12/05/2026
الحمدللہ!
سابقہ امیدوار ملک لیاقت علی خان نے جامعہ حقانیہ سرائے مسجد، جہاں 300 سے زائد طلبہ کرام زیرِ تعلیم ہیں، کے لیے سولر پلانٹ فراہم کرکے ایک بہترین دینی و فلاحی مثال قائم کی۔ اس احسن اقدام پر شمیری قوم، علماء کرام اور عوام نے دلی شکریہ ادا کیا۔
یہ خدمت نہ صرف دینِ اسلام کی خدمت ہے بلکہ موجودہ بجلی بحران میں طلبہ کرام کے لیے ایک عظیم سہولت بھی ہے۔ اللہ تعالیٰ ملک صاحب کو اس کارِ خیر کا بہترین اجر عطا فرمائے، ان کے رزق، عزت اور کامیابیوں میں مزید برکت نصیب فرمائے۔ آمین۔
اسی سلسلے میں، میں بطور خادمِ دین و تعلیم، جامعہ حقانیہ شعبہ للبنات سپین وام اور شعبہ للبنات شیراتلہ کے لیے بھی خصوصی اپیل کرتا ہوں کہ ان دونوں دینی اداروں کے لیے سولر سسٹم فراہم کرنے کا پروگرام بنایا جائے۔
الحمدللہ! جامعہ حقانیہ شعبہ للبنات سپین وام میں 200 سے زائد طالبات جبکہ شعبہ للبنات شیراتلہ میں 100 سے زائد طالبات دینی تعلیم حاصل کر رہی ہیں۔ موجودہ حالات میں بجلی کی شدید مشکلات کی وجہ سے طالبات کی تعلیم، مطالعہ، پنکھوں اور دیگر بنیادی سہولیات متاثر ہوتی ہیں۔ اگر ان مدارس کے لیے سولر سسٹم فراہم کیا جائے تو سینکڑوں طالبات کو مستقل سہولت میسر آئے گی اور یہ ایک عظیم صدقۂ جاریہ ثابت ہوگا۔
ہم امید کرتے ہیں کہ ملک لیاقت علی خان ہمیشہ کی طرح دینی مدارس، علماء کرام اور طالباتِ اسلام کی سرپرستی جاری رکھتے ہوئے ان اداروں کے لیے بھی خصوصی تعاون فرمائیں گے۔
اللہ تعالیٰ تمام مخیر حضرات کو دین کی خدمت کی توفیق عطا فرمائے۔ آمین۔
منجانب: مفتی حکمت اللہ حقانی و شمیری قوم، علماء کرام و عوام
