن کاظمی نے خطاب کرتے ہوئے سربراہ ٹی این ایف جے علامہ سید حسین مقدسی کا خصوصی پیغام پہنچایا جس میں انہوں نے باور کرایا کہ محرم میں عزاداری کی طرح ربیع الاول میں میلاد النبیؐ کے موقع پر سنی شیعہ بھائیوں کی جانب سے اتحاد و یکجہتی اور وحدت و اخوت کا عملی مظاہرہ دین و وطن کے دشمنوں کے مقابلے میں سیسہ پلائی ہوئی دیوار ہے اور تحریکِ نفاذِ فقہِ جعفریہ آقائے موسویؒ کی اس امانت کو پوری دیانت داری کے ساتھ آئندہ نسلوں تک منتقل کرتے رہے گی۔ آوازِ خلق آرگنائزیشن جامع مسجد روڈ، عاشقانِ سردارِ اولیاء میلاد اسٹیج اور لبیک یا رسولؐ اللہ میلاد کمیٹی کے مرکزی اسٹیج بنی چوک میں علامہ سید قمر حیدر زیدی نے میلادالنبیؐ کی اہمیت اور فضیلت کو اپنے خطاب میں اجاگر کرتے ہوئے ہفتۂ وحدت و اخوت کے موقع پر مثالی اتحاد کو لائقِ تحسین قرار دیتے ہوئے کہا کہ قائدِ ملتِ جعفریہ آغا سید حامد علی شاہ موسویؒ کے بقول سنی شیعہ س اور ش کی طرح ساتھ ساتھ ہیں جنہیں دنیا کی کوئی طاقت الگ نہیں کر سکتی۔ انہوں نے مزید کہا کہ ہماری آج کی متفقہ قرارداد یہ ہے کہ مصطفیٰ سے ہمیں کوئی پیارا نہیں جو نبی کا نہیں وہ ہمارا نہیں۔ اس موقع پر ہزاروں عاشقانِ مصطفیٰؐ نے سنی شیعہ بھائی بھائی کے پُرجوش نعرے لگائے۔ مرکزی جلوس میلاد النبیؐ مری روڈ پہنچنے پر عالمی شہرت یافتہ نعت خوان استاد غلام فرید جعفر کی سرکردگی میں نعت خوانی کر کے روحانی سماں پیدا کر دیا۔ مرکزی جلوس میلاد النبیؐ مری روڈ پہنچنے پر وحدت و اخوت کمیٹی ٹی این ایف جے جلوس کی قیادت مخدوم سید طفیل حسین سبزواری، باوا سید ارشاد علی نقوی، سالار حیدری ماتمی دائرہ سید مصیب عباس بخاری، ضلعی کنوینئر وحدت و اخوت ملک فخر علی خان و ڈپٹی کنوینئر ملک شان علی جعفری، سید جروان محمد کاظمی، سید اواب حیدر موسوی اور دیگر رہنماؤں نے کی اور مختلف میلاد سٹیجوں پر نعت خوانوں میں انعامات تقسیم کیے۔ اس موقع پر درود و سلام کے مناظر قابلِ رشک تھے۔ میلاد النبیؐ کا مرکزی جلوس براستہ ٹرنک بازار، فوارہ چوک سے گزرتا ہوا جامع مسجد حنفیہ پہنچ کر خصوصی دعا اور درود و سلام کے ساتھ اختتام پذیر ہوا۔ اس موقع پر وحدت و اخوت کمیٹی راولپنڈی کے ڈپٹی کنوینیئر شان علی شوکت جعفری نے اعلان کیا کہ وحدت و اخوت کی محافل و میلاد اور دیگر پروگرام حسبِ سابق 18 ربیع الاول تک جاری رہیں گے۔
دریں اثناء اسلام آباد میں پولیس گراؤنڈ سے برآمد ہو کر دربار سخی محمود بادشاہؒ آبپارہ پہنچ کر اختتام پذیر ہونے والے مرکزی جلوس میلاد النبیؐ میں مرکزی رابطہ سیکرٹری ٹی این ایف جے برائے فیڈرل کیپٹل اسلام آباد ذوالفقار علی راجہ، صدر تحریک علامہ رفاقت نقوی، جنرل سیکریٹری علامہ فصاحت گردیزی، ناظم الامور ٹی این ایف جے فیڈرل کیپٹل علامہ فخر عباس عابدی، علامہ انوار کاظم ایڈوکیٹ، تصدق حسین کاظمی، مختار فورس کے کمانڈر سید نزاکت حسین کاظمی، علامہ غلام جعفر، مولانا سید وضاحت حسین اور دیگر رہنماؤں نے شرکت کی جنکا علمائے اہلِ سنت اور اکابرین نے پُرتپاک خیر مقدم کیا۔ جلوسِ پاک درور و سلام اور خصوصی دعا کے ساتھ اختتام پذیر ہوا۔ پولیس کی بھاری نفری اور سول انتظامی افسران جلوس کے ہمراہ رہے۔

20/06/2026

*عزاداری بنیادی و آئینی حق ہے جس پر کوئی پابندی قبول نہیں کریں گے۔ حسن کاظمی*

*ٹی این ایف جے کا چودہ نکاتی ضابطہ عزاداری ایام عزا کا مکمل چارٹر اور امن و امان کی ضمانت ہے۔ جنرل سیکرٹری تحریک نفاذ فقہ جعفریہ پنجاب*

*محرم الحرام میں نئی عزاداریوں پر مطلق پابندی اور چاردیواری میں مجالس کے خلاف مقدمات آئین سے انحراف ہے۔ ٹی این ایف جے پنجاب*

*حکومت کا عزاداری پر پابندیوں کے خلاف لاہور ہائیکورٹ کے فیصلوں کو تسلیم نہ کرنا عدل و انصاف کا قتل ہے۔ جنرل سیکرٹری ٹی این ایف جے پنجاب*

*کالعدم گروپوں کو مسلمہ مکاتب کا نمائندہ بنا کر سرکاری کمیٹیوں اجلاسوں میں بٹھانا نیشنل ایکشن پلان سے مذاق ہے۔ حسن کاظمی*

*عزاداری کے پروگراموں کو 21 مئی 85 کے موسوی جونیجو معاہدے کی روح کے مطابق تحفظ فراہم کیا جائے۔ حسن کاظمی*

*کسی بھی مکتب فکر کو امتیازی قوانین کا نشانہ بنانا ملک کی بنیادیں کھوکھلی کرنے کے مترادف ہے۔ حسن کاظمی کا دیگر رہنماؤں کے ہمراہ پریس کانفرنس سے خطاب*

لاہور ( ) تحریک نفاذ فقہ جعفریہ پنجاب کے جنرل سیکرٹری سید حسن کاظمی نے کہا ہے کہ عزاداری بنیادی و آئینی حق ہے جس پر کوئی پابندی قبول نہیں کریں گے۔ ٹی این ایف جے کا چودہ نکاتی ضابطہ عزاداری ایام عزا کا مکمل چارٹر اور امن و امان کی ضمانت ہے۔ محرم الحرام میں نئی عزاداریوں پر مطلق پابندی اور چاردیواری میں مجالس کے خلاف مقدمات آئین سے انحراف ہے۔ حکومت کا عزاداری پر پابندیوں کے خلاف لاہور ہائیکورٹ کے فیصلوں کو تسلیم نہ کرنا عدل و انصاف کا قتل ہے۔ کالعدم گروپوں کو مسلمہ مکاتب کا نمائندہ بنا کر سرکاری کمیٹیوں اور اجلاسوں میں بٹھانا اور حکومتی عہدیداران کا کالعدم گروپوں کے رہنماوں کے ڈیروں پر حاضریاں دینا نیشنل ایکشن پلان سے مذاق ہے۔ ان خیالات کا اظہار انہوں نے لاہور پریس کلب میں محرم الحرام کے حوالے سے خصوصی پریس کانفرنس سے خطاب کرتے ہوئے کیا۔ اس موقع پر حسن کاظمی کے ہمراہ ٹی این ایف جے اور محرم کمیٹی عزاداری سیل کے سینئر صوبائی عہدیداران موجود تھے جن میں صوبائی سیکرٹری ٹی این ایف جے سید ذوالفقار حیدر نقوی، علامہ صبیح حیدر شیرازی، علامہ رضوان حیدر ترابی، سید شاہد عباس کاظمی و دیگر شامل تھے۔ پریس کانفرنس سے خطاب کرتے ہوئے حسن کاظمی کا کہنا تھا کہ غیرآئینی قوانین بنا کر مسلمہ مکاتب میں سے کسی ایک کو بھی امتیازی سلوک کا نشانہ بنانا اور مذہبی آزادیوں پر قدغنیں لگانا وطن عزیز پاکستان کے نظریہ اساسی سے انحراف اور ملک کی بنیادیں کھوکھلی کرنے کے مترادف ہے۔ انہوں نے کہا کہ قیام پاکستان کیلئے لاتعداد قربانیاں پیش کی گئیں ضرورت پڑی تو اسے اسلامی کے بجائے فرقہ وارانہ سٹیٹ بنانے کی کوششوں کو کبھی کامیاب نہیں ہونے دیں گے۔ اس موقع پر انہوں نے سربراہ تحریک نفاذ فقہ جعفریہ آغا سید حسین مقدسی کے چودہ نکاتی ضابطہ عزاداری کے نکات کا تجدید اعلان کیا جس میں حکومت سے مطالبہ کیا گیا کہ عزاداری کے پروگراموں کو 21 مئی 1985 کے موسوی جونیجو معاہدے کی روح کے مطابق تحفظ فراہم کیا جائے۔

26/05/2026

*عیدِ قربان ذبیحوں سے زیادہ نفوس کی قربانی کی متقاضی ہے، دنیا کو ابراہیم اکارڈ کی نہیں دینِ ابراہیم کے ریگارڈ کی ضرورت ہے،علامہ آغا سید حسین مقدسی*

*ٹرمپ نے اسرائیل کو تسلیم کرنے کا مطالبہ کر کے صیہونی کٹا کھول دیا ہے، اہلِ اسلام ایران کی طرح حیدر حیدر کرے تو خیبرِ جدید ڈھیر ہوگا*

*ابراہیم اکارڈ کے سامنےسعودی عرب سیسہ پلائی دیوار کی طرح قائدانہ و دلیرانہ کردار اداکرے، کوئٹہ ریلوے دھماکا پاکستان پر استعماری دباؤ کا شاخسانہ ھے۔ مقدسی*

*جعفر ایکسپریس سانحے کے بعد اٹھائے گئے سیکورٹی اقدامات کا تجزیہ، ایکشن پلان کے عدم نفاذ کا فرانزک کرنے کی ضرورت ہے۔آقائے مقدسی*

*عالمی تنازعات میں امن کی راہیں نکالنے کے ساتھ ساتھ ملکی وقومی سلامتی کی بھی نئی راہیں تلاش کی جائیں، داخلی سیکورٹی کو بنیان مرصوص کے زاویے میں ڈھالا جائے۔علامہ مقدسی*

*حکومت اہلِ وطن کے مصائب و آلام پر آنکھیں کھولے، قومی مسائل کے حل کے لئے فرسودہ روایتی طرزِ کہن مٹا کر دانشمندانہ روایت کی طرح ڈالی جائے ،علامہ مقدسی*

*دہشت گردی کا ہر سانحہ سانحہ ترلائی کی یاد تازہ کر دیتا ہے جس کے متاثرین کوحالات و سیاست کے رحم و کرم پر چھوڑ دیا گیا۔ آقائے مقدسی*

*لہو میں تر درجنوں لاشے اٹھا کر امن کا پرچم بلند، دھرتی کے ماتھے پہ وفا کاتلک لگایا مگر وعدے وفا نہیں ہویے۔ وزیر داخلہ محرم میں قومی اداروں کا ایکشن پلان پر جوائینٹ ورکنگ گروپ تشکیل دیں۔*

*حضرت ابراہیم و اسماعیل علیہم السلام کی عظیم قربانی حکمِ مشیت کی ترجمانی ہے، یہود، ہنود ونصاریٰ کےابلیسی ٹرائیکا کو اتحاد امت کی کنکریوں سے سنگسار کیا جائے، عید الاضحیٰ پر آغا حسین مقدسی کا خصوصی پیغام*

راولپنڈی ( ) سربراہ تحریک نفاذ فقہ جعفریہ علامہ آغا سید حسین مقدسی نے کہا ہے کہ عیدِ قربان ذبیحوں سے زیادہ نفوس کی قربانی کی متقاضی ہے، دنیا کو ابراہیم اکارڈ کی نہیں دینِ ابراہیم کے ریکارڈ کی ضرورت ہے، ٹرمپ نے اسرائیل کو تسلیم کرنے کا مطالبہ کر کے صیہونی کٹا کھول دیا ہے، اہلِ اسلام ایران کی طرح حیدر حیدر کرے گی تو خیبرِ جدید ڈھیر ہوگا، ابراہیم اکارڈ کے سامنےسعودی عرب سیسہ پلائی دیوار کی طرح قائدانہ و دلیرانہ کردار ادا کرے، کوئٹہ ریلوے دھماکا پاکستان پر استعماری دباؤ کا شاخسانہ ھے، جعفر ایکسپریس سانحہ کے بعد اٹھائے گئے سیکورٹی اقدامات کا تجزیہ، اوور ہالنگ اور ترجیحات کی پڑتال کی ضرورت ہے، ایکشن پلان کے عدم نفاذ کا فرانزک کر کے زخموں سے چُور قوم کو اعتماد میں لیا جائے،
عالمی تنازعات میں امن کی راہیں نکالنےکے ساتھ ساتھ ملکی وقومی سلامتی کی بھی نئی راہیں تلاش کی جائیں۔ عید الاضحیٰ پر جاری اپنے خصوصی پیغام میں سربراہ تحریک نفاذ فقہ جعفریہ علامہ آغا سید حسین مقدسی نے کہا کہ ملک کی داخلی سیکورٹی کو بھی بنیان مرصوص کے زاویے میں ڈھالا جائے۔ انہوں نے کہا کہ اندرونی و بیرونی دشمنوں کے سہولت کار عناصر کی راہیں سائنسی بنیادوں پر مسدود کی جائیں۔ علامہ مقدسی نے کہا کہ خطے میں قیامِ امن اور تنازعات کے حل کے لیے پاکستان کے بنیادی کردار سے شاکی قوتوں سے خبردار رہنے کی ضرورت ہے۔ سربراہ ٹی این ایف جے نے کہا کہ حکومت قومی مسائل کے حل کے لئے فرسودہ روایتی طرزِ کہن مٹا کر دانشمندانہ روایت کی طرح ڈالے۔ انہوں نے یہ بات زور دیکر کہی کہ حزبِ اقتدار اہلِ وطن کے مصائب و آلام پر آنکھیں کھولیں اور کاسمیٹک اعلانات کے برعکس درست اقدامات کریں۔ علامہ مقدسی نے کہا کہ دہشت گردی کا ہر سانحہ، سانحہ ترلائی کی یاد تازہ کر دیتا ہے جس کے متاثرین کو حالات و سیاست کے رحم و کرم پر چھوڑ دیا گیا۔ آقائے مقدسی نے کہا کہ ہم نے لہو میں تر درجنوں لاشے اٹھا کر بھی امن کا پرچم بلند کیا، دھرتی کے ماتھے پہ وفا کا تلک لگایا مگر حکومتی وعدے پورے نہیں ہویے، ہماری امن پسندی کو کمزوری نہ سمجھا جائے۔ علامہ مقدسی نے کہا کہ وزیراعظم اور وزیر داخلہ جواب دیں کہ نیشنل ایکشن پلان پر عمل کیوں نہیں ہوا؟ انہی کوتاہیوں، تساہل و تعصب کی وجہ سے سانحات در سانحات رونما ہو رہے ہیں۔ سربراہ تحریک نے باور کرایا کہ وزیر داخلہ محرم الحرام سے قبل تحریک نفاذ فقہ جعفریہ کے ساتھ کیے گئے وعدے پورے کرے، اپنے گھر میں امن کے لیے بھی تھوڑی توجہ فرمائی جائے۔ علامہ مقدسی نے سانحات پر تشویش کا اظہار کرتے ہوئے مطالبہ کیا کہ قومی اداروں کا نیشنل ایکشن پلان پر جوائینٹ ورکنگ گروپ تشکیل دیا جائے اور تحریک نفاذ فقہ جعفریہ کو مکمل اعتماد میں لیا جائے۔سربراہ تحریک نفاذ فقہ جعفریہ پاکستان نے پیغام عید الاضحیٰ واضح کیا کہ حضرت ابراہیم و اسماعیل علیہم السلام کی عظیم قربانی حکمِ مشیت کی ترجمانی ہے، حضرت ذبیح اللہ کی قربانی الله نے قبول فرما کر حضرت ابراہیم کو خلعتِ امامت حضرت اسماعیل کو ذبحِ عظیم کی نوید دی، اہلِ اسلام فلسفہ قربانی کو زندہ کریں اور حضرت ابراہیم و اسماعیل علیہم السلام کی راہ اپنا کر ابلیسی طاغوت کو نامراد کردیں، یہود، ہنود و نصاریٰ کے ابلیسی ٹرائیکا کو اتحاد امت کی کنکریوں سے سنگسار کیا جائے۔

22/05/2026

*مقدس مشنِ ولایت و عزاداری، قومی و ملکی وقار کے دفاع کیلئے کسی قربانی سے دریغ نہیں کریں گے۔ علامہ آغا سید حسین مقدسی*

*موسویؒ جونیجو معاہدہ تحفظِ عزاداری کی مسلّم دستاویزی ضمانت ہے، ماتمیوں کے اٹھتے ہوئے ہاتھ یزیدی چہروں پر طمانچے عزاداری کو دنیا کی کوئی طاقت نہیں روک سکتی*

*قیادت کے نام نہاد دعویدار قیادت جنت البقیع پر خاموش کیوں ہیں۔۔؟ شہادتِ امام علی رضاؑ پر دنیاوی سیاست کو ترجیح دینے والے تعلیماتِ معصومینؑ سے نابلد ہیں*

*ملتِ کو کھوکھلے نعروں، منافقانہ سیاست کے پیچھے لگانا، قومی جھنڈوں کی بے حرمتی، محافظینِ مملکت کو نشانہ بنانا سازش اور بدیانتی ہے*

*ٹی این ایف جے قائدِ ملتِ جعفریہ آغا سید حامد علی موسویؒ کے پاکیزہ اصولوں ولایتِ علیؑ، عزائے حسینؑ، حرمتِ سادات، احترامِ مرجعیت اور مرکزیت پر گامزن ہے*

*مکتبِ تشیُع کے مسائل کے حل کیلئے حکومت 21 مئی 85ء کے جونیجو موسویؒ معاہدے پر عملدرآمد کرے، تمام مکاتب کے حقوق کی ادائیگی کو یقینی بنایا جائے*

*وطنِ عزیز میں کسی مخصوص مکتب کی بالادستی قبول نہیں کریں گے، مکتبِ تشیُع کے بنیادی آئینی حقوق کے حصول کی جدوجہد جاری رکھی جائے گی*

*تحفظِ عزاداری ہمارا نصب العین ہے، آمدہ محرم الحرام کیلئے پالیسی مرتب، باقاعدہ اعلان بذریعہ پریس کانفرنس کیا جائے گا*

*اسلام و پاکستان کیخلاف سازشوں کے خلاف برسرِ پیکار رہیں گے، سربراہ ٹی این ایف جے کا اعلیٰ سطحی اجلاس سے صدارتی خطاب*

راولپنڈی ( ) سپریم شیعہ علماء بورڈ کے سرپرستِ اعلیٰ سربراہ تحریکِ نفاذِ فقہِ جعفریہ پاکستان علامہ آغا سید حسین مقدسی نے اس عہدکا اعادہ کیا ہے کہ مقدس مشنِ ولایت و عزاداری کے تحفظ، ملک و قوم کی عزت و حرمت اور دفاع کے لیے کسی قربانی سے دریغ نہیں کیا جائے گا، موسویؒ جونیجو معاہدہ تحفظِ عزاداری کی مسلّم دستاویز ہے، ماتمیوں کے اٹھتے ہوئے ہاتھ یزیدی چہروں پر طمانچے ہیں عزاداری کو دنیا کی کوئی طاقت نہیں روک سکتی، داعیانِ قیادت جنت البقیع پر خاموش کیوں ہیں۔۔؟ شہادتِ امام علی رضاؑ پر دنیاوی سیاست کو ترجیح دینے والے تعلیماتِ معصومینؑ سے نابلد ہیں، ملتِ کو کھوکھلے نعروں، منافقانہ سیاست کے پیچھے لگانا، قومی جھنڈوں کی بے حرمتی، محافظینِ مملکت کو نشانہ بنانا سازش اور بدیانتی ہے، ٹی این ایف جے قائدِ ملتِ جعفریہ آغا سید حامد علی موسویؒ کے پاکیزہ اصولوں ولایتِ علیؑ، عزائے حسینؑ، حرمتِ سادات، احترامِ مرجعیت اور مرکزیت پر گامزن ہے، مکتبِ تشیُع کے مسائل کے حل کیلئے حکومت 21 مئی 1985ء کے جونیجو موسویؒ معاہدے پر عملدرآمد کرے، تمام مکاتب کے حقوق کی ادائیگی کو یقینی بنایا جائے، وطنِ عزیز میں کسی مخصوص مکتب کی بالادستی کو قبول نہیں کریں گے، مکتبِ تشیُع کے بنیادی آئینی حقوق کے حصول کی جدوجہد جاری رکھی جائے گی، اسلام و پاکستان کیخلاف سازشوں کے خلاف برسرِ پیکار رہیں گے، تحفظِ عزاداری ہمارا نصب العین ہے، آمدہ محرم الحرام کیلئے پالیسی مرتب، باقاعدہ اعلان بذریعہ پریس کانفرنس کیا جائے گا۔ ان خیالات کا اظہار انہوں نے ہیڈکوارٹر مکتبِ تشیُع علیؑ مسجد میں تحریکِ نفاذِ فقہِ جعفریہ کے اعلیٰ سطحی اجلاس کی پہلی نشست سے صدارتی خطاب کرتے ہوئے کیا۔ علامہ آغا سید حسین مقدسی نے کہا کہ سانحہ ترلائی میں تحریک نے مثالی، پُرامن طرزِ عمل سے داخلی و خارجی دشمن کی کو ناکام اور قومی غیرت و حمیت، آبرو مندی کا پرچم سربلند کیا۔ انہوں نے کہا کہ سانحہ ترلائی میں تین ممالک کی فارن فنڈنگ کا انکشاف ہوا، حقائق تاحال قوم کے سامنے نہیں لائے گئے، حکومت حقائق کو کارپٹ تلے نہ دبائے، ایکشن پلان پر عمل کا وعدہ پورا کیا جائے، انہوں نے کہا کہ داعیانِ قیادت جنت البقیع پر خاموش کیوں ہیں۔۔؟ شہادتِ امام رضاؑ کے روز سیاست کو ترجیح کیوں دی گئی۔۔؟ ایمانی و ملی شعائر سے انحراف کرنے والے قوم کے ترجمان نہیں ہو سکتے۔ ملتِ جعفریہ کو کھوکھلے نعروں، منافقانہ سیاست کے پیچھے لگانا سازش ہے، تشیُع تدبر و تعقل سے عبارت ہے، قوم کو جذبات کے سپرد کرنا قومی جھنڈوں کی بے حرمتی، محافظینِ مملکت کو نشانہ بنانا سازش ہے۔ علامہ مقدسی نے کہا کہ رہبرِ تشیُع قائدِ ملتِ جعفریہ آغا سید حامد علی شاہ موسویؒ کے نقشِ قدم کو مشعلِ راہ بنایا تو خود ریاست نے آپ کے دروازے پر آ کر حقوق دیے۔ انہوں نے واضح کیا کہ تحریک غربت مگر غیرت کیساتھ جدوجہد کر رہی ہے، گنتی کے افراد کے ماہانہ چند ہزار عطیات سے عالمگیر تحریک چلانا فقرِ امام موسیٰؑ ابنِ جعفرؑ اور تائیدِ سیدِ سجاد علیہ السلام کا کرشمہ ہے۔ آقائے موسویؒ کی مسلسل چالیس سالہ جدوجہد سے اجلاسوں میں یا علیؑ مدد کا درس دیا ہے کہ ہمارے ہاتھ مولا و آقا کے سامنے دراز ہوتے ہیں، بیرونی آقاوں کی امداد اور مَن و سلویٰ پر پابندی کا مطالبہ اغیار کے دستر خوان کے پروردہ نہیں کر سکتے، تحریکِ نفاذِ فقہِ جعفریہ کے مسئولین، عزاداران و ماتمیانِ شبرؑ و شبیرؑ کو فی زمانہ بدرجہ اتم بصیرت و تدبر اور عظمتِ کردار کیساتھ آگے بڑھنا ہو گا۔ تحریکِ نفاذِ فقہِ جعفریہ افراط و تفریط و عقائدی اختلافات کے بر عکس عقائدِ حقہ کی پرچارک اور زیارتِ جامعہ کبیرہ کے نظریات کا حسیں گُلشن ہے، دین و شریعت کے زاویے غیرِ معصوم نے نہیں امامِ معصومؑ نے بنانے ہیں، امام نقی علیہ السلام کی تعلیم کردہ دعائے زیارتِ جامعہ کبیرہ اساسِ عقیدہ اور نسخۂ نجات ہے۔ امامِ نقی علیہ السلام نے فرمایا کہ متقدمین و مقصرین خسارے والے ہیں، امامِ معصومؑ نے فرمایا کہ متقدمین یعنی افراط و غُلُو کے شکار راغب و مارق اور مقصرین یعنی تفریط و تقصیر زاھق جبکہ متمسکین یعنی اعتدال پسندوں کو لاحِق کہا گیا جو کامیاب و سرفراز و نجات یافتہ ہیں۔ یہی گروہ لاحقین ہیں جو دنیا و آخرت میں آئمہ علیہم السلام کے ساتھ محشور ہوں گے، عیدِ غدیر کو فرمانِ امامِ رضاؑ کی تاکید کے ساتھ جوش ولولے اور تزک و احتشام کے ساتھ منائیں، عزادارانِ حسینؑ محرم سے قبل ہر سطح پر اجلاس کریں، عزاداری سیل قائم کریں، کسی بھی ممکنہ مسائل میں ہیڈکوارٹر علیؑ مسجد سے مربوط رہیں۔ موسویؒ جونیجو معاہدہ تحفظِ عزاداری کی مسلّم دستاویز، تحفظِ عزاداری کا پروانہ ہے۔ ماتمیوں کے اٹھتے ہوئے ہاتھ یزیدی چہروں پر طمانچے ہیں جنہیں روکنا ناممکن ہے۔ آقائے موسویؒ نے فرمایا تھا کہ بزدل و کمزور عزاداری نہ کرے، یہ مردوں کا کام ہے، عزاداری ذریعۂ نجات ہے جس پر پابندی نہ قبول کی نہیں کریں گے۔ عزاداری پر پابندی قبول کرنا حضرتِ زہراؑ کے حق سے خیانت کرنے کے مترادف ہے، قائدِ ملتِ جعفریہ آغا سید حامد علی موسویؒ کے تعلیم کردہ پانچ اصولوں ولایتِ علیؑ، عزائے حسینؑ، حرمتِ سادات، احترامِ مرجعیت اور مرکزیت پر قائم دائم رہتے ہوئے مشنِ مقدس کا کارواں رواں دواں رہے گا۔ ماہِ ذی الحجہ صرف ذبیحے کی نہیں بلکہ نفوس کی قربانی کی متقاضی ہے، قربِ حق کے خاطر تاکید ہے کہ محبوب ترین شے کی قربانی کی جائے۔ حضرت ابراہیمؑ خلیل اللہ نے اپنے ایک بیٹے حضرت اسماعیل علیہ السلام کی قربانی دی جبکہ نواسۂ رسولؐ آقا و مولا حسین علیہ السلام کربلا میں فخرِ ذبیح اللہ کی قربانی دے کر معنی ذبیح قرار پائے۔ قومی غیرت، عظمتِ کردار تحریکِ نفاذِ فقہِ جعفریہ کے نشان ہائے افتخار و امتیاز ہیں، دجالی گماشتے مشرقِ وسطیٰ میں بحری بیڑوں سے مہدیِؑ موعود کا راستہ روکنا اور منتظرینِ قائمؑ کو مرعوب کرنا چاہتے ہیں، امامِؑ زمانہ اعجازِ ولایتِ تَکوِین اور ولایتِ کُبریٰ کے ساتھ ظہور فرمائیں گے، مکتبِ اہلِ بیتؑ و عزاداری کا فروغ اور مذہبِ حقہ کی پذیرائی اور غلبہ بقیۃ اللہ فی الارض کے ورودِ مسعود و ظہورِ مقدس کی نشانیاں ہیں، مادیت پرست مُلّا کریسی اقتدار کے لیے دست و گریباں اور ٹریڈنگ میں مصروف ہیں، گلگت الیکشن میں اشعری سازشوں، سودا بازی کی بُو آ رہی ہے، علیؑ ولی کے ماننے والوں کو بے وقوف نہیں بنایا جا سکتا، قومی سانحات و دہشت گردی پر دُم چھلہ نیم سیاسی چغادریوں کی زبانیں گُنگ کیوں ہو جاتی ہیں۔۔؟ قوم کی امنگوں کا لحاظ نہ ہی شہداء کے جنازوں میں شرکت، قوم منافقانہ سیاست کو ہر محاذ پر ناکام کرے گی، قائدِ ملتِ جعفریہ آغا سید حامد علی شاہ موسویؒ کے رہنما اصولوں اور تعلیمات کی روشنی میں مشنِ ولاء و عزاء ہر قیمت پر جاری و ساری رکھا جائے گا۔ ٹی این ایف جے کے ترجمان کے مطابق اعلیٰ سطحی اجلاس کے آغاز پر سیکرٹری جنرل علامہ راجہ بشارت حسین امامی نے ملک بھر سے آئے مندوبین کے اعزاز میں خطبۂ استقبالیہ پیش کیا۔