04/05/2026
کبھی کبھی میں سوچتی ہوں… صبح 9 بجے سے رات تک مسلسل کام کرنا، خود کو تھکاتے رہنا، ایک ذمہ داری ختم ہو تو دوسری سامنے آ جانا … یہ کیسی زندگی ہے؟ جسم تھک جاتا ہے، دماغ بوجھل ہو جاتا ہے، اور دل بس اتنا چاہتا ہے کہ کوئی ایک لمحہ پوچھ لے: “تم ٹھیک ہو؟” مگر اکثر ایسا نہیں ہوتا، کیونکہ جو لوگ واقعی محنت کر رہے ہوتے ہیں، ان کی تھکن دنیا کو نظر نہیں آتی۔
اور پھر جب اردگرد دیکھتی ہوں تو دل اور زیادہ بھاری ہو جاتا ہے۔ کوئی سارا دن دوستوں کے ساتھ گھوم رہا ہے، کوئ انہوں کے ساتھ پر وقت گزار رہا ہے، کوئی اپنے آپ پر وقت لگا رہا ہے، skincare routine، shopping، outings… اور ہم جیسے لوگ بس کام… مسلسل کام۔ کبھی کبھی دل میں خیال آتا ہے کہ کیا ہم زندگی جینا بھول گئے ہیں؟ کیا ہمارے حصے میں صرف محنت ہی لکھی ہے؟
لیکن پھر خود کو یاد دلاتی ہوں کہ ہر کسی کی زندگی ایک جیسی نہیں ہوتی۔ کچھ لوگوں کے پاس سہارا ہوتا ہے، کچھ کے پاس راستہ بنا بنایا ہوتا ہے… اور کچھ لوگوں کو اپنا راستہ خود بنانا پڑتا ہے۔ میں شاید ان میں سے ہوں جنہیں رکنے کی اجازت نہیں، کیونکہ میرے پیچھے کچھ دعائیں ہیں، کچھ امیدیں ہیں، اور کچھ خواب ہیں جنہیں پورا کرنا ضروری ہے۔
میں چاہتی ہوں کہ ایک دن میرے والدین کو سکون ملے، اور مجھے کسی کے سامنے ہاتھ نہ پھیلانا پڑے۔ میں چاہتی ہوں کہ میری محنت کسی کے لیے آسانی بنے، کسی کے چہرے پر خوشی بنے۔
اور بس یہی سوچ کر دل کو تسلی دے دیتی ہوں کہ آج کی تھکن شاید کل کی راحت ہو۔ آج کی قربانی شاید کل کی خوشی ہو۔ لوگ کچھ بھی سمجھیں… مگر اللہ سب جانتا ہے۔ وہ دیکھ رہا ہے کہ کون اپنی نیند قربان کر رہا ہے، کون اپنے آرام کو چھوڑ کر اپنی ذمہ داری نبھا رہا ہے۔ اور مجھے یقین ہے کہ جو لوگ خاموشی سے محنت کرتے ہیں… اللہ ایک دن ان کے لیے ایسا راستہ ضرور بناتا ہے جو ان کی سوچ سے بھی بڑا ہوتا ہے۔ 🤍✨
اگر آپ بھی محنت کر رہے ہیں تو اللہ پر یقین رکھیں وہ آپ کا وقت ضرور بدلے گا
